radheef.info
ރަދީފު


ކަން
ނ (1) ޢަމަލު. (2) މަސައްކަތް. (3) ދެފަރާތުގެ ދެބިތް ނުވަތަ ދެކައިރި ޖެހޭތަން. (4) ހުރަހާއި ދިގާ ޖެހޭތަން. (5) ދެގަނޑެތި ސީދާ ނޫން ގޮތަށް ޖެހޭތާ ކޮޅު. (6) އޮށްވަޅު ގޮނޑީގެ ދެފަރާތުން ފިހާރަދޮށު ދެ ވަޅު. (7) ބޮލުގައި އަލާރުމާލުގެ ކަނާ ކައިރީގައި ހަތަރެސް ކަނަށް ހުންނަގޮޅި މިގޮޅި ކަޅުކޮށްނާއި ހުދުކޮށް ހުރެއެވެ. (8) އަލަމާރިއާއި ސޯކޭސްފަދަ ތަކެތި ވަރުގަދަ ކުރުމަށް ކަނަކަށް ލެވޭގޮތަށް އެތެރޭގައި ހަރުކުރާން ޕުލާސްޓިކު ނުވަތަ އެފަދަ އެއްޗަކުން ހަދައިފައި ހުންނަ އެތިކޮޅު. (9) ކަމެއް ހިނގި ހިނގާ ހިނގާނެ ނުވަތަ ހިނގައިފާނެކަމެއް ބަޔާން ކޮށްދޭ ކޮންމެ ބަހެއް )01( ކެއުން މިބަހުގެ ވާކަން
ހިތްގަދަކަން
ނއނ (1) އަނެކާއަށް ލިބޭ ހިތާމައަކުން ނުވަތަ ހާނީއްކައަކުން އަސަރު ނުކުރާކަން (2) ކޮންމެ ފަދަ ކަމެއް ކުރުމަށްވެސް ޖެހިލުން ނުވާކަން
ހިތްސާފުކަން
ނއނ (1) ރުޅިއެއް ހަސަދައެއް ހިތުގައި ނުވާކަން (2) އިޚުލާޞްތެރިކަން
ހިތްސާފުކުރުން
މ (1) ހިތުގައިވާ ރުޅިވެރިކަން ފިލުވައިލުން (2) ހިތުގައިވާ ހަސަދަވެރިކަން ފިލުވައިލުން (3) ހިތުގައިވާ ފޫހިކަމާއި ނަފުރަތު ފިލުވައިލުން
ހިތްސާފުވުން
މ (1) ހިތުގައިވާ ރުޅިވެރިކަން ފިލުން (2) ހިތުގައިވާ ހަސަދަފިލުން (3) ހިތުގައިވާ ފޫހިކަމާއި ނަފުރަތުނެތުން
)ފުރަތަމަ މީހާޔަށް ރައްދުވާގޮތަށް( ހިލަން
ނ (1) އެއްޗެއްގެ ލިސާން (2) އަލާމާތް (3) ޚަބަރު (4) "ހިލުން" މިބަހުގެ ވާކަން
ހިލަކަންފަތި
ނ ފަނިހަނދީގެ ބާވަތެއް މިބާވަތުގެ ހަނދި އާދައިގެ ހަންޖަށްވުރެ ދިގުވެފައި ކަންފަތްގަނޑު ވަކީން ދިގުވާނެއެވެ އެހެން ހަންޖަށްވުރެ މިމަހުގެ ކަޅުކުލަ ގަދަވާނެއެވެ
ހިލަވާލި
ނ )މ ( ވާލީގެ ބާވަތެއް މިމަހުގެ ބޯކޮޅު އޮންނަނީ ވަށްކޮށެވެ މިމަސް ދިރިދިރި އޮންނައިރު ބޯކޮޅުން ފެށިގެން ބަނޑުދަށް ފަރާތުން މެދަށްވުރެ ތިރިޔަށް ރަންކުލަޔަށްދާ ކުލަޔެއް ހުންނާނެއެވެ ދެފަރާތުގައި ހުންނަ ދެކޮތަރި ހަނދީގެ ކޮތަރިއަށްވުރެ ދިގުވެފައި ކަންފަތުން ބުރިކައްޓާ ގުޅިފައި ހުންނަބައިގެ އެތެރޭގައި ހިލައެއްހެން އޮންނަ ކަށިކޮޅެއް ހުންނާނެއެވެ
ހިލަފިހުން
ނ ވައްކަން ތަފާސްކުރުމަށް ހަދާފަންޑިތައެއް
ހިލާ
އތ (1) ކަމެއް ނުކުރުމުގެ މައްޗަށް ނުވަތަ ވިޔަނުދިނުމުގެ މައްޗަށް ހުރި ގަދަކަން ދެއްކުމަށް ބުނާބަހެއް މިސާލު: )ހ( ހިލާނުދާނަން )ށ( ހިލާތިއަހެނެއްނުވާނެ (2) ހިލުން މިބަހުގެ އަމުރު
ހިލާލީދަރިކޮޅު
ނ ރާއްޖޭގައި ރަސްކަން ކުރި 7 އާއިލާގެ ތެރެއިން 3 ވަނަ އަށް ރަސްކަންކުރި ދަރިކޮޅު މިދަރިކޮޅަށް "ބަދުރުއްދީން" ދަރިކޮޅޭވެސް ކިޔައެވެ މިދަރިކޮޅުގެ ފުރަތަމަ ރަސްކަލަކީ ހުޅުލޭ ހިލާލީކަލޯއާއި ގޯލާވެހި ކަނބުލޯގެ އައްސުލްތާން ޙަސަނުލް ހިލާލީއެވެ މިދަރިކޮޅަކީ ރާއްޖޭގައި އެންމެ ގިނަރަސްކަލުން ރަސްކަން ކުރެއްވި އެކަމަކު ހަމަޖެހުން ކުޑަދަރިކޮޅެވެ
ހިސާބުކަން
ނއނ ހެޔޮވަރުކަން
ހިސްޓީރިޔާ
ނ ސިކުނޑީގެބައްޔެއް މިބަލީގައި އެކިއެކި އަސަރުކުރުމުގައި ނަފްސާނީގޮތުން ހިފެހެއްޓުން ކުޑަވެއެވެ އޭގެ ސަބަބުން ހިސްޓީރިޔާޖެހިފައިވާ މީހާގެ ކިބައިން ޖިސްމާނީ ބަލިބަލީގެ އަލާމަތްވެސް ފެނުން އެކަށީގެންވެއެވެ ނަމަވެސް މިގޮތުން ފެންނަ އަލާމަތް ގިނަފަހަރަށްވެފައި އޮންނަނީ ބަލިމީހާއަށް ކުރެވޭހީތަކެއްގެ ސަބަބުން ކޮޕީކުރެވޭ ކަންތައްތަކެއް ކަމުގައެވެ
ހިޔަންޏަށްމުޑިނުނަގާށޭ
)ހަރުބަހެއް( ކަމަކަށް ނުވާކަހަލަ ކަމަކާމެދު ބިރުގަތުމަށާ އެއްވެސް ޙަޤީޤަތެއްނެތް ކަންކަމާ ޖެހިލުމުން ދޫކޮށްލުމަށް ބުނެއުޅޭ ބަހެއް
ހިޔަންޏަށްމުޑިނެގުން
މ (1) ބައެއް ޖަނަވާރު ހިޔަންޏެއް ފެނިގެން އެއީ އަސްލޭ ހީކޮށް އެއާ ދިމާއަށް މުޑިނެގުން. (2) މަޖާޒު: ކަމެއް ޙާސިލުވެދާނޭކަމަށް ހީކޮށް އޭގެ އަސްލެއްނެތި އެކަމެއް ލިބިއްޖެނަމަ ކުރަންވީ ަކަންތައްތައް ހޯދައި މީހުން ހިނިއަންނަ ދަރަޖައަށް އެކަމައިގެން އުޅުން މިސާލު: ޖައްރާފައިގެ ވެރިކަން ލިބިދާނެކަމަށް ހީކޮށް ޖައްރާފައިގައި އުޅޭ މީހުންކުރެން އޭގެ ވާހަކައަހައި އަވަސްއަވަހަސް އިންޖީނުގެއަށް ވަދެ މީހުން ހިނިއަންނަ ދަރަޖައަށް އުޅުން
ހިޔާ
ނ (1) ވާރެޔާ އަވީން ރައްކާވެވޭ ތަންތަން (2) އޮޑިދޯނިފަހަރުގެ ކުނބުކަތްޕާ ކުންބާ ދޭތެރޭ ދެފުރާޅު ލައިފައި ހަދައިފައި ހުންނަގެ (3) މަޖާޒު: މީހެއްގެ ފަރާތުން ލިބޭ ރައްކާތެރިކަން (4) އެހީތެރިކަން
ހިޔާއެޅުން
މ (1) ވިލާގަނޑެއްގެ ނުވަތަ އުދުހޭ އެއްޗެއްގެ ހިޔަނި އެރުން (2) މަޖާޒު: ވެރިއެއްގެ އެހީތެރިކަމާއި ރައްކާތެރިކަން ލިބުން
ހިޔާވަހި
ނ (1) ގެދޮރު (2) ރައްކާތެރިކަން ލިބިފައިވާތަން (3) ހިޔާކޮށްފައިވާތަން
ހިޔާވަހިކަން
ނއނ ރައްކާތެރިކަން ލިބިފައިވާކަން
ހިޖުރައޮޅުން
މ (1) ހިޖުރައިންވީ ދުވަސް އޮޅުން (2) މަޖާޒު: އެއްބަސްވީ ގޮތާ ޚިލާފަށް ކަން ހިނގާން ފެށީމާ ތިމާޔަށް އޮޅުން އެރުން (3) ހަދާނެ ނުހަދާނެ ގޮތެއް ނޭނގުން (4) މުސްކުޅި ވެގެން ގޯސްމަތިންލުން
ހީނަރު
ނ (1) އަނަރޫފަ (2) ގަސްގަހާގެހި ޅައިރު ހެދުން ދެރަވެގެން ވާ އަނަރޫފަ (3) މަޖާޒު: ކަންކަން ދާންވާ ގޮތަށް ކުރިއަށް ނުގޮސް ހުއްޓުން އަރާއެރުން