radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ކުރިޖެހިބަތް
ނ ޅަކޮށް ކައްކައިގެން ކެޔޮފަތު ހޮޅިޔަށް އަޅައިފައި ހުންނަ ބޮނޑިބަތް. މިހޮޅީގެ ދެކޮޅު ފަތްގަނޑު ހުންނާނީ ބޮނޑިބަތް ރޯލުގެ ކޮޅަށް ވައްދާ ލައިފައެވެ. މީގައި ހުންނާނީ އަށެއް ނުވައެއް އިންޗީގެ ދިގުމިނެވެ. ފަލަ މިނަކީ މެދުމިނު މީހެއްގެ އަތުކުރީގެ ފަލަމިނެވެ. މިއީ އޮލީފަދަ ރަސްމީ ކަންތަކުގައްޔާއި ރަށްރަށުގެ މައުލޫދުގައި ޅެންކިޔާ މީހުންނަށް ހުންނަ ބަތެކެވެ
ކުރިޖެހުން
މ ކައްޓަލަ ވެޔޮ ބުރިބުރިކޮށްގެން އިންދުން
ކުރީގަތުން
މ )މަލިކު( (1) ރުކުގެ ކުރިގަނޑު ތެރެޔަށް އެރުން (2) ކުރިގަތުން
ކުރުނބާ
ނ (1) ދިވެހި ރުކުގެ ކިހާކާއި ގަބުޅިޔާއި ދެމެދުގެ ވައް. މިއީ އޭގެ ފެން އެންމެ މީރު ކަމަށްވާ ވަރެވެ (2) )ޏ ސ ( ކުރުބާ
ކުރުނީސް
ނ (1) މާތް މީހުންނަށް ސަލާމް ކުރުމުގެ ބާވަތެއް އެއީ ދެއަތްމޭގައި އަޅައިފައި ކަނާއަތް އުފުލައި ބޮލުގައި ޖައްސައިލައިފައި މެޔަށް ގެނައުމެވެ (2) ބޮލާ ހަމަޔަށް އަތްނަގައި ކުރާ ސަލާމް
ކުރުކަނިމަތީވަކަރު
ނ )މ ( ގޭގެ ކަނިތަކު މަތީ އަރިޔަށް އޮންނަ ވަކަރު
ކުރުކުރު
ނ ފަލަމަޑީގެ ބާވަތެއް މިއީ މަތިވައް ފަތްހެން ފަތްހުންނަ ވެލެއްގެ ގޮނޑިއެކެވެ މީގެ ބޭރުހުންނަނީ ކަޅު މުށިކުލައެއްގައެވެ ތޮށިގަނޑުގައި ނަރުވާތަކެއް ފަޅައިފައިހުރެއެވެ މިވެލުގައި އަޅާ އެއްޗެއްސަށް ކިޔައި އުޅެނީ ކުރުކުރުކައްޓަލައެވެ އެ ހުންނަނީ ކުދި ކޮންނެވެ
ކުރުއަތުލިޔުން
ނ ދައްކާ ވާހަކަ އަވަހަށް ލިޔާލިޔުން މިލިޔުން ލިޔާނީ ރަމްޒުތަކަކާއި ނިޝާންތަކެއް ބޭނުންކޮށްގެންނެވެ
ކުރުއްޕަތް
ނ (1) ޅަ ރުކުގެ ގޮނުވަން ނުތޮޅޭ ފަން (2) ކެޔޮގަހުގެ ބޯށި އައުމުގެ ކުރިޔަށް ނުކުންނަ ކުރުފަތް
ކުރުވުން
މ (1) ދިގުމިނުން މަދުވުން (2) މީހަކު ނުވަތަ ބަޔަކުލައްވާ ކަމެއް ކުރުވުން ނުވަތަ އެއްޗެއް ހެއްދުން
ކުރުވެލި
ނ ދުފާ އެއްޗެހި އަޅާން ފަނުން ވިޔެގެން ގެންގުޅޭ ދަބަހެއް ކަހަލަ އެއްޗެއް
ކުރުފަލި
ނ މެއްކާ ނުލައި އަތްމަތިން ޖަހާ ތަންޑު ކުރު ކުޑަފައްޔެއް. މިއީ ކުޅިވަރެއްގެ ގޮތުގަޔާއި ބައެއް ކަހަލަ ކަން ކަމުގައި ޝަރަފުވެރި ގޮތެއްގައި ޖަހަން ބޭނުންކުރާ ފައްޔެކެވެ.
ކުރުގެޅުން
ނ (1) ޖެހުނު ޖެހުމަކުން ނުވަތަ ފިތުނު ފިތުމަކުން އެއްޗެއް ހުންނަންވީ ވަރަށް ވުރެން ކުރުވުން (2) ޢިށީނދެ އިނުމުގައްޔާއި އޮށޯވެ އޮތުމުގައި ކުރުޖެހުން (3) މަޖާޒު: ދެރަވުން (4) ފިނޑިވުން (5) ކެވުނުލެއް ގިނަކަމުން ހިންދަމައި ނުލެވުން
ކުރުސި
ނ (1) އާޔަތުލް ކުރުސި. (2) ނާފަހަރުގެ ގާވިޔާ ކުންދާނާއި ސަފަރުކުންދާ ނާއިދޭތެރޭ އޮންނަ ކާލިގަނޑު
ކުރެހުން
ނ (1) ހަމައެއްގެ މަތީން އެއްޗަކަށް ވާނޭހެން އަޅައިފައި ހުންނަ ރޮނގުތައް މ (2) ވަކި ޤަވާއިދެއްގެ މަތިން ރޮނގުއެޅުން (3) ވަކިޤަވާއިދެއްގެ މަތިން ބިންވަޅު ނެގުމާއި ފޫވެއްޓުން (4) ތަސްވީރުފަދަ ތަކެތި ފެވުން (5) އެއްވެސް އެއްޗަކަށް ނުވާނޭގޮތަށް ރޮނގުތަކެއް އެޅުން (6) ގައިގެ ހަމުގައި ކޮންމެވެސް އެއްޗަކުން އެޅިގެން ކިރިޔާ ތެޔޮހަން ކެޑުން (7) ފޮޓޯނެގުން
ކުރެއްވުން
މ (1) ކުރުން މިބަހަށް މާތްކޮށް ކިޔާގޮތް (2) މީހަކު މެދުވެރިކޮށްގެން އެހެން މީހަކު ނުވަތަ ބަޔަކުލައްވާ އެއްޗެއް ހެއްދުން ނުވަތަ ކަމެއް ކުރުވުން
ކުރެވި
ނ (1) ރިޔަލާއި ސަތަރިފަދަ އެއްޗެހީގެ އެމުނީގައި ހަރުކޮށްފައި އޮންނަ ވާ (2) ލޮލުގެ އެސްފިޔަ ފަޅައިފައި ހުންނަތަން (3) )ހ ( އަންނައުނުގެ ކަށިފަތީގެ އެންމެ ކައިރިފަށް
ކުރެދިފަނި
ނ މަދިރިހެން ލޭބޯ މެއްސެއް މިއީ ކުނަމެއްސެއްހައި ވަރުގެ އެއަށްވުރެ ތަންކޮޅެއް ފިޔަ ދިގު ބޯހުދު މެއްސެއް މި އުޅެނީ ރަށްރަށުގެ ގޮނޑުދޮށުގައެވެ
ކުރެޔާ
ނ )ގ ( ކުރާ )މިހެން ކިޔަނީ އެކައްޗަށް ނިސްބަތް ކޮށެވެ
ކުރޮޅި
ނ (1) ހިކިގެން ނާށިގަނޑުގެ ތެރެއިން އަމިއްލައަށް ނެއްޓިފައި އޮންނަ ކާށި މި ކާށި ބޮނބިގަނޑާ ނާއްޓާ އެކީއޮތަސް ކިޔަނީ މިހެންނެވެ (2) ހަރުލައިފައި އޮންނަ ތޮށީން ހިކިގެން މަދުނެއްޓިފައި އޮންނަ އޮށް ނުވަތަ ބަދަން (3) ލަނބުރާނު ކޮޅުގައި ހަރުކޮށްފައި ހުންނަ ތިންލޯވަޅު ހުންނަ ގޮއްލަ (4) ތިން ފުރޮޅުލީ ދުއްވާ އެއްޗެއް މީގައި ދަތުރު ކުރެވޭނީ ދުއްވާމީހާގެ އިތުރަށް ދެމީހުންނަށެވެ މީގައި ހުންނާނީ ސައިކަލް އިންޖީނެކެވެ