radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ފަށްކޮށްލުން
މ (1) އެއްކަމެއް އެކަކު ކުރިވަރަށްވުރެ މޮޅަށް އަނެކަކު ކުރުމުގެ ސަބަބުން ކުރީމީހާ ދަށްވުން (2) ރެކޯޑް މުގުރާލުން (3) ފަށްކުރުން މިބަހުގެ ލުއިގޮތް
ފަށްއެޅިގަމީސް
ނ ރާއްޖޭގެ ސިފައިންނަށް ޚާއްޞަ ކުރެވިފައި އޮތް ގަމީހެއް )މިއީ ހުދު ގަމީހެކެވެ ( މިގަމީސް ހުންނަނީ ގިރުވާނުގެ ކައިރި ފަށުގައްޔާއި ގޮށްފަތީގެ ކައިރިފަށުގެ ބައެއްގައި ކަޅުފޮތިން ހިމަފަށެއް އަޅާފައެވެ
ފަށްއެއްކުރާ
ނ ވާ އަޅާއިރު ވަލުގެ އުޅިތައް އެއްކުރާމީހާ
ފަށްމަތިބަލަހައްޓާ
ނ ވާ އަޅާއިރު އެއްއުޅި އަނެއްއުޅިއާ ޖެހުނަ ނުދޭން ހުންނަމީހާ
ފަށްލިބުން
މ ބައެއްގެ ތެރެއިން މީހަކު ވަކިވަރަކަށް މައްޗަށް ދިއުމުން އެކަން ފާހަގަކުރުމުގެ ގޮތުން ދެވޭ ނިޝާނެއް ހާސިލުވުން
ފަނދިރި
ނ (1) ނަވުގެ ކުނބުގެ މެދެއްހާ ހިސާބުގައި ހަނދުފަޅި ބުރަށް އޮންނަ ފިލާގަނޑެއް މި އޮންނާނީ ޖަންބޫރަ ފިލާގަނޑު މަތީގައެވެ (2) ކުނބު ފަރުމާނުގައި މަސައްކަތްކުރާ މީހާ
ފަނދިރީން
ނ ފަނދިރީ މީހުން
ފަނދިރީމީހުން
ނ ނާނާފަހަރުގެ ކުނބު ފަރުމާނަށް އަރައި އާލާތްކޮށް ހަދާމީހުން
ފަނޑިޔާރު
ނ (1) ދެޚަޞްމެއްގެ ދެމެދުގައި ހިނގާ ކަންތައްތައް ބަލައި ނިންމާ މީހާ (2) ކަމަކާމެދު އިންސާފު ކުރާމީހާ (3) ޤާޟީ (4) ޙާކިމު (5) ނިޔާކަނޑައަޅާ މީހާ
ފަނަށްއެރުން
މ (1) ފަންކުޅޭއިރު ފަނެއްގެ ގޮތުގައި ހުންނަން ކަނޑައަޅާ މީހާ ފަން ހުންނަންވާ ތަނަށް ދިއުން (2) ކުކުޅު ހާ ނިދަން އެރުން
ފަނާ
ނ (1) މީހުނާއި ދިރޭ ކޮންމެ އެއްޗެއް ވާ މަރު. (2) އެއްޗެއް ނެތިދާދިއުން. (3) އޮޑިދޯނިފަހަރު އެޅުމަށް ނަގިލީގެ ބަދަލުގައި ބޭނުންކުރާ ގަލެއް. މިގައު އޮންނާނީ ވަށްކޮށް ފަތާކޮށް މެދުގައި ލޯވަޅެއް ތޮރުފައި އެތަނަށް ދަނޑިއެއް މަހައިފައެވެ
ފަނާމައްޗަށްއިނުން
މ އޮޑިދޯނިފަހަރު ބަނދަރުކޮށްފައި އޮންނައިރު އެއަށްވާ ގޮތް ބެލުމަށް ރޭގަނޑު މީހަކު ހޭލާ އިނުން
ފަނި
ނ (1) ފޮނި ރަހަލާވަރަށް ފެނުގެ ތެރެއަށް ހަކުރު އަޅައިގެން ގިރާ ނުވަތަ ކައްކާ ބުއިމެއް. ތަފާތު ބާވަތްތައް އެއްކޮށްގެންވެސް މިތައްޔާރުކުރެވެއެވެ. މިސާލު: އިސްބަގުލު ފަނި ސާގުފަނި ފުފުލުފަނި (2) ދިރޭސޫތްޕެއް މީގެ ތަފާތު ވައްތަރުތައް އެކިއެކި ވަރުވަރަށް ހުރެއެވެ މިސާލު: ކިލާފަނި އެކިއެކި ބަލިބަލީގެ ފަނި (3) )ޏ ސ ( ރާފޮނި
ފަނިބޯކޮރު
ނ ސަމާ ތެރޭގައި ދުވާލުގެ ހުސްވަގުތު ތަކުގައި ކޮށީގެ އާދައިގެ މީހުން ނުކުމެ ޖަހާ ކުޅި މިއީ މެދުކަނޑާ ނުލުމަށްޓަކައި ކުރާ ކަމެކެވެ ރަނގަޅު ކުޅިޖެހުމަށް ފެށޭނީ ރޭގަނޑުއެވެ
ފަނިއާރަން
ނ ފޮނި ހެދިކާ އެއްޗެއް މިއީ ހަނޑުލުފުށް އުއްސައިގެން ސަންބޯސާގެ ސިފައިގައި ހަދައިފައި ހުންނަ އެއްޗެކެވެ މީގެ އެތެރޭގައި ހުންނާނީހަނޑޫ މާޖައްސައި މުގުރައި ހަކުރުގައި ތަތްކޮށްފައި ހުންނަ އެއްޗެކެވެ
ފަނިފެންޖެހުން
މ އެއްޗެއް ނުދިރޭވަރަށް ޙާލުދެރަވެފައިވާ މީހަކަށް ފަނިފޮދު ފެންފޮދު ދިރޭގޮތްވުން
ފަނިދިނުން
މ (1) މީހަކަށް ނުވަތަ ބަޔަކަށް ފިނި ފޮނި ބުއިމެއް ދިނުން. (2) ބައެއް ކަހަލަ މަސައްކަތް ކުރާއިރު އެމަސައްކަތްކުރާ ބަޔަކަށް ހިތްވަރު ދިނުމުގެ ގޮތުން ފޮނިބުއިމެއް ގެންގޮސް ދިނުން (3) ދަޢުވަތުދީގެން އަންނަ ބަޔަކަށް މަރުހަބާ ކިޔުމުގެ ގޮތުން ފޮނިބުއިމެއް ދިނުން
ފަނިތިކި ފެންތިކި ނުޖެހުން
މ މަޖާޒު: އެއްވެސް އެއްޗެއް ނުދިރޭވަރަށް މީހާގެ ހާލު ދެރަވުން
ފަނިލެވުން
މ ފަނިވެގެން އުޅޭކުދިން ނުވަތަ މީހުން ބޮޑުކަމުދާއިރު ނުވަތަ ހޮޑުލާއިރު ފަނި ނުކުތުން
ފަނިޔާރަން
ނ ހަނޑޫ ނުވަތަ ގޮދަން ފުށުގައި ހުނި ހަކުރު ފަތަފޮޅިއާއި ވައްތަރުގޮތަކަށް ތުން އަނބުރައިފައި ހަދާ އެއްޗެއް މީގެ ތެރެއަށް އަޅައިފައި ހުންނާނީ ތާޑުކިޔާ ފޮނިއެއްޗެކެވެ