radheef.info
ރަދީފު


ރަސް
ނއ (1) ރަސްގެފާނަށް ނުވަތަ ރަސްކަމަށް ނިސްބަތްވާ (2) މޮޅު މިސާލު: ރަސްއައިން (3) އެންމެބޮޑު މިސާލު: ރަސްމަގު (4) އެންމެ ލޯބިވާ މިސާލު: މަގޭ ރަސްދަރިފުޅު (5) ނ ފަސްއޮށްކުޅޭއިރު ވިދިވިދިގެން ހަތްލަނޑުދިނީމާ ނުވަތަ ހުސްފުށަތުން ލާއިރު އޮށްބައި އެކަށް ހިފުނީމާ ކިޔާނަން
އިސްޓޭމްޕް
ނ (1) ޕޯސްޓުން ފޮނުވާ އެއްޗެހީގައްޔާއި ރަސްމީބައެއް ލިޔުން ތަކުގައްޔާއި އަދިވެސް އެފަދަ ބައެއް އެއްޗެހީގައި ހިއްޕަން ހަދައިފައި ހުންނަ އެއްޗެއް މިއީ އެއްފަރާތުގައި ތެރަސްލާފައި އަނެއްފަރާތުގައި ބައެއް ކުރެހުމާއި އަގުޖަހައިފައި ހުންނަ ޗާޕްކުރި ކަރުދާސްކޮޅެއް (2) އިސްޓޭމު
އުއްޅަވައްކާރު
ނ ރަސްމީގޮތުން ހަނުލާވެރިމީހާ
އެރުން
މ (1) އޮއްސުމުގެ އިދިކޮޅު (2) އުދަވުން (3) ތިރިން މައްޗަށް ދިއުން (4) މޫދުން އެއްގަމަށް އައުން (5) އެއްޗެއްގެ ތެރެއަށް އަނެކައްޗެއް ވަނުން (6) އަތިރިމައްޗަށް ފޭބުން (7) އަތިރިއަށް ދިއުން (8) އަތިރިމަތީން އެއްގަމަށް އައުން (9) މޫދަށް ނުވަތަ އެހެންވެސް ފެންގަނޑަކަށް ފޭބުން )01( ރަސްމީ ބައެއް ކަންތަކާއި އޮޅިމެދުގައިނަމަ އެކަމެއްގައިވުން
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އެވޭލާބޮޑުލާރި
ނ އައްސުލްޠާނު އަލްމަރުޙޫމް އަލްޙާއްޖު މުޙަންމަދު ޢިމާދުއްދީން )ހަތަރުވަނަ( މިރަދުންގެ ކުރީގެ ރަސްރަސްކަލުންގެ ބޮޑުލާރި
އެތެރެކޮއިލު
ނ (1) ފުރަމާލޭގައި ރަސްކަންކުރައްވާ ގަނޑުވަރަށް ހިމެނޭ ހިސާބު (2) ބޮޑުގަނޑުވަރުތެރެ
އެތެރެވަކަރޮ
ނ )ސ ( ހުރަސް ވަކަރު
އޮށަނިމަލުހެދުން
ނ (1) ދެގެދޭތެރޭ މީހުންގެ ރަސްމީހެދުން މިހެދުމުގައި ހުންނާނީ މަތީ ފޭއްޔެއް އަނދެފައި އޭގެ މުށެއްހައި ތާމަތީގައި އަތްދުތް ހުންނަވަރަށް މީގެ އެހެން ފޭއްޔެއް އަނދެފައެވެ (2) ވިލާތު އަންހެނުން އަޅާ ހެދުމެއް މިހުންނާނީ ލިބާހަކަށްވުރެ ލިބާހެއް ކުރުވަމުން ގޮސް އެންމެ މަތީން އޮންނަލިބާސް އުނަގަނޑާ ހަމަޔަށް ހުންނަ ގޮތަށް ފެންނާނެ ހެންނެވެ
އޮޅި
ނ (1) ދޮރުދޮރުގެ މައްޗާއި ތިރީގައި ހުންނަހުރަސް (2) އަށިއަށީގެ ދެފަރާތުގައްޔާއި ދެކޮޅާއި މެދުގައި ހުންނަފަތް (3) ބައަކު މީހުން (4) ޤަވާޢިދެއްގެ މައްޗަށް އެކުލެވިގެންވާ ބައަކުމީހުން
އޮލީ
ނ ބޭފުޅުން އަވަހާރަވެގެން ކިޔަވާ ރަސްމީ ކިޔެވުން
އޮލީކިއެވުން
މ ވަކިދަރަޖައެއްގެ ބަޔަކު ނިޔައުވީމާ ރަސްމީގޮތުން ޤުރުއާން ކިޔެވުން
އޮގަރުކަލޭގެ
ނ ރަދުންނާއި ގަނޑުވަރުތެރޭ ބޭފުޅުންނަށް ރާފޮދު ބާލާން ރަސްމީގޮތުން ހުންނަމީހާ
އޮގަރުފޮދު
ނ ރަދުންނާއި ގަނޑުވަރުގެތޭ ބޭފުޅުންނަށް އޮގަރުގެއިން ރަސްމީގޮތުގައިގެންދާ ރާފޮދު މި ގެންދާމީހާ ހުންނާނީ އިހުގައި ހަނގުބޭކަލުން ދަމަށް ދުރުވާ ހެދުމުގައި އުނަގަނޑުމަތީ ކަޅުރުމާލެއް ބަނދެފައެވެ އޭނާގެ އުނަގަނޑުގައި އެއްނަރު ފައްޓަރުފަށެއް އޮންނާނެއެވެ މިގެންދާއުނބު ހުންނާނީ ދެފަށްލާ ޖަހައި ކުރަހައިފައި ރިހިކެވެލިފަށެއް ލައިފައެވެ
އޮގަރުލޮންސިކޮޅު
ނ ރަދުންގެ ޚާއްޞަ ލޮންސިކޮޅު މިގެންދާނީ ރަސްކަމަށް ކޮލިލާ ދުވަސްވަރު ފަދަ ޚާއްޞަ ދުވަސް ދުވަހަށެވެ
އޮގަރުގެ
ނ އޮގަރުކަލޭގެ ހުންނަގެ މިއީރަސްމީ ރާވެރިކަންތައް ކުރާގެއެވެ
ވަހުތޮނަ
ނ (1) ވަސްކަނި (2) ފުރާޅުގެ ވަސް ބާއްވަން ތާވަކަރަށް ނުވަތަ ހުރަސް ބެރިއަށް ޖަހައިފައި ހުންނަ އެއްޗެތި
ވަޅުގަނޑުވަރު
ނ ބިމުއަޑީގައި ހަދައިފައި ހުންނަ ސިއްރިއްޔާތުގެ ގެކޮޅު މިއީ އިހުގައި ބައެއް ރަސްދަރިކަނބަލުން ފަދަ ބޭފުޅުން އުޅުއްވަން ބިމުއަޑީގައި ހެއްދެވިކަމަށް ބުނެވޭ ޚާއްޞަ ތަންތަނަށް ދީފައިވާ ނަމެކެވެ
ވައިފުޅަ
ނ (1) ދަނޑުބިމުގައި ގޮވާން ހައްދާއިރު ގަދަ ވައިން ގަސްތަކަށް ގެއްލުންވިޔަ ނުދޭން ވައި ހުރަސްކޮށް އެކި ހިސާބު ހިސާބުގައި ޖަހާ ފަންތޮށަލި ފުޅައް (2) ވައިނިވާ
ވައުއައްސާދަނޑިގަނޑު
ނ ހުރަސްފިލާ ކައިރީގައި ބަޅުކޮށް ވައުއައްސާން އަޅައިފައި އޮންނަ ދަނޑިގަނޑެއް
ވަލީކޮމިޓީ
ނ ރަސްކަލެއްގެ ނުވަތަ ވަލިއްޔުލް އަމުރެއްގެ ބަދަލުގައި ޤާނޫނީގޮތުން ޚިޔާރު ކުރެވިގެންވާ ކޮމިޓީ