radheef.info
ރަދީފު


އެއްޗެއް
ނ އެކަތި
ނަދުރަށް ސަލާންޖެހުން
މ އެތައްގެއަކަށް ސަލާންޖަހާން ނަދުރުބުނެގެން ކޮންމެގެއެއްގެ ދޮރުމައްޗަށް އަރައިފައި "އައްސަލާމް ޢަލައިކުމް ނަދުރަކަށް" މިހެންބުނުން މިގޮތަށް ސަލާންޖަހާއިރު ގެއަކުން އެއްޗެއް ދޭކަށް ނުޖެހޭނެއެވެ އަދި އެއްޗެއް ދިނަސް އެއެއްޗެއްގައެއް ނުހިފާނެއެވެ
ނަގައިލުން
މ (1) ނެތިކޮށްލުން (2) ބޭނުންނެތް ޚަރަދުކުރުން (3) މަޤްޞަދުން ނައްޓުވައިލުން (4) މަގު އޮޅުވައިލުން (5) ތިމާގެ ޙަވާލުގައިވާ އެއްޗެއް ތިމާގެ ފަރުވާކުޑަކަމުން އެއަށް ވީނުވީ ގޮތެއް ނޭނގުން (6) )ގ ( ނެގުން
ނަގިލިކަހައިލުން
މ (1) ނަގިލިލައި ހަރުކޮށްފައި އޮތް އެއްޗެއްގެ ނަގިލި ކެހިގެން ދިއުން (2) މަޖާޒު: އަނބިމީހާ ރުޅިހަދައިލައިފައި ދިއުން
ނަސީބަކީ ކަތީބަކުދޭ އެއްޗެއްނޫނެވެ.
(މުސްކުޅިބަހެއް) ނަސީބަކީ ވެރިޔަކު މެދުވެރި ނުވެވެސް ލިބޭއެއްޗެއްކަށް ދެއްކުމަށްޓަކައި ބުނެއުޅޭބަހެއް
ނަޑަރު
ނ ވެލާގެ ޒަކަރު މީހަކު ދެރަކޮށްލުމަށް އެމީހާއީ އެއްވެސް އެއްޗެއްނޫން ކަމުގައި ހަދައިފައި މިނަމުން ބުނެއެވެ
ނަޖިސް
ނ (1) ކުޑަކަމު ނުވަތަ ބޮޑުކަމުދާ ތަކެތި (2) ގައިގާ ނުވަތަ ފޭރާމުގާ އެހުއްޓައި ނަމާދު ހެއުނުވާ ކޮންމެ އެއްޗެއް މިބަސް ނަންއިތުރެއްގެ ގޮތުންވެސް ބޭނުންކުރެއެވެ މިސާލު: ނަޖިސްތަކެތި
ނާށިދިލަ
ނ (1) ނާށިއާވި (2) އަނދައަނދާ ހުންނަ ނާށްޓެއްގެމަތިން އެއްޗެއްޖަހައި ބަންދުކުރީމާ ނެގޭއާވި
ނާށިތާރަ
ނ ނާށްޓެއްގެ އަނގަ މަތީގައި ހަންއަޅައި އެހަން ތޮރުފައި ރޮއްޖެއް ލައިގެން އެރޮދީގެއަނެއް ކޮޅުގައި މަޅިއެއް ހަދައިފައި ދަނޑިގަނޑެއްގައި އަޅުވައިގެން އެނބުރީމާ އަޑުގޮވާ އެއްޗެއް
ނާނަކަޓާ
ނ ފާރޮށި އުނދުނުގައި ފިހާ ފޮނިކާއެއްޗެއް. މިއީ ހަކުރާއި ގިތެލާއި ކުޅުބިހާއި ކާފޫރުތޮޅި ލައިގެން ގޮދަން ފުށުގައި ތައްޔާރުކުރާ އެއްޗެކެވެ
ނާނާ
ނ (1) ހަމައެކަނި އަޑުން އަޅުވާލާ ރާގު މިސާލު: ނާނަޔޭނާނާ އޫނ އޫނ އޫނ (2) ކުދިން ނިންދަވަން ކިޔާލަވަ (3) އ ނޫނެކޭ ބުނުން ގަދަކުރުމަށް ބުނާގޮތް (4) މަޖާޒު: ކިޔާއެއްޗެއް ނުފިލާގޮތަށް ނުވަތަ އަޑުއަހާމީހުން ފޫހިވާ ގޮތަށް ދައްކާވާހަކަ (5) ކިޔާއެއްޗެއް އޮޅުން ނުފިލާގޮތަށް ކިޔާ އެއްޗެހި
ނާރުޖެހުން
މ ކޮންމެވެސް ބައްޔަކަށްޓަކައި ތޫނުއެއްޗެއް ހަރައިގެން ލޭހޮޅިޔަކުން ލޭނެރުން
ނާރެސް
ނ (1) އުޑީގެ އަޑިކިބައިގެ މެދުގައި މަތިކިބަ ހިފެހެއްޓުމަށްޓަކައި ޖަހައިފައި ހުންނަ ދަނޑިގަނޑު (2) ވަށައިގެން އެނބުރޭ އެއްޗެއް ހިފެހެއްޓި އޮތުމަށްޓަކައި މެދުގައި އޮންނަ ކޮންމެ އެއްޗެއް
ނާރޮވައްފަލުދަ
ނ )ޏ ( ބަނބުކޭލުގައި ހަދާ ފޮނިކާއެއްޗެއް މިހަދާގޮތަކީ ބަނބުކެޔޮ ފެނުކައްކައި މަޑުކޮށް ފުނޑައި ހިމުންކޮށް ދިޔާހަކުރު އޭގެތެރެއަށް އަޅައިގެން ހިލާ ވެށޭވަރަށް ހިލުމަށްފަހު ގުޅަވަށާ އޭގެ ސިފައަށް ގެނެސް ދޮލަގުގާ އަތުރާ ނުވަތަ ފިނިފެންމާ އަޅައިފައި އަވީލަނީއެވެ މިކެއްކުމުގައި ދޯބުރާލި ހަކުރުކޮޅެއްވެސް އަޅައެވެ
ނާޅި
ނ (1) ގޮވާމުގެ ބާވަތްތައް މިނާން ގެންގުޅޭ ހަތަރު ލާހީގެ މިންވަރު ހުންނަ އެއްޗެއް (2) ހަތަރުލާހީގެ މިންވަރު އެއީ ގާތްގަޑަކަށް ދެރާތަލެވެ
ނިއައު
ނ (1) އެއްޗެއްގެ ނުވަތަ ކަމެއްގެ ނިމޭ ނިމުން (2) މަރުވާ މަރުވުން (3) ކަމެއްގެ މައްޗަށް އަންނަ ހުކުމް (4) ޢަދުލް އިންޞާފު
ނިއުޅުން
މ (1) އޮޅާފައި އޮތް ފޮތި ނުވަތަ ދޫލަ ރޯލެއް ފަތުރައިލުން. (2) އެތައް ފައްތަކެއް ހަރުކޮށް އެއް އުޅިއަކަށް ހަދައިފައިވާ ގޮތް ކެނޑި ފައްތަށް ވަކިވަކިކުރުން (3) އެއްޗެއްގައި ހުންނަ މަޢުނަވީ ބަންދުކަމެއް މޮހެލުމަށް ފަންޑިތަވެރިންކުރާ ކަމެއް
ނިއުޅުންކުރުން
މ އެއްޗެއްގައި ހުންނަ މަޢުނަވީ ބަންދުކަމެއް މޮހައިލުމަށް ފަންޑިތަހެދުން ނުވަތަ ހަދާފައިވާ ފަންޑިތައިގެ ބާރު ކެނޑުވުމަށް ކަމެއް ކުރުން
ނިވައި
ނ (1) ތަނެއްގެ ނުވަތަ އެއްޗެއްގެ ވައިދަށް (2) މަޖާޒު: މީހެއްގެ ފަރާތުން ލިބޭ ރައްކައުތެރިކަން
ނިވައިދަށް
ނ ތަނެއް ނުވަތަ އެއްޗެއްގެ ވައިދަށް ފަރާތް
ނިވާވުން
މ ފެންނަން ހުރި އެއްޗެއް ކޮންމެވެސް އެއްޗަކާ އެޅިގެން ނުފެންނަގޮތްވުން