radheef.info
ރަދީފު


އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
ރަހާ
ނ (1)ރަސްގެފާނު (2) ފިރިހެނުންގެ ނަމުގެ ފަހަތަށް އިތުރުކުރާނަމެއް މިސާލު: ހުސެންރަހާ (3) ރަށުން ފަށައިގެން ތޮށްޓާ ދިމާޔަށް ނުވަތަ ތޮށިން ފަށައިގެން ރަށާ ދިމާއަށް ހެދިފައި ހުންނަ ހުރާގަނޑު
ރަހުރާ
ނ ރާވެރިން ފުރަބަންޑާރަ އަށް ދައްކާރާ
ރަށަށްއެރުން
މ (1) ރަށަށްފޭބުން (2) ވަރުވާއަށް ފަޅުރަށެއް ބެލެހެއްޓުން
ރަށްކެއުން
މ މަޖާޒު: ވަރުވާއަށް ފަޅުރަށް ލިޔުއްވައިގެން އުޅުން
ރަންނާބޯލި
ނ )އ ( ހުއިފިލަނޑާގެ ބާވަތެއް މިބާވަތުގެ ހުއިފިލަނޑާގައި ހުންނާނީ އުންފަޅައިފައެވެ މީގެކުލައަކީ ކަޅުކުލައެވެ މިއަށް މިހެންކިޔަނީ މި ހުއިފިލަނޑާ ވިހާމަސް ބޮޑުވެގެން ރަންނަވެއް ބޯލިކަމަށް ބުނާތީއެވެ
ރަންމަންފުއްލާ
ނ ފުއްލާގެ ބާވަތެއް މިއީ ހުދުތިއްކާއި ރަތްކުލައިގެ ތިކި ޖަހައިފައި ހުންނަ ފުއްލާއެކެވެ މިއަށް ރަންވަން ފުއްލާ ވެސް ކިޔައެވެ
ރަންދިނުން
މ ކައިވަނީގެ ސަބަބުން ފިރިމީހާގެ މައްޗަށް އަނބިމީހާއަށް ދިނުން ވާޖިބުވާ މުދާ ދިނުން
ރަންގަނޑު
ނ މަޖާޒު: ލޯބީން ނުވަތަ ޤަބޫލުކަން ބޮޑު ވެގެން މީހުންނާ ދިމާއަށް ބުނެއުޅޭ ބަހެއް
ރަންގެރި
ނ ފަތިކޮށްފުޅާކޮށް ހުންނަ އަނގަކުޑަ މަހެއް މަހުގެ ކުލައަކީ އަޅިމުށިކުލައެވެ ތުނބުންފެށިގެން ނިތްމަތި ހުންނަނީ ކަޅުކުލައިގައެވެ އަނގައިގެ ތިރީކައިރީން ފެށިގެން ލޮލުގެ ދަށްފަރާތާ ހަމައަށް ރީނދޫ ކުލައިގެ ފުޅާ ރޮނގެއް ހުރެއެވެ
ރައިވަރު
ނ ދިވެހިޅެމުގެ ބާވަތެއް. މިހެދިފައި ހުންނަނީ ތިންބަހުންނާއި ހަބަހުންނެވެ މީގެކުރީން މިއަށްވުރެ ގިނަބަހުންވެސް ރައިވަރު ހަދައި އުޅެއެވެ
ރައްދުކުރުން
މ (1) ފޯރުކުރުން (2) މީހަކު މީހަކަށް ދޭން ހަވާލުކުރިއެއްޗެއް ލިބެންވީ މީހާ އަށް ދިނުން
ރަމަންނެގުން
މ (1) ބިރުގަނެގެން ނުވަތަ ދެހާ ތަޅައިގެން ބަލިވާ ހައު ކެޔޮފޮތީގެ ފަހަތުގައި ހުންނަ ފަތްކޮޅު އުފުލުން އެހެންވެސް ޖަނަވާރު އެއަށްވުރެ ގަދައެއްޗެއް ފެނުނީމާ ބިރުން ދިއުމަށްވެސް ކިޔަނީ މިހެންނެވެ (2) މަޖާޒު: މީހަކު މާމޮޅު މީހަކަށް ހެދިގެން އުޅެނިކޮށް މޮޅުމީހަކު އައީމާ ހެދިގެން އުޅޭ މީހާ ދެރަވުން
ރަތް ބުރުލީފާނަ
ނ އާދައިގެ ފާނައަށްވުރެ ފަހަތުކޮޅަށް ހިމަކޮށް ހުންނަ ރަތްކުލައިގެ ފާނައެއް
ރަތްބޯ
ނ )ސ ( ހިކާގެ ބާވަތެއް މިހިކައިގެ ބޮލުން ފެށިގެން ނަގުލާ ހަމައަށް މަހުގެ ދެފަރާތުގައި ކަޅުރަތް ކުލައިގެ ދެރޮނގު ހުރެއެވެ މަހުގެ ކުލައަކީ މަޑުފިޔާތޮށި ކުލައެވެ ލޮލުގެ ކައިރި ހުންނަނީ ރީނދޫ ކުލައިގައެވެ ވަދުމަސްވެރިކަން ކުރާއިރު މިހިކާ އެމަށްވެސް ބޭނުންކޮށް އުޅެއެވެ
ރަތްވިނަ
ނ ވިނައިގެބާވަތެއް މިވިނައިގެ ފަތްހުންނާނީ ކަޅު ރަތްކޮށެވެ ތަނޑިތައްވެސް ރަތްވާނެއެވެ ހެދޭނީ ވަރަށް ގިނަކުރިލައި ބޮނޑިބޮނޑިއަށް އެކުލަވާފައެވެ މިގަހުގެ އުސްމިނަކީ ގާތްގަޑަކަށް 6 އިންޗިއެވެ މިގަހުގެ ކުލަގަދަވެ ގަދައަށް ހެދޭނީ އަވިދޭ ތަނެއްގައެވެ
ރަތްދަނބު
ނ (1) ދޮންވެ ފައްކާ ނުވާ ދަނބު )ދަނބުގަހުގެމޭވާ( މިއަށް ކަޅުދަނބުކުލަ އަންނާނީ ފައްކާވީމައެވެ (2) ގަދަ ވައިލެޓްކުލަ
ރަތްދަނޑިސާގު
ނ މައްސާގު ވައްތަރަށް ފަތް ހުންނަ އެއަށްވުރެ ބޮޑެތިކޮށް ހެދޭރަތް ކުލައިގެ ގަހެއް މިގަހުގެ ފަތުގައި ރިހަކައްކައެވެ
ރަސްކަން
ނ (1) ރަސްކަލަކު ހުންނަވައިގެން ހިންގާ ވެރިކަން (2) މަޖާޒު: ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތް ހިތަކަށް އުޅޭ އުޅުން (3) ބަލަހައްޓާނެ މީހަކު ނެތިދާ ވަގުތުކޮޅު ކުއްޖަކު ނުވަތަ ކުޑަކުދީން ތަކެއް ހިތްހިތަކަށް އުޅޭ އުޅުން މިސާލު: އަހަރެން ގެއަށް އައިއިރު ކުދިން ކޮޅު ކޮޓަރި ތެރޭގައި ރަސްކަން ކުރަނީއެވެ
ރަސްދޯނގި
ނ ދޯނގީގައި ނަގާ ބައްޔެއް. މިބަލި ނަގަނީ ގަނޑެއްގެ ގޮތަށެވެ. މިގަނޑު ނެގުމަށްފަހު ކުޑަކަޅުވާމަހާއި ފަލަމަސްގަނޑާ ހަމައަށްވެސް އެބަލީގެ އަސަރު ފެތުރިގެންދެއެވެ ދޮސްގަނެ އުމަގުވެއެވެ
ރަޑަ
ނ (1) ހަޑި (2) މުޑުދާރު ކއ (3) ތަހުޒީބާ ތާހިރުކަމާ ޚިލާފަށް ކުރާ ކަންތައް (4) ތިމާއަށް މަލާމަތް ލިބޭފަދަ ކަންތައް