radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ހިތްދަމައިގަތުން
މ (1) މީހެއްގައި ނުވަތަ އެއްޗެއްގައި ނުވަތަ ތަނެއްގައި ހުންނަ ގޮތަކުން ހިތުގައި ލޯތްބާއި ކުލުނު އުފެއްދުން (2) މީހެއްގައި ނުވަތަ އެއްޗެއްގައި ނުވަތަ ތަނެއްގައި ހުންނަ ގޮތަކުން ހިތުގައި ތަޢުރީފާއި އިސްތިޙުސާން އުފެދުން
ހިތްދިނުން
މ މަޖާޒު: (1) ހިތާވުން (2) މީހަކު ދެކެ މާބޮޑަށް ލޯބިވުން
ހިލަ
ނ (1) ޤުދުރަތީގޮތުން ބިމުގައި އުފެދޭ މަޢްދަނީ ހަރުއެއްޗެއް މީގެ ކިތަންމެ ބާވަތެއް ހުރެއެވެ ގިނަބާވަތް ބާވަތް ގަލަށްވުރެން ހަރުވެފައި ބަރެވެ މީގެ ބައެއް ޒާތްޒާތަކީ ނުހަނު އަގުބޮޑު އެއްޗިއްސެވެ ބާވަތްބާވަތުގެ ޖަވާހިރަކީވެސް ހިލައިގެ ތެރެއިން ހިމެނޭ އެއްޗެއްސެވެ (2) ބައެއް ފަރުބަދަ އުފެދިފައި ހުންނަ މާއްދާ (3) ހަށިގަނޑުގެ ތެރޭގެ ގުރުދާފަދަތަންތާގައި އުފެދޭ ކަށިނޫން ހަރުއެތިކޮޅުކޮޅު
ހިލަނބަށްދިއުން
މ ފިރިހެނަކު ބޭރު ރަށަކުން މީހަކާ އިނދެފައި ރަށަށްއައިމާ އެފިރިހެނެއްގެ ޢާއިލާގެ މީހުން )މައިންބަފައިން ފިޔަވައި( އެއަންހެނަކުބަލައި އެމީހެއްގެ ރަށަށް ދިއުން
ހިލަނބުވެރިން
ނ އަންހެނެއްގެ ޅިޔަންފަހަރި ކަމުގެ ގޮތުން ތިމާގެ މީހުން
ހިލަމާދިއުން
މ )ބ ( (1) ބޭރުރަށްރަށުގައި ނުވަތަ ރަށުގެ އެހެން އަވަށެއްގައި ކާވެނިކުރުމުން އަންހެންމީހާގެ ގެނައުމަށް އެރަށަކަށް ނުވަތަ އެއަވަށަކަށް ބަލައިދިއުން (2) ބޭރުރަށްރަށުގައި ކުރާ ބޮޑެތި މަސައްކަތުގެ ޚަބަރުއިވިގެން ނުވަތަ އެހެން އަވަށެއްގައި ބޮޑުމަސައްކަތް ކުރާތީ އެކަމަށް ތަރުޙީބު ދިނުމަށް ހުރި އޮޅު ނުވަތަ ކޭން ހިފައިގެން ދިއުން
ހިލިބޭސް
ނ ވިހައިގެން އުޅޭ މީހުންނަށް ދިވެހި ފޫޅުމައިންދޭބޭހެއް މިއީ ބައެއްބޭހާއި އަސޭމިރުހާއި ދިވެހި ހަކުރު އަޅައިގެން ކައްކާ ހަރު ބޮނޑިބަތެކެވެ
ހިލުން
މ (1) ހަލަމުން ކައްކައި އޮލަކުރުން ނުވަތަ މިގޮތަށް ކައްކައި ހިއްކުން މިސާލު: )ހ( މެޓާހިލުން )ށ( ހަކުރުހިލުން (2) މީހާ އާދައިގައި ހުންނަ ވަރަށްވުރެން އަނގަގަދަވެ ސަމާސާ ބޮޑުވުން (3) ބަޔަކު ސިހިގެން ގޮތްގޮތަށް އުޅެގަތުން (4) ބަޔަކު ޤަވާޢިދާ ޚިލާފަށް ނުކުމެގެން އުޅެގަތުން (5) ނަގިއްޔާއި ފަނާފަދަ ބުރަތަކެތި އޮތްތަނުން ގުޑައިލުން (6) ފާޅުވެގަތުން މިސާލު: )ހ( ލޭނާރު ހިލުން )ށ( ރޯގާ ހިލުން )ނ( ކުރަފިހިލުން (7) ދިރޭބޮލި ފަޅުތެރޭން ހޮވުން (8) އޮށްވަޅު ކުޅުމުގައި ގޮނޑީގެ ވަޅެއް ހުސްކޮށްނެގުން
ހިލޭމީހާ
ނ (1) ތިމާގެކަމުގެ ގޮތުން އެއްވެސް ގާތްކަމެއްނެތް މީހާ (2) އެއްވެސް ގުޅުމެއް ނެތްމީހާ
ހިލޭމީހުން
ނ ތިމާގެ ނޫން މީހުން
ހިލޭޖެހުން
މ (1) ފުޓުބޯޅަ އާއި ހޮކީފަދަ ކުޅިވަރުގައި ކުށްކުރާބަޔާއި އިދިކޮޅަށް ދޭޖެހުމެއް މީގައި ސީދާ ހިލޭޖެހުމާ ނުސީދާ ހިލޭޖެހުން ހުރެއެވެ (2) އެއްޗަކަށް ނުވަތަ ތަނަކަށް ކުރިޚަރަދު އަނބުރާލިބި އަގުހަމަވުން
ހިސްޓީރިޔާ
ނ ސިކުނޑީގެބައްޔެއް މިބަލީގައި އެކިއެކި އަސަރުކުރުމުގައި ނަފްސާނީގޮތުން ހިފެހެއްޓުން ކުޑަވެއެވެ އޭގެ ސަބަބުން ހިސްޓީރިޔާޖެހިފައިވާ މީހާގެ ކިބައިން ޖިސްމާނީ ބަލިބަލީގެ އަލާމަތްވެސް ފެނުން އެކަށީގެންވެއެވެ ނަމަވެސް މިގޮތުން ފެންނަ އަލާމަތް ގިނަފަހަރަށްވެފައި އޮންނަނީ ބަލިމީހާއަށް ކުރެވޭހީތަކެއްގެ ސަބަބުން ކޮޕީކުރެވޭ ކަންތައްތަކެއް ކަމުގައެވެ
ހިޔަނިއެޅުން
މ (1) އެއްޗެއްގެ އަނދިރި އަނެކައްޗަކަށް އެރުން. (2) މީހެއްގެ އަނދިރި ނުވަތަ އެއްޗެއްގެ އަނދިރި މީހަކަށް އުނދަގޫވާގޮތަށް ފޯރުން (3) މޫނުބަލާ ލޯގަނޑުފަދަ އެއްޗެއް މެދުވެރިކޮށްގެން ތަނަކަށް ނުވަތަ އެއްޗަކަށް އަލިއެރުވުން (4) ފެންގަނޑެއްގެ ތެރެއިން ނުވަތަ މޫނުބަލާ ލޯގަނޑެއްފަދަ އެއްޗަކުން މީހެއްގެ ނުވަތަ އެއްޗެއްގެ ސޫރަ ފެންނަން ހުރުން
ހިޔަނިފިލާކޮޅު
ނ މީހާ ވަޅުލާދުވަހު ތާރީޚުގައި ލިޔެފައި މަހާނައިގައި ޖަހާ ފިލާކޮޅު
ހިޔަނިފުޅު
ނ މަޖާޒު: ވަކިބޭފުޅަކަށް ހެދިގެން އުޅޭ މީހާ
ހިޔަންޏަށްމުޑިނެގުން
މ (1) ބައެއް ޖަނަވާރު ހިޔަންޏެއް ފެނިގެން އެއީ އަސްލޭ ހީކޮށް އެއާ ދިމާއަށް މުޑިނެގުން. (2) މަޖާޒު: ކަމެއް ޙާސިލުވެދާނޭކަމަށް ހީކޮށް އޭގެ އަސްލެއްނެތި އެކަމެއް ލިބިއްޖެނަމަ ކުރަންވީ ަކަންތައްތައް ހޯދައި މީހުން ހިނިއަންނަ ދަރަޖައަށް އެކަމައިގެން އުޅުން މިސާލު: ޖައްރާފައިގެ ވެރިކަން ލިބިދާނެކަމަށް ހީކޮށް ޖައްރާފައިގައި އުޅޭ މީހުންކުރެން އޭގެ ވާހަކައަހައި އަވަސްއަވަހަސް އިންޖީނުގެއަށް ވަދެ މީހުން ހިނިއަންނަ ދަރަޖައަށް އުޅުން
ހިޔަރިން ޖެހުން
މ ދަގަނޑުތަޅާ މީހާ ދޮންކޮށްފައިވާ ބޮޑެތި ދަގަނޑުގަނޑުގައި އަނެކަކު ބޮޑުމުށިން ޖެހުން
ހިޔާ
ނ (1) ވާރެޔާ އަވީން ރައްކާވެވޭ ތަންތަން (2) އޮޑިދޯނިފަހަރުގެ ކުނބުކަތްޕާ ކުންބާ ދޭތެރޭ ދެފުރާޅު ލައިފައި ހަދައިފައި ހުންނަގެ (3) މަޖާޒު: މީހެއްގެ ފަރާތުން ލިބޭ ރައްކާތެރިކަން (4) އެހީތެރިކަން
ހިޔާބޮޑުގަސް
ނ (1) ބޮޑުތަނަށް ހިޔާފެތުރިފައިވާ ގަސް. (2) މަޖާޒު: މީހުންނަށް ބޮޑަށް އެހީފޯރުވާ ތަނަވަސް މީހާ
ހީނާ
ނ މީރުވަސްދުވާ މާ އަންނަ ފަތްކުދި ގަހެއް. ހުދުހަމާއި ނިޔަފައްޗާއި ނުރަ ރަތްކުރާން މިގަހުގެ ފަތްބޭނުންކުރެއެވެ. މިގަހުގެފަތާއި މަލާއި އޮށް ބޭހަށް ބޭނުން ކުރެއެވެ. މީގެފަތްބޮޑު ވަތްތަރެއްވެސް ހުރެއެވެ މިވައްތަރަށް ކިޔަނީ ސުވޭހު ހީނާއެވެ