radheef.info
ރަދީފު


ވެރި
ނއ އަމުރު ނުވަތަ އެއްޗެއްގެ މިލްކިއްޔަތު ހާޞިލުވެގެންވާ. މިސާލު: އަމުރުވެރި މިލްކުވެރި
ފަތަވެރިޖެހުން
މ ފަތޭރިޖެހުން
ފަތުރުވެރިޔާ
ނ ރަށެއްގެ ނުވަތަ ޤައުމެއްގެ އެކިތަންތަން ބަލައިލުމުގައި ޗުއްޓީހޭދަ ކުރާމީހާ
ފަލްސަފާވެރިޔާ
ނ (1) ބުއްދިވެރިޔާ (2) ޙިކްމަތްތެރިޔާ (3) ކަންކަމާމެދު ޤަބޫލުކުރާގޮތަށް ހަމަދައްކާ މީހާ (4) ފަންނީ އަދި ޢަމަލީ ޢިލްމުތައް ނޫން ސިކުޑީގެ ހަމަވިސްނުމުގެ ޢިލްމު ލިބިފައިވާ މީހާ
ފަޚުރުވެރި
ނއ (1) މާތްކަން ލިބިހުރި. (2) މަތިވެރި. (3) ޤަދަރުވެރި. (4) ނަފްސުގެ ޤަދަރާއިމެދު ހިތްހަމަޖެހުމުގެ އިޙްސާސް ލިބިހުރި. (5) ރަނގަޅު ކަންތައް ކުރެވިގެން ހިތްހަމަޖެހި ހުރި އަދި އުފާވެރި
ފަޚުރުވެރިކަން
ނއނ (1) މާތްކަން (2) މަތިވެރިކަން (3) ނަފްސުގެ ޤަދަރާމެދު ހިތްހަމަޖެހުމުގެ އިޙްސާސް ވާކަން (4) ރަނގަޅު ކަންތައް ކުރެވުމުން ލިބޭ ހިތްހަމަޖެހުމާއި އުފާވެރިކަން (5) ގަދަރުވެރިކަން
ފަޚުރުވެރިވުން
މ (1) މާތްވުން (2) މަތިވެރިވުން (3) ނަފްސުގެ ޤަދަރާމެދު ހިތްހަމަޖެހުމުގެ އިޙްސާސްވުން (4) ރަނގަޅު ކަންތައް ކުރެވިގެން ހިތްހަމަޖެހުމާއި އުފާ ލިބުން (5) ޤަދަރުވެރިވުން
ފަޚުރުވެރިޔާ
ނ (1) މާތްކަން ލިބިހުރި މީހާ (2) މަތިވެރިކަން ލިބިހުރި މީހާ (3) ނަފްސުގެ ޤަދަރާމެދު ހިތްހަމަޖެހުމުގެ އިޙްސާސް ލިބިހުރިމީހާ (4) ރަނގަޅު ކަންތައް ކުރެވިގެން ލިބޭ ހިތްހަމަޖެހުމާއި އުފާލިބިފައިވާ މީހާ (5) ޤަދަރުވެރިކަން ލިބިހުރި މީހާ
ފާރަވެރި
ނއ ފާރަ މިބަހުގެ ނަންއިތުރު
ފާރަވެރިންގެދޮރޯށި
ނ ގަނޑުވަރުގެތޭގައި ހުރި ދޮރޯއްޓެއްގެ ނަން މިދޮރޯށިހުރީ ވެލާނާ ވަރުއަށްޓާ ޖެހިގެން ދެކުނަށެވެ
ފާރަވެރިކަން
ނ (1) ފާރަވެރިކަމުގެ ވަޒީފާ (2) ނއނ ތަނެއް ނުވަތަ ބަޔަކު ރައްކާތެރި ކުރުމަށް ފަރުވާތެރިކަމާއެކު ބަލަހައްޓާ ބެލެހެއްޓުން (3) ކަމެއް ހިނގާގޮތް އޮޅުން ފިލުވަން ސިއްރުން ބަލާބެލުން
ފާރަވެރިވުން
މ (1) ތަނެއް ނުވަތަ ބަޔަކު ރައްކާތެރި ކުރުމަށް ފަރުވާތެރިކަމާއެކު ބެލެހެއްޓުން (2) ކަމެއް ހިނގާގޮތް އޮޅުން ފިލުވުމަށް ސއިްރުން ބެލުން
ފާރަވެރިޔާ
ނ (1) ތަނެއް ނުވަތަ ބަޔަކު ރައްކާތެރިކުރުމަށް ފަރުވާތެރި ކަމާއެކު ބަލަހައްޓަން ހުންނަ މީހާ (2) ކަމެއް ހިނގާގޮތް އޮޅުން ފިލުވަން ސިއްރުން ބަލަން ހުންނަ މީހާ
ފާފަވެރިން
މ (1) އުރެދޭ މީހުން (2) ދީނުގައި މަނާކުރައްވައިފައިވާ ކުށްކުރާ މީހުން
ފާފަވެރިވުން
މ ދީނުގައި މަނާ ކޮށްފައިވާ ކަމެއް ކުރެވުން
ފާފަވެރިޔާ
ނ ފާފަކުރާމީހާ
ފާޑުވެރި
ނއ (1) ފާޑުހުރި (2) ކަންތައް ކުރުމުގައި ގޮތްހުރި (3) ވައްޓަފާޅިހުރި (4) މޭސްތިރި
ފާޑުވެރިން
ނ (1) މޭސްތިރިން (2) ކަންކަމުގެ ފާޑު ހުންނަ މީހުން
ފާޑުވެރިކަން
ނއނ (1) މޭސްތިރިކަން (2) ކަންކަމުގައި ފާޑު ހުންނަކަން
ފާޑުވެރިޔާ
ނ (1) ފާޑުހުރިމީހާ (2) ގޮތްހުރިމީހާ
ފިހާރަވެރިން
ނ (1) ފިހާރަ ފިހާރައިގެ ވެރިން (2) ވިޔަފާރިވެރިން (3) މަޖާޒު: މުދާވެރިން