radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ޓަވަރު
ނ ދުރު ބެލުމަށް އުސްކޮށް ހަދައިފައި ހުންނަ ތަންތަން ޢާންމުކޮށް މިފަދަ ތަންތަން ހުންނަނީ ކިއްލާއާއި ބުރުޒުގައެވެ ވައިގެ ބަނދަރުގައި ވެސް ޓަވަރެއް ހުރެއެވެ
ޓާމް
ނ ތަޢުލީމީ އަހަރުގައިވާ ދުވަސްތައް ކިޔަވައިދިނުމަށް ބަހައިލައިފައިވާ މުއްދަތުންކުރެ މުއްދަތެއް މިސާލު: މިއަހަރުގެ ފުރަތަމަ ޓާމުގެ ކިޔެވުން ނިމޭނީ އެޕްރީލުމަހުގެ ނިޔަލަށެވެ
ޓިނބުލި
ނ (1) ސަތަރިއާއި ފަރުދާފަދަ ތަކެތި ދެމުމަށްޓަކައި ހަރުކޮށްފައި ހުންނަ އަނގޮޓިއެއްކަހަލަ ވަށްބޮޅެއް (2) ތާކިހަލާއި ބޯ ހެދުންފަދަ ތަކެތީގައި ވައިވެއްދުމަށްޓަކައި ކަނޑާ ލޯވަޅުގެ ކައިރިފަށް ހަލާ ކުވިޔަ ނުދިނުމަށް ހަރުކުރާ ވަށްބޮޅެއް ޢާއްމުކޮށް މިހަދައިފައި ހުންނަނީ މަޢުދަނީ އެއްޗަކުންނެވެ
ޓިނު
ނ (1) ތަންތަން ހިޔާކުރަން ފުރާޅުގައި ޖަހަންހަދައިފައި ހުންނަ އެއްޗެއް މިހުންނަނީ އަޑިއުސްކޮށް މަގުހުންނަގޮތަށް ހަދައިފައެވެ މިދަގަނޑުންނާއި އެލްމެނިއަމުންނާއި ސިމެންތިފަދަ ތަކެތިން ހަދައިފައި ހުރެއެވެ (2) ހުދުކުލައިގައި ހުންނަ މަޑު މަޢުދަނެއް
ޓިންޓިން
ނ (1) ގަޑިންޖަހާއަޑު (2) ލޯބަނޑިޔާފަދަ އެއްޗެހީގައި ދަގަނޑު ފަދަ މަޢުދަނީ އެތިކޮޅަކުން ޖެހީމާ ގޮވާއަޑު
ޓިއުބު
ނ ބައެއްކަހަލަ އެއްެޗެހި ޓެސްޓުކުރުމަށް ބޭނުންކުރާ އާލާތެއް މިހުންނާނީ އެތެރޭގައި ހޮއި ހުންނަގޮތަށް އެއްގޮތަށް އެއްކޮޅު ބައްދައިފައެވެ
ޓެނިސް
ނ (1) ކޯޓުއަޅައިގެން ކުޅޭކުޅިވަރެއް މިކުޅިވަރުގައި ދެމީހުންނަށް ނުވަތަ ހަތަރު މީހުންނަށް ބައިވެރިވެވެއެވެ ކޮޅެއްގައި އެކަކު ނުވަތަ ދެމީހުންނެވެ ޓެނިސްކޯޓުގައި ހުންނަނީ މެދުގައި ދާގަނޑެއް ދަމައިފައެވެ މިއީ ބޯޅައަކުން ދާގަނޑުމަތިން ކުޅޭކުޅިވަރެކެވެ ކުޅެން ގެންގުޅެނީ ރެކެޓެވެ (2) ރަބަރާއި ފޮތިން ހަދައިފައިހުންނަ ފައިތިލަ ފޮރުވޭ ކަހަލަ ފައިވާނެއް
ޓެންޓު
ނ (1) ފޭލިގެ. (2) ތަރަފާލު ނުވަތަ ބޯފޮއްޗަކުންހަދާ ވަގުތީ ގޮތުން ހިޔާވަހިކަން ލިބިދޭތަނެއް. މިތަން ކޮޅަށްޖަހަނީ ލުއި ދަނޑީގެ ނުވަތަ ހޮޅީގެ ބޭނުންކޮށްގެންނެވެ ވެއްޓުނަނުދީ ހިފަހައްޓަނީ ނަނު ނުވަތަ ވާޖަހައިގެންނެވެ
ޓެރޭމު
ނ އެއްތަނުން އަނެއްތަނަށް ދަތުރުކުރެވޭގޮތަށް ހަދައިފައިވާ ގާޑިޔަލެއް މިދަތުރުކުރަނީ މަތީގައި ދަމައިފައިވާ ދަގަނޑު ނަރު ތަކެއްގެ އެހީގައެވެ
ޓެލިޕަތީ
ނ ރޫޙާނީ ގުޅުން
ޓެލެކުސް
ނ (1) މުވާޞަލާތުގައި ބޭނުންކުރާ ޓައިޕްރައިޓަރެއް ކަހަލަ މެޝިނެއް. މިހުންނަނީ އޮޓޮލެޓިކް އެކްސްޗޭންޖާ ނަރުގެޒަރީއާއިން ގުޅިފައެވެ. އެތަން މެދުވެރިކޮށް ތަންތަނަށް މެސެޖާއި ޚަބަރު ފޮނުވައި ޚަބަރާއި މެސެޖް ލިބޭގޮތަކަށް މީގެ ބޭނުން ކުރެވެއެވެ (2) ޓެލެކްސް މެޝިން މެދުވެރިކޮށް ފޮނުވާ ނުވަތަ ލިބޭ ލިޔުން
ޓޭންކު
ނ (1) އެއްގަމު ސިފައިން ބޭނުންކުރާ ހަނގުރާމަމަތީ އުޅަނދެއް. މިހުންނަނީ މެޝިން ބަޑިޔާއި ލުއިބޮޑުބަޑި ހަރުކޮށްފައެވެ. މިއީ ވަޒަން ނުވަންނަ ގޮތަށް ހަދައިފައި ހުންނަ އެއްޗެކެވެ. މީގެ ފުރޮޅުތައް ހުންނަނީ ފުޅާކޮށް ފަތިކޮށް ހުންނަ ދިއުޅިއެއްކަހަލަ ބަންދެއްގެ ތެރޭގައެވެ (2) ފެން ނުވަތަ އެފަދަ ދިޔާތަކެތި އެޅުމަށް ހަދައިފައި ހުންނަ އެކި ވަރުގެ ތާނގީ
ޓޮމީގަން
ނ ފިސްތޯލައަށްވުރެ ބޮޑެތިކޮށް ތަފާތު ސިފަސިފަޔަށް ދަގަނޑުގެ ޚާއްޞަމައުދަނަކުން ހަދާ އޮޓޮމެޓިކް މެޝިންބަޑިއެއް މިބޭނުން ކުރެވެނީ އަތްމަތީ ހަތިޔާރެއްގެ ގޮތުގައެވެ
ޔާރި
ނ (1) ދެރޯޒު )ދެރޯޒު ކައްޕި( (2) ބުރަތަކެތި އުފުލުމަށާއި ދެމުމަށް ހަދައިފައިވާ އެއްޗެއް. މިހަދައިފައިވަނީ އެނބުރޭ ފުރޮޅެއްގެ ތެރެއިންޗޭނު ނުވަތަ ވާ ދެމޭގޮތަށެވެ
ޔާގޫތު
ނ ޖަވާހިރެއް މިހުންނަނީ މަޑުފިޔާތޮށި ކުލައިގައެވެ
ޔޭ
އ އެވެ މިސާލު: )ހ( ދަނީޔޭ )ށ( ނަގަނީޔޭ
ޔޮޓު
ނ ކަނޑުދަތުރުކުރާ އުޅަނދެއް މިއުޅަނދުހުންނަނީ މީހުންނަށް ދިރިއުޅެވޭގޮތަށް ތައްޔާރުކޮށްފައެވެ
ޔޮޓުދޯނި
ނ މަތިހިޔާކޮށްފައި ހުންނަ އިންޖީނުދޯނި މިދޯނި ހުންނަނީ އޭގެ ތެރޭގައި މީހުންނަށް ނިދައި ކައިބޮއި ހެދޭގޮތަށެވެ
ޔޯ
އ ބުނިބަސް އަންގައި ދިނުމުގެގޮތުން ބުނާ ޝައްކުގެ އަކުރެއް މިސާލު: މުޙަންމަދުބުނީ އިބްރާހީމް ހިނގައްޖެޔޯ
ޕާސްޕޯޓު
ނ ވަކި ޤައުމެއްގެ ރައްޔިތެއްކަން އަންގައިދީ އަދި އެމީހަކީ އެ ޤައުމަކުން ބޭރަށް ދަތުރުކުރުމުގެ ޙައްޤުއޮތް މީހެއްކަން އަންގައިދޭ ލިއުން މިލިއުން އޮންނަނީ ކުޑަފޮތެއްގެ ސިފައިގައެވެ