radheef.info
ރަދީފު


މަ
ނ (1) ބަސް ބުނާ ފަރާތަށް ނުވަތަ އެއްވަނަ ފަރާތަށް ރައްދުވާ ބަދަލު ނަމެއް މިސާލު: މަނުދަން (2) އަހަރެން
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
އެލަކުޓަރީ
(1) މަޝްހޫރު މަޞްނޫޢީ އައްޔެއް (2) އަލިއުހައްދާ ބާރު ބިޖިލީގެ ބާރު
އެލިބައިން
ނ އަންހެނުން ވިހާން ބަނޑުގައި ރިހޭއިރު ވޭންވަރު ފިލުވުމަށް ހިފާން އެލުވާފައި ހުންނަ ވާގަނޑެއް
އެލުން
މ (1) އެއްޗެއްގެ މަތީކޮޅު ތާކު ހަރުވެފައި އަނެއްކޮޅުތިރިއަށް ވީއްލިފައި އޮތުން. (2) ގަސްގަހުގެ ގޮފީގެ ކުރީކޮޅު ހުންނަންވީ ވަރަށްވުރެން ތިރިޔަށްޖެހިފައި އޮތުން. (3) ތެދަށް އޮންނަންވީ އެއްޗެއްގެބައެއް އޮންނާންވީ ވަރަށްވުރެ ތިރިޔަށް ޖެހިފައި އޮތުން. (4) މަޖާޒު: ނާކާމިޔާބުވެގެން ދެރަވުން. )އެލުނު ނނކ އެލިއްޖެ ނކ އެލެނީ ވވ އެލޭނެ ވނ އެލޭ! އމ
އެލްމެނިޔަމް
ނ ކަންވާރު ހަދާފައި ހުންނަ މަޢުދަނީ އެއްޗެއް ދިވެހީން މިޔަށް ޒިންކުވެސް ކިޔައެވެ މިއިން ހަދާފައި ހުންނަ ތެލިބުރިއާއި ސައިކުރާ ވަރަށްގިނައިން ގެންގުޅެއެވެ
އެގްރީމެންޓް
ނ (1) ދެމީހަކު ނުވަތަ ދެބަޔަކު ނުވަތަ ދެދައުލަތެއް ކަމަކާމެދު އެއްބަސްވެފައި ލިޔެ ދެފަރާތުން ސޮއިކުރާ ލިޔުން (2) މުޢާހަދާ (3) އިޤްރާރުނާމާ
މ (1) މުޢާހަދާކުރުން (2) ދެމީހަކު ނުވަތަ ދެބަޔަކު ނުވަތަ ދެދައުލަތެއް ކަމަކަށް އެއްބަސްވެފައި ލިޔެ ދެފަރާތުން ޝޮއިކުރުން އެގްރީމެންޓްކުރުން
އެސްމައުކޮޅު
ނ ހަމުގައި ނަގާ ބައްޔެއް މިއީ އެސްމައު ހުންނަހެން ނަގާ ފޮޅެކެވެ
އެސްފިނޮޅު
ނ އަނދުން ހުލި ފަދައިން ލޮލުގެ މަތީ ރަވައިގައި ނަގާ ބައްޔެއް
އެސްފިޔަޖެހުން
މ ލޯ މަރައިލުމާއެކު ހުޅުވުން
އެޑެފަތި
)ސ ( (1) އުރަހައިގެ ކޮޅުހުދު މިޔަރެއް (2) އައިންމަތީމިޔަރު
އެޑްރެސް
ނ (1) ހުންނަ ތަން. (2) މީހަކު ނުވަތަ އެއްޗެއް ހުންނަ ތަން. (3) ސިޓީއާއި ޕާރސަލް ފަދައެއްޗެހީގެ ބޭރުގައި އެއެއްޗެއް ފޮނުވަންވީތަން އަންގައި ދިނުމަށް ލިޔެފައި އޮންނަ ލިއުން (4) ޚުޠުބަތުލް އަރުޝި (5) ޚާއްޞަ މުނާސަބަތެއްގައި ނުވަތަ ޚާއްޞަ ގޮތެއްގައި އެއްވެފައި ތިބި ބަޔަކަށް ދިނުމަށް ތައްޔާރުކޮށްފައިވާ ތަޤްރީރު (6) މީހަކު ކުޅަ މޮޅު ކަމެއްގެ މުނާ ސަބުތުގައި އޭނާއަށް ފޮނުވާ ޝުކުރާއި މުބާރިކްބާދީގެ ލިޔުން (7) މީހަކު ތަނަކަށް ދިއުމުން އޭނާއަށް ކިޔާ މަރުޙަބާ
އެޑްމިރަލް
ނ ކަނޑުމަތީ ސިފައިންގެ އެންމެމަތީ ވެރިޔާ ކަނޑުމަތީ ސިފައިން ނުވަތަ ކަނޑުގެ ސަރަޙައްދީ ހިސާބު ބެލެހެއްޓުމާ ޙަވާލުވެގެން ހުންނަ އޮފިސަރަށްވެސް އެޑްމިރަލް ކިޔައެވެ
އެޔޮއްފަދަ
އ (1) އެއޮތްފަދަ. (2) ކަމެއްގެ ނުވަތަ އެއްޗެއްގެ މޮޅުކަން ރަނގަޅުކަން ބޭނުންތެރިކަން ނުވަތަ ނުބައިކަން ބޮޑުކަމުގެ މައްޗަށް ދަލީލުކުރާ ގޮތުން ބުނެއުޅޭ ބަހެއް
އެޕްރީލް
ނ އިރުމަހުގެ ހަތަރުވަނަ މަސް މިމަހަށް އަޕްރީލްވެސް ކިޔައެވެ
އެޖެންޑާ
ނ (1) ވަގުތާއި ތަން ކަނޑައަޅައި ކަމެއްކުރުމަށް ރޭވުމަށްފަހު ތަރުތީބުން އެކަންގެންދަންވީގޮތް ލިޔެފައިވާ ލިއުން (2) ޕްރޮގްރާމް
ވަރަދާނަ
ނ )ބދ ( ހަނގުރާމަ
ވަރަލިބުން
މ (1) ފިޔަދިގުވުން (2) މަޖާޒު: މީހަކަށް ބާރެއްލިބުން
ވަރިހަމަ
އ ޤަބޫލުކަން ނުވަތަ ފަރުވާލެއްނެތްކަން ފާޅުކުރުމަށް ބުނާބަހެއް
ވަރިބަސް
ނ ކާވެނި ރޫޅުމަށް ފިރިމީހާ ބުނާ ބަސް