radheef.info
ރަދީފު


ވަން
ނ (1) އެއްޗެތި އަޅައިގެން ތަޅާން ލަކުޑީން ނުވަތަ މައުދަނުން ހަދައިފައި ހުންނަ އެއްޗެއް މިސާލު: ހަނޑޫ ކަނޑާ ވަން ހަވާދު ތަޅާވަން (2) ހަނޑުލާއި ކާށި ހުންޏާ އެއްކޮށް ފުޑައިގެން ހަނޑޫ ކަނޑާ ވަނެއްގެ ސިފައިގައި ހަދައިގެން ތެލުލާ ހެދިކާ އެއްޗެއް (3) ގުޅަ ހަދާއިރު މަސްއަޅާން ވަންބުރިއެއްގެ ސިފައިގައި ފުށުން ހަދައިފައި ހުންނަ އެއްޗެއް (4) "ވަނުން" މިބަހުގެ ނިމިނިމުނުކަން (5) ބދ އުރުން
ފަންޖެހުން
މ ފުޅައް ފުޅަފުގައްޔާއި ބިތްބިތުގައި ކޮޅުވަންޖެހުން
ސޯރުފޮތިކޮޅު
ނ މުންޑު އަންނައިރު މުންޑު އުނަގަނޑުގައި ހަރުލައްވަން އުނަގަނޑުގައި އައްސާލާ ފޮތިކޮޅެއް މި ފޮތިކޮޅު އޮންނާނީ ދެކޮޅަށް ފުޅާކޮށް ހަނިދިގުކޮށެވެ
ޑައިނަމޯ
ނ (1) ބައިސްކަލުގައި ހަރުކޮށްފައި ހުންނަ ފުޅިއަނބުރައިގެން ދިއްލާ ބައްތި (2) ކާރުލޮރީފަދަ އެއްޗެހީގައި ކުރިއަށް އަލި ފޮނުވަން ހުންނަ ބައްތި
ޑައިނު
ނ (1) ބޭކާރު އަނގަތަޅުވާ މުސްކުޅި އަންހެނާ (2) ދެބަ ކުޓުވަން އެތަން މިތަނަށް ހިނގާ އަންހެނާ
ފަރުދާކުރުން
މ (1) ނިވާކުރުމަށް ފޮތި ފަދަތަކެތި ދެމުން (2) ފަރުދާ ދެމުން (3) ނިވާކުރުން (4) މަޖާޒު: ސިއްރު ކުރުން (5) ވަންހަނާ ކުރުން
ފައިންޕުޅުހިފުން
މ ރަސްގެފާނު ފައިންޕުޅު ދައްކަވަން އިންނަވާއިރު ހަނގު ބޭކަލުންނާއި ދެންވެސް ފައިންޕުޅު ހިފަންޖެހޭ މީހުން ފައިންޕުޅުގައި އަތްލައިފައި ތެދުވެ ކުރުނީސް ކުރުން
ފައިއުރަ
ނ އަންހެނުން ނަމާދު ކުރާއިރު ފަޔަށް ލައްވަން ގެންގުޅޭ އުރަ
ފައިވަން
ނ ހަނޑޫ ކަނޑާވަން
ފައިދޮށުފުރޭތަ
ނ ބަޑިބޭސް އަޅައިގެން ތައްޔާރު ކޮށްފައި ހުންނަ މައްޗަށް ނާރާ ހަވާގެ ބާވަތެއް މި ބޭނުން ކުރަނީ ހިތި ވިލޭރޭ ފަދަ ރޭރޭ ކުޅިވަރު ކުޅުމުގެ ތެރޭގައެވެ މި ރޯކޮށްލުމުން ބިންމަތީގައި ގުދުގުދު ލައްވަމުން ދާ ދިޔުމުގައި ކުޅި ބަލަން ތިބޭ މީހުންގެ ފައިދޮށަށް ވަންނާތީ އެނަން ކިޔަނީއެވެ
ފަތްމިނި
ނ (1) އަންހެންވަންތަ ސިފަތަކުން އެންމެ ފުރިހަމަ އަންހެނުންނަށް ކިޔާނަމެއް. (2) ޖަޑަޔަށްވުރެ ކުދި ޖަޑާޔާ ވައްތަރު ހަތަރު ފިޔަލީ ސޫތްޕެއް
ފަލަށް ދިއުން
މ (1) ފަލުގައި ބޮނބި އަޅަން ނުވަތަ އަޅައިފައި ހުންނަ ބޮނބި ނަގަން ދިއުން (2) ކަނޑޫފަލަށް ކަނޑޫ ހޮވަން ދިއުން
ފަސްއެޅުން
މ (1) ކޮނެފައިވާ ވަޅުގަނޑަކަށް ފަސްލުން (2) މަޖާޒު: ހިނގައިފައިވާ ކަމެއް ވަންހަނާ ކުރުން
ފަސްފުޅިދުމާދިއުން
މ އިހުގައި ގަނޑުވަރު ތެރޭގައި ހުންނަ ދަމުއަށީގެ ލޯގަނޑުން ފަސް ފުޅިޔަށް ޖެހީމާ )ރޭގަނޑު އެގާރަޖެހީމާ( އަލިފާން އަޅައިފައި ހުންނަ މުޖުމަރާއަކަށް ދުން އަޅައިގެން ކުދިބޭކަލަކު އެހިފައިގެން ހިއްތަން ދޮރާށިން ނުކުމުގެން މެދުޒިޔާރަތް ދޮށަށްގޮސް އެތާނގައި ދުޢާވެރިކަން ކިޔަވަން ތިބޭ މީހުންގެ ގާތުގައި ބެހެއްޓުން
ފަސްލަކުނުކަން
ނ )ބދ ( ފާހަގަ ކުރެވޭ ޚާއްޞަ މޮޅު ފަސް ސިފައެއް )ހ( ދީން ވެރިކަން )ށ( ކުލަފަތިކަން )ކުލަރީތިކަން( )ނ( ރޫފަވެތިކަން )ރޫފަ ރަނގަޅުކަން( )ރ( ވަންހަވެރިކަން )ނަސަބު ރަނގަޅުކަން( )ބ( ގިނަ ކަންތައް ދަންނަކަން
ފަސްލައިފޮރުވައިލުން
މ (1) ވެލިއަޅައި ހަމަބިމާ އެއްވަރުކުރުން (2) މަޖާޒު: ކަމެއް ވަންހަނާ ކޮށްލުން
ފާނަބަސަނދު
ނ ހަމުގެ ބައްޔެއް. މިއީވަރަށް އަވަހަށް ފެތުރޭ ބައްޔެކެވެ. މިބަލީގެ ފަނި ހަށިގަނޑަށް ވަންނަތާ 11 ދުވަހާ 81 ދުވަހާ ދޭތެރޭގައި ގަދައަށް ހުން އާދެއެވެ. ހުން އަންނަތާ 42 ގަޑިއިރުގެ ތެރޭގައި ރަތްކުލައިގެ ބިހިތަކެއް ނަގައެވެ. މިބިހިތައް ބޮޑެތިވެ ފޮޅުތަކަކަށް ބަދަލުވެ ކުރަމަގާލިލައި 21 ދުވަސް ފަހުން ކުރަމަގާލިތައް ނެއްޓިދެއެވެ
ފާރަވެރިކަން
ނ (1) ފާރަވެރިކަމުގެ ވަޒީފާ (2) ނއނ ތަނެއް ނުވަތަ ބަޔަކު ރައްކާތެރި ކުރުމަށް ފަރުވާތެރިކަމާއެކު ބަލަހައްޓާ ބެލެހެއްޓުން (3) ކަމެއް ހިނގާގޮތް އޮޅުން ފިލުވަން ސިއްރުން ބަލާބެލުން
ފާރަވެރިޔާ
ނ (1) ތަނެއް ނުވަތަ ބަޔަކު ރައްކާތެރިކުރުމަށް ފަރުވާތެރި ކަމާއެކު ބަލަހައްޓަން ހުންނަ މީހާ (2) ކަމެއް ހިނގާގޮތް އޮޅުން ފިލުވަން ސިއްރުން ބަލަން ހުންނަ މީހާ
ފާރޮށިއުނދުން
ނ ފާރޮށިފަދަ ތަކެތި ފިހަން ބޭނުންކުރާ އުނދުން. މިއީ ވައި ނުވަންނާނޭހެން ހޫނުކަން ހިފެހެއްޓި ހުންނާނޭގޮތަށް ދުން ބޭރުކުރާ ހޮޅިއަކާއެކު ރާނައިފައި ހުންނަ ތަނެކެވެ
ފާޅަގަނޑު
ނ (1) ކުނި ނަގަން ފާޅައިން ހަދާފައި ހުންނަ އެތި (2) ކުޑަކުދީން ބާއްވަން ފާޅައިން ހަދައިފައި ހުންނަ އެތި