radheef.info
ރަދީފު


ވ
ތާނައިގެ ނުވަވަނަ އަކުރު
ނާށިމަރަވަޅި
ނ ކުދިން ކުޅިވަރަށް ހިނގާން ވާގަނޑެއްގެ ދެކޮޅުގައި ލައިގެން ގެންގުޅޭ ދެނާށި
ނާށިފަތި
ނ ކުރީޒަމާނުގައި އެދުރުގެއަށް ކިޔަވަން ދާކުދިން ކިޔަވަން ނުދާތާ ދުވަސްވުމުން އެކުދިން ގެނެސްގެން އެކުއްޖާގެ އުނަގަނޑުގައި ވާގަނޑެއްޖަހައިގެން ބަންޖެއްކިޔަމުން ކުދިވެރިން ދަމާއިރު ކަރުގައި އަޅަން ލޯނާށިން އަމުނައިފައި އޮންނަ ނާށިފަތި
ނާށިދިލަ
ނ (1) ނާށިއާވި (2) އަނދައަނދާ ހުންނަ ނާށްޓެއްގެމަތިން އެއްޗެއްޖަހައި ބަންދުކުރީމާ ނެގޭއާވި
ނާށިތާރަ
ނ ނާށްޓެއްގެ އަނގަ މަތީގައި ހަންއަޅައި އެހަން ތޮރުފައި ރޮއްޖެއް ލައިގެން އެރޮދީގެއަނެއް ކޮޅުގައި މަޅިއެއް ހަދައިފައި ދަނޑިގަނޑެއްގައި އަޅުވައިގެން އެނބުރީމާ އަޑުގޮވާ އެއްޗެއް
ނާށިތެޅުން
މ މީހުން ގޮއްވާ ދެރަކުރުމަށް އެމީހާގެ ކައިރީގައި ދެނާށިތެޅުން
ނާށިލުން
މ (1) އޮއްޓަރު ފަދަތަކެތީގެ ބޭރުގައި އޮންނަ ޅަތޮށި ހަރުވުން (2) ފާރުގަނޑުގެ ވަށައިކައިރި ބޭރުން އަސަރު ނުކުރާހައި ހަރުވުން (3) ފޭރާއި އަދިވެސް ބައެއް މޭވާ ގަހުގައި ހުންނައިރު ވާލާއި މީދަލުން ރައްކައުތެރި ކުރުމަށްޓަކައި މޭވާގެ ބޭރުން ދެނާށި ލައިމޭވާ ފޮރުވުން (4) މަޖާޒު: މީހަކު އެއްކަމެއްކުރާތާ ގިނަދުވަސް ވެގެން އެކަމަކަށް ހޭނުން (5) މިންވަރަށް ވުރެން ހަރުމީހަކަށް ހެދިގެން އުޅުން
ނާށިގަނޑު ކުކުޅު
ނ (1) ސީނުކުކުޅު (2) ގިނިކުކުޅު (3) ކަޅުނޫކުލައިގައި ހުދުކުލައިގެ ތިއްތިއް ޖަހައިފައި ހުންނަ ބިންމަތީ އުޅޭ ދޫންޏެއް މީގެ ބުރިކަށިމަތި އޮންނާނީ ތާވައްކާށި ނާށިގަނޑަކާ އެއްބައްޓަމުގައެވެ
ނާށިގަނޑުކަނދި
ނ ކަނދީގެބާވަތެއް. މިއީ ހިއްތަލަފުށް މޮޑެ ވިދުތޮރުފައިފައި ހުންނަ ނާށިގަނޑަކުން ފުށްދަމައިގެން އެފުށް ހިއްކައިފައި އެ އުފުއްޔަށް އަޅައިގެން ކައްކާ ކަންޖެކެވެ
ނާށިގުޑުގުޑާ
ނ ދިގު ނާށިއުނބުން ހަދައިފައި ހުންނަ ގުޑުގުޑާ މިއުނބު ބޭނުން ކުރަނީ ފުޅީގެ ބަދަލުގައެވެ
ނާށިޖެހުން
ނ މިއުޒިކުގެ ހަމައަށް ދެނާށި ދެނާށްޓަށް ތަޅަމުން ވަކިސިފައަކަށް ނަށަމުން ލަވަކިޔައިފައި ކުޅޭ ކުޅިވަރެއް
ނާނަކަޓާ
ނ ފާރޮށި އުނދުނުގައި ފިހާ ފޮނިކާއެއްޗެއް. މިއީ ހަކުރާއި ގިތެލާއި ކުޅުބިހާއި ކާފޫރުތޮޅި ލައިގެން ގޮދަން ފުށުގައި ތައްޔާރުކުރާ އެއްޗެކެވެ
ނާނާ
ނ (1) ހަމައެކަނި އަޑުން އަޅުވާލާ ރާގު މިސާލު: ނާނަޔޭނާނާ އޫނ އޫނ އޫނ (2) ކުދިން ނިންދަވަން ކިޔާލަވަ (3) އ ނޫނެކޭ ބުނުން ގަދަކުރުމަށް ބުނާގޮތް (4) މަޖާޒު: ކިޔާއެއްޗެއް ނުފިލާގޮތަށް ނުވަތަ އަޑުއަހާމީހުން ފޫހިވާ ގޮތަށް ދައްކާވާހަކަ (5) ކިޔާއެއްޗެއް އޮޅުން ނުފިލާގޮތަށް ކިޔާ އެއްޗެހި
ނާނާބޭސް
ނ ގަންޖާލައިގެން ހަދައިފައި ހުންނަ ޢަމަލުވާ ހިކިބޭހެއް
ނާނާކިއުން
މ (1) ކުދިން ނިންދަވާން ލަވަކިއުން (2) ހަމައެކަނި އަޑުން ރާގުއަޅުވައިލުން
ނާނެއިފުޅުފިއްލެވުން
މ ފެންވެރުން މިބަހުގެ އެންމެ މާތްގޮތް
ނާނެފިއްލެވުން
މ ފެންވެރުން މިބަހުގެ އެންމެމާތްގޮތް
ނާރަންނާސި
ނ )ސ ( ޖުމްހޫރީ މޭވާ
ނާރާ ހަނދުގައި ކޭތަ ހިފުން
މ މަޖާޒު: ހިލޭއަންހެނަކު ގޮވައިގެން މީހުން ނޫޅޭ ތާކު ހުރުން
ނާރިގުފާނަ
ނ ފާނައިގެ ބާވަތެއް މިއީ ރާއްޖޭގެ ފަޅުފަރުތަކުގެ ފުން ބޭރުގައި ދިރިއުޅޭ ނާރިނގު ކުލައިގެ ކުޑަ މަހެކެވެ މިމަހުގެ ނިގޫފަތުގެ ފަހަތުބައިގައި ހުރަހަށް ހުދު ނޫކުލައިގެ ހިމަ ރޮނގެއް ހުންނާނެއެވެ
ނާރު
ނ (1) ސިކުނޑިއާ ހަށިގަނޑުގެ އެހެންބައިތަކާ ގުޅައިދޭ މުވާސަލާތީ ވިއުގައިގައި ހިމެނޭފަށް (2) ލޭ ހިންގުމުގެ ނިޒާމްގައި ހިމެނޭ ހޮޅި (3) އަތްފައިގެ ހުދުހަމުގައި އެހަމުގެ ކުލަޔާ ތަފާތުކޮށް ހުންނަ ގުދުރަތީ ރޮނގު (4) ކާނާއާއި ފެންދައުރުކުރުމަށް ގަސްގަހާގެހީގެ ފަތުގައި ހުންނަ ފަށް (5) ގަސްގަހުގެ ފަތުގެ ބޭރުފުށުގައި އުސްކޮށް އެހުންނަ ފަށްފަށާއި މީގެ ބަނޑުފުށުގައި ހުންނަ ރޮނގު