radheef.info
ރަދީފު


ތީ
އ (1) ތިޔައީ )ދުރުގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް.( މިސާލު: ތީ އަހަރެންގެ ގަލަން. (2) ހިނގީތީ ހިނގިކަން ދައްކައިދިނުމުގެ ގޮތުން ބޭނުންކޮށްއުޅޭ އަކުރެއް. މިސާލު: ނޭންގީތީ ނާދެވުނީ. (3) ޔަތީ މިއަކުރު ކުރުކޮށް ބުނާގޮތް މިސާލު: ނޭންގީތީ ނާދެވުނީ
ނާނު
ނ (1) ފާރޮށި އުދުނުގައި ގޮދަން ފުށުން ފިހާ ބޯކިބަލެއްގެ ބައްޓަމަށް އޮންނަ ކަމީރު ރޮއްޓެއް (2) )ސ ( މަހުގެ ހަން ދެމީމާ މަސްގަނޑުގެ ޅިޔަތައް މަތީގައި ހުންނަ ކަޅުކުލައެއްގެ ހިމަ ފަށްތަކެއް
ނާރު
ނ (1) ސިކުނޑިއާ ހަށިގަނޑުގެ އެހެންބައިތަކާ ގުޅައިދޭ މުވާސަލާތީ ވިއުގައިގައި ހިމެނޭފަށް (2) ލޭ ހިންގުމުގެ ނިޒާމްގައި ހިމެނޭ ހޮޅި (3) އަތްފައިގެ ހުދުހަމުގައި އެހަމުގެ ކުލަޔާ ތަފާތުކޮށް ހުންނަ ގުދުރަތީ ރޮނގު (4) ކާނާއާއި ފެންދައުރުކުރުމަށް ގަސްގަހާގެހީގެ ފަތުގައި ހުންނަ ފަށް (5) ގަސްގަހުގެ ފަތުގެ ބޭރުފުށުގައި އުސްކޮށް އެހުންނަ ފަށްފަށާއި މީގެ ބަނޑުފުށުގައި ހުންނަ ރޮނގު
ނާރުނެގުން
މ (1) ފަތްފަދަ ތަކެތީން ނާރުވަކިކުރުން (2) ހަމުގެ ބޭރަށް އުފުލުން (3) ނާރު ފުއްޕުން
ނާބަ
ނ މަޣްރިބު ނަމާދަށް މާލޭ ހުކުރު މިސްކިތު މުންނާރުން ބަންގި ގޮވާ ނިމުމާއި ވިދިގެން ނާބުސްޚާނުން ޖަހައި އުޅުނު ބެރު. ރަސްމީ ބެރުޖެހުން އޮންނަރޭރެއަށް ނާބަ ޖަހައި އުޅުނީ އެބެރުގެ ފަހުގައެވެ. ބޮޑުދެހިތީގައި ޖަހާއުޅުނީ ހިތިގެދޮށުގައެވެ. ރަޖަބު ރަމްޟާން ޝައްވާލު މިމަސްމަހަށް ހަނދުބަލާރޭރޭ މިބެރުޖަހައި އުޅުނީ ބަޑިޖެހުމުގެ ފަހުގައި ނުވަތަ ހަނދު ފެނުނުކަން އެގުނީމައެވެ
ނާބަބަޑި
ނ (1) ރަމަޟާންމަހު އިރުއޮއްސިއްޖެކަން އެންގުމަށް ޖަހައި އުޅުނު ބަޑި ހަރޯދައިގެ ދުވަސްތަކުގައިވެސް މިބަޑި ޖަހައި އުޅުނެވެ (2) ބޮޑުދެހިތީގައި ނާބަ ފަށަންވީމާ ޖަހައި އުޅުނު ތިންބަޑި
ނާބުސްޚާނު
ނ ރަސްކަމުގެ ދުވަސްވަރު އާދަވެގެން ރަސްމީބެރުޖަހައި އުޅުނުތަން މިތަންހުރީ ހިތްތަން ދޮރޯށީގެ މަތީގައެވެ މިތަންހަދައިފައި ހުރީ ބޯކު ދޮރުތަކެއް ލައިފައި ހުންނަދިގު ކުޅިބަލާ ގެއެއް ހެންނެވެ މިތާގެ އިރުމަތީބަޔަށް ކިޔަނީ ނާބުސްޚާނެވެ
ނިއަފަތިގަނޑު
ނ ގެރިއާއި އަސްފަދަ ތަކެތީގެ ހަތަރުމޮށްގަނޑުގެ ކޮޅުގައި އޮންނަ ހަރުބައި
ނިއުޅުންޖެހުން
މ ނިއުޅުންކޮށްފައި ކާށި ކުކުޅުބިސް ކިހަވައްފަދަ ތަކެތި ކޮންމެވެސް ތާކު ޖަހައި މުގުރައިލުން މިސާލު: މަސް ނުބޭވިގެން ދޯނި ބާލާއިރު ވަށާމަތި ކަންމަތީގައި ކާއްޓެއް ޖައްސަމުން ހިނގާފައި ދެން އެކާށި ތާކު ޖަހައި މުގުރައިލުން
ނިވާބޮނޑި
ނ ލޮލުގެ މަތީ ބޮނޑި
ނިވާފަތް
ނ (1) ތަޅުދަނޑިވަޅު ފޮރުވާން ތަޅުވަޅުމަތީގައި ހަރުކޮށްފައި ހުންނަ އެތިކޮޅު (2) ދޮރުފަތް ލެއްޕީމައި ދެދޮރުފަތް ދެމެދުން ހާއަޅާތަން ނިވާކުރުމަށް އެއްދޮރުފަތުގައި ހަރުކުރާ ފަތިގަނޑު މިފަދަ ބޭނުމަށްޓަކައި ހަރުކުރާ ކޮންމެ އެއްޗަކަށްވެސް މިނަމުން ކިޔައެވެ
ނިވާލުން
މ (1) އަލިފާން ނެއްތައިލުން (2) ހޫނު ފެނަށް ހިހޫ ފެންއަޅައިގެން ހޫނުކަން މަޑުކޮށްލުން (3) އިންޖީނާއި ރޭޑިޔޯއާއި ފަންކާ ފަދަ ހިނގަހިނގާ ހުންނަ ތަކެތީގެ ހިނގުން ހުއްޓައިލުން (4) އަވިމަޑުވެލުން ނުވަތަ ހަނދުވަރު ފަނޑުވެލުން
ނިވުން
މ (1) އަލިފާން ހުރެފައި ނެތުން. (2) ދިއްލިފައި ހުރިއެއްޗެއްގެ އަލިކަން ދިޔުން. (3) ހޫނުފެނަށް ހިހޫފެން އަޅައިގެން ހޫނުކަން މަޑުކުރުން. (4) އިންޖީނު ރޭޑިޔޯ ފަންކާ ފަދަ ހިނގަހިނގާ ހުންނަ ތަކެތީގެ ހިނގުން ހުއްޓުން (5) އަވި މަޑުވުން ނުވަތަ ހަނދުވަރު ފަނޑުވުން
ނިމަ
ނ (1) ރަށްރަށުގެ ރައްޔިތުންކުރާ ދަތުރުތަކުގައި ރައިވެރިންނަށް ނުދެވޭތީ އެމީހުން އަތުން ނަގައި އުޅުނު ހަކުރު ނުވަތަ ތަކެތި (2) ދަތުރުވެރިންނަށް ބައެއް ރަށްރަށުން ހަދިޔާއަށް ދީއުޅުނު ތަކެތި މިތަކެތިދީ އުޅުނީ އެރަށްރަށުގެ ފަޅަށް ދަތުރުދޯނި ވަނީމައެވެ
ނިދިންހޭލުން
މ ހިތާއި ސިކުނޑިއާއި ހަޑިގަނޑަށް ލިބޭ ވަރުބަލިކަން ފިލުވައި އަރާމު ދިނުމަށްޓަކައި ތަބަޢީގޮތުން ހަށިގަނޑަށް އަންނަ ވަގުތީ ބަދަލު އައުމަށްފަހު އިހުހުރި ޙާލަތަށް ރުޖޫޢަވުން
ނިދުން
މ (1) ހިތާ ސިކުނޑީޔާ ހަށިގަނޑަށް ލިބޭ ވަރުބަލިކަން ފިލުވާ ޠަބިޢީ ގޮތުން އަރާމު ލިބިދިނުމަށްޓަކައި މުޅިހަށިގަނޑަށް އަންނަ ވަގުތީ ބަދަލުއައުން (2) ހޭލާހުރުމުގެ އިދިކޮޅު (3) މަޖާޒް: ހަރަކާތެއްނެތި ހިމޭނުންވުން
ނިތްގަނޑު
ނ (1) ނިތާދިމާއިން ނެރެ ހަދައިފައި އޮންނަ އިސްތަށިގަނޑު (2) ތޮފިފަދަ އެއްޗެތީގައި ނިތާ ދިމާއިން ނެރެފައި ހުންނަތަން (3) މިޔަރުގެ ތަލަމަތި
ނިލަ
ނ (1) ކަށިކެޔޮ ހޮޅުފަޅައިގެން ހަދާފަތި (2) ބައްތެލި ފަހަރުގެ ހިޔަލުމަތީ އަޅައިފައި ހުންނަފަތި
ނިލަގަނޑު
ނ (1) ނިލަފަންގެ. (2) އޮޑިދޯނި ފަހަރުގެ ކުޑަ ހިޔާ ހަދަން ބޭނުންކުރާ ފަންގެ. މިއީ އޮޑިދޯނި ބައްތެލި ފަހަރުގެ ފަންހިޔަލުގެ ފުރާޅުމަތީގައި ފެތުރުމަށްޓަކާ ކަށިކޭލު ހޮޅުގެ ފަތިން ދެފަތިގަނޑު ދޭތެރޭގައި ކައިވަތެއްހާ ދުރުމިން ހުންނަވަރަށް ބަނޑުވަރުތަކެއްގައި އައްސައިއަމުނައިފައި އޮންނަ ފަތިތަކެކެވެ
ނިގޫދޮންނޫމަސް
ނ ފަރުމަހުގެ ބާވަތެއް. މިމަހުގައި ހުންނަނީ ނޫ ކުލައާއި ރީނދޫކުލައެވެ. މަތީ ކޮތަރިބަޔާއި ނިގޫފަތުގައި ހުންނަނީ ރީނދޫކުލައެވެ އެހެން ކޮތަރިތައް ހުންނަނީ ހުދުކުލައެއްގައެވެ ނިގޫފަތް ހުންނާނީ ވަރަށް ބޮޑަށް ކަފިވެފައެވެ
ނިޒާމު
(1) އިންތިޒާމު (2) ރޭވިފައިވާގޮތް (3) ތަރުތީބު