radheef.info
ރަދީފު


ދޭ
އމ (1) ދިއުން މިބަހުގެ އަމުރު. (2) ދިއުން މިބަހުގެ ވާކަން
ރަޖިސްޓަރީ
ނ (1) ސަރުކާރުގެ ނުވަތަ އަމިއްލަ ފަރާތެއްގެ ލިޔެކިޔުމުގައި މީހެއްގެ ނުވަތަ ތަނެއްގެ އެއްޗެއްގެ ނަން ޖެއްސިކަމުގެ ހެއްކެއްގެ ގޮތުން ދޭ ލިޔުން (2) އެއްތަނުން އަނެއްތަނަށް ފޮނުވާ ސިޓީއާއި ޕާރުސަލް ފަދަތަކެތި ޕޯސްޓުއޮފީހުގެ ރަޖިސްޓަރީ ގައި ޖައްސާ ޖެއްސުން (3) ތަނެއްގައި އުޅޭމީހުންގެނަމާއި މަޢުލޫމާތު ބަޔާންކޮށް ލިޔެފައިވާ އޮންނަފޮތް
ރާޅު
ނ (1) ހިމުންކަމުގެ އިދިކޮޅު. (2) ކުރަކ.ި (3) ކަނޑުކަނޑާއި ކޯރުކޯރާއި ފެންފެންގަނޑުން އުފުލި ދަތުރުކުރާ ފެނުގެ ރޮނގު. (4) ހޮޅިލައިފައި ފަރުފަރަށާއި ގޮނޑުދޮށްތަކަށް ބިންދާ ފެނުގެ ހޮޅި. (5) ކަނޑުން ނުވަތަ ކޯރުން އުފެދޭ ހަލަބޮލިކަމުން ގޮނޑުދޮށާއި ހަމައަށް އައިސް ބީއްސާލާ ފެނުގެ ކޮއްޕާ ކޮއްޕުން. (6) ދަގަތްފާނާއި ކަރަންޓުގެ ދަތުރުކުރާ ހަކަތައިގެ ބައިތައް (7) ރޭޑިޔޯއިން އަޑުދުރަށް ފޮނުވަން ބޭނުންކުރާ ކަރަންޓުގެ ބާނި (8) އަޑު ދަތުރުކުރާއިރު ހުންނަ ފަށަލަ ފަށަލަ (9) ނއ އޮމާންކަމުގެ އިދިކޮޅު
ރާއުނދުން
ނ ރާކެއްކުމަށްޓަކާ ވަކި ފުންމިނެއްގައި ވަކިމިންގަނޑަކަށް ބިންމަތިކޮނެ އެތަނަށްއަޅި އަޅައި ފެންޖަހައި ހަރުކޮށްގެން ތިންވަރުގެ ތިން އަނގަކަނޑައި މަގަތުއަނގައިން ބަނޑުދުރަލާގޮތަށް ކޮންނަމުންގޮސް އަނެއްދެއަނގަ ވަޅަށް ފޫދުައްވައިފައި ހުންނަ އުނދުނެއް. މަގަތު އަނގަވަޅަކީ ދަރުޖަހާތަނެވެ. މެދުގައި ވަށްލޯވަޅެއްހެން ބޮޑުކޮށްހުންނާނީ ތަރާ ފަތްއުދާ އަނގަވަޅެވެ. އެންމެ ބިއްދޮށަށް ހުންނާނީ އާވި ބޭރުކުރުމަށް ހަދައިފައި ހުންނަ )ކުދިތެލި އުދޭވަރުގެ( ލޯވަޅެކެވެ އެތަނަށްކިޔަނީ ކަނޑޯޅިކޮޅެވެ ދެ އަނގަވަޅު ދެމެދަށް ކިޔަނީ ނިތްގަނޑެވެ
ރާސްތާ! ރާސްތާ!
އ ބަރު އެއްޗެއް ހިފައިގެންދާއިރު "މަގުންތަންދޭށޭ" ބުނުމަށް ބުނެއުޅޭ ބަހެއް
ރާޑި
ނ (1) އޮށްވަޅާއި ޖޯޑުބިޖޯޑާއި ބޮލިގަނޑުފަދަ ކުޅިވަރުގައި އަތް ހުސްވެގެންވާދެރަ (2) ކުރަން އުޅޭ ބައެއް ކަންތަކުގައި ކާމިޔާބު ނުވެގެންވާ ދެރަ (3) މީހަކާ ދިމާކޮށްލައިގެން އުޅެއުޅެފައި ގޮތެއް ނުވެގެންވާ ދެރަ (4) މީހަކަށް ނަސޭހަތްދީދީ ނާހައިގެން ދެން އަލުން ދޭނޭ ނަސޭހަތެއް ނެތުނީމާވާ ދެރައާއި ފޫހި
ރިހާކުރުދިޔަ
ނ ފިޔަޔާއި މިރުހާ ކޮށައިގެން ރަހަދޭވަރަށް ރިހާކުރާއި ލޮނާއި ހުތް އަޅައިގެން މޮޑެފައި ފެނަށް ނުވަތަ ކާށިކިރުގެ ތެރެއަށް ގިރުވައިގެން ހަދާ ލައިގެން ކާއެއްޗެއް
ރިނދަބަލި
ނ ކަޅުކަޅީގައި ފާރުއުފެދޭ ލޮލުގެ ބައްޔެއް
ރިބަން
ނ (1) ސިލްކުން ނުވަތަ އުއިން ވިޔެފައި ހުންނަ ނުވަތަ ކަރުދާހުން ނުވަތަ ޕްލާސްޓިކުން ހަދައިފައި ހުންނަ ފީތާފަށް (2) ސިފައިންނަށް މެޑެލްދޭ ގޮތަށް ކުލަދޭއިރު ދޭ ކުލަކުލައިގެ ފޮތިފަށް (3) ޓައިޕް ރައިޓަރު ފަދަ މެޝިނަށްލައްވާ ދެލިހިފާގޮތަށް ހަދައިފައި ހުންނަ އެތި
ރިސެޕްޝަން
ނ (1) ޚިދްމަތްދޭ ތަންތާނގައި މަޢުލޫމާތު ދިނުމަށް ބެހެއްޓިފައި ހުންނަ ކައުންޓަރ (2) މުނާސަބަތު ފާހަގަ ކުރުމަށް ބާއްވާ ސައި ނުވަތަ ކެއުން
ރިޝްވަތު
ނ (1) ޤަވާއިދާ ޚިލާފަށް ކަންތައްތައް ނިންމުމަށް ނުވަތަ ކުރުވުމަށްދޭ ފައިސާއާއި ތަކެތި
ރީނބުރުފިލާ
ނ ގެދައާ އެއްވައްތަރަށް ފަތްކުދިކޮށް ބިމުގައި ފެތުރި ހެދޭ ކުޑަކުޑަ ގަހެއް މިގަހުގައި ވަރަށް ރީނދޫކުލަ ގަދަ ކުޑަކުޑަ މަލެއް އަޅައެވެ މިގަހުގެ ހުރިހާ ބައެއް ހަމުގެ މަތީގެ ދިލަނެގުމުގެ ބައްޔަށް ބޭސް ހެދުމަށް ބޭނުންކުރެއެވެ މީގެ ގޮނޑި ހުންނާނީ ކުޑަވާ އިނގިލިހާ ކުޑަކޮށެވެ
ރީތި
ނއ (1) އުފެދުމާއި އުފެއްދުމުގައި ހުންނަ ފަރިކަމާއި ނަލަކަން ލިބިގެންވާ (2) ހިތްގައިމު (3) ބަލާހިތްވާ (4) ލޮލަށް އެންމެ ފިނިކަންދޭ
ރީތިކަން
ނއނ (1) އުފެދުމާއި އުފެއްދުމުގައި ހުންނަ ފަރިކަމާއި ނަލަކަން (2) ހިތްގައިމުކަން (3) ބަލާހިތްވާކަން (4) ލޮލަށް އެންމެ ފިނިކަން ދޭކަން
ރީތިގަސް
ނ ބިޔަކޮށްހެދޭ ބޮޑުގަހެއް މިގަހުގައި މާއަންނަނީ ކޯޅިކޯޅިއަށެވެ މިކޯޅިއައިސްފައި ހުންނަނީ ގޮފިތަކުގެ ކުރީގެ ފަތްވަޅުތަކުންނެވެ މިގަހުގެ ފަތް ހުންނަނީ ގޮފިތަކުގެ ކުރީގައެވެ ފަތްތައް އެތުރިފައިހުންނަނީ މައިތަނޑީގެ ދެފަރާތުގައި އެއްފަތް އަނެއްފަތާ ދިމާވާ ގޮތަށެވެ
ރުޅި
ނ ހިތްހަމަ ނުޖެހިގެން ހިތުގައި އުފެދޭ ނުރުހުމުގެ އަސަރު
ރުޅިވެރި
ނއ ހިތްހަމަނުޖެހިގެން ހިތުގައި ނުރުހުމުގެ އަސަރު އުފެދޭ
ރުޅިވެރިކަން
ނއނ ހިތްހަމަ ނުޖެހިގެން ހިތުގައި ނުރުހުމުގެ އަސަރު އުފެދޭކަން
ރުކުހަކުރު
ނ (1) ރާވެރިން ރުއްވެރިޔާއަށް ދޭ ހަކުރު (2) ދިވެހި ހަކުރު
ރުކުން
ނ ކަމެއްގެ ތެރެއިން ބަޔަކަށްވުމާއިއެކު އެޔާއިނުލައި އެކަމެއް ނުފުދޭ ކަމެއް މިސާލު: ނަމާދުގައި އަލްޙަމްދު ކިއުން
ރުކުރާ
ނ (1) ރާވެރިން ރުކުގެ ވެރިޔާއަށްދޭ ރާ (2) ރުކުން ބާލާ ރާ