radheef.info
ރަދީފު


ހަކަ
ނ (1) ތާކުންތާކުނުޖެހޭ ވާހަކަ. (2) )ސ.( ހާޑުހައްފަދަ ކޮންމެ އެއްޗެއް. (3) )އ.ކ.( ވަރަށް ތަންކޮޅެއް
ކާޑު
ނ (1) ކެއުމަށް ބޭނުންކުރާ މައިގަނޑު ބާވަތްތައް ކަމުގައިވާ ހަނޑޫ ހަކުރު ފުށް. (2) އެކިއެކި ބޭނުމުގައި ރީތިމިނަކަށް ހަދައިގެން ގެންގުޅޭ ބޯކަރުދާސްކޮޅު. މިސާލު: )ހ( އެޑްރެސްކާޑު. )ށ( ޕޯސްޓުކާޑު. )ނ( ދަޢުވަތުކާޑު. )ރ( ހެޔޮއެދުންތަކުގެ ކާޑު. (3) އިލެކްޓްރޯނިކް ބައެއްތަކެތީގެ ޚިދުމަތް ލިބިގަތުމަށްޓަކައި ބޭނުންކުރުމަށް ޕުލާސްޓިކުން ނުވަތަ މަޢުދަނީ އެއްޗަކުން ތުނިކޮށް ފަތިކޮށް ހަދައިފައި ހުންނަ އެއްޗެއް. މިސާލު: )ހ( ފޯނުކާޑު. )ށ( ކުރެޑިޓްކާޑް. )ނ( ތަޅުދަނޑިކާޑު. )ރ( އަވަސްފައިސާ ކާޑު. (4) މުދައު ކޮންޓްރޯލްކޮށްގެން އުޅޭ ތަންތާނގައި އެގެއަކަށްތަކެތި ގެންނަންވީ ޢަދަދު ލިޔެފައިވާ ކަރުދާސްކޮޅު. (5) މުދައު ކޮންޓްރޯލް ކޮށްގެން އުޅޭ ތަންތާނގައި މީހަކަށް ނުވަތަ ބަޔަކަށް ކޮންޓްރޯލް ޤަވާޢިދުން ދޫކޮށްފައިވާ ކާބޯތަކެތީގެ ކޮއްތު. (6) ކޮމްޕިއުޓަރުފަދަ އެއްޗެހީގައި އެކިއެކި ވާޖިބުތައް އަދާކުރުމަށްނަގައި ބަދަލު ކުރެވޭގޮތަށް ޖަހައިފައި ހުންނަ ބޯޑު (7) )ބދ ( ފިރިހެން ހަށި
ކިމެރުއުއި
ނ އަލަށް އިން ދެމީހަކަށް ފުރަތަމައަށް ލިބޭ އަންހެންދަރި ކޮށާ އުއި
)މުސްކުޅިބަހެއް( ނުބައިމީހަކު ރަނގަޅޭ ކިޔައިގެން ކިތަންމެ ވަރަކަށް ވާހަކަދެއްކިޔަސް އެއީ ރަނގަޅު މީހެއް ނޫންކަން އޭނާ ރަނގަޅެއް ނުވާނެކަން އެންގުމުގެ ގޮތުން ބުނެއުޅޭ ބަހެއް ކިތަންމެވަރަކަށް ދޮންކުރިއަސް ދުނބުރިއެއް އަނބަކަށް ނުވާނެއެވެ
ކިޔުން
މ (1) ލިއެފައިވާއެއްޗެއް ދުލުން ފާޅުކުރުން (2) ބަސްތަކެއް އަނގައިންއެކުލެވުން މިސާލު: )ހ( ރައިވަރެއް ކިޔުން )ށ( ހިތުދަސްވެފައި ހުރިއެއްޗެއް ދުލުން ފާޅުކުރުން (3) މީހަކަށް ނުވަތަ ބަޔަކަށް ވަކިތަނަކަށް އަންނާން އެންގުން ނުވަތަ ދަޢުވަތުދިނުން (4) އެއްޗަކުން އަޑެއް ގޮވުން މިސާލު: އުނދޯލީގެ ވަހުން އަޑެއް ކިޔައިފިއެވެ (5) ލިޔެފައިވާ އެއްޗެއް ދެނެގަތުމަށްޓަކައި އެއެއްޗެއްބެލުން
ކީކާ
ނ )ބދ ( އޯލަވާހަކަ
ކުނޑިކޭވާހަކަ
ނ މަޖާޒު: މީހާގެ ކިބައިން ވެފައިއޮންނަ ދެރަކަމެއްގެ ވާހަކަ
ކުނީހަނޑޫ
ނ ގަޑުވަރުތެރޭ ބޭފުޅުން ތިއްބަވާ ތަންތަން ކުނިކަހާ މީހަކަށް ސަރުކާރުން ދެއްވައި އުޅުއްވި ހަނޑޫ އެއީ ފޯޔަކު އަށްނާޅި ހަނޑުލެވެ
ކުރިމެރުން
މ (1) މީހަކު ކިޔަމުންދާ ވާހަކައެއްގެ އަންނާން އޮތްތަނުން ތަންތަންކޮޅު އެހެން މީހަކު ކިޔައިދިނުން (2) މީހަކު ނުވަތަ ބަޔަކު ކުރާން އުޅޭ ކަމެއް ވިޔަނުދިނުން
ކުރިފެޅުން
މ (1) މަޖާޒު: ދެކެވެމުންދާ ވާހަކަ އަކުން އާވާހަކައެއް އުފެދުން (2) ގަސްގަނޑުން ނިރު ނުކުތުން
ކުރުއަތުލިޔުން
ނ ދައްކާ ވާހަކަ އަވަހަށް ލިޔާލިޔުން މިލިޔުން ލިޔާނީ ރަމްޒުތަކަކާއި ނިޝާންތަކެއް ބޭނުންކޮށްގެންނެވެ
ކުޅަނދުރު ހަތަޔަށް އޮއްގައުލުން
މ މަޖާޒު: ތިމާގެ މައްޗަށް ގަދަކަން ފޯރުވޭވަރުގެ މީހަކަށް ނުވަތަ ބަޔަކު ރުޅިއަންނާނެ ކަމެއްކުރުން
ކުދިންގެދަންނަކަން
ނ ޙަޤީޤަތެކޭ ހީވާކަހަލަގޮތަކަށް ދައްކާ އަޞްލެއްނެތް ދީނީ ބައެއްވާހަކަ
ކުސަ
ނ (1) ދެގަނޑެއްޗެއް އެއްކުރާން ރޯނުން ނުވަތަ ނަނުން ފުރާ ބައިން. މިގޮތަށް ހުންނަ ކޮންމެ ބައިނެއް. (2) ފުށާއި ހުންޏާއި ހަކުރާ އަޅައިގެން ހިލާ ކާ އެއްޗެއް. (3) މަޖާޒު: އެއްޗަކަށްނުވާހެން ކުރާކަންތައް ނުވަތަ ހަދާ އެއްޗެއްނޫނީ ދައްކާ ވާހަކަ
ކުޓުވުން
މ މީހަކު ބަދުނާމުކޮށް އަނެކަކުގާތުގައި ވާހަކަދެއްކުން
ކޫކޫ
ނ (1) ކުރުކުރުއަޑު (2) މަޖާޒު: ދެމީހަކު މަޑުމަޑުން ދައްކާ ސިއްރު އޮލަވާހަކަ
ކޫކޫލުން
މ (1) ދަހިލަވައިގެން ކަމަކަށް ކިއުން (2) ދެމީހަކު ސިއްރުން އޮލަ ވާހަކައެއް ދެއްކުން (3) ކުރުކުރު އަޑުކިއުން
ކެހިދިނުން
މ މަކަރުވެރިގޮތުން މީހަކަށް ގެއްލުމެއް ދިނުން
ކެރެދިކޮޑެދެލެ
ނ )ގ ( ކުޅަނދުރުގެ ބާވަތެއް މިއީ ވިހަކަން ގަދަ ކުޑަ ކުޅަނދުރެކެވެ
)މުސްކުޅިބަހެއް( މީހަކަށް ލިބިފައިވާ މަޤާމެއްގެ ނުފޫޒުގެ ބޭނުންކޮށްގެން ނާޖާއިޒުފައިދާ ނަގައިފައި ވާވަރު އެނގޭނީ އެމީހާ އެމަޤާމަކުން ވަކިވީ ދުވަހަކުންކަން އެންގުމަށް ބުނެއުޅޭބަހެއް ކެޔޮކޭވަރު އެނގޭނީ ބިތުފަންގެ ނެގީމައެވެ
ކޭންބެއްލެވުން
ނ (1) މާތްކޮށް ވާހަކަދެއްކުމުގައި ކެއުން (2) ކެއުން މިބަހުގެ މާތްގޮތް