radheef.info
ރަދީފު


މޭ
ނ (1) އިންސާނުންނާއި މައިކަށި ހުންނަ ސޫފާސޫފީގެ ހަށިގަނޑުގެ ތެރޭގައި އޮންނަ ރަތްމުށި ކުލައިގެ ގުނަވަނެއް މިއީ ހަކުރު ގުލްކޯޒަށް ބަދަލުކޮށްދީ ކާއެއްޗެހި ހަޖަމުކުރުމަށް ބޭނުންވާ ރީނދޫ ދިޔައެއް އުފައްދައިދޭ ގުނަވަނެކެވެ (2) މޭމަތި (3) އިރުމަހުގެ ފަސްވަނަ މަސް
އެނބޫ
ނ މަޝްހޫރު ހުތް ކުޑަމޭވާއެއް މީގެއޮށް ވަރަށްބޮޑު ވާނެއެވެ މިއީ ރާއްޖޭގައި ވަރަށް ގިނައިން ހެދޭ އެއްޗެކެވެ
އެނގުން
މ (1) އިޙްސާސްވުން (2) ދޭހަވުން (3) ވިސްނުން (4) މޭރުންވުން
އެޅުން
މ (1) އެއްޗެއްގެ ތެރެއަށް އެއްޗެއް އޮއްސުން މިސާލު: ކުރަޔަށްފެން އެޅުން (2) އެއްޗެއްގައި އެއްޗެއް ބެހެއްޓުން މިސާލު: ތައްޓަށްބަތްއެޅުން (3) ކާށިކުރުނބާފަދަ ތަކެތި ރުކުން ބިނުން (4) އެކަތި އަނެކައްޗަށް ފުށުއަރައި ނިވައުވުން (5) ފުރާދުއްވާ އެއްޗެތި ބަނދަރެއްގައި ނުވަތަ ފަޅެއްގައި ދުރަށް ނުދާނޭގޮތަށް ހަރުކުރުން (6) ގަސްގަހާގެހީން މަލާއި މޭވާނުކުތުން (7) އެއްޗެއްގެ ބައެއް އަނެކައްޗެއްގައި ޖެހި ހަރުލާނޭގޮތްވުން (8) ބޭސްފަދަތަކެތި ގައިގާ ބޯކޮށް ތަތްކުރުން (9) އަދުންފަދަ ތަކެތި ލޮލުގެ ރަވައިގާ ކާއްތައިލުން )01( ތަވީދުފަދަ ތަކެތިގައިގާ ބަނުން (11) ހަށިގަނޑުގެ ގުނަންތަކުގައި ގަހަނާ ފަދަ ތަކެތި ހަރުލާގޮތް ހެދުން (21) ހެދުން ގަޔަށްލުން )31( ތާކިހާ ރުމާފަދަ ތަކެތި ބޮލުގައި ބެހެއްޓުން )41( ފާފަވެރިވާ ގޮތުން އެކަކު އަނެކަކާ ޝަހުވާނީ އެދުމުގައި ކަމެއް ކުރުން މިބަސް ގިނައިން ބޭނުންކުރާނީ އެއްޖިންސްގެ ދެމީހުން މިބާވަތުގެ ކަމެއް ކުރީ މައެވެ
އޭބޭފިލި
ނ ފުށަތަށް ދެމޭފިލި
އޮނު
ނ (1) ބަދަޖަހަމުން އެއްތަނޑަށް ވަރަށް މައްޗަށް ހެދޭ ފިނިވާ އެތެރޭ ގައި ހޮއިއޮންނަގަހެއް މީގެ ގޮފި ޤަލަން ޖަހާން ބޭނުންކުރެއެވެ (2) މީގެ އެތިކޮޅެއް (3) އުނދުނަށް ފުމޭން ފޯލިކޮށް ހަދައިފައިހުންނަ ހޮޅިބުރި (4) ސަފުސާންއޮނު (5) ފުންމާއޮނު (6) އެތެރޭގައި ހޮއި އޮންނަ ބައެއްތަކެތި މިސާލު: ފަޅޯއޮނު ހިތްތަލަތަނޑު (7) އުންފާޑަށް ގައިން ނުކުންނަ ކަޅުކުލައިގެ ހަމުގެ ބައްޔެއް މީގެ އެތެރޭގައި ދިޔައެއް މެދުގައި ލޯވަޅެއް ނުހުންނާނެއެވެ
އޮނުގަނޑު
ނ (1) އޮނުބުރިއެއް (2) ކުޅިޖަހާން ދަސްކުރާމީހުންގެ ހަށިގަނޑު ހޭނުމަށް އުނަގަނޑުމަތީ އަޅުވާން ލިޔެފައި އޮންނަ ފަލަ ދަނޑިބުރި (3) އުނދުނަށް ފުމޭން ގެންގުޅޭ އޮނުބަދަ ނުވަތަ ހޮޅިބުރި
އޮއި
ނ (1) ކަނޑާއި މޫދު ފަދަ ތަންތާގެ ލޮނުގަނޑު ނުވަތަ ފެންގަނޑު ކޮންމެވެސް އެއްކޮޅަކަށް ދެމޭދެމުން (2) މިދެމޭ ބާރު އާހުގައި ހިނގާ މިފަދަ ބާރަކަށްވެސް މިހެން ކިޔައެވެ
(2) "އޮއި" ބަލާ! އޮއިވަރު
ނ (1) އޮއިދެމޭ ބާރު
އޮޑިބަންބޮނޑި
ނ މަޖާޒު: ރިހާކުރު ބޮނޑިއެއް މިބޮނޑިއަށްވާގޮތަކީ ފަޅަން އުޅެހަރުކަމުން އަތުން ނުފެޅިގެން ނުކައި ބާއްވަނީއެވެ ދެން އޮންނަ ކެއުމުގެ ވަގުތުގައިވެސް ހަމައެބޮނޑި ނަގާނެއެވެ ނަމަވެސް އެފަހަރުވެސް ނުކެވިގެން ބާއްވަނީއެވެ މިހެންގޮސް އެތައް ދުވަހެއް ވާއިރުވެސް )އޮޑި ބަނދެނިމޭ އިރުވެސް( ބޮނޑިއޮތް ގޮތަށް އޮންނަނީއެވެ
އޮޑިތާންކަލޭގެ
ނ އިހުގައި އުޅުނުކަމަށް ބުނާމީހެއް. މީނާއަކީ ފަންޑިތަވެރިއެއްކަމަށާ ރައިވަރުހަދާ މީހެއްކަމަށް ބުނެއެވެ މީނާގެ ރައިވަރު ހުންނާނީ ބަނޑުވައް އަކުރުވެސް އަދި ނިމޭ އަކުރުވެސް ރައިވަރުގެ ޤަވާއިދުން އެއްގޮތް ނުވެއެވެ
އޮޑިތާންކަލޭގެރައިވަރު
ނ (1) އޮޑިތާންކަލޭގެ ހަދައިފައިހުރި ކަމަށްބުނާ ރައިވަރު މަޖާޒު: (2) ބަނޑުވައް އަކުރުވެސް އަދި ނިމޭ އަކުރުވެސް އެއްގޮތްނުކޮށް ހަދާފައި ހުންނަ ރައިވަރާއި ޅެން
އޯބޯފިލި
ނ އޮބޮފިލީގެ ދެމޭފިލި
އޯކެރުވުން
މ ކަރުތެރެއަށް އެއްޗެއް ބާނައިގެން އޯކަށް ދެމޭގޮތްހެދުން
ވަހާރެހި
ނ )ޏ ( މޭދަށުން ފެށިގެން ނިވާމަގުގެ އިސްތަށިފެޅި ހިސާބަށް ބަނޑުގެ މެދުގައި ހުންނަ ރޮނގު
ވަށިގަނޑު
ނ (1) ކަރުދާސް ފަދަ ތަކެތި އަޅާން ލިޔާމޭޒު ކައިރީގައި ބަހައްޓާ ވަށި (2) ހަނޑޫ ކަނޑާ ވަނެއްގެ ސިފައިގައި ތިރިކޮށް އެއްތެލުން ހަދައިގެން އިށީންނަން ގެންގުޅޭ އެއްޗެއް (3) ބާވެފައި ހުންނަ ވަށި
ވަނދު
ނއ (1) މޭވާ ފަދަ އެއްޗިއްސަށް ލިބޭ ގެއްލުމަކުން އެ އެއްޗެއް ހަރުވެ ފުރިހަމަ ނުވާންވާގޮތް ވަނދު ވީމާ ވާގޮތަކީ ދޮންވެ ފައްކާ ނުވެ ގަސްދޮށަށް ވެއްޓެނީއެވެ (2) މަޖާޒު: ކަމެއްގައި ހުންނަންވީ ފުރިހަމަ ކަން ނެތުމުން ވާގޮތެއް
ވަނދުވުން
މ (1) މޭވާ ފަދަ ތަކެތި ލިބޭ ކޮންމެވެސް ގެއްލުމަކުން ހަރުވެ ފުރިހަމަނުވާގޮތްވުން (2) މަޖާޒު: ކަމެއްގައި ހުންނަންވީ ފުރިހަމަކަން ނެތުން
ވަރުލައިގަތުން
މ ގަސް ރުއް މޭވާ އަޅަމުން އައިސް މެދުކެނޑިލައިފައި އަނެއްކާ އަޅަންފެށުން
ވަރުލުން
މ (1) ވޭވޭހުރިކަމެއް ހުއްޓިލުން (2) ވަމުންދާކަމެއް މެދުކެނޑުން މިސާލު: ފުއްޓަރު ނުވަތަ ފަރަކަށް ހޮޅިލަމުން ބިންދާލާ ރާޅުބައި އެއް ރާޅަށްފަހު އަނެއްރާޅު ބިންދާލުމަށްފަހު ދެވަނަ ރާޅުބަޔާ ދޭތެރޭ ހަމަ ހިމޭންވެފައި އޮތުން
ވައު
ނ (1) މޭވާފަދަ އެއްޗެހީގެ ދިޔަ ބޮއިގެން އުޅޭ ރޭގަނޑަށް އުދުހޭ ޖަނަވާރެއް. މި ގަސްގަހުގައި ތިބޭނީ ފިޔަގަނޑުގައި ހުންނަ ބުޅި ގަނޑެއް އަޅުވައިގެން ބޯތިރިއަށް އެލުވައިލައިގެންނެވެ. (2) ރޯނު ވަކަ ސުތުލި ފަދަ އެއްޗިހީގެ ދެއުޅިއަށްވުރެ ގިނަ އުޅީގައި މާރަށްވުރެ ފަލަކޮށް ދިގުކޮށް އަޅައިފައި ހުންނަ އެއްޗެއް. (3) އުނދޯލި އެލުވައިފައި ހުންނަ ފަށް. (4) އޮލަ ނުވަތަ ތަތް އެއްޗަކުން ނުކެނޑިދެމޭ ފަށް. (5) ބައެއް ބާވަތުގެ ފަންޏާއި ގިނަ ބާވަތް ބާވަތުގެ މަކުނު ދޫކުރާފަށް. (6) އެގޮތް މިގޮތަށް ބޯކޮށް ގަސްހެދިފައި އޮންނަތަން. (7) ބައްޔެއްގެނަން. މިބަލީގައި ވާގޮތަކީ ބަލި ޖެހުނު ގުނަވަނެއްގެ ބާރު މުޅިން ނެތެނީއެވެ. )ނއ.( (8) ތެދަށް ނުހުންނަ. (9) ލެނބުން ހުންނަ. މިސާލު: ވައު އިލޮށި