radheef.info
ރަދީފު


ޓ
ނ ތާނައިގެ ވިހިވަނަ އަކުރު
ގޮނޑިހޫނުކުރުން
މ މަޖާޒު: (1) ތަނަކަށް ގޮސް ކަމެއް ކުރަންޖެހޭ މީހަކު ކަމެއް ނުކޮށް ވަގުތު ބޭކާރު ކުރުން (2) ކޮމިޓީ ތަކާ މަޖިލީސް ތަކުގައި އެއްޗެއް ނުބުނެ ތިބޭ މީހުންނާ މެދު ބުނެއުޅޭ ބަހެއް
ގޮނޑިޖެހުން
މ (1) އިށީނދެ އުޅުމަށްޓަކައި ބޭނުންކުރާ ޒާތްޒާތުގެ ގޮނޑި އުފެއްދުން (2) ގެރިބަކަރިން ކިރުފެލާއިރު އޭގެކިރުގައި ތެޅުން (3) ތަނެއްގައި ގޮނޑި އެތުރުން
ގޮނޑުދޮށުމޫނުންބާނި
ނ ވާރުވެރިޔާ ވާރުފަތްކޮޅު ކިޔުއްވަން ދުރުވާ ދަތުރު ރަށްރަށުން ކުރާ ވެދުމެއް މިކަންކުރާ ގޮތަކީ ވާރުވެރިޔާ ރަށަށް ފައިބަންނަވާ ވަގުތު ދަނޑިއެއްގައި ބޮލިކޮއްޓޭ އެއްލައި ދެމީހަކު ކޮނޑުއަޅައިގެން ވާރުވެރިޔާއާއެކު ފަތްކޮޅު ކިޔުއްވާ ތަނަށް ގެންގޮސް ބޮލިކޮއްޓޭ އެތާގައި ބާއްވަނީއެވެ
ގޮނޑެއްގައިއޮތަސް ޖަވާހިރެއްވާނީ ޖަވާހިރަކަށެވެ
(މުސްކުޅިބަހެއް) ކިތަންމެ ނިކަމެތި ހާލެއްގައި ހުއްޓަސް ކަންކަމަށް މޮޅު ކުޅަދާނަ މީހުންވާނީ މޮޅު ކުޅަދާނަ މީހުނަށްކަން ހާމަކޮށް ދިނުމަށް ބުނެއުޅޭ ބަހެއް
ގޮނި
ނ (1) ބައްޓަމާއެކު އެތެރެއަށް ވެފައިވާއަޑި (2) މޫދުން ރަށުގެ ތެރެއަށް ވަދެފައިވާތަން
ގޮނިކަށި
ނ )ސ ( (1) އެކިއެކި އެއްޗެހީގެ އެތެރެ ގޮނިކޮށްކޮށުމަށް ޓަކައި ތިލަ ގޮނިކޮށް ހަދައިފައި ހުންނަވަޅި (2) ހޮޅި ވަޑާން ކަށި
ގޮނިތަށި
ނ ތިލަ ތަށްޓަށް ވުރެން އެތެރެ ފުންކޮށް ހުންނަތަށި
ގޮނުފަންތޮޅުން
މ )ހ ( ރުކުގެ ކުރުއްޕަތް ނިކުތުން ހުއްޓި ބޮންތީގެ ފަންވަތްތައްވަކި ވާވަރުވުން
ގޮން
ނ. (ގ) (1) ހަތަރު އަރިގޮތަކަށް ބޭރުގެ ބުރުހުންނަ ފަރުމަހެއް. (2) ނަނު އަޅާއިރު އުޅި ހިފެހެއްޓުމަށް ލަކުޑިން ނުވަތަ މަޢުދަނުން ހަދައިފައިވާ އެއްޗެއް. މިހުންނަނީ ފިތް ކަނޑައިފައެވެ. (3) ޖަހާގޮން (ގޮންޖެހުން ބަލާ!)
ގޮރުޖެހުނުމަސްމުޅި
ގބ )މިސާލުބަހެއް( ބޭނުންހިފަން ކަމުނުގޮސްގެން ބަހައްޓައިފައި ހުރިއެއްޗެއް އެހެން އެއްޗެއް ނެތުމުގެ ސަބަބުން ބޭނުންކުރެވޭގޮތްވުމުން ބުނެއުޅޭބަހެއް
ގޮއިބައި
ނ (1) ސަރުކާރުގެ ބިމެއްގައި އަމިއްލަ މީހުންކުރާ އޮށްޓަރު ގޮވާމުން ސަރުކާރަށް ނަގާބައި. މިގޮތުން އެކިޒަމާނުގައި އެކި ރަށުން ނަގައި އުޅުނީ އެކިވަރަށެވެ. ބައެއް ދުވަސްވަރު 3/1 4/1 5/1 8/1 ނަގައި އުޅުނުކަމަށްވެއެވެ. (2) މީހުން އުޅޭ ރަށެއްގެ ގޯތީން ބޭރުގައި ތައްޖަހާ ތަކެތި. )ރުއް ފެންފޯއްރުއް ބަނބުކެޔޮ ކަށިކެޔޮ( ނޫން ތަކެތި ހެއްދުމުން އެތަކެތިން ލިބޭއެއްޗަކުން ސަރުކާރަށް ނަގާބައި (3) ހޭޅިން އަތިރި ބަންޑާރަޔަށް އޮންނަ ރަށްރަށާއި މީހުން އުޅޭ ވަގުފު ނޫން ފުރަބަންޑާރަ ރަށްރަށުގައި ކުރާ މަސްވެރިކަމުން ބަންޑާރަޔަށް ނަގާ މަސްބައި (4) ކޮންމެ ރާވެރިޔެއްގެ އަތުން ސަރުކާރަށްނަގާ ހަކުރުބައި )މިގޮތުންނަގާނީ ކޮންމެ ރާވެރިޔެއްގެ އަތުން މަހަކު އަޑުބައެކެވެ
ގޮއްވައިލުން
މ (1) އަނގައިން ފުމުމުން ނުވަތަ އެހެންވެސް ވަސީލަތަކުން އަޑުއުފެދޭ އެއްޗަކުން އަޑެއްނެރުން މިސާލު: ކަށިގަނޑު ގޮއްވައިލުން (2) ބަޑީގެ ވަޒަން ފޮނުވައިލުން (3) ބަޑިބޭސް ނުވަތަ ޑައިނަމައިޓް ފަދަ އެއްޗެއް ބޭނުންކޮށްގެން ތަންތަނާއި އެއްޗެހި ފުނޑު ފުނޑު ކޮށްލުން (4) )ޏ ( ރޮއްވައިލުން
ގޮއްވުން
މ (1) ފުމެގެން ނުވަތަ ވައިހިންގައިގެން އަޑުނެރޭ އެއްޗަކުން އަޑު ނެރުން މިސާލު: ބަރުގޮނު ގޮއްވުން (2) ބަޑީގެ ވަޒަން ފޮނުވައިލުން (3) ބަޑިބޭސް ނުވަތަ ޑައިނަމައިޓް ފަދަ އެއްޗެއް ބޭނުންކޮށްގެން ތަނެއް ނުވަތަ އެއްޗެއް ފުނޑު ފުނޑުކޮށްލުން (4) މަޖާޒު: މަލާމާތް ކުރުން (5) )ޏ ( ރޮއްވުން
ގޮއްފައްޓަރޮ
ނ )ޏ ( ގޮށް ފައްޓަރު
ގޮއްޕައްޓަރެ
ނ )ގ ( ގޮށްފައްޓަރު
ގޮވާންކެނޑުން
މ އޮއްޓަރު ގޮވާން ދޮންވީމާ އޭގެކުރާކެނޑުން
ގޮވާންއުކުން
މ ދަނޑުހެއްދުމަށްޓަކައި ދަނޑު ސާފުކޮށްފައި ހައްދަން ބޭނުންވާ ބާވަތެއްގެ ގޮވާމުގެ އޮށްއުކުން
ގޮވާންލުން
މ ދަނޑަށް ގޮވާމުގެ އޮއްޓަރު އުކުން
ގޮވާންސާފުކުރުން
މ ގޮވާމުގެ ކުރާގަނޑުން އޮއްޓަރު ފިލުވުން
ގޮވިން
ނ ގެރި ބަކަރި ޖަމަލުފަދަ ޖަނަވާރު ގެންގުޅެ ބަލަހައްޓާ މީހުން