radheef.info
ރަދީފު


ތަކަ
ނ ދާބަންނަ ރޮދި އަނބުރަން ގެންގުޅޭ އެތި
އިލޮށިކުނައު
ނ ހިމަކޮށް މަށައިފައި ހުންނަ އޮނުތަކަކުން ދޯހަޅިކޮށް ހަދައިފައި ހުންނަ ފަރުދާ
އިލްހާމު
ނ (1) ރަސޫލު ބޭކަލުންނާއި ނަބީބޭކަލުން )ޞަލަވާޠުﷲ ޢަލައެހިމް އަޖްމަޢީން( އަށް ވަޙީ އާ ޚިލާފު ގޮތަކަށް މާތްރަސްކަލާނގެ އަންގަވާ އެންގެވުން (2) އިންސާނުންގެ ހިތަށް ޤުދުރަތީގޮތުން އެނގޭ ތެދުއެނގުން (3) ކަމަކާމެދު ފިކުރުކުރީމާ އެނގޭ ރަނގަޅު އެގުން
އިސާރަތް
ނ އެކިއެކި ކަންތަކަށް އަންގައިލުމަށް ހަދާގޮތް
އިސްފިރޭނު
ނ އިސްޕިރޭނު ނަރު ނުވަތަ ހިމަ ދަގަނޑު ވަކި ގޮތްތަކަކަށް އޮޅައިގެން ހަދައިފައި ހުންނަ ވަރުގަދަ ފަންވަރަކާއި ބާރެއް ލައިފައިވާ އެއްޗެއް
އިސްތިރިއޯގަ
ނ ލޯބީގެ ކަންތަކަށް މޮޅު އިރުވަރު
އިސްލާންދީން
ނ އީމާންކަމުގެ ގޮތުން މާތްﷲ ގެ އެއްކައުވަންތަކަން ޤަބޫލުކޮށް އެކަލާނގެ ކިބަފުޅަށް ކިޔަމަންވެގެން ތިބޭމީހުންގެ ދީން މިހާރު މިބަސް ގިނައިން ބޭނުންކުރަނީ ސަލާމާއި ޞަލަވާތްލެއްވި މުހައްމަދުގެފާނުންގެ ދީނަށެވެ
އިސްޓޭޖް
ނ (1) ކުޅިވަރު ކުޅުންފަދަ ކަންތައްތަކަށް ހަމަބިމަށްވުރެ އުސްކޮންތައްޔާރު ކޮށްފައި ހުންނަތަން. )މިފަދަތަންތަން ގިނައިން ހަދައިފައި ހުންނަނީ ފިލައިންނެވެ.( (2) ތަގުރީރުކުރުން ފަދަ ކަންތަކުގައި ގިނަމީހުންނަށް ފެނުން ފަސޭހަވުމަށްޓަކައި އެކަމެއް ކުރާމީހާ އަރައިހުރުމަށް ހަދައިފައި ހުންނަ އެއްޗެއް. (3) ތަޢުލީމު ކުޅިވަރު ބަލިބަލިފަދަ ކަންތަކުގެ އެކިއެކި ދަރަޖަ
އިޤްލާބު
ނ (1) އެއްގޮތަކުން އަނެއްގޮތަކަށް ފުރޮޅިގެންދާ ދިއުން. (2) ޤާރީވެރީންގެ އިޞްޠިލާޙުގައި ބާގެކުރިއަށް އޮންނަ ނޫނާއި ތަންވީނު ޣުންނައަށް ރައްކައުތެރިވުމާއެކު މީމަކަށް ފުރޮޅައިލާ ފުރޮޅައިލުން
އީވުން
މ (1) ލަދުގަންނަ ކަމަށް ހެދިގެން އުޅުން (2) ލަދުނުގަންނަންވާން ކަންތަކަށް ލަދުގަންނަ ކަމަށް ހަދައިގެން އުޅުން މިބަސް ބުނެއުޅެނީ އަންހެނުންނާއި ކުޑަކުދިންނާ މެދުގައެވެ (3) އާތްވުން
އުނބުގަނޑު
ނ (1) ފޫނުލައި ބިއްލޫރިން ދެކޮޅު އެއްވަރުކަހަލަ ގޮތަކަށް ހަދައިފައި ހުންނަތަށި. މިގެންގުޅެނީ ފަނި ކަނދިފަދަތަކެތި އަޅާށެވެ (2) އުނބަށް ވުރެ ހަނގު ބޮޑުކޮށް ހުންނަނާށި ގަނޑު
އުނދަގޫއުފުލުން
މ ދަތިގޮތްތަކަށް ކެތްކުރުން
އުނދުޅި
ނ ބައެއްތަކެތި ނެގުމަށްޓަކައި ނާއްޓެއް ތޮރުފައި އެއަށްދަނޑިއެއް ލައިގެން ޚާއްޞަގޮތަކަށް ހަދައިފައި އޮންނަ އެއްޗެއް މިއޮންނާނީ ބޮޑު ސަމުސަލެއް ހެންނެވެ
އުނދޯލި
ނ އިށީނދެގެން ހެއްލާން ހަދައިފައި ހުންނަ ޚާއްޞަ އެއްޗެއް މި ކިތަންމެ ގޮތަކަށް ހަދައިފައި ހުރެއެވެ ރޯނުފުރައިފައިވެސް ހުރެއެވެ މި ގިނައިން ހަދައިފައި ހުންނަނީ ފިލައިންނެވެ
އުނަގަނޑުފައްޓަރު
ނ އުނަގަނޑު ރޮދިގަނޑުގެ ބަދަލުގައި އަޅާ ފައްޓާރު މިކިތަންމެ ގޮތަކަށް ގަތައިފައި ހުރެއެވެ
އުޅަނދުމަތި
ނ ރަށްފުށު މީހުންނަށް ދެއްވާ ދަރަޖައެއް. މިއީ އޮޅިމެދެއްގައި ނުވެތިބޭ މީހުންނަށް ދައުލަތުގެ ސިޓީއަކުން ދެއްވާ ކަމެކެވެ. މިކަމަށް އޮންނަނީ މައުލޫދު ކިއުންފަދަ ކަންތަކަށް ބިލެތާއި ދިއުމުގެ ދަރަޖައެވެ. މިއީ އުތުރު އަރުމާޒު ވަޑައިގަތްފަހަރު ރަށްރަށުން އަރުމާޒު ދޮށަށް އައި ފުރާދުއްވާ ތަކެތީގެ މީހުންކުރެން އުޅަނދަކަށް އަރައި އުޅަނދެއްގައި އަތުރު ކުޅަ ކޮންމެމީހަކަށް ދެއްވި ދަރަޖައެކެވެ އެއަށްފަހު ރަށްފުށު މީހުންނަށް މިދަރަޖަ ދެއްވަނީއެވެ
އުދައްދަނޑި
ނ )މ ( މުލަކުގައި ހެދޭ ދަނބުކުލައިގެ އޮށެއްއަޅާ ގަހެއް މިއީ ފަލަ ރިތަކަށްވުރެ ފަލަނުވެ ތެދަށްހެދޭ ގަހެކެވެ
އެނބުރުން
މ (1) ދައުރުކުރުން. (2) ވަށްކޮށް ބުރުއެޅުން. (3) ހުރިފަރާތްނޫން އެހެންފަރާތަކަށް ކުރިމަތިލުން. (4) ނަނު މާރުފަދަ ތަކެތި ހަރުކުރާން ނުވަތަ ޅަކުރާން ހަދާގޮތް (5) ބޯއެނބުރުން
އެންމެރަނގަޅު
ނއ (1) ހުރިހައި ގޮތަކަށްވުރެ ރަނގަޅު (2) ހުރިހައި އެއްޗަކަށް ވުރެ ރަނގަޅު )ޖުމްލަ( (3) ވަރިހަމަ (4) ގަބޫލު
އެކޮޅުމިކޮޅަށްވިސްނުން
މ ހުރިހާ ފަރާތަކަށް ފިކުރުކޮށް ބެލުން
އެއްތެޔޮމަޅި
ނ ދަނޑިގަނޑެއްގައި ހަތަރު މަޅި ނުވަތަ އަށް މަޅި ނޫނީ ސޯޅަ މަޅި ވަކިގޮތަކަށް ހަރުކޮށްފައި އެތެރެއަށް ނަނުފަށެއް ލައްވައިގެން ގެންގުޅޭ އެއްޗެއް މިއީ ފޫހި ފިލުވަން ގެންގުޅޭ ކުޅިވަރެއްގެ ގޮތުގައި ވަކި ގަވާއިދަކުން އަޅުވާ ނައްޓާ ހަދާ އެއްޗެކެވެ