radheef.info
ރަދީފު


ލުމަ
ނ (1) އުއިކޮށާ ނުވަތަ ރޮދިއޮޅާ ސަރަކައިގެ ފޯއްޔެއް ނއ (2) ތެދަށްހުރި އެއްޗެއްކަން އަންގައިދިނުމަށް ބުނާ ބަހެއް މިސާލު: )ހ( ތެދުލުމައެއް ހެން ހުރި ރުކެއް )ށ( އޭނާގެ ހަށިގަނޑު ހީވަނީ ތެދުލުމައެއްހެންނެވެ
ދިޔަހިލުވައިލުން
މ އޮޑިދޯނި ފަހަރަށް ލިބޭ ގެއްލުމަކުން ނުވަތަ އަރާ ލޮޅުމަކުން ދިޔަ ނުހިފޭގޮތްވުން
ދިޔައެރުން
މ (1) އޮޑިދޯނި ފަހަރުގެ ބަނޑުފިލައިގެ ތަނަކަށް ލިބޭ ގެއްލުމަކުން އާދަޔާ ޚިލާފަށް ފެން އެރުން (2) އޮޑިދޯނި ފަހަރު ދަތުރުކޮށްފައިދާއިރު މަތިކަން މަތިން އެތެރެއަށް ލޮނުއެޅުން
ދިޔަތެޅުން
މ އެއްޗަކުން ދިޔަފެލުމަށްޓަކައި ތަޅައި ޗިސްކުރުން
ދުނިރުވުން
މ (1) ދުނިދަނޑީގެ ވަރައިގައި ދުނިއެޅުން (2) ދުނިފޮނުވައިލުމަށް ތައްޔާރުކުރުން
ދުންކަރާސް
ނ (1) ބަރުއެއްޗެހި ހިއްލުމަށްޓަކައި ބޫސްދަގަނޑުގައި އަޅުވައިފައި ފުރޮޅު ފަހަތަށް ޖެއްސޭގޮތަށް ހުންނައެތި މިހުންނަނީ އެއްކޮޅުގައި ބޮޅެއްލައިފައި އަނެއްކޮޅުގައި އިސްކުރު ކަނޑައިފައެވެ
ދުރުމި
ނ ދުރުގައިވާ އެއްޗެހި ބެލުމަށް ބޭނުންކުރާ އާލަތެއް މިހުންނަނީ ދެލޮލުގައި ޖައްސައިގެން ބެލޭގޮތަށް ކޮންމެ ލޮލަކަށްވެސް ބިއްލޫރި ލެންސެއްލެއްވި ބައެއްލައިފައެވެ
ދުޅަ
ނ (1) ލިބޭގެއްލުމަކުން ނުވަތަ ބައްޔެއްގެ ސަބަބުން ހަށިގަނޑުގެ ތަންތަން އުފުލޭ އުފުލުން. (2) ވިޔުމުގެ ތެރޭގައި ފޮތީގައި އުފުލުންލައިފައި ހުންނަތަން. (3) ވިޔުމުގައި ބޭނުންކުރާ ހައިފަށް ނުވަތަ ރޮދިފަށް ނުވަތަ ފަންވަތް ފަދައެއްޗެހި މަތިންނާއި ދަށުންގޮސްފައި ހުންނަހުރުން
ދޫ
ނ (1) އިންސާނުންގެ އަނގައިގެ ތެރޭގައިވާ ވާހަކަދެއްކުމަށް އެހީވެދޭ ގުނަވަން. (2) ރަހަބެލުމުގެ ގުނަވަން. (3) ގޮނޑި އަލަމާރި މޭޒު ދޮރު ދޮރުފަތްފަދަ ތެދުއުއިވަޑާމުގެ ތަކެތި ހެދުމުގައި އެއްބައި އަނެއް ބަޔަށް މެހުމަށް ވަށައިގެން ކަނޑައި ކޮޅުން ނެރެފައި ހުންނަ ތަންކޮޅު. (4) ތަޅުލުމަށާއި ހުޅުވުމަށް ތަޅާއި ތަޅުދަނޑީގައި ހުންނަ ތަންކޮޅު. (5) ވައިޖަހާ އެއްޗިއްސަށް ވައިވައްދަން ހުންނަ ތަންކޮޅު. (6) ބާރު މިބަހުގެ ހަތަރުވަނަ މާނައިގެ އިދިކޮޅު (7) ވާން މިބަހުގެ އިދިކޮޅު (8) ފަލިތަންޑުގެ ކޮޅުގައި ފެނުގައި އެޅުވުމަށް ހަރުކޮފައި ހުންނަ ފިލާކޮޅު (9) ރަށް
ދެބުމަގޮށްޖެހުން
މ މަޖާޒު: މާބޮޑަށް ރުޅިއައިސްގެން ނުވަތަ ނުރުހިގެން ލޯކުޑަކޮށްލުމާއެކު ދެބުމަކައިރިކޮށްލާ ކޮށްލުމަށް ބުނެއުޅޭބަހެއް
ދެބޯގެރި
ނ މަޖާޒު: ކަމެއްގެ ވާހަކަ އޮއްބާލުމަށް ބޮޑުކޮށްގެން ދައްކާ އެހެން ވާހަކަ
ދެބޯގެރިދުއްވުން
މ މަޖާޒު: ކަމެއްގެ ވާހަކަ އޮއްބައިލުމަށް ބޮޑުކޮށްގެން އެހެން ވާހަކައެއް ފެތުރުން
ދެއައިނަކަށްކުރުއްސައިލުން
މ މަޖާޒު: ދެތަނަކަށް އެއްދިއުމެއްގައި ގޮސްލުމަށް ބުނެއުޅޭ ބަހެއް
ދެއްވިއެއްޗަކާ ހަކުރާކެއުން
މަޖާޒު: އެވަގުތަކަށް ކާންލިބިފައި ހުރި އެއްޗަކުން ފުއްދައިލުމަށް ބުނެއުޅޭ ބަހެއް
ދެފަށްހުޅި
ނ ހުޅިޖަހާއިރު އިސްތަށިގަނޑު އޮޅައިލުމަށް ފޮތިން ހަދައިފައި އޮންނަ އެއްޗެއް މިއީ ގާތްގަނޑަކަށް ހަތަރު އިންޗި ފުޅާމިނުގެ ހަނިދިގު ފޮތިކޮޅެއް ބާރަށް އޮޅައިލައިގެން ހަދައިފައި އޮންނަ އެއްޗެކެވެ މިގޮތަށް ހުޅިޖަހަނީ އިސްތަށިގަނޑު ކުރުވީމައެވެ
ދެދޮރުއެއްވުން
މ އަންހެނަކަށް ވިހެއުމުގެ ތެރޭގައި ނުވަތަ އެނޫންެވެސް ގޮތަކުން ލިބޭ ގެއްލުމަކުން ކުރިމަތިފަރާތުގެ ދޮރާ ފުރަގަސްފަރާތުދޮރާ ދެމެދުގައި ހުންނަ ހުރަސްކެނޑިގެން ދެތަންއެކުވުން
ދެލިއުނބު
ނ ކިއްސަރުވަޑާން ކުރާއިރު އުއިތެންމުމަށާއި މަޑުލުގެ މަތީގައި ދެލިލުމަށް ގިރައިފައި ހުންނަ ދެލިއަޅައިފައި ހުންނައުނބު
ތަށިމައްޗަށްގޮވުން
މ ކެއުމަށް ތައްޔާރުކޮށްފައިވާ ކަތަކެތި މަދުވެފައި ވަނިކޮށް އެތަނުގައި ހުރި އެއްޗެއް ކައިލުމަށް މީހަކަށް ނުވަތަ ބަޔަކަށް ގޮވުން
ތަނޑި
ނ (1) އަތުގައި އަޅަން ބޭނުންކުރާ ގަހަނާއެއް މިއީ ހިމަކޮށް ވަށްކޮށް ހުންނައެއްޗެކެވެ (2) ގަހަނާގެ އެކަތި އަނެކައްޗާ ގުޅުވަން ނުވަތަ އޭތި އެހެން އެއްޗަކާ ގުޅުވަން އިތުރުކުރާ ބޮޅެއްހެން ހުންނަ ތަންކޮޅު (3) ގަސްގަހާގެހީގެފަތް ނުވަތަ އޭގައި އަޅާތަކެތި ގަހުގައި ހަރުލުމަށް ހުންނަބައި (4) ނަގިއްޔާއި ލޮތާރީގެ މައިދަގަނޑު (5) ބައިސްކަލުގެ ފިޔަވަޅު ހަރުކުރާތަން
ތަންމަތި
ނ (1) އެނދުއަށީގައި ނިދުމަށް ތައްޔާރުކޮށްފައި ހުންނަތަން (2) ނިދުމަށްޓަކައި ފަތުރާ އެތި (3) އިލެކްޓްރިކް ހޮޅިބުރި ހަރުކުރާއެތި (4) ލާންޗުފަހަރު އެހެލައި ބޭލުމަށާއި ތަންތާ ބެހެއްޓުމަށްޓަކައި ބަނޑު ފިލާ ޖެހޭގޮތަށް ހަދައިފައި ހުންނައެތި
ތަންޑިޔާ
ނ ބަރުތަކެތި އެއްތަނުން އަނެއްތަނަށް ގެންދިއުމަށް އެއްޗެއްގައި ވާޖަހައި އައްސައިގެން މީހުންގެ ކޮނޑުމަތީ އުފުލުމަށް ބޭނުންކުރާ ފަލަދަނޑިއެއް