radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
ޙައްޤުވުން
މ (1) ކަމެއްކުރުން ވާޖިބުވުން (2) ކަމަކަށް އެކަށީގެންވުން (3) އަމިއްލަވުން ނުވަތަ މިލްކުވުން
ޙަވާލާ
ނ ވަކިމީހަކާ ނުވަތަ ވަކިއެއްޗަކާ ނުވަތަ ވަކިކަމަކާ ގުޅުވައި ބުނާ ބުނުން
ޙަވާލާދިނުން
މ ދައްކާވާހަކައެއްގައި ނުވަތަ ލިޔާއެއްޗެއްގައި އަނެކެއްގެ ބަހަކަށް ނުވަތަ ލިޔުމަކަށް އިޝާރަތްކުރުން
ޙަވާލުކުރުން
މ (1) މީހަކާ އެއްޗެއް ނުވަތަ ކަމެއް މަތިކުރުން (2) މަސްއޫލިއްޔަތު އުފުލާން ޖެއްސުން
ޙަވާލުވުން
މ ތިމާއާއި ޙަވާލުކުރާ ކަމެއް ނުވަތަ އެއްޗެއް ޤަބޫލުކުރުން
ޙިއްޞާ
ނ (1) މުދަލުން ނުވަތަ ފައިސާއިން ނުވަތަ އެނޫންވެސް އެއްޗަކުން ނުވަތަ ކަމަކުން މީހަކަށް ލިބެންޖެހޭ ބައެއް. (2) ބައި. (3) އަމިއްލަވާ ނުވަތަ ބައިވެރިވާ ނުވަތަ ޒިންމާވާ މިންވަރު
ޙިއްޞާކުރުން
މ މުދާ ނުވަތަ ފައިސާ ނުވަތަ އެނޫންވެސް އެއްޗެއް ނުވަތަ ކަމެއްގައި ބައިވެރިވުން
ޙިއޞާކުރުވުން
މ މުދަލުގެ ނުވަތަ ފައިސާގެ ނުވަތަ އެނޫންވެސް އެއްޗެއް ނުވަތަ ކަމެއްގައި މީހަކު ބައިވެރިކުރުވުން
ޚަރަދުބަރަދު
ނ (1) ހޭދަކުރާތަކެތި (2) ޚަރަދު (3) ދީނީގޮތުން ބަލަހައްޓަން ޖެހިފައިވާ ބަޔަކަށް ނުވަތަ މީހަކަށް ކެއިންބުއިމާއި އެހެނިހެން ކަންތަކަށް ކުރަންޖެހޭ ހޭދަ
ޚިދުމަތް
ނ މީހަކަށް ނުވަތަ ބަޔަކަށް ކަމެއްކޮށްދޭކޮށް ދިނުން
ޚިދުމަތްކުރުން
މ މީހަކަށް ނުވަތަ ބަޔަކަށް ކަމެއްކޮށް ދިނުން
ޚިޔާނާތް
ނ (1) ތިމާގެ ހަވާލުގައިހުރި އަނެކެއްގެ އެއްޗެއްގައި ޖެހޭޖެހުން (2) ކަމަކަށް ނުވަތަ އެއްޗަކަށް ތެދުވެރި ނުވާ ނުވުން
ޚިޔާނާތްތެރިވުން
މ (1) ކަމަކަށް ނުވަތަ އެއްޗަކަށް ތެދުވެރިނުވުން (2) އަމާނާތްތެރިނުވުން (3) ޙައްޤަށް ރައްކާތެރިނުވުން
ޚުލާޞާ
ނ (1) ކުރުކޮށްފައިވާ މުހިންމުބައި (2) ލިޔުމެއްގެ ނުވަތަ ފޮތެއްގެ ނުވަތަ މަޒުމޫނެއްގައިވާ ވާހަކަތަކުން މުހިންމު ނުކުތާތައް ހިމަނައިގެން އެއެއްޗެއް ކުރުކޮށްފައިވާ ބަޔާން
ޚުޠުބާ
ނ ބައެއްނަމާދު ނުވަތަ ދީނީ ބައެއް މުނާސަބަތާ ގުޅިގެން އިއްވޭ ދީނީ ނަޞޭޙަތް މިސާލު: )ހ( ހުކުރު ޚުޠުބާ )ށ( ޢީދު ޚުޠުބާ )ނ( ކާވެނީގެ ޚުޠުބާ
ޚޮލިސާ
ނ (1) ބަޑި ރޯކުރަންގެންގުޅޭ އެތި މިއޮންނަނީ ފޫޓުބައި ނުވަތަ 3 ފޫޓު ހުންނަވަރުގެ ދަނޑި ބުރިއެއްގެ ކޮޅުގައި ކޮރު ދަނެއް ހަރުކޮށްފައެވެ (2) ފޮލިސާ
ޝަހާދަތްގޮވުން
މ ލިބޭ ކުއްލި ސިހުމެއް ނުވަތަ ވޭނެއްގެ ސަބަބުން ޝަހާދަތުގެ ދެކަލިމަ އަޑުހަރުކޮށް ކިޔަމުން ގެންދިއުން
ޝަހީދަށްނުކުތުން
މ ދީނުގެ މަގުގައި ނުވަތަ ވަޒަނުގެ ޙައްޤުގައި މަރުވިޔަސް ހެޔޮ ކަމަށް ހަނގުރާމައަށް ދިއުން
ޝަހީދު
ނ ދީނުގެ މަގުގައި ނުވަތަ ވަޒަނުގެ ޙައްޤުގައި ކުރާ ހަނގުރާމައިގައި ވާމަރު
ޝަހީދުވުން
މ ދީނުގެ މަގުގައި ނުވަތަ ވަޒަނުގެ ޙައްޤުގައި ހަނގުރާމަކޮށް މަރުވުން