radheef.info
ރަދީފު


ވަރަ
ނ (1) އުދުހޭ އެއްޗެތީގެ ފިޔަ (2) ކެޔޮގަހު ބަނޑުފަތާއި ކަށިކެޔޮފަތް ފަދަ އެއްޗެތީގައި ހުންނަ ތުނިފަށްފަށް (3) މުއިރު (4) ދުނިދަނޑި ލަނބަންޖަހައިފައި ހުންނަ ފަށް (5) މަޑައިގައިޖަހާ އެތިފަށް (6) ފިޔަ
ބޮޅު
ނ (1) ވަށްކޮށް ދެކޮޅު ޖައްސައިފައި އޮންނަފަށް. (2) ރިހާކުރާއި ކަރު ހަކުރު ފަދަ އޮލައެއްޗެހި އިނގިޔަށް އޮޅައިލައިގެން ނެގޭމިންވަރު. (3) އުޔާއި ފަށުތްވާއި ބާދަލާފަދަތަކެތި އެކިމިންވަރަށް އޮޅައިފައި އޮންނަ ފަށްތައް މިހުންނާނީ މެދުން ގޮށެއް ޖަހައިލައިފައި ނުވަތަ އެއްޗަކުން އައްސައިލައިފައެވެ
ބޮޅުޖެހުން
މ (1) އުއި ފަށުވި ކަސަބު ފަދަ ތަކެތި ބޮޅުބޮޅަށް އޮޅައިފައި ގޮށްޖެހުން (2) ދިޔާ ހަކުރުފަދަ އޮލަ ތަކެތިން އިނގިލި ގުދުކޮށްލައިގެން ނެގޭވަރަކަށް ނެގުން
ބޮކަރުމާ
ނ (1) ތާޅަފިއްޔެއްގޮތަށް ހުންނަ ރީނދޫކުލައިގެ މަލެއް މިމަލުގެ ތަނޑާވީ ކޮޅަށް ހިމަވެފައި މަލުގެ ކުރީގެ އެތެރެއަށް ހުންނަ ބައިފުޅާވާނެއެވެ މިބަޔާއެއްކޮށް މަލުގައި ފަސްފިޔަ ހުރެފައި އެއްފިޔަ އަނެއްފިޔައަށް ހުންނާނީ ވަކިވެފައެވެ މިމަލުގައި ބޮކަރު ވަހާގާތް މަޑުލުއި މީރުވަހެއް ދުވައެވެ މިގަހުގެ ފަތަކީ އަރިމަތީގައި ވަރަށް ގިނަ ތުނޑުލައިފައި ކޮޅަށް ތޫރިކޮށް ހުންނަ ހިމަދިގު ފަތެކެވެ (2) ތުނި ފޮނިތޮށިހެން ހުންނަ ބޮކަރުވެސް ދުވާ އެއްޗެއް މިއީ ދުން އަޅާން ގެންގުޅޭ އެއްޗެކެވެ
ބޮކަރުގަސް
ނ ފަތްތައް ބޮނޑިބޮނޑިއަށް ހުންނަ ގަސްގަނޑުދިގު ލަކުޑީގައި މީރުވަސް ދުވާ ގަހެއް މިއީ ވަރަށް އުމުރުދިގު ގަހެކެވެ މީގެ ލަކުޑީން އަތަރުހަދައެވެ
ބޮކި
ނ (1) ފެނާއި އެހެނިހެން ދިޔާއެއްޗެހީގެ ތެރޭގައި ހުންނަ ވައިގެ ބަނޑިބަނޑި (2) ކަރަންޓުން ދިއްލޭގޮތަށް ހުންނަ ނަރުކޮޅެއްލައިފައިވާ ބިއްލޫރި އެއްޗެއް އާންމުގޮތެއްގައި ހުންނާނީ މީގެ ފޫ ހޯލްޑަރަކަށްޖެހޭ ގޮތަށެވެ މީގެ ވަރަށް ގިނަ ވައްތަރުހުރެއެވެ (3) އެތެރެ ހުހަށް އޮންނަގޮތަށް ބިއްލޫރިން ނުވަތަ އެހެނިހެން ތަކެތިން ހަދައިފައި އޮންނަ ބޯޅަ
ބޮއިފަތްޖެހިކުނާ
ނ ހަތަރު ކަނުގައި ބޮއިފަތް ޖަހައިފައި ވިޔާ ތުނޑު ކުނާ މިއީ ކުނަލުގެ ވަރަށް މޮޅު ބާވަތެކެވެ
ބޮލާފޮށާއެޅުން
މ (1) އަނދެގެން ހުންނަ އެއްޗެއްގެ ތިރީކައިރި ފުރަގަހުން ނަގައި މޫނާއި ބޮލާ ނިވާކުރުން (2) ބޭޒާރުވުން މަޖާޒު: (3) އަލިފާން ނުފެންނަ ވަރަށް މަތީގައި އަޅިބުރުން
ބޮލި
ނ (1) މޫދުގައި މަސްލައިގެން ދުވާ ދިރޭ އެއްޗެއް. މިހުންނަނީ އެކިބޮޑުމިނުގައި އެކި ކުރެހުމުގައި އެކި ކުލަކުލައިގައެވެ. މީގައި ވަރަށް ރީތި އޮފުވެސް ހުރެއެވެ. މީގެ ތެރެއިން ރާއްޖޭގައި އެންމެ މަޝްހޫރު ވެގެންވަނީ ހުދުކުލައިގައި ހުންނަ ކުދި އެއްޗިއްސެވެ (2) )ސ( ނއ ބޯ ނުވަތަ ތުނީގެ އިދިކޮޅު
ބޮލި ދިއްލުން
މ ފަޅުމަތީގައި ތިބޭ ބޮލި އޭގެ ބުރަކަށި ފެންނަވަރަށް މަސްގަނޑު ހާމަކޮށްގެން ތިބީމާ ކިޔާގޮތެއް
ބޮލިކެއުން
މ ފިހިގެން ކައިއުޅޭ އެއްޗެތި ފިހުމުގެ ތެރޭގައި ކާންކަމުދާ ވަރަށް އެނދުން
ބޮލުރޮދިކެނޑުން
މ މީހެއްގެ ދެކޮނޑު ރީތިވަރަށް ވުރެން ބޮޑަށް އެލުން
ބޮޑައި
ނ ކުރިކީލަ މަހުގެ ބާވަތެއް މިއީ މޫދުގެ ތިލަ ހިސާބުގައި )ހުދުފަޅުމަތީ( އުޅޭ މަހެކެވެ އާންމުކޮށް މިމަސް ތިބެނީ ގާދަށުގައެވެ މިމަސް ދުވެ ހަދަނީ ފަސްގަނޑާއި ވަރަށް ކައިރިން ނަގޫފަތްޖެހޭ ހިސާބުންނެވެ މަހުގެ ކުލައަކީ ކަޅު އަޅި ކުލައެވެ ކުރިކީލަ މަހަށްވުރެ މިމަހުގެ ބޯ ބޮޑުވާނެއެވެ
ބޮޑާ
ނއ ތިމާގެ މިންވަރަށްވުރެ މޮޅުވެގެން އުޅޭ
ބޮޑާކަން
ނއނ ތިމާގެ މިންވަރަށްވުރެ މޮޅުވެގެން އުޅޭކަން
ބޮޑާވުން
މ (1) ތިމާގެ މިންވަރަށްވުރެ މަތިވެރިވެގަތުން (2) ކިބުރުވެރިވުން
ބޮޑުހޯގުޅާ
ނ ކަނޑުމަތީ ދޫންޏެއް މިދޫނީގެ ބޮޑުމިނަކީ ގާތްގަނޑަކަށް 51 ވަރަކަށް އިންޗިއެވެ މުޅިދޫނީގެ ކުލައަކީ ކަޅުކުލައާއި ގާތްކުރާ ގަދަމުށިކުލައެވެ ތުން ހުންނަނީ ކަޅު އަޅިކުލައެއްގައެވެ ފައިގެ ކުލައާއި ހަށިގަނޑުގެ ކުލަ އެއްގޮތްވާނެއެވެ ދޫނީގެނިސްބަތުން ތުންދިގުކޮށް ގަދަފަދަކޮށް ދައްކައެވެ ފިނދުފަތް ހުންނާނީ ކުރިއަށް ފޭހިފައި ހުންނަގޮތަށެވެ ބިސްއަޅާއުމުރުގެ ދޫނީގެ ފިޔައިގެ ދަށްފަރާތާއި އެކުބަނޑުދޮށް ފަރާތް ހުންނާނީ ހުދުކުލައިގައެވެ
ބޮޑުބަދިގެ
ނ ގަނޑުވަރު ތެރޭގައި ހުރި ހަތަރު ބަދިގޭން އެއްބަދިގެ ހަވަރަށް ކައްކާ ކެއްކުންތައް ކައްކަނީ މިބަދިގޭގައެވެ
ބޮޑުބުމަރު
ނ ފިލާފޮތި ބުމަރު. މިއީ ނަނުގަނޑު ބުމަރަށް ވުރެ މާބޮޑު ބުމަރެކެވެ. މިބުމަރު ޖަހަނީ ނަނުގަނޑުގެ އެއްކޮޅު ބުމަރުގައި އޮޅަމުންގޮސް މަތީ ކައިރިޔާ ހަމަވީމާ ބާކީ އޮންނަ ކޮޅު ފިލާ ފޮތީގެ މެދުގައި ހުންނަ ލޯވަޅަކުން މަގަތު ފަރާތަށް ލައްވައި ފިލާ ފޮއްޗާއެކު ހިފަހައްޓައިފައި ބާރަށް ދަމައިގަތުމާއެކު ބުމަރު ހިފަހައްޓަން ޖައްސައިފައި ހުރި އިނގިލި ނައްޓައިލަނީއެވެ މިބުމަރު އެނބުރެމުންދާއިރު ވަރަށް ރީތި ބޫން އަޑެއް އިވޭނެއެވެ
ބޮޑުކަފަ
ނ ކަފަގަހުގެ ބާވަތެއް މިގަހުގެ ފަތް ހުންނާނީ ވަރުކަނދު ގަހުގެ ފަތްހެންނެވެ މިއީ ވަރަށް ބިޔަކޮށް ހެދޭ ގަހެކެވެ
ބޮޑުއުނގުރިޖެހިފުޅި
ނ ވަރަށް އަނގަބޮޑު ބިއްލޫރި ފުޅިއެއް މީގެ އުނގުރި ހުންނަނީ ބިއްލޫރިންނެވެ