radheef.info
ރަދީފު


ޒ
އ ތާނައިގެ 91 ވަނަ އަކުރު
ތެޔޮޖެހުން
މ މަޖާޒު: ކަމަކަށް ބާރުއެޅުން
ތޮރުފުން
މ (1) އެއްޗެއްގައި ލޯވަޅެއް އެޅުން (2) އެއްޗެއް ފޫދުއްވުން (3) މަޖާޒު: ނުބެހޭ ކަމެއްގެ ތެރެޔަށް ވަނުން
ތޮރޮހިތޮނެޔާ
ނ )ގ ( (1) ލޮނުމެހި (2) މަޖާޒު: ހަލަނިކޮށް އުޅޭ ކުދިންނަށް ކިޔާ ނަމެއް
ތޮޅިޔަށްދިއުން
މ މަޖާޒު: (1) އެއްޗަކަށްނުވުން (2) ތާކުންތާކު ނުޖެހިދިއުން
ތޮއްޑުދޮށުންދިއުން
މ މަޖާޒު: ކަމެއް ބޮއްސުންލުން
ލަނބުރާން
ނ (1) ރިޔާ ނަގައިގެން ދުއްވާ ނާޒޯނގު ފަހަރުގެ ކުނބު ހޫރުނަ ނުދިނުމަށް ކުނބުގެ ކުރިން ވަކި ހިސާބަކުން ފެށިގެން އުޅަނދުގެ ދެމަތިކަނަށް ހަރުކޮށްފައި ހުންނަ ވާ. (2) ކޮޅަށް ޖަހައިފައި ހުންނަ އެއްޗެއް ކޮޅަށް ބެހެއްޓުމަށްޓަކައި އެކި ހިސާބުގައި ހަރުކޮށް ބިމަށް ޖަހައިފައި ހުންނަ އެއްޗަކަށް މުގޫކޮށްފައި ހުންނަ ވާ
ލަނޑު
ނ (1) ބައެއް ކުޅިވަރުތަކުގައި ޖަހާ ގޯލު ނުވަތަ ހޯދާ ޕޮއިންޓު (2) މަޖާޒު: ލިބޭ ކެހި
ލަނޑުކެނޑުން
މ މަޖާޒު: ކުރަންޖެހޭ ކަމެއް ކުރުމުގައި ކަމަށްކަމޭ ނުހިތައި އެކަމުގައި ވަގުތުތައް ދުއްވައިލުން
ލަނޑުދަނޑި
ނ (1) ފުޓުބޯޅަ ފަދަ ކުޅިވަރުތަކުގައި ބޯޅަގެންގޮސް ވައްދަން ބޭނުންވާ ތަނުގެ އިން ވަކިކުރާ ފާހަގަ (2) މަޖާޒު: އަމާޒު ފަތްގަނޑު
ލަނޑުދަނޑިއަށް ވާސިލުވުން
މަޖާޒު: އެމީހަކު ގަސްތުކުރި ކަމަކާ ހަމައަށް ދެވުން
ލަނޑުލިބުން
މ މަޖާޒު: ކެއްސެއް ލިބުން
ލަނޑެއްލިބުން
މ މަޖާޒު; ކެއްސެއްލިބުން
ލަންޑޯސާ
ނ މަޖާޒު: ޒަކަރު
ލަޅި
ނ (1) ޒަކަރު (2) ސޫ (3) ފިރިހެންހަށި
ލަކުނު
ނ (1) ހަށިގަނޑުން ހަލާކުވާ ތަނެއް ފަސޭހަވުމުން އެނގެން ހުންނަތަން (2) ލަކުޑިއާއި ދަގަނޑާއި މޭވާފަދަ އެއްޗެހީގައި ލިބޭ ގެއްލުމަކުން އެނގެން ހުރުން (3) މަޖާޒު: އިންސާނާގެ ހިތުގައި ހަރުލައިފައި ހުންނަ ހިތްދަތިކަމުގެ އަސަރު
ލަކުނުލުން
މ (1) ފާރުކޮޅެއް ނުވަތަ ކެނޑިފައި ހުރިތަނެއް ފަސޭހަވާއިރު އެތަން ފާހަގަ ވެފައި ހުރުން (2) އެއްޗަކުން ޖެހޭތަން އެނގެން ހުރުން (3) މަޖާޒު: ނުފިލާގޮތަށް ހިތުގައި ކަމެއްގެ އަސަރު ބިންވަޅު ނެގުން
ލަކުނުލެއްވުން
މ މަޖާޒު: (1) ހިތްދަތިވާ ބާވަތުގެ އަސަރެއް ކުރުވުން (2) ލަކުޑިއާ ދަނގަނޑުފަދަ އެއްޗެހީގައި ލިބޭ ގެއްލުމަކުން ހަލާކަކަށް ހިމެނޭ ކަހަލަ ފާހަގައެއް އުފެއްދުން (3) ހަށިގަނޑުން ހަލާކުވާ ތަނެއް ފަސޭހަވުމުން ހަލާކުވިކަން އެގެން ހުންނަގޮތް ހެދުން
ލައިތެޅުން
މ (1) އެގޮތް މިގޮތަށް އުޅުން (2) މަޖާޒު: ގިނަވެ އިތުރުވުން މިސާލު: އެތާ ކާއެއްޗެހި އޮތީ ލައިތަޅާފައެވެ
ލައް
ނ (1) ކިހަށްޑިޔަ ފަދަ އެއްޗެހި ޖެހިގެންވާ ހަޑި (2) މޭވާ ފަދަ އެއްޗެހީގެ ބޭރުތޮށިގަނޑުން ފާޅުވާ ކަޅުކުލައިގެ ތަންތަންކޮޅު (3) ބައެއް މަސްމަހާ މެއްސާއި ބައެއް ޖަނަވާރުގެ ހަމުގައި ހުންނަ ކުލަކުލައިގެ ތަންތަންކޮޅު (4) މަޖާޒު: ކުރާ ހިތިއަސަރެއްގެ ނުވަތަ އުފެދޭ ދެކޮޅުވެރިކަމުގެ ސަބަބުން ހިތުގައި އުފެދޭ ހިތި އަސަރު (5) އަބުރު ގެއްލޭފަދަ ކަންކަމުން ލިބޭ ހުތުރުނަން މިސާލު: އެއީ އޭނާގެ އަބުރުގައި ޖެހުނު ލައްގަނޑެކެވެ
ލައްވައިލުން
މ (1) އެއްޗެއް އެއްލައި ޖަހަން ޤަސްދުކުރި ތަނުގައި ޖެހުން (2) މަޖާޒު: މީހަކަށް ބޮނޑިއެއް ދިނުމަށް ރޭވި ރޭވުމެއްގައި އެމީހަކު ބެދުން (3) ކަމެއްގެ ވަގުތު ފާއިތު ނުވަނީސް އެކަމެއްގައި ބައިވެރިވެވޭގޮތް ވުން (4) ކަމެއްގައި ހިމެނޭގޮތް ނުވަތަ ބައިވެރި ވެވޭގޮތްވުން (5) ދިމާވުން