radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ހަމައަލިލިބުން
މ އެއެއްޗެއްގައި ހުންނަންވާ ފުރިހަމަ އަލި ލިބުން
ހަމައެޅުން
މ ތިންހަމަ ކުޅުމުގައި އެއްވައްތަރުގެ ތިންފުއް ދިމާކުރުން
ހަމަވައި
ނ (1) ހަމަރޯޅި (2) ނިވަލެއްނެތި ޖެހޭވައި (3) މަޖާޒު: ދިރިއުޅުމުގައި ދިމާވާ އުނދަގުލަށްފަހު ލިބޭ ފަސޭހަ
ހަމަވައިގައިޖެހުން
މ (1) ނިވަލެއްނެތި އަންނަވައިގައި ޖެހުން (2) މަޖާޒު: މީހެއްގެ އުޅުން ވަކިގޮތަކަށް ހަމަނުޖެހި އުޅެއުޅެފައި އެއްގޮތެއްގައި ހަމަޖެހުން
ހަމަދުވެލި
ނ (1) ހަމަވައިގައި ދުވާދުވެލި (2) ފުރިހަމަ ދުވެލި (3) މަޖާޒު: ދިރިއުޅުމުގައި ދިމާވާ އުނދަގުލަށް ފަހު ލިބޭފަސޭހަ
ހަމަދުވެލި ލިބުން
މ (1) ފުރިހަމަ ދުވެލި ލިބުން (2) ހަމަވައިގައި ދުވާ ދުވެލި ލިބުން
ހަމަލަ
ނ ދޭދޭ މީހުން ނުވަތަ އެކަކުގެ މައްޗަށް އަނެކަކު ދެކޮޅުވެރި ކަމުގައި ކުރާދިމާ
ހަމަލަ ދިނުން
މ ރުޅިވެރިކަމުގައި ނުވަތަ ވާދަވެރިކަމުގައި ދިމާކުރުން
ހަމްދަރުދީވުން
މ (1) އަނެކަކަށްލިބޭ ހިތާމައެއްގައި ބައިވެރިވުން (2) އަނެކަކަށް ލިބޭ ހިތާމައެއްގެ ސަބަބުން ތިމާގެ ހިތަށް ތަދުވުން
ހަފު
ނ (1) ނަންނުގަތި ކަހަލަ ސޫތްޕެއް މީގެ ބޮލުގައި ހުޅިއެއް ހުރެއެވެ (2) )ޅ ( ނަންނުގަތި
ހަފޮޅު
ނ އޮޑިދޯނިފަހަރުގެ އެތެރޭގައި އިންނަފަތްތަކުގެ މަތީން ގަދަކުރުމަށް އަޅާ ވަކަރު ވޮށްޓެއް
ހަފޮޅުން އެތެރެވުން
މ (1) މަތިކަނުން އެތެރެވުން (2) މަޖާޒު: ކޮންމެވެސް ޖަމާޢަތެއްގައި އެންމެ ދެރަ ގޮތުގައިނަމަވެސް ހިމެނިގެންވުން
ހަފޮޅުން އެތެރެވެއްޖިއްޔާ ބަޔެއް އޮންނާނެ
(މުސްކުޅިބަހެއް) އެއްވެސްކަމެއް ނުވެވުނަސް މަހަށް ދިޔައީތީ ބައިދޭ މީހުނާމެދު ބުނެއުޅޭ މިސާލެއް މިސާލުދީ އުޅެނީ ކޮންމެވެސް ބައެއްގެ ތެރޭގައި އުޅޭ އެބަޔަކަށް ލިބޭ އެއްޗެއް ލިބިމެ އެއްވެސް ބޭނުމެއްނެތް މީހަކާ ދިމާއަށެވެ
ހަދަނޑިވަޅުލަވަ
ނ (1) ސަމާތާރައިގައި ޖަހާލަވަޔަކާއި ކިޔާލަވައެއް (2) ދަނޑިބެރުގައި ޖަހާކުޑަލަވައެއް
ހަދިޔާބަދިޔާ
ނ ހަދިޔާގެ ގޮތުގައި ފޮނުވާ ތަކެތި
ހަދިޔާބަޑި
ނ (1) އެއް ދައުލަތެއްގެ މަނަވަރެއް އަނެއް ދައުލަތެއްގެ ރަށަކަށްގޮސް ވަނުމާ އެކުޖަހާ ސަލާމުގެ ބަޑި (2) އޭގެ ޖަވާބުގައި އެރަށަކުން ޖަހާބަޑިޔަށްވެސް ކިޔަނީ މިހެންނެވެ (3) ބަޑިކޮށީމީހުން ޢީދު ދުވަހު ގޭގެ ދޮށުގައި ކުދިންނަށް ޖަހައިދޭ ބަޑި
ހަތަރު ހިތި
ނ އިހުގައި ރަމަޟާންމަހު 22، 24، 26، 28 މިދުވަސްދުވަހާއި މިދުވަސްދުވަހާއި ވިދިގެން އަންނަ ރޭރޭ ކޮށް އުޅުނު ރަސްމީ ކަންތައްތައް (1) ހެންވޭރުބޮޑުހިތި (ރަމަޟާންމަހުގެ 22 ވަނަދުވަހާއި އެދުވަހުގެ ރޭ) (2) މާފަންނުބޮޑުހިތި (ރަމަޟާންމަހުގެ 24 ވަނަދުވަހާއި އެދުވަހުގެރޭ) (3) ހެންވޭރުކުޑަހިތި (ރަމަޟާންމަހުގެ 26 ވަނަދުވަހާއި އެދުވަހުގެރޭ) (4) މާފަންނު ކުޑަހިތި (ރަމަޟާންމަހުގެ 28 ވަނަދުވަހާއި އެ ދުވަހުގެ ރޭ)
ހަތަރު ބީރުންގެ ވާހަކަ
(މިސާލުބަހެއް) ހަތަރުބީރުން ދެއްކިކަމުގައި ބުނެވޭ ވާހަކައެއް. މީގައި އެކަކު ކިޔާ އެއްޗެއް އަނެކަކަށް އޮޅުން ނުފިލައިގެން އެކި މީހުން ދެއްކީ އެކި ވާހަކައެވެ. ބައަކު މިބާވަތަށް ވާހަކަ ދައްކަންޏާ މިސާލަކަށް ބުނެއުޅެނީ "އެ ދައްކަނީ ހަތަރު ބީރުންގެ ވާހަކަ" އެވެ.
ހަތަރުބޯފޮޅި
ނ ބޯފޮޅި ފިހެގެން މައްޔިތުންގެ މައްޗަށް ފާތިޙާ ކިޔަވައި އުޅުނު 4 ދުވަސް (އަހަރެއްގައި އަންނަނީ މިބާވަތުގެ ހަތަރު ދުވަހެވެ.) އެއީ (1) ރަޖަބު ބޯފޮޅި، ޖުމާދަލްއާ ޚިރާމަހު 29 ވަނަދުވަސް، (2) ހިޔަރަކާތްބޯފޮޅި، ޝަޢުބާންމަހު 14 ވަނަދުވަސް، (3) ރޯދަބޯފޮޅި، ޝަޢުބާންމަހު 29 ވަނަދުވަސް، (4) ހައްޖުބޯފޮޅި ހައްޖުމަހުގެ 8 ވަނަދުވަސް. ). މިގޮތަށް ފިހާފޮޅި އެދުވަސް ދުވަހުގެ ހަވީރު މިސްކިތަށް ގެންގޮސްގެން ހުރިހާ މައްޔިތުންނަށް ފާތިހާ ކިޔަވައި ހަދައެވެ. އިހުގައި މި ރާއްޖޭގެ ކޮންމެ ގެއެއްގައިމެ މި ފޮޅިފިހެ ފާތިހާ ކިޔަވައެވެ.
ހަތަރުމަސްދިހަވުން
މ (1) މީހަކު މަރުވާތާ ހަތަރުމަހާ ދިހަދުވަސްވުން އެދުވަހަކީ މަރުވިމީހާގެ މައްޗަށް ފާތިހާ ކިޔަވާ ދުވަސްތަކުގެ ތެރޭން ބޮޑު ދުވަހެކެވެ (2) މަރުވިމީހާގެ އަނބިމީހާ ބަލިވެ އިންކަމުގައި ނުވާނަމަ ޢިއްދަ ހަމަވުން