radheef.info
ރަދީފު


ބަދަ
ނ (1) މައިކަށީގައި ވަކިވަކިން ވަށްކޮށް ހުންނަ ކަށިތައް (2) އިނގިލިތަކުގެ ހުޅުހުޅާއި ދެހުޅު ދޭތެރޭގައިވާތަން (3) އުއްދަނޑިއާއި އޮނުފަދަ ގަސްގަހުގެ ދެފަތްވަޅު ދޭތެރެ އާއި މިފަދަ ގަސްގަހުގެ ފަތްފެޅިތަން
ތޮށިބޯބަދަން
ނ ނާށިގަނޑު ބަދަން
ތޮށިފިލުން
މ ގޮދަނާއި ހަނޑުލާއި ބަދަންފަދަ އެއްޗެހިން ތޮށިގޮސް ސާފުވުން
ތޮށިފިލުވުން
މ (1) ގޮވާމާއި ބަދަންފަދަ ތަކެތީގައި ހުންނަތޮށި އެތަކެއްޗާވަކިކުރުން ނުވަތަ ތޮށި ނެއްޓުން (2) ލޮނުމެދާއި ފިޔާފަދަ ތަކެތީގެ ބޭރުގައި ހުންނަ ހިކިތޮށި ނެއްޓުން
ގޯޅިއެޅުން
މ (1) ގޮސްގޮސްހުރި މަގުފިޔަވައި އެހެން މަގަކަށް އަނބުރައިލުން (2) މަޖާޒު: ދައްކަމުން ދިޔަ ވާހަކައިގެ މިސްރާބު ބަދަލުވުން (3) ތެދުމަގުން އެއްކިބާވުން
ފިނި
ނ (1) ހޫނުގެ އިދިކޮޅު (2) ޝަބްނަމް (3) ޓެމްޕްރޭޗަރ ދަށުގައި ހުރުމުން މޫސުމަށް އަންނަ ބަދަލު (4) ފުރާނަ ދިއުމުން ހަށިގަނޑުގައި ހުންނަ ހޫނުކަން ކެނޑި އަންނަ ބަދަލު (5) އިންސާނާގެ ހަށިގަނޑަށް ވައިފެނުން އަރާމުކަން ލިބޭ ދަރަޖަ (6) ގަނޑުފެނާއި ފިނިކުރި އެއްޗިހިން ވާ އިޙްސާސް (7) މަޖާޒު: ނއ އުފާވެރިކަމެއް ނެތް (8) ޙިއްޞެއް ޙަރަކާތެއް ނެތް
ފިނިމޫސުން
ނ (1) އަހަރުގެ ތެރޭގައި އަންނަ ފިނިދުވަސްވަރު. (2) އަހަރުގެ މަސްތައް ތަފާތު ހަތަރު މޫސުމަކަށް ބަދަލުވާ ތަންތަނުގައި ޚަރީފާއި ރަބީޢާ ދެމެދަށް އަންނަ މޫސުން ދުނިޔޭގެ އުތުރުގެތަން ތަނަށް މިމޫސުން އަންނަނީ ޑިސެމްބަރުން މާރިޗަށެވެ
ފިރާލުން
މ (1) ރިޔާ އަނެއްފަރާތަށް ލުން (2) ހުރިގޮތުން އެހެންގޮތަކަށް ބަދަލުވުން
ފިރުން
މ (1) އެއްފަރާތުން އަނެއްފަރާތަށް ބަދަލުކުރުން (2) ހުރިފަރާތް ނޫން އަނެއްފަރާތަށް ރިޔާލުން (3) އަނެއް އަތަށް ޖެހުން (4) މަޖާޒު: ތިމާ ހުރިގޮތް ނޫން އެހެން ގޮތަކަށް ބަދަލުވުން (5) ޓަފު ފުޅިއާއި ސާޢަތް ފުޅި ފަދަ ތަކެތި އެއްކޮޅު އަނެއްކޮޅަށް ޖެހުން
ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
ފިލުނދު
ނ (1) ކައްކައިފައި ހުންނަ ކާއެއްޗެހި ރާމާވުމަށް ފަހު ކުނިވުމުގެ ކުރިން އައިސްފައި ހުންނަ ބަދަލު. (2) ދިރޭ އެއްޗެހި )އިންސާނުން ނާއި ޖަނަވާރާއި މަސްމަހާމެހި ފަދަ( މަރުވުމަށްފަހު ގިނައިރުވުމުން މަސް ގަނޑު ކުނިވާން ފެށުމުގެ ކުރިން ހަންގަނޑު ދޫވެ މަސްގަނޑު މަޑުވާ މަޑުވުން
ފިލުނދުވުން
މ (1) ކައްކައިފައި ހުންނަ ކާއެއްޗެހި ރާމާވުމަށްފަހު ކުނިވުމުގެ ކުރިން ދެން އަންނަ ބަދަލު އައުން. (2) ދިރޭ އެއްޗެހި )އިންސާނުން ނާއި ޖަނަވާރާއި މަސްމަހާމެހި ފަދަ( މަރުވުމަށްފަހު ގިނައިރުވުމުން މަސްގަނޑު ކުނިވާން ފެށުމުގެ ކުރިން ހަންގަނޑު ދޫވެ މަސްގަނޑު މަޑުވުން
ފީ
ނ (1) ލަކުޑިޔާއި މޭވާއާއި މިނޫންވެސް ބައެއް ތަކެތި ގިނަދުވަސް ވެގެންވާ ހަލާކު. (2) ދޫނިސޫފާސޫފި ބިސްތައް މަތީގައި އޮންނަ އޮތުމުން ބިހަށް އަންނަ ބަދަލު. (3) ބިހަށް ގެއްލުމެއް ލިބިގެން ނުވަތަ ގިނަ ދުވަސް ވެގެންވާ ހަލާކު (4) ބިސް ފީކުރާ ދުވަސްވަރު ކުކުޅަށްވެފައި ހުންނަގޮތް (5) ބައެއް ތަކެތީގައި ހަލާކު ވާންވެގެން ޖަހާ ކަޅުކުލައިގެ ލައްތަކެއް (6) ބައެއް ޒާތުގެ ޚިދުމަތަށާއި ބައެއް ހުއްދައަށް ދައްކަންޖެހޭ ފައިސާ (7) މަޖާޒު: ކަމުނުދާ (8) ރަނގަޅު ނޫން
ފީދެއްކުން
މ ޚިދުމަތެއްގެ ބަދަލުގައި ދޭންޖެހޭ ފައިސާއެއް ދިނުން
ފުހުން
މ (1) އެއްޗެއްގެ އަސަރު ފިލުވައިލުން. (2) ޥުޟޫކުރުމުގައި ބައެއް ގުނަވަނުގައި ނުވަތަ ގުނަވަނުގެ ބަދަލުގައި ހާކަންޖެހޭ އެއްޗެއްގައި ފެން ހޭކުން (3) ތަޔަންމަމު ކުރާއިރު ގުނަވަންތަކުގައި ހިރަފުސް އުނގުޅުން (4) މަޖާޒު: ހަނދާން ނައްތައިލުން
ފުށުންޖެހުން
މ (1) އެއްޗެއް މައްޗަށް އޮތް ފަރާތް ދަށަށް ވާނެހެން ހެދުން. (2) އެއްޗެއްގެ އެތެރެއަށް އޮތްފުށް ބޭރަށް ބަދަލުކޮށްލުން. (3) މަޖާޒު: ކަމެއް ރާވައިފައި އޮތްގޮތުގެ އިދިކޮޅަށް ބަދަލުކުރުން. (4) ބަހެއް ނުވަތަ ވާހަކައެއް ދިމާ އިދިކޮޅަށް ބުނުން
ފުނަ
ނ (1) މީރުވަހެއްދުވާ ހުދުމަލެއް އަޅާ ބިޔަކޮށް ހެދޭ ލަކުޑި މޮޅުގަހެއް. (2) ފުނަގަހުގައި އަޅާ އޮށް. (3) ރާގުގެ ހަމައިގެ އިތުރަށް ލެވޭ ދަނޑިވަޅެއް. (4) ބަސް ބުނާއިރު މާނަ ބަދަލުވާގޮތަށް ވައްދާ އިތުރު ބަސް ނުވަތަ އަކުރު. މިސާލު: ލަވަ ފައްލަވަ ކާރު ބޭކާރު
ފުނަޖެހުން
މ (1) ބެރާއި ތާރަ ފަދަ އެއްޗެހި ޖަހާއިރު މާނައިގެ ތެރެއަށް ދަނޑިވަޅެއް އިތުރުކުރުން. (2) ވާހަކަ ދައްކާއިރު ބަހުގެ ކުރިއަށް އަކުރެއް ދެއަކުރެއް އިތުރުކޮށްގެން ބަސް ބަދަލުކޮށްލުން. މިސާލު: ކާރު މައްކާރު ލަވަ ފައްލަވަ
ފުންކުރުން
މ (1) ތަނެއް ނުވަތަ އެއްޗެއް ކޮނެގެން ނުވަތަ ތޮރުފައިގެން ނުވަތަ މިނޫންވެސް ގޮތަކުން ހުރިވަރަށްވުރެ ބޮޑަށް އަޑިކުރުން. (2) އޮޑިދޯނިފަހަރު ބީހިފައި ހުއްޓައި ނުބީހޭ ވަރުގެ ދިޔަވަރު އޮތް ތާކަށް ގެންދިއުން. (3) ވާހަކަ ދައްކާ އާދައިގެ ބަހަށްވުރެ މާނަވީ ބަހުރުވައަށް ދައްކާ ވާހަކަ ބަދަލުކުރުން
ފުރެންދުން
މ )ބދ ( (1) ބަދަލުކުރުން (2) ނެތިކުރުން
ފުރޮޅިލުން
މ (1) އޮށޯވެއޮތްމީހަކު އެއްފަރާތުން އަނެއްފަރާތަށް ބަދަލުވުން (2) ގުޅަމަތި ހިފުމުގެ ތެރޭގައި ކޯމަހު ފުރޮޅިއަށް ޙަރަކާތްކުރުން