radheef.info
ރަދީފު


ޓ
ނ ތާނައިގެ ވިހިވަނަ އަކުރު
ސައިބޯނިއޮށް
ނ ސައިބޯނި ގަހުގެ އޮށް މިއީ ކުންނާރު އޮށާ އެއްބޮޑު މިނެއްގައި ކުލަކުލައިގައި ހުންނަ އޮށްތަކެކެވެ މިއޮށްތައް ފެން އެއްޗަކަށް އެޅުމުން ފޮނުއަރާނެއެވެ މިބޭނުން ކުރަނީ ގިރިޓީކުރާއިރު އެ ގިރިޓީ ކުރާ އެއްޗެހި ސާފުކުރުމަށެވެ
ސައިބޯޖޯޑު
ނ ސައިބޯން ބޭނުންކުރާ އުޅައްލީ ތަށްޓެއް މިހުންނަނީ ވަތުތަށްޓާ އެކުގައެވެ
ސައިކަލު
ނ މޮޓޯސައިކަލު
ސައިސަމުސާ
ނ (1) ފަސްމިލިލިޓަރު އެޅޭ ވަރުގެ ނުވަތަ މޭޒުމަތީ ސަމުސަލެއްގެ ތިންބައިކުޅަ އެއްބައި އެޅޭ ވަރުގެ ސަމުސާ (2) ސައި ގިރަން ގެންގުޅޭ ސަމުސާ
ސައިޕޯޓު
ނ (1) ކުރުއަލަމާރި ބުރިއެއް މީގެ މަތީގައި ތައްޓާއި ޖޯޑުފަދަ އެއްޗެހި ބަހައްޓައިގެން މޭޒެއްގެ ގޮތުގައި ބޭނުންކުރެވެއެވެ (2) ކަފޭރާ
ސައުރަހައްޓި
ނ (1) ހަދިހަ ހަތަރެއް )46( (2) ތޭ ހައްޓިއާއި ފަންސަހައްޓިއާ ދެމެދުގެ ޢަދަދު (3) ފަސްދޮޅަސް ހަތަރެއް
ސައްބުލަނގިރި
ނ ފާޑުފާޑުގެ ހެއްވާ ހެދުންތަކެއް އަޅައިގެން ބެރުގެ ބަދަލުގައި ޓައްޕު ޖަހަމުން ލޮއްބޭގެ ލަވަކިޔަމުން ލަކުޑިން ލިޔެފައި އޮންނަ ކުރަޔަކުން އެސްފީނާޔަށް ފެންއަޅާގޮތަށް ދައްކަމުން ކުޅުނު ހެއްވާ ކުޅިވަރެއް މި ކުޅިވަރު ކުޅުނީ ގަލޮޅުގެ ބަޔެކެވެ
ސައްކިރިއަޑާ
ނ )ގ ( ފަތްކޭލުގެ ކެޔޮގަނޑުގެ ބޯއްޓާއި އެންމެ ކައިރިއަށް ހުންނަ އެންމެ ވައް ކުދިއަރި
ސައްލަން
ނ )ޅ ( ފުނޑި ސަޓަނި
ސަލާމަތްވެގަތުން
މ (1) ރައްކާތެރިވެގަތުން (2) ނުރައްކަލަކުން ދިނިގަތުން (3) މަޖާޒު: ކަމެއް ބޮލުން ނައްޓައިލުން
ސަލްފަރު
ނ (1) ރީނދޫކުލައިގައި ހުންނަ ފުށެއް ކެމިކަލްގޮތުން މި އެންމެ އެއްގޮތީ އޮކްސިޖަނާއެވެ ބަޑިބޭހާއި އަލިފާން ދަނޑިއާއި ކަރުދާސް ހަދާ ފެކްޓަރީތަކުގައި މި ބޭނުންކުރެއެވެ (2) ކައްސަނދުވާނި
ސަޑު
ނ (1) ފުނާއަޅާއިރު ކުރިމައްޗަށް ވާގޮތަށް އިސްތަށިގަނޑުން ލައްވައިފައި ހުންނަ ބަނޑި. (2) ހަވާ ސީދަލަށް ހިފެހެއްޓުމަށްޓަކައި އޭގައި ހަރުކުރާ ހުންގާނެއް ކަހަލަ އެއްޗެއް ރުކުފަތިންނާއި އިލޮށިންވެސް މި ހަދައިފައި ހުރެއެވެ
ސަޓަނި
ނ ފިޔަޔާއި މިރުހާއި ކޮށައި އޭގެތެރެއަށް ހުތްޖަހައި ލޮނުލައިގެން މޮޑެފައި ހުންނަ ކާ އެއްޗެއް މިއީ ކެއުމުގެ ތެރޭގައި ބޭނުންކުރާ އެއްޗެކެވެ މިއަށް ތަފާތު ބާވަތް ބާވަތުގެ އެއްޗިހި ލައިގެން ތަފާތު ސަޓަނި ހަދައި އުޅެއެވެ
ސަޓާބޯޓު
ނ އިހުގައި ހިތި ވިލޭރެއަށް މާލޭގައި ހަދައި އުޅުނު އުޅަނދެއް މިހުންނާނީ މަގުގެ އެއް ފަރާތުގައި ބޯކަރުދާހާއި ސަޓާޖަހައިގެން ވަރަށް ރީތިކޮށް ހަދައިފައެވެ މިއީ ރަދުން އެ އުޅަނދު ފަސްދެއްވައި ވަޑައިގަތީމާ ރޯކޮށްލާ އެއްޗެކެވެ
ސަޓާޖެހުން
މ ސަޓާހަރުކުރުން
ސަޕުލައި
ނ (1) ގެއަކަށް ނުވަތަ ތަނަކަށް ކަރަންޓް ދިނުމަށް ދަމައިފައިވާ ފަލަނަރު (2) ބޭނުންވާ ހުރިހާ ސާމާނު މިސާލު: ރިސޯޓުގެ ސަޕުލައި
ސަޕުލައިކުރުން
މ (1) ހޮޓާފަދަ ތަންތަނަށް މުދާ ދޫކުރުން (2) ވަކި ބާވަތެއްގެ މުދާ ޢާންމުކޮށް ދޫކުރުން
ސާޅީހަށްހިނައިގަތުން
މ ނިފާސްކަމުގެ ލެއި ކެނޑުމުން އެކަމަށްޓަކައި ހިނަންޖެހޭ ހިނެއިން ހިނައިގަތުން
ސާލާމިސުރީ
ނ ގަހެއްގައި އަޅާ ދެ އިންޗިއެއް ވަރުގެ އެއްޗެއް މި ހުންނާނީ އެއްކޮޅަށް ފަލަކޮށް އަނެއްކޮޅަށް ހިމަކޮށެވެ ހިމަކޮޅުގައި ކައްޓެއް ފާޑުގެ އެތިކޮޅެއް ހުރެއެވެ މިއީ ބޭހަށް ބޭނުންކުރާ އެއްޗެކެވެ
ސާޖަންޓު
ނ (1) ފުލުހުންގެ ތެރޭގައި ހިމެނޭ މަގާމެއްގެ ނަން އެމެރިކާގައި މިއީ ކެޕްޓަނުގެ ދަށުގައި ހުންނަމީހާގެ މަޤާމެވެ (2) ސިފައިންގެ ތެރޭގައި ހިމެނޭ މަގާމެއް މިއީ ކޯޕްރަލަށްވުރެ މަތިނަމަވެސް ސްޓާފު ސާޖެންޓަކަށްވުރެ ދަށް މަޤާމެކެވެ