radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ކިރިކެޓު
ނ ދަނޑުގައިކުޅޭ ކުޅިވަރެއް މިކުޅިވަރުގައި ބައިވެރިވާނީ ދެޓީމެވެ ޓީމެއްގައި 11 ކުޅުންތެރީންނެވެ އެއްބަޔަކު ބޯޅަ ހޮވަން ތިބޭއިރު އަނެއްބައިގެ ދެކުޅުންތެރީން ކުޅެން އަރާތިބެއެވެ ބިމަށް ޖަހާފައި ހުންނަ ތިންދަނޑީބުރީގެ ކުރިމަތީގައި ކުޅޭމީހާ އޮވެގެން ހޮވާޓީމުގެ މީހަކު އެއްލާބޯޅައިގައި ފިލާގަނޑަކުންޖަހައި ލަނޑު ހަދައެވެ ނުވަތަ ދުވެގެން ލަނޑު ހަދައެވެ ދަނޑިބުރިތައް ޖަހައިފައި ހުންނަނީ މެދުރިއަޅައިފައި އޮންނަ ތަނެއްގައި ދެކޮޅުގައެވެ
ކިރިސް
ނ (1) ދެފަރާތުގައި މިޔައެޅި ތުނޑުތޫނު ވަޅިއެއް މީގެ ތިލައިގައި ހުންނާނީ ހައެއްކަ އިންޗިއެވެ (2) )ސ ( ކިހިލި
ކިރީމު
ނ (1) ކިރުންނެގޭ ތެޔޮ ހުންނަ މޮޅުބައި (2) ގިތެޔޮހެން ހުންނަ އެއްޗެއް މިސާލު: )ހ( ހަމުގައި އުނގުޅަން ގެންގުޅޭ ކިރީމު )ށ( ކާންގެންގުޅޭ ކިރީމު
ކިރު
ނ (1) ބަނޑުއަޅާ ވިހާ ހައިވާނުގެ ދަރިންނަށްޓަކައި އުރަމައްޗަށް އެރޭހުދު ކުލައިގެ އޮލަދިޔަ (2) އުރަމަތި (3) ބައެއްގަސްގަހާއި މޭވާގެ ތެރޭން ނުކުންނަދިޔަ (4) ގޮދަނުންނެގޭ ތަތް މާއްދާއެއް (5) ކާއްޓާއި ބަދަންފަދަ ބައެއްތަކެތި ފެލީމާ ނުކުންނަ ހުދުކުލައިގެ ދިޔަ (6) ފުށާއި ހަކުރާއި ކާށިކިރާއި އަޅައިގެން ކައްކާ ފޮނިކާ އެއްޗެއް (7) ބައެއް މޭވާއާއި ތަރުކާރީގެ ތެރޭގައި ހުންނަ ތަތްލަވާ އޮލަމާއްދާއެއް
ކިރުނު
ނ އަތްކަންކުރާ މީހުނާއި ދަގަނޑުތަޅާ މީހުން ތަޅާ އެތިގަނޑު ތަޅަން ބާއްވާ ދަގަނޑުގަނޑު މީގެ ތެރެއިން އަތްކަން ކުރާ މީހުން ބޭނުންކުރާ ކިރުނު ހަދައިފައި ހުންނަނީ ހަތަރު އަރިޔަށް ހަތަރު ފަސް އިންޗީގެ އުސްމިނުގައި އޮންނަ ލަކުޑި ގަނޑެއްގެ މެދަށް ދަގަނޑުބުރިޔެއް ޖަހައިގެންނެވެ
ކިރުރިހަބަތް
ނ އިހު ޒަމާނުގައި މުލަ ރޯދަ ދުވަހު ޣާޒީ ބަންޑާރައިންގެ އަހަރުމަތިފުޅަށް ކައްކައިއުޅުނު ކޭމެއް މިކޭމުގައި ހުންނަނީ ބަރަބޮލު ރިހައާ ބަތާއި ކިރެވެ
ކިރުބިސް
ނ ފިރިހެންމަހުގެ ބަނޑުގައި އޮންނަ ކިރުކުލައިގެ ބިސް
ކިރުބޯކިބާ
ނ ހަނޑުލު ފުށުގައި ނުވަތަ ގޮދަންފުށުގައި ކިރުއަޅައިގެން އަޅާ ފޮނިބޯކިބަލެއް
ކިރުބޯތުން
ނ ކިރުބޯފުޅީގައި ޖަހަން ބޭނުންކުރާ ތުން
ކިރުޅި
ނ މަސްމަހާމެއްސާއި ދޫނިސޫފާސޫފީގައި ހުންނަ ކުލައެއް މިއީ ހުދުކުލައާއި ކަޅުކުލައިގެ ތަންތަންކޮޅު އެކުވެގެން ފެންނަ ގޮތެކެވެ
ކިރުޅިޔަބިބީ
ނ ބިބީމަހުގެ ބާވަތެއް މި މަސް ފަރު ފަޅުތަކުގެ ބޭރުގެ ފުންހިސާބުތަކުގައި ދިރިއުޅެއެވެ މަހުގެ މައިގަނޑު ކުލައަކީ ރަތްރީނދޫ ކުލައެވެ
ކިރުޅިޔަމަސް
ނ ފަރުމަހުގެ ބާވަތެއް މިއީ ކުދިއައިން ހަދައިގެން ފަޅުތެރޭގައާއި ވިލުވިލުގައި ދިރިއުޅޭ މަހެކެވެ މަހުގެ ކުލައަކީ ގަދައަޅިކުލައެވެ ބަނޑުދަށް ފަރާތުގައި ހުންނަނީ މަޑުއަޅިކުލައެވެ މަހުގެ ދިގަށް ހުންނަ ހުޅުނބު ބަރި ދެމެދުގައި ރަންކުލައިގެ ރޮނގެއް ހުރެއެވެ
ކިރުކަކުނި
ނ ގޮނޑު ދޮށުގައި އުޅޭ ހުދުކޮށް ހުންނަ ކުދި ކަކުނި
ކިރުކުމުންޒާނި
ނ ކުމުންޒާނީގެ މޮޅުބާވަތް މީގެ އެތެރޭގައި ހުދުތަންތަން ކޮޅު ހުންނާނެއެވެ
ކިރުވުން
މ ކިރުން މިބަސް ކުރުވުމުގެ މާނައިގައި ބުނާގޮތް
ކިރުވެން
ނ ވެނުގެ ބާވަތެއް. މިބާވަތުގެ ވެނުގައި ހުންނަނީ ހުދު ކިލާ ކުލައެކެވެ
ކިރުމަސްރިހަ
ނ ރޯމަސް ނުވަތަ ތެތްވަޅޯމަހުގައި ފެންކިރު އަޅައިގެން ކައްކާ ރިހަޔެއް މިއަށް އަޅަނީ ރޯމިރުހާ ބިލިމަގެވެ ދެން މައްޗަށް ރަތްކުރި ފިޔާކޮޅަކާއި ބޯކިރުފޮދެކެވެ
ކިރުފުންނަ
ނ ފުންނައިގެ ބާވަތެއް. މީގެ ކުލައަކީ ކިރުފެން ކުލައެވެ މީގައި ކަޅު ތިކިތަކެއް ހުންނާނެއެވެ
ކިރުފެލިހުނި
ނ ކިރުނަގައިފައި ހުންނަ ކާށިހުނި
ކިރުދަމާފުޅި
ނ އުރަމަތީން ކިރުނެރޭން ގެންގުޅޭ އެއްކޮޅުގައި ރަބަރު ބޯޅައެއް ލައިފައި އޮންނަ ފުޅިޔެއް