radheef.info
ރަދީފު


ވައް
ނ (1) ގަސްގަހުގައި ގަންނަ މޭވާ ފަދަ ތަކެތި. މީގެ ތެރޭގައި ކާތަކެއްޗާއި ކައިނޫޅޭ ތަކެތި ހިމެނިގެންވެއެވެ. (2) އިހާގޮނޑީން ފަޅައިފައި ހުންނަ ތަންތަން. ގޮބޮޅިއާއި އެތުމައު ގެންފައި ހުންނާނީ މީގައެވެ. (3) އޮޑިދޯނި ފަހަރުގެ ފަށަނުން މައްޗަށް ދެފަރާތަށް ވާނޭހެން ދެކަތްޕަށް ހުންނަ ވައް. )ބުޑުވައް( (4) އޮޑިދޯނި ފަހަރުގެ ވަތްވަތުގައި މަޑޫތައް ހިފެހެއްޓުމަށް އެތެރެ ފަރާތުން ބަނޑު ފިލާގައި އަޅާވައް. )ފައިވައް( (5) ބައެއް ވެޔޮވެލާއި ބައެއް ގަސްގަހުގައި ދެފައިކައްޓަށް ހެދިފައި ހުންނަ ގޮފި މޫފަދަ އެއްޗެހި
ބޮޑުބަދިގެއަށް ކާޅުވަނުން
މަޖާޒު: ކަނޑިކީގެ ދަށު ކަންގަނޑު ވައްޓައިލައިގެން އޮރިޔާން ފެންނަގޮތަށް އިންނަ އަންހެނާއަށް ބުނެއުޅޭ ބަހެއް
ބޮޑުބިސްކޯދު
ނ (1) ކެބިން ބިސްކޯދު (2) ދޫނިޖެހި ބިސްކޫދު މިއީ ގާތްގަނޑަކަށް 3 ސޫތުހާ ބޯމިނުގައި ފަރާތެއްގައި 3 އިންޗި ހުންނަވަރުގެ ހަތަރެސްކަނަށާއި ވައްކޮށް ހުންނަ ބިސްކޯދެކެވެ މިހުންނަނީ ކުޑަވަރެއްގެ ޑަބިޔާއެއްގައެވެ ފަހަކަށް އައިސް ފާރޮށިގޭގޭގައިވެސް މިބިސްކޯދު ހަދައި އުޅުނެވެ
ބޮޑުބުރަކި
ނ އެމުގެ ތެރޭގައި އުޅޭ ބޮޑެތި ބުރަކި މިހުންނަނީ ބޯވައްކޮށް ކަޅުކޮށް ފަތިކޮށެވެ
ބޮޑުކަނޑޫ
ނ (1) ކަނޑުލުގެ ވައް ފަލަ ބާވަތް (2) ފަލަކޮށް ހުންނަ ކަނޑޫމުޑި
ބޮޑުކެޔޮ
ނ ފަތްކޭލުގެ ބާވަތެއް މިއީ ދިގުކޮށް ސީދާކޮށް ވައްތައް ހުންނަ ފޮނިރަހަ މަޑުކޭލެކެވެ ވަކުގެ ތޮށިގަނޑު ހުންނާނީ އަރިއަރިއަށެވެ
ބޮޑުމާލިނެށުން
މ އުނަގަނޑުން ތިރި ވަށައިގެން އެއްވަރަށް ބޮޑުކޮށް ފުއްޕައިފައި ހުންނަ ރޫބައެއް ލައިގެން ކޮނޑުމާޖަހައިފައި ބޮލުގައި ވައްތަރެއްގެ ތާޖެއް އަޅައިގެން ބެރުގައިޖަހާ ލަވަޔާ ކިޔާލަވަޔާ ހަމަވާގޮތުން ނެށުން
ބޮޑުފާގަ
ނ ފާގައިގެ ބޮޑެތި ވައްތަރު މިހުންނާނީ އާދައިގެ ފާގަޔަށްވުރެ އުންތައް ތަންކޮޅެއް ފަތާކޮށެވެ ބޮޑުމިން އާދައިގެ ތޮރަޔާ ގާތްކުރާނެއެވެ
ބޮޑުފެއްސަންގޮތްހެދި
ނ ބކ. އިހުގައި ބޯވަޅު އެޅި ލިބާސް ލައިއުޅުނު ފޭރާމެއް. މިއީ މުޅި ފޮތިގަނޑު ކަޅުފެހި ނުވަތަ ރަތްކުލައިގައި ހުރެފައި ބޮޑުފެހީގެ ރޮނގުބަޔާ ވައްތަރު ގޮތަކަށް ރޮނގުބައި ހުންނަ ފޮއްޗެކެވެ
ބޮޔަށްގުއިރޭ
ނ ބޯކަޅު ހުދު ދޫންޏެއް މިއީ މާދޫންޏާ ވައްތަރު ދޫންޏެކެވެ މިދޫންޏަށް މިހެންކިޔަނީ ބޮއިގައި އިންނަލެއް ގިނަކަމުންނެވެ
ބޯނޑިވިކުން
ނ )ސ ( މީހަކާއި ދިމާއަށް އަތްބުޅިކޮށްފައި ވައްތަރު ޖެއްސުން
ބޯރިވައް
ނ )އ ( ބޯއަރުވާ ވައްގަނޑު
ބޯބޮޑުފައިވައް
ނ ބޯއަރުވާ ވައްގަނޑު
ބޯޅަކިންކިރިމާ
ނ ގުލްސަންޕާމަލުގެ ވައްތަރެއް މިގަހުގެ ފަތްހުންނާނީ ކޮޅުވަށްކޮށެވެ މިމައު ގުލްސަންޕާ މަލަށްވުރެ ތަންކޮޅެއް ބޮޑު ވާނެއެވެ
ބޯކު
ނ (1) ދަގަނޑުފަދަ އެއްޗަކުން ނުވަތަ ލަކުޑިޔާ ދަނޑިފަދަ ތަކެތިން ނުވަތަ ރޭނުމުގައި ހަނދުފަޅިބުރަށް ދޮޅި ދާންހެން މަތިވައްކޮށް ހަދާ އެއްޗެއް. މިއީ ހައްދާ ވެޔޮގަނޑުފަދަ ތަކެތި އޭގެ މައްޗަށް އެރުވުމަށް ހަދައިފައި ހުންނަ އެއްޗެކެވެ (2) )ގ ( ބޮއް
ބޯއަރުވާވައްގަނޑު
ނ (1) އޮޑިދޯނިފަހަރުގައި ވާ އައްސާ ދަނޑިޔާއި ހުރަސް ފިލާގައި ޖައްސައި ހުސެންދަރީގެ ފުލާއެކު ބަނޑުފިލައިން ހަފޮޅާ ހަމަޔަށް އަރުވާ ވައްގަނޑު (2) ގެރިބޯވައްގަނޑު (3) ބޯބޮޑުފައިވައް
ބޯވައްގަނޑު
ނ ބޯއަރުވާ ވައްގަނޑު
ބޯވަމަސް
ނ (1) ކުއްޖާޔާ ފޫޅުދަނޑިންގުޅިވައިފައިވާ މަހުގެ ބާވަތެއް މިމަސް އޮންނާނީ ބޯވަޔާ ވައްތަރުގޮތަށެވެ (2) ދިލަފޮށީމަސް (3) ބޯވަދިލަމަސް
ބޯގަތައިލުން
މ އެކަކު އަނެކަކާ ޖެހި ފިތިގެން ވައްކޮށްލައިގެން ތިބުން
ޅަ
ނއ (1) ނ އޮޑިދޯނި ފަހަރުގެ ވަތުތެރޭގައި އެއްޗެހި ބަހައްޓަން ހުރަހަށް ބަހައްޓާ ލަކުޑި އާއި ދަނޑިފަދަ ތަކެތި (2) ހަރުކަމުގެ އިދިކޮޅު މިސާލު: (ހ) މިއީ ޅަ އަނބެކެވެ. (ށ) މިފާރު އަދި މާ ޅަ އެވެ. (3) ޢުމުރުން ހަގު (4) ހިލާއެއްޗެއް ހެއުވަރަށް ވަރުނުވާ މިސާލު: މެޓާގަނޑު ހަރުވާ ވަރަށްވުރެ މާ ޅައެވެ (5) ވިސްނުންދެރަ މިސާލު: އޭނާގެ ވިސްނުން މާ ޅައީއެވެ. (6) ވައިމަތިން ވިއްސާރަގަނޑެއް އަންނާން ކައިރިވާ ވައްތަރު. މިސާލު: ވައިމަތި މުޅިން ޅަ ކޮށްލައިފިއެވެ. (7) ވަކިޒާތެއްގެ ބޭހެއްކުރުމުން ހަށިގަނޑަށް ލިބޭ ބާވަތެއްގެ ދެރައެއް. މިސާލު: ތިޔަ ހުޅު ހަމަޖެއްސޭނީ ބޭސްގަނޑެއް އަޅައި ކަށި ޅަ ކޮށްގެންނެވެ. (8) ތަޖުރިބާމަދު މިސާލު: މިމަސައްކަތަށް އޭނާ އަދި މާ ޅަވާނެއެވެ
ޅަކަން
ނއނ (1) ހަރުކަމުގެ އިދިކޮޅު (2) އުމުރުން ހަގުކަން (3) ހިލާއެއްޗެއް ހެއުވަރަށް ވަރުނުވާކަން (4) ނުރަނގަޅުކަން (5) ފައްކާނުވާކަން (6) ވިސްނުންދެރަކަން (7) ވައިމަތިން ވިއްސާރަގަނޑެއް އަންނާން ކައިރިވާ ވައްތަރު ފެންނަކަން (8) ވަކިޒާތެއްގެ ބޭހެއްކުރުމުން ހަށިގަނޑަށް ލިބޭ ބާވަތެއްގެ ދެރަކަން (9) ތަޖުރިބާނެތްކަން