radheef.info
ރަދީފު


އެތި
ނ (1) ޖިސްމާނީ ތަކެތި (2) ނަންނޭގޭ (3) އިންސާނުން ފިޔަވާދެން ހެއްދެވިހައި ތަކެތީގެ ތެރެއިން ކޮންމެ ވައްތަރަކަށް އޭގެ ނަމުން ނުބުނެ ކިޔާގޮތެއް
)ކެމެރާގެ ފިލްޓަރު( ފިލްޓަރު
ނ (1) ފުރޭނި (2) ތެލާއި ގޭހާއި ވައި )ވެލިފަދަ ކަރުދާސް ފަދަ ފޮތިފަދަ އެއްޗެއްގެ ތެރޭގައިވާ( އެއްޗެއްގެ ތެރެއިން ދަތުރު ކުރުމުން ސާފުކޮށްދޭއެތި (3) ފެން ސާފުކޮށް ފުރާނައިދޭ ފެންއަޅާ ކަންވާރެއް (4) އަޑުގެ ބާރުމިން ވަކި ފްރީކުއެންސީއެއްގައި ހިފަހައްޓައިދޭ އެތި (5) އަލީގެ ބާރުމިން ވަކިވަރަކަށް ހިފެހެއްޓުމަށް ބޭނުންކުރާއެތި
)ސާކެޓް( ފިޔުޒު
ނ (1) ބޭނުން ވަރަށްވުރެ ބޮޑަށް ކަރަންޓު ބޭނުން ކުރުމުންނާއި ޝޯޓުވުމުން ވިރިގެން ދާގޮތަށް ސާކެޓެއްގައި ބަލިކޮށް އަދި ފަސޭހައިން ވިރިގެން ދާގޮތަށް ލެވިފައިވާ ނަރުކޮޅެއް (2) މިނަރުކޮޅު ހަރުކޮށްފައި ހުންނައެތި
ފިޔޮއް
ނ (1) ކުކުޅު ހާލުގެ ޅައެތި (2) މަޖާޒު: ޅަކުދިން
ފީތާ
ނ (1) ތެޔޮއަޅައިގެން ބޭނުންކުރުމަށް ހަދައިފައިވާ ބައްތި ދިއްލުމަށާއި އުނދުން ރޯކުރުމަށް ރޮދި ނުވަތަ އުއި ބޭނުންކޮށްގެން ވަށްކޮށް ނުވަތަ ފަތިކޮށް ދިގުކޮށް ތައްޔާރު ކޮށްފައި ހުންނައެތި. (2) ފިލްމުރޯލު. (3) މިންއެޅުމަށްޓަކައި ފޫޓުން ނުވަތަ މީޓަރުން މިންއަންގައިދިނުމަށް ހަދައިފައިވާ ފަތިކޮށް ދިގުކޮށް އޮންނަ އެއްޗެއް (4) ފީތާފޮށީގެ އެތެރޭގައި ދަގަނޑު ނަރުން ކައިރި ކައިރީގައި ބަންދު އަޅައިފައިވާ ދިއުޅި
ފުހި
ނ )ތ ( ފޮހޭއެތި
ފުށަތްމަތި
ނ (1) ކުޅިޖަހާއިރު ނުއަތް ފަރާތުން ޖަހާ އެތިފަހަރެއް (2) ނުއަތްމަތި
ފުށުތިލޯށި
ނ އޮޑިދޯނިފަހަރުގެ ވާ އެއްސުމަށް އެއްގަމުގައި ޖަހައިފައި ހުންނަ އެތި
ފުނޑުވުން
މ (1) ވަޅޯމަސްގަނޑެއް ފަދަ އެއްޗެއް އަތުން ވަކިވަކި އެތިކޮޅުތަކަކަށް ހަދައިލުން (2) "ފުނޑުން" މިބަސް މީހަކުލައްވައި ކުރުވުމުގެ މާނައިގައި ބޭނުންކުރުން (3) ހަރުއެއްޗެއް އަތުން ކުދިކުދިކޮށް ވަކިވަކި ކުރުން
ފުރާކު
ނ ސިފައިންގެ ކަމަރުގައި މުގުރުޖަހަން ހަރުކޮށްފައިހުންނައެތި
ފުޅިތޮށި
ނ ބިއްލޫރި އެއްޗެހި ފުޑުފުޑު ވީމައި ހުންނަ އެތިކޮޅުކޮޅު
ފުޅިތޮށިޖެހުން
މ (1) ތެޅިފައިވާ ފުޅީގެ ތޫނު އެތި ކޮޅުތައް ފާރުމަތީގައި ހަރުކުރުން )މިކަން ކުރަނީ ވަގު ނުވަންނާނެގޮތް ހެދުމަށެވެ ( (2) ފުޅިތޮށި ހިމުންކޮށް ފުޑައި ތެރަހާއި އެއްކޮށް ރޮދީގައި އުނގުޅުން )މިކަން ކުރަނީ ތޯޅުވުމަށެވެ
ފުކުފުކުންކެއުން
މ އެތިއެތިކޮޅުން ކެއުން
ފުއް
ނ (1) އޮށްޓަރު (2) އެތިކޮޅު (3) ވޮށުގެ ފީތާއެއްގެ ގޮތުގައި ބޭނުންކުރާ ކަފަކޮޅު (4) ފީރު ނުވަތަ ކީސް ނުވަތަ ސޯބުގައި ކަނޑައިފައި ހުންނަ ތުނޑު
ފުއްކަރެއް
ނ އެތިކޮޅެއް
ފުއްފުކަށްހުރުން
މ އެތިއެތިކޮޅަށް ހުރުން
ފުފޭމުށި
މ ތެޅިފައި ހުންނަ ފުފޭގެ އެތިއެތި ކޮޅު
ފުލުސް
ނ (1) އިސްކުރާއި ބޯލްޓް ފަދަ ތަކެތި ނުވަތަ އިސްކުރު ކަނޑައިފައި ހުންނަ އެއްޗެހި ހިފެހެއްޓުމަށް ނުވަތަ ބާރު ކުރުމަށް އޭގެ ކޮޅަށް ލައްވާ އިސްކުރު ކަނޑާފައި ހުންނަ އެތި (2) ފުލުހުން (3) ގޭތެރޭގައި ކުޅޭ ކުޅިވަރެއް
ފުލުސްކުޅި
ފަނޑިޔާރު ފުލުސް ދޭވާނި ވަކީލު ކަތީބު ވަގު މިނަންތައް ކަރުދާސްކޮޅުގައި ލިއެ ބޮނޑިބޮނޑި ކޮށްލުމަށްފަހު ކުއްޖަކު އެތިކޮޅެއް ނަގާނީއެވެ ވަގު ނެގުނު ކުއްޖާވާނީ "ވަގަ" ކަށެވެ ދެން ފުލުހަށް އަންގާނީ ވަގު ހޯދުމަށެވެ ވަގު ހޯދުމަށް ފަހު ފަނޑިޔާރު ޝަރީޢަތް ކުރައްވައި ދޭވާންޏަށް އަންގަވަނީ ވަގުގެ ގައިގައި ފަތިގަނޑެއް ފަދަ އެއްޗަކުން ތެޅުމަށެވެ
ފެންހިރި
ނ (1) ހިރިކޮނެގެން ފެން އަޅަން ހަދައިފައި ހުންނަ އެތި (2) ފެންގާގަނޑު
ފެންއޮއްސުން
މ (1) ފެން އަޅައިފައި ހުރި އެއްޗަކުން އަނެކައްޗަކަށް ނުވަތަ ތަނަކަށް އެފެން އެޅުން (2) ފެން އަޅައިގެން އުވަ ފުރޭނީމާ އޭގައި ހުންނަ އުވަތައް ނުފައިބާނޭހެން މަޑުމަޑުން ފެންހުސްކުރުން (3) ތެޔޮހާނަން ކިރު އެތި ކައްކައިފައި ބެހެއްޓީމާ ތެލާ ވަކިން އަޑީގައި ހުންނަ ފެން ހުސްކުރުން (4) މަޑުކުރާ ތަކެތީގައި ހުންނަ ފެން ބޭރަށް އަޅައިލުން (5) ހަނޑޫ ދޮވެފައި ހުންނަ ފެން ބޭރަށް އަޅައިލުން (6) ހިތި ފިލުވުމަށް ފެނަށް އަޅައިފައި ހުންނަ އެއްޗެހިން ފެން ހުސްކުރުން