radheef.info
ރަދީފު


ވެސް
އ (1) ދޭދޭ ބަސް ގުޅައިލުމުގައި ބޭނުންކުރާ އަކުރެއް. މިސާލު: އަޙްމަދު ވެސް އަނީސްވެސް އައެވެ. (2) އިތުރުކުރުން ހިމެނުން މިސާލު: އަހަރެން ވެސް ދާނަން
ބުރަނދު
ނ މޫދުގައިއުޅޭ ކުޑަމަހެއް މަހުގެ ކޯތާފަތްމަތީގައި ތިން ބަރިއަށް ހުޅުނބުހުރެފައި ކޯތާފަތްގަނޑާއި ދިމާއިން ބަނޑުދޮށް ފަރާތުގައި ހުންނަ ކޮތަރީގެ ދިގުމިން މަހުގެ ކަންފަތް ގަނޑާއި އެއްވަރުވާނެއެވެ މަހުގެ ހުރަހަށް ރީނދޫ ކުލައިގެ ރޮނގުތަކެއް ހުރުމާއެކު ކަންފަތްގަނޑު ފަޅައިފައިވާ ހިސާބުގައިވެސް ކަޅުލަފެއްހުރެއެވެ
ބުރީވައި
ނ (1) ފުރަގަސް ފަރާތުބަލީގެ ބާވަތެއް މިބަލިޖެހުނީމާ އުނގަނޑުގައާއި ފުރަގަސްފަރާތުގައިވެސް ރިއްސާނެއެވެ އަދި ވައިބޭރުވުން ގިނަވާނެއެވެ (2) ދުރަނުވައި
ބުރެކިފާނަ
ނ ކަނޑުހާލުގެ ބާވަތެއް. މިއަށް ދޮންބުރެކި ފާނަވެސް ކިޔައިއުޅެއެވެ. މަހުގެ ކުލައަކީ ނާރިނގު ކުލައެވެ. މަހުގެ ބޮލާއި ދެއަރިމަތީގައި ފަނޑުނޫކުލައިގެ ތިކިތަކެއްހުރެއެވެ. ނިގޫފަތުގެ ކޮޅު ހުދު ކުލައިގައި ހުރުމާއެކު ނިގޫފަތް ހުންނަނީ ހަނދުފަޅި ބުރަށް ކަފިކޮންނެވެ
ބުރޮޅި
ނ އޮށްބޭހުގެ ފަސްބާވަތުގެ ތެރެއިން އެއްބާވަތެއް މިއީ ވަށްކޮށް އެއްކޮޅު ތަނޑެއްގެ ސިފައަށް ކުޑަކޮށް ދިގުވެލައިފައި ހުންނަ އެއްޗެކެވެ ބޭރު ހުންނާނީ އޮމާންކޮށެވެ މީގެ ކުލައަކީ މުށިކުލައަކަށްދާ އަޅި ކުލައެކެވެ ޢާއްމުކޮށް ބޭހަށް ބޭނުން ކުރަނީ ބުރޮޅިގެ ބޭރެވެ ބައެއްކަހަލަ ބޭހަށް މީގެ މަދުވެސް ބޭނުން ކުރެއެވެ
ބުޅާމަރަންޖެހުން
މ މަޖާޒު: އެއްވެސްފާޑެއްނެތި ހޫރައިފައި ޖެހުން
ބުޅިކަނޑައިލައިފައިދިއުން
މަޖާޒު: ލިބިފައިވާ ކަމަށްހީކޮށްހުރި އެއްޗެއް އަތުން ބީވުން )މަޤާމަށްވެސް ލޯބިލިބުމަށްވެސް މިހެންބުނެއެވެ
ބުއްޑާ
ނ ހުތުރުބަހުގައި މުސްކުޅި ފިރިހެނާ މިބަސް ނަންއިތުރަކަށްވެސް ހިމެނެއެވެ
ބުލޫނި
ނ (1) ވެސްނޫ (2) ބުލޫ
ބެހިގެންދިއުން
މ (1) ދަތުރުކުރާ އުޅަނދަކަށް ލިބޭ ގެއްލުމެއްގެ ސަބަބުން މިސްރާބު އޮޅިގެން ނުވަތަ މިނޫންވެސް ސަބަބަކާހުރެ ދެވޭނުދެވޭ ތަނެއް ނޭނގި ދެވުން. (2) ފުރާދުއްވާ އެއްޗެއް އަޅައިފައި އޮއްވާ ވައުކެނޑިގެން އޮޔާދިއުން
ބެރު
ނ (1) މިއުޒިކުގެ އާލަތެއް މިއީ އޮނިގަނޑެއްގެ އެއްކޮޅުގައި ނުވަތަ ދެކޮޅުގައި ހަން ނުވަތަ އެފާޑުގެ އެހެން އެއްޗެއް އަޅައިގެން ހަދާ އެއްޗެކެވެ މީގެ އަޑު ނެރެނީ ޖަހައިގެންނެވެ (2) މިޔުޒިކުގެ ހަމަޔާ ގުޅޭގޮތަށް ވަކި ތަރުތީބަކުން ޖަހާ އަޑު (3) ކަރަންޓު ބޭނުންކޮށްގެން ނުވަތަ އެނޫންވެސް ގޮތަކުން ބެރުގެ އަޑު ނެރެން ހަދައިފައިވާ އެތި
ބެރުހަމުނާ
(1) ދިވެހިންކިޔައި އުޅޭ ފުލޯކު ވާހަކައެއްގައި އަންނަނަމެއް. މިނަން ކިޔައި އުޅުނު މީހަކުވެސް ތަންކޮޅެއް ކުރީގައި އުޅުނެވެ (2) ދެމުބަ އެއްކޮށް ފަލަކޮށް އަނދުންއަޅައި ފަލަފަލަކޮށް ކޫރުދަމައިފައި ހުންނަ މީހާއަށް ކިޔާ ނަމެއް
ބެރުހުއްޓާލަވަބައި
ނ ސަމާހުއްޓުމަށާއި އަދިވެސް އެހެނިހެން ގޮތްގޮތުން ޖަހާ ދަނޑިބެރު ހުއްޓާން ޖަހާލަވަ
ބެރުޖެހުން
މ (1) އޮނިގަނޑެއްގެ އެއްކޮޅުގައި ނުވަތަ ދެކޮޅުގައި ހަން ނުވަތަ އެފާޑުގެ އެހެން އެއްޗެއް އަޅައިގެން ހަދާ އެއްޗެއްގައި ޖެހުން (2) މިއުޒިކުގެ ހަމަޔާ ގުޅޭގޮތަށް ވަކިތަރުތީބަކުން އެއްޗެއްގައި ނުވަތަ ތަނެއްގައިޖެހުން (3) ކަރަންޓު ބޭނުންކޮށްގެން ނުވަތަ އެނޫން ވެސް ގޮތަކުން ބެރުގެ އަޑު ނެރެން ހަދައިފައިވާ އެއްޗަކުން އަޑުނެރުން
ބެރެބެދި
ނ ރަތްމަލެއްއަޅާ ކަށި ހުންނަ ބިޔަގަހެއް މީގެކަށި ނުހުންނަބާވަތެއްވެސް ހުރެއެވެ
ބެއަސްނުބެއަސް ހައިވަކަރުއޮޑި ނަންވާނެ
ރަނގަޅުކަމެއް ކުރިޔަސް ނުކުރިޔަސް ބޮޑަށް ނަންވާނީ އެކަމަށް މަޝްހޫރުވެފައިވާ މީހެކެވެ މިބަސްމީގެ އިދިކޮޅަށްވެސް ބުނެއުޅެއެވެ
ބެދޭމަޅިއެއް ނުފެންނާއެވެ
(މުސްކުޅިބަހެއް) ކަލެއްގައި ދެރަގޮތެއް ވާން އޮންނަ ފަހަރު ރައްކާތެރިވާކަށްވެސް ނޭގޭނެއޭ ބުނަށް ބުނެއުޅޭ ބަހެއް
ބެލުން
މ (1) އެއްޗަކަށް ނަޒަރު ހުއްޓައިލުން (2) ބެލެހެއްޓުން (3) ކާންދީގެން ގެންގުޅުން (4) ކަން ހިނގާފައިވާގޮތް ހޯދުން (5) ކަމެއްކުރެވޭތޯ ބެލުން މިސާލު: ތިޔަގެއަށް ދެވޭތޯ ބަލާނަން (6) އަދަބު ބެހެއްޓުން މިސާލު: މީނާ މަންމަޔަކަށް ބައްޕަޔަކަށްވެސް ބެލުމެއްނެތެވެ
ބޭކާރު
ނއ (1) ބޭނުމެއްނެތް (2) ތާކުންތާކުނުޖެހޭ (3) ކުޑަވެސް ފައިދާއެއްނެތް
ބޭދަނާ
ނ އަހިއޮށްހެން ހުންނަ އޮށެއް މިއޮށް ފެނަށް އެޅީމާ މަސްލައިގެން އޮލަވާނެއެވެ މިއީ ބޭހަށްވެސް ބޭނުންކުރާ އެއްޗެކެވެ
ބޮނޑިތާން ކުރުން
މ (1) ފޮތިގަނޑެއް ހޫނުފެނުން ތެންމައިގެން ނުވަތަ ފިނިކުރިފެން ތެންމައިގެން ގައިގައި އޮބުން. (2) ބޮނޑިތާން ހޫނުކޮށްގެން ފަރުވާޔަކަށްޓަކައި ގައިގައި އުނގުޅުން. (3) ފަރުވާޔަކަށްޓަކައި ކޮންމެވެސް އެއްޗަކުން މާލީސް ކުރުން. (4) ފަރުވާޔަކަށްޓަކައި އެއްޗަކުން ގައިގައި އޮބުން