radheef.info
ރަދީފު


ޑ
ނ ތާނައިގެ އަށާރަވަނަ އަކުރު
ބޮނޑިބަތް
ނ ހަނޑުލާއި ގޮދަނާއި ސާގާއި ބަނބުކެޔޮ ފަދަ ތަކެތިން ކައްކާ ފޮނިކާއެއްޗެއް ބަނބުކޭލުގައި ކައްކަނީ ކުދިކޮށް ކޮށައިގެންނެވެ ގޮވާމުގެ ބާވަތްތަކުގައި ކައްކަނީ ހުރިގޮތަށެވެ މިކެކުނީމާ ހުންނާނީ ތަތްކޮންނެވެ
ބޮނޑިބަތްހިތި
ނ ބޮޑުހިތި
ބޮނޑިބަތްބޮލި
ނ ބޮލީގެ ބާވަތެއް. މިއީ ދޮޅު އިންޗިއެއްހާ ބޮޑުމިނުގެ ތޮށިގަނޑު ވަރަށް ބޯކޮށް ހުންނަ ބޮއްޔެކެވެ މިބޮލީގެ ބުރިކަށިމަތި ހުންނަނީ ދޮންކުލައިގެ ތިކިތަކަކުން މާތަކެއް ޖަހައިފައި ހުންނަ ކަހަލަ ގޮތަކަށެވެ މިތިކިތައް ހުންނަގޮތުން ވައްތަރުވާނީ ކުދިބަތު ބޮނޑިބަތް ތައްޓަށް އަޅައިފައި ހުންނައިރު ފެންނަ ގޮތާއެވެ
ބޮނޑިބަތްގަނޑު
ނ ކަނަމަދާ ހިކިމޭބިސްކަދުރާ އަންނާރު އޮށުން ކުރަހައިފައި ހުންނަ ބޮޑެތި ބޮނޑިބަތްތަށި
ބޮނޑިބަތްޖެހުން
މ (1) ތަތްވެލި ނާއްޓަކަށް އަޅައި އެ ބަންޑުން ޖަހައިފައި ނާށީގެ ސިފައިގައި ވެލިތައް ހުންނާނޭހެން ނާށި ނެގުން މީ ކުޑަކުދިން ކުޅޭއިރު ކުރާ ކަމެކެވެ (2) ތަތް ބޮނޑިބަތް ފަތުގައި ޖެހުން
ބޮނޑިބޯށި
ނ ބޯށި ގަހުގައި ނުފޮޅި ހުންނަ މާގަނޑު
ބޮނޑިކަނދޮޅު
ނ ކަނދޮޅުގެ ބާވަތެއް މި ގަހުގެ ފަތް ހިމަދިގުވެފައި ފެހިކުލަ ގަދަވާނެއެވެ ގަސް ވައްތަރުވާނީ ލިލީ ގަހާއެވެ ލިލީއަށްވުރެ ކުދިވާނެއެވެ މާ ހުންނާނީ ތިރީބައި ތާޅަފިލިމާ ހުންނަ ގޮތަށެވެ މަތީބައި ހުންނާނީ ލިލީމަލާ އެއްގޮތަށެވެ މަލުގެ ކުލަޔަކީ ހުދު ކުލައެވެ މިއީ ބޮޑު ފިޔާގެ ސިފައިގައި އޮންނަ ގޮނޑިއެއް އޮންނަ ކަނދޮޅެކެވެ
ބޮނޑިކެރުވުން
މ (1) ބޮނޑިކުރުން (2) ގުޅަކުރުން
ބޮނޑިކެޔޮފޮތި
ނ ހާލުގައި ބޮނޑި މަސްކޮށް ހުންނަ ކެޔޮފޮތި
ބޮނޑިކޮޕީ
ނ ތަރުކާރީގެ ބާވަތެއް. މިއީ ގަސްގަނޑު )ބޭރަށް( ވަކިން ނުފެންނަ ގޮތަށް ފަތްތައް އެކަތިގަނޑަކަށް )ބޯޅައެއްގެ ސިފަޔަށް( ބޮނޑިވެފައި އޮންނަ ތަރުކާރީއެއްގެ ގޮތުގައި ބޭނުންކުރާ ކުޑަ ގަހެކެވެ
ބޮނޑިމަސް
ނ (1) ނއ ފަތިހަށިކަމުގެ އިދިކޮޅު (2) ހަށިގަނޑު މެދުމިނަށްވުރެ ބޯ (3) ގަނޑުވަރުތެރޭގެ ބަހުރުވައިގައި ކަނޑުކުކުޅު
ބޮނޑިމަސްކާށި
ނ ރޯދަޔަށް ހަނދުބަލާރޭ ފައިންޕުޅު ހިފައި ނިމޭއިރަށް ދާލަބޮޑުއަށި ކައިރީގައި ހަނގުބޭކަލުންނަށް ތައްޔާރުކޮށްފައި ހުންނަ މާހެފުން މީގައި ހުންނާނީ ބޮނޑިއާއި އާރޮހާއި މަހާއި ކާއްޓެވެ
ބޮނޑިފޮރުވުން
މ ގަނޑު ފިއްލާ ކުޅޭއިރު މޮޅުވާބައިގެ މީހުން ކުރާ ކަމެއް. މިކަންކުރާގޮތަކީ 21 ލަނޑު ހަމަވީމާ ބޮނޑި ފޮރުވަނީއެވެ. ދެރަވިމީހުން ބޮނޑި ހޯދަމުންގޮސް ފެނިއްޖެނަމަ މޮޅުވިބައިގެ މީހުން ރިހަޔާބަތާ ކައްކައިފައި އަނެއްބަޔަށް ކާންދޭން ޖެހުނީއެވެ. ބޮނޑިނު ފެނިއްޖެނަމަ އެމީހުން ބޮނޑިފޮރުވި މީހުން ރިހަޔާބަތާ ކައްކައިފައި ކާންދޭން ޖެހޭނެއެވެ
ބޮނޑިތާން
ނ (1) އެތެރެއަށް ބޭސްއަޅައި ފޮތީން ބަނދެފައި އޮންނަ ބޮނޑިޔެއް (2) ބޮނޑިތާންކުރާ ފޮތިގަނޑު
ބޮނޑިތާން ކުރުން
މ (1) ފޮތިގަނޑެއް ހޫނުފެނުން ތެންމައިގެން ނުވަތަ ފިނިކުރިފެން ތެންމައިގެން ގައިގައި އޮބުން. (2) ބޮނޑިތާން ހޫނުކޮށްގެން ފަރުވާޔަކަށްޓަކައި ގައިގައި އުނގުޅުން. (3) ފަރުވާޔަކަށްޓަކައި ކޮންމެވެސް އެއްޗަކުން މާލީސް ކުރުން. (4) ފަރުވާޔަކަށްޓަކައި އެއްޗަކުން ގައިގައި އޮބުން
ބޮނޑިތާންދެމުން
މ ބޮނޑިތާން ގައިގައި އުނގުޅުން
ބޮނޑު
ނ ހަތަރެސްފައި ހުންނަ ސޫތްޕެއް މިއީ ހޯނާ ވައްތަރުގޮތަކަށް އޮންނަ ހޯނަށްވުރެ ބޮޑު ސޫތްޕެކެވެ މީގެ ނަގޫދިގެވެ މިއީ ހަންގަނޑުބޯ ހަމުގައި ހުޅުނބު ވައްތަރު އެއްޗެއް ހުންނަ އެއްޗެކެވެ މީތި ބިސްއަޅަނީ ބިމުގައި ވަޅު ކޮނެގެންނެވެ މިޢާންމުކޮށް އުޅެނީ ގަސްގަހުގައެވެ
ބޮނޑުނަގުލަށްވުން
މ މަޖާޒު: ބޮނޑުނަގުލަށް ދިއުން
ބޮނޑުބިސްހިމެރި
ނ ހިމެރީގެ ބާވަތެއް މިބާވަތުގެ ހިމެރީގެ އޮށް ހުންނާނީ ބޮނޑުބިހުގެ ސިފައިގައެވެ
ބޮނޑުބިސްމެޓާ
ނ ބޮނޑުބިސްހެން ހުންނަ މެޓާ