radheef.info
ރަދީފު


ކަޅު
ނއ (1) ބޮލާކީންޏާއި ދަރުދެލީގައި ހުންނަ ކުލަ (2) އަނދިރިކަންގަދަ (3) ކުލަ އަނދިރި
ކުރުމަސް
ނ (1) ދިގުމަސް (2) ފަރުމަހުގެ ބާވަތެއް މިއީ ބޮނޑިމަސްކޮށް ހުންނަ ހިމަދިގު މަހެކެވެ މަހުގެ ކުލައަކީ ގަދަނޫކުލައަކަށްދާ ފެހިކުލައެކެވެ މަހުގެ ދެފަރާތުގައި ހުރަހަށް ކަޅުކުލައިގެ ރޮނގުތަކެއް ހުރެއެވެ މިއީ އެއްބަރިއަކަށް ދަތްތައް ހުންނަ އަނގަބޮޑު މަހެކެވެ
ކުކުޅުދުށިން
ނ )ޅ ( ދުށިމުގެ ބާވަތެއް މިއީ ފިނދުފަތް ފެޅި ހިސާބުގައި ހުރަހަށް ހުދު ބަންދެއް ހުންނަ ދުށިމެކެވެ ބަނޑުދަށް ފަރާތް ހުންނާނީ ކަޅުކުލައިގައެވެ އާދައިގެ ދުށިންމަށްވުރެ ތަންކޮޅެއް ބޮޑުވާނެއެވެ
ކުފިބޮލި
ނ ބޮލީގެބާވަތެއް މިބޮލީގެ ކުލަޔަކީ ފަނޑު ކިސަޑު ކުލައެވެ މީގައި ކުދިތިކިތަކެއްހެން އުފުލިފައި ހުންނަ ތަންތަން ކޮޅު ހުރެއެވެ އެތަންތަންކޮޅުގެ ކުލަބޮލީގެ ކުލަޔަށްވުރެ ތަންކޮޅެއް ކުލަގަދައެވެ މިބޮލީގެ ދެކޮޅުގައި ކަޅުކުލައިގެ ދެތިކިހުރެއެވެ
ކުލަފަންސުރު
ނ ކަޅު ނޫން ކުލައަކުން ހުންނަ ފަންސުރުގެ ދެލި ފަންސުރު
ކުލަފާނަ
ނ ފާނައިގެ ބާވަތެއް. މިމަހުގެ ކުލައަކީ މުށިކުލައެވެ. މުޅިމަހުގައި ކަޅުކުލައިގެ ތިކިތަކެއް ހުރެއެވެ. ދެއަރިމަތީގައި ކަޅުކުލައިގެ ލައްތަކެއްހުރެއެވެ. މިއީ ވަރަށް ތަފާތު ކުލަކުލައަށް ކުލަ ބަދަލުކުރާ މަހެކެވެ
ކުޑަލަގަނާ
ނ ލަގަނާދޫންޏާ ވައްތަރު ކުޑަ ދޫންޏެއް މިދޫނީގެ ތުނބާއި ފައި ކަޅުވާނެއެވެ ބިސްއަޅާ މޫސުމުގައި ބޮލުގެ ތަލަމަތިން ދެރާވަޅި ފަތް ހެންހުދުދިގު ދެފަތްފަޅައި ކަނދުރާ މައްޗާއި ހަމަޔަށް އެޅިފައި އޮވެއެވެ
ކެޔޮޅުރޮއްވި
ނ ފަރުމަހުގެބާވަތެއް މިއީ ދިގުކޮށްހުންނަމަހެކެވެ މިމަހުގެ މަތީތުންގަނޑަށްވުރެތިރީތުން ދިގުވާނެއެވެ މަހުގެކުލައަކީ ނޫއަޅިކުލައެވެ މިކުލަހުންނަނީ ވައިލެޓުކުލައާއި ގާތްކުރާކަހަލަ ކުލައެއްގައެވެ ކަރުތާފަތުގެ ކުރީބައިގެ ކައިރިފަށް ހުންނަނީ ކަޅުކުލައިގައެވެ
ކޮރުނެގުން
މ (1) ކޮންނަ ރޮންދާއަކުން ލަކުޑިގަނޑެއްގެ ހަނިއަރީގެ މެދުތެރޭން ހަނިދިގުކޮށް ކޮނުން. މިއީ ދޮރުފަތްފަދަ އެއްޗެހި ޖެހުމުގައި ފިލާ ލެއްވުމަށް ކުރާ ކަމެކެވެ. (2) ކުޅި ޖެހުމުގައި އެއްފައިތިލަ އަނެއް ފައިގެ ކުޑަކަޅުވާމަހުގައި ކާއްތަމުން ދޯނތްގާ ހަމައަށް ނަގައިފައި މައްޗަށް ފުންމައިގަތުން (3) ރުޅި އައިސްގެން އެއްޗެހިގޮވުމުގެ ތެރޭގައި ވައްތަރު ޖައްސަމުން އެގޮތް މިގޮތަށް ފުމުން (4) ބާވަތެއްގެ ފުމުމެއް މިއީ ފަންޑިތަ ހެދުމުގައި އަޖިދައަށް ޖައްސާ ވައްތަރެކެވެ މިވައްތަރަށް އަޖިދައަށް ކޮރުނެގުން ވެސް ކިޔައެވެ
ކޮރުކޮކާ
ނ ކަޅުމުށިކުލައިގެ ވަރަށް ކުޑަކޮކާލެއް މީގެ ފިޔައިގައި ހަށިގަނޑާގުޅޭ ހިސާބު ހުންނާނީ ގަދަ ދަނބުކުލައެއްގައެވެ ފިޔައިގެ ވަރަށް ފަނޑުހުދު ތިކިތަކެއް ހުރެއެވެ
ކޮރެފާނު
ނ )ގ ( ރޭގަނޑަށް ގޮވާ ފަންޏެއް މިއީ ކަޅުމުށިކުލައިގެ ހިމަދިގު ފަންޏެކެވެ މިފަނިގޮވާކަމަށް ބުނެއުޅެނީ ކޮންމެވެސް ޚާއްޞަކަމެއް މެދުވެރިވާން ވުމުން އެކަމުގެ ޢަލާމާތެއްގެ ގޮތުންނެވެ މިސާލަކަށް: މީހަކު މަރުވާންވުމުން ނުވަތަ ރަށުގައި ނުރައްކާ ރޯގާ ބަލިކަމެއް ފެށެން ވުމުންނެވެ
ކޮރޮފިރޮނޑޮ
ނ )ޏ ( ރޮނޑުގެ ބާވަތެއް މިވައްތަރުގެ ރޮނޑުގެ ކަރުތާފަތްގަނޑުގެ ތެރޭގައި ކުރަތްޕެއް ކަހަލަ ކުދިކުދި ދިރޭ އެއްޗެހިތަކެއް ހުރެއެވެ ބާނާއިރު ބައެއް އެއްޗެހީގެ ކަރުތާފަތްގަނޑުން ބޭރުގައި މަރުވެގެން ތަތްވެފައިވެސް ހުރެއެވެ ކުލައަކީ ކަޅުކުލައެވެ ވައްތަރުވާނީ ކަޅު ރޮނޑާއެވެ
ކޮކާބިބީ
ނ ބިބީގެ ބާވަތެއް. މަހުގެ ދެއަރިމަތީގެ ކުލައަކީ ހުދުކުލައެވެ. ދެއަރިމަތީގައި ދެކަތްޕަށްވާ ގޮތަށް އަޅިކުލައިގެ ރޮނގުތަކެއް ހުރެއެވެ. މަޑުކޮތަރިބައިގެ މަތިން ފެށިގެން މަހުގެ ލޯހުރަސްކޮށް ބަނޑުދަށް ފަރާތުގެ ކޮތަރިބައިގެ ނިމޭ ހިސާބަށް ކަޅުކުލައިގެ ފުޅާ ރޮނގެއް ހުރެއެވެ މަހުގެ ނިގޫ ކޮޅުގައި ހުންނަނީ ރީނދޫކުލައެވެ
ކޮއި
ނ (1) ދަރިންނަށް ނުވަތަ ކުދިންނަށް ކިޔާ ނަމެއް (2) ލޮލުގެ ކަޅުކަޅީގެ މެދުގައި ވަށްކޮށް ހުންނަ ތަންކޮޅު ލޮލަށް އަލިވަންނަނީ މިތަނުގެ ތެރެއިންނެވެ މިބައި އަލިގަދަވާ ވަރަކަށް ކުޑަވެ އަނދިރިވާ ވަރަކަށް ބޮޑުވެއެވެ
ކޮވެލި
ނ ކާޅާ ވައްތަރު ދޫންޏެއް މީގެ ތުން ކުރުވެފައި ލޯރަތްވާނެއެވެ މީތި ބިސްއަޅާނީ ކާޅު ހާއްޔަށެވެ މީގެ ފިރިހެން އެއްޗެހި ތިބޭނީ ކަޅުކޮންނެވެ އަންހެން އެއްޗެހި ތިބޭނީ ހުދު ތިއްތިއްޖަހާފައެވެ
ކޮތަރިރީނދޫދަންބޮޑު
ނ ދަންބޮޑުގެ ބާވަތެއް މިއީ ބުރަކަށިމަތީ ކޮތަރިބައިގެ ހަރުކަށިތައް ރީނދޫ ކުލައިގައި ހުންނަމަހެކެވެ ކަރުތާފަތުގެމަތީ ކައިރިފަށުގައި ކަޅުކުލައިގެ ލަފެއްހުރެއެވެ މަހުގެ ކުލައަކީ މަޑުރަތްކުލައެވެ ހުޅުނބުތަކުގެ ކައިރިފަށް ހުންނަނީ ގަދަ ރަތްކުލައިގައެވެ
ކޮޑޮކައުޅާ މަސް
ނ )ސ ( ކުޑަކަޅުވާމަސް
އަހިގަހުބަޅިނދު
ނ އަހިގަހުގައި އުޅޭ އުދުހޭ ސޫތްޕެއް މިއީ ކުޅަނދުރެއްވަރުގެ އެއްޗެކެވެ މީގެ ކުލައަކީ ކަޅުމުށިކުލައެވެ
އަނދިރި
ނ (1) އަލިކަމުގެ އިދިކޮޅު (2) ދޮންދޫނީގެ ބާވަތެއް މިހުންނާނީ ދޮންދޫންޏަށްވުރެ ކަޅުކޮންނެވެ ނއ (3) އަލިކަންނެތިފައިވާ
އަނދިރިއަނދިރީން
ނ ދިވެހިރާއްޖެ ޕޯޗްގީޒުން ހިފައިގެން އުޅުނު ދުވަސްވަރު ރަސްކަމުގައި ހުރި މަޝްހޫރު ގޯވާ ކަޅުފަރަންޖީ. އެއީޚާންޒީދިކަމަނާގެ ބޮޑުމުޙައްމަދެވެ. މީނާވިހައި ބޮޑުވީ ގާފަރު ކަޅުފާށިނާ ތަކުރުފާނުންގެ ބެލުންދަށުގައި ހުވަދޫ އަތޮޅުގައެވެ. އެދުވަސްވަރު ރަސްކަމުގައި އިންނެވީ މަޝްހޫރު ބުރަކިރަނީންނެވެ. ބޮޑުވިފަހުން މާލެއަންނަމުން ފިލައިގެން ގޯވާ އަށްގޮސް އިސްލާމްދީން ދޫކޮށް ޣައިރުދީނުގައިހުރެ ދިވެހިރާއްޖެއާތޮޅޭން ތިންފަހަރުމަތީން އައިސް އެއިރު ރާއްޖޭގެ ރަސްކަމުގައި ހުންނެވި އައްސުލްޠާން ޢަލީ )6 ވަނަ( އިބުނު އަލްވަޒީރުލް އައުޒަމް ޢަބްދުއްރަޙުމާން ސިރީ އައުދަސިޔާކަ ކައްތިރިމަހާރަދުން ޝަހީދުކޮށް ރަސްކަމަށް ވެރިވީއެވެ މީނާމަރުއްވައި ރާއްޖެ އިސްލާމް ކުރެއްވީ އައްސުލްޠާނުލްޣާޒީ މުޙައްމަދު ތަކުރުފާނުލް އަޢުޡަމް ސިރީ ސަވާދީއްތަ މަހާރަދުންނެވެ މީނާ ރަސްކަންކުރީ 569ހ އިން 189ހ އަށެވެ އެއީ ގާތްތަނޑަކަށް ސޯޅައަހަރުވާދެނެވެ
އަނިބިހިރިހަ
ނ އަނިބިހިއަޅައިގެން ކަނޑުމަހުގައި ނުވަތަ ފަރުމަހުގައި ކައްކާމީރު ކުޅި ރިހައެއް މިހުންނާނީ ކަޅުކުލައެއްގައެވެ