radheef.info
ރަދީފު


ފެން
ނ (1) އޮކްސިޖަނާއި ހައިޑްރޯޖަން އެކުލެވިގެން އުފެދިފައިވާ އެއްޗެއް. މިއީ ފިނިވީމާ ގަނޑުވާ ހޫނުވީމާ އާތްވަށްވެގެން އަރާ ކުލައެއް ވަހެއް ނެތް ދިޔާ އެއްޗެކެވެ (2) ވާރޭ (3) ކަރުނަ (4) މަޖާޒު: މަނި (5) ނއ ފޯރިއެއް ރޫޙެއްނެތް
ކަހާ
ނ (1) ހިނަވާ ފެނަށް ގިރުވަން ފުނޑައިފައި ހުންނަ ކުންނާރުފަތް (2) މައްޔިތާ ހިނެވުމަށްޓަކައި ކުންނާރުފަތް ގިރުވައިފައި ހުންނަ ފެން (3) ބދ މާފޮޅުކަސް
ކަހާލުން
މ (1) ކަހައިލުން (2) ކަހާ ގިރުވައިފައި ހުރި ފެން މައްޔިތާ ގަޔަށް އެޅުން
ކަށިބޯ
ނ މޫދުގައި އުޅޭ ހިޔަމަ އާއިލާގެ ފައިގިނަ އެއްޗެއް މިއީ ފަސްއިނގިލީގެ ބާވަތެކެވެ މީގެ ފައިތަކުގައި ހުންނަކަށިތަކުގެ އަދަދު ގިނަވާނެއެވެ މިއީ ރޯގަލުގެ ދިރޭ ފަށަލަ ކާލާ އެއްޗެކެވެ އެހެންކަމުން ފަޅައިގެން ގޮސްފައި ހުންނަބައި ފެންނާނީ ކަޅު ކުލައިގައެވެ އޭގެ އަޑިން ފެންނަނީ ދަނބުކުލައެވެ މީގައި 8 ފަޔާއި 12 ފަޔާ ދެމެދުގެ ޢަދަދަކަށް ފައިހުރެއެވެ
ކަށްފެންޖެހުން
މ ތަލަކުން ފެންޖެހުން
ކަނދިލި
ނ (1) އެތެރެއަށް ތަށިލައިގެން ދިއްލާ ލޯބަންދުތަކަކުން ޖަބުރޯލެއްގެ ބައްޓަމުގައި ހަދައިފައިހުންނަ ފާނޫޒު ފާޑުގެ އެއްޗެއް. އިހުގައި މިދިއްލައި އުޅެނީ ދަމުއަށީގައެވެ. (2) ހަތްތުތިމަހާއި ތުތިމަސް ބުރިތަކެއް ބޭރުން ފެންނާނޭގޮތަށް ކަންކަނަށް ބަނދެ ބޭރުގައި ތުނިފޮތިޖަހައި ކަރުދާސް ހިއްޕައިގެން ދިއްލާ ފޫނޫޒެއް ކަހަލަ އެއްޗެއް މިއީ ރަށްމާލުދުރޭ ަރަދުން މާލޫދު ހަރުގެއަށް ވަޑައިގަންނަވާ މަގުމަތީގައި ދިއްލާން ކުދިބޭކަލުން ހަދާ އެއްޗެކެވެ (3) އަންނާރުފަތް ފާޑަށް ފަތްހުންނަ ތިރިކޮށްހެދޭ ފަތްޕިލާވެއްޔެއް މީގެ ކިތަންމެ ބާވަތެއް ހުރެއެވެ
ކަނދުބުޑުލުން
މ ހެދުމުންއަންނަ ޅަރުކުގެ ބުޑުދޮށުން ރުއްގަނޑު ފެންނަވަރުވުން
ކަނދޮޅުފުޅި
ނ ކަނދޮޅެއް އޮތްގޮތަށް އޮއްވައި ފަޅައިނުލައި ދުލިނަގައިގެން ހަދާ ހިމަދިގު ބޮތްކެއް މިގިނައިން ހަދައި އުޅެނީ ފެންކުޅިތެރޭގައެވެ
ކަނދޮޅުގޮނޑި
ނ މަސްދޯނިފަހަރުގެ ފެންފިލައިގެ ދިރުނބަލަށް އޮންނަ އޮޅިގަނޑާއި މައްޔަލާ ދޭތެރޭ އޮންނަ ބާކޮޅު
ކަނޑަލަ
ނ ފެން ނުޖެހޭ އަލައިގެ ބާވަތެއް
ކަނޑު
ނ (1) ފުންކަމުން އަޑި ނޭނގޭ ލޮނުގަނޑު ނުވަތަ ފެންގަނޑު. (2) ބޭރުކަނޑުން އެތެރެވަރިއަށް ވަންނާން އޮންނަ ކަނޑުއޮޅި. (3) ބައެއް ކުޅިވަރުގައި ޖަހާފޯލި ކަމުދިޔުމުގެ މިންވަރު ބަލާން އަޅާރޮނގު
ކަނޑުކަކުނި
ނ ކަކުނީގެބާވަތެއް މިއީ ދިވެހި ކަނޑުފަޅުން ފެންނަ އެންމެބޮޑެތި ކަކުންޏެވެ ކަކުނީގެ ބޭރުތޮށިގަނޑު ހުންނަނީ ގަދަމުށިކުލައިގައެވެ ފައިތަކުގައި ހުންނަނީ މަޑުމުށިކުލައެވެ
ކަނޑުކޮސް
ނ (1) ކަނޑުގައި އެއްކޮޅު ހިއްލިފައި ދެފެންދޭތެރޭ ހުންނަ އެތިކޮޅު (2) މަޖާޒު: ތާކުންތާކު ނުޖެހޭ މީހާ
ކަނޑުމަތި
ނ (1) ކަނޑުގެފެންމަތި (2) ކަނޑުގެތެރޭން އެކިސިފަސިފައިގައި ރޭގަނޑަށްފެންނަ ރެދަންލާ މާއްދާއެއް ބައެއްފަހަރަށް އޮޑިދޯނި ފަހަރުގެ ކުނބާއި ވާވެލާވެލި ފަދަ ތަންތަނުންވެސް މިރެދަން ފާޅުވެއެވެ މިއީ ޖައްވުގައިހުންނަ ހަކަތައިގެބާރުން ދިއްލޭ ދިއްލުން ތަކެކެވެ
ކަނި
ނ (1) އަލިފާނުން ބުރައިގެންދާ ކުދިކުދި އަލިފާންކޮޅު. (2) އަލިފާނުގެ ތެރެއިން ވަރަށް ކުޑަމިން ވަރެއް. (3) ދެއެއްޗެއް ޖެހިގެން ނުވަތަ ކޭރުވިގެން އުފެދޭ އަލިފާންކޮޅު. (4) ލޮލަށް ލިބޭ ހާނީއްކައަކުން ނުވަތަ ކުރި ބާރަކުން ފެންނަހެން ހީވާ އަލިއަލިކޮޅު. (5) އެންމެ ހިމަފޮދު ވާރޭގެތިކި. (6) ބައްތިއާއި ވޮށްފަދަ ދިއްލާ އެއްޗެހީގެ ފީތާ އަނދާފައިހުންނަ ދެލިކޮޅު. (7) އެކިއެކި ބޭނުމަށް ގެންގުޅޭ ކޮޅު ދެކަތްޕަށް ހުންނަ ދަނޑި. (8) ބައެއްޒާތުގެ މަސްބާނަން އަރާން މޫދުގައި ޖަހާ ދުނބުރި ކަފިގަނޑު. (9) އަންނައެއްޗެހީގެ ކަށިފަތީގެ އެއްމެކައިރިފަށް. )01( ދޮރުގެ ދެފަރާތުގެ ދެގަނޑެތި. (11) ގޭގެ މަތިވަޑާންގަނޑުގައި ގޮތްގޮތަށް ވިއްދައިފައި ހުންނަ އެއްޗެހި. (21) ހަތަރެސްކަން ރިޔަލުގެ ތިރީކޮޅުގެ ދެކަން. )31( މާމުޔާއި ހަކުރު ފަދަ ތަކެތި ހިސާބަކަށް ވާނުބައި )41( ދިއްލައިފައި ހުންނަ ބައެއް އެއްޗެއްހީގެ ހުޅުގަނޑުވާ ކުޑަ
ކަނުކަން
ނއނ (1) ނުފެންނަކަން (2) ނޭނގޭކަން
ކަނުލޯބި
ނ (1) އުނިސިފަތައް ނުފެންނަ ލޯބި (2) ދޮންފުތު ލޯބި
ކަންހުދުކުރުން
މ ކަންހުދުރުމާލުގެ ހަތަރު ކަނުގައި ހުންނަ ހަތަރެސް ކަން ހަތަރު ގޮޅިން. )ރުމާއޮޅީމާ( ފެންނަން ހުންނަ ތަންތަން އުނގުޅައި ސާފުކޮށް ހުދުކުރުން. މިކަންކުރާގޮތަކީ މިކަމަށް ތައްޔާރުކޮށްފައި އޮންނަ ފިލާ ފޮއްޗެއްގައި ގިނަ ފަށް ހުންނާނެހެން ހުދު ފޮތިކޮޅެއް ފަތްޖަހައި އޮޅައިލައިފައި ކަންގަނޑުގެ ދަށަށް ލައްވައިގެން ބޮނބިން ހަދައިފައި އޮންނަ "ދަނޑި" ކޮޅަކުން ފެންލައިގެން އުނގުޅައި ސާފުކޮށްފައި އަސުރުމާ އޮށުގެ އެތެރޭގައި އޮންނަ ފުށްކޮޅުނަގައިގެން ފެންޖަހައި ފިއްތައި ގަށައިފައި ކަން ތަކުގައި ހާކައި އެއްވަރުކުރަނީ އެވެ. މިފުށް ހާކާނީ ހަރުލަކުޑީގެ އޮމާން ދަނޑި ކޮޅަކުންނެވެ. ފަހަކަށް އައިސް މިގޮތަށްކަން ހުދު ކުރުމުގެ ބަދަލުގައި ހުދުކުރަނީ ކަރުދާސް ތަތްކޮށް ގެންނެވެ ކަންހުދު ރުމާ ލަކީ ފަސްރޮނގު ރުމާލެވެ
ކަންބަރާ
ނ އޮޑިއަޅާވައު ކަނިކުރެދީގެމަތީގައި އަތްއަތަށްނުޖެހި އޮންނަ ގޮތަށް ހައްޔަރުކުރުމަށް ފެންފިލާގެދަށުން ދިރުނބާކޮޅުން ނެރެފައި އޮންނަ ވާގަނޑެއް
ކަންފަތްތޮޅި
ނ ފުޅަނގިހެން ފެންމަތިން އުދުހިގެންދާ އެއްކަންފަތް ބޮޑު ތޮޅިއެއް
ކަންޒު
ނ (1) ޢަދާވަތްތެރިންނަށް ހުރަސްކޮށްފައި ނާދެވޭ ގޮތަށް ކޮނެފައި ހުންނަކޯރު (2) ހިސާބަކަށް ފެންހުންނަ ކިސަޑު ހެދި ގަނބާ ގޮތް ހުންނަ ތަންތަން