radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ގޮޅިކެނޑުން
މ އެއްޗަކުން ނުވަތަ ތަނަކުން ހަތަރެސްކަނަށް ބަލެއްކެނޑުން
ގޮއިޖެހުން
މ ރަށެއްގައި ނުވަތަ ހިންނައެއްގައި ދަނޑުވެރިކަމެއް ކޮށްފައި އޮއްވައި އެދަނޑުން ގޮވާން ކެނޑުމުގެ ކުރިން "ގޮއިވެރިޔަކު" އައިސްދަނޑުގައި ފާހަގައެއްޖެހުން އޭގެފަހުން ދަނޑުން ގޮވާން ކަނޑައި ހަދާނީ ގޮއިވެރިޔަކަށް ގޮއިބަޔަށްދޭންވާ ބައިދީފައެވެ
ގޮއްވައިލުން
މ (1) އަނގައިން ފުމުމުން ނުވަތަ އެހެންވެސް ވަސީލަތަކުން އަޑުއުފެދޭ އެއްޗަކުން އަޑެއްނެރުން މިސާލު: ކަށިގަނޑު ގޮއްވައިލުން (2) ބަޑީގެ ވަޒަން ފޮނުވައިލުން (3) ބަޑިބޭސް ނުވަތަ ޑައިނަމައިޓް ފަދަ އެއްޗެއް ބޭނުންކޮށްގެން ތަންތަނާއި އެއްޗެހި ފުނޑު ފުނޑު ކޮށްލުން (4) )ޏ ( ރޮއްވައިލުން
ގޮއްވުން
މ (1) ފުމެގެން ނުވަތަ ވައިހިންގައިގެން އަޑުނެރޭ އެއްޗަކުން އަޑު ނެރުން މިސާލު: ބަރުގޮނު ގޮއްވުން (2) ބަޑީގެ ވަޒަން ފޮނުވައިލުން (3) ބަޑިބޭސް ނުވަތަ ޑައިނަމައިޓް ފަދަ އެއްޗެއް ބޭނުންކޮށްގެން ތަނެއް ނުވަތަ އެއްޗެއް ފުނޑު ފުނޑުކޮށްލުން (4) މަޖާޒު: މަލާމާތް ކުރުން (5) )ޏ ( ރޮއްވުން
ގޮވާލަންދިއުން
މ ބަލިމީހަކުގެ ނުވަތަ ބަންދެއްގައި ހުރިމީހެއްގެ ޙާލު ދެކެލަން ދިއުން
ގޮވުން
މ (1) އަނެކަކަށް އިއްވަން އަނގައިން އަޑުނެރުން (2) ދިރޭއެއްޗެހީގެ އަނގައިން އަޑުނެރުން (3) ބަޑީގެ ވަޒަންނުކުތުން (4) ބަޑިބޭސް ނުވަތަ ޑައިނަމައިޓްގެ ސަބަބުން ތަނެއް ނުވަތަ އެއްޗެއް ފުނޑު ފުނޑުވުން (5) ފުނޑުފުނޑުވެގެން ބުރަބުރައިގެން ދިއުން (6) ޚަބަރެއް އިއްވުން މިސާލު: ޚަބަރުގޮވުން (7) )ޏ ( ރުއިން (8) މަޖާޒު: ކަމަކަށް އިލްތިމާސެއްކުރުން
ގޮފިކޮޅު
ނ (1) ކުޑަގޮތްޕެއް މަޖާޒު: (2) ނޫހެއް ނުވަތަ މަޖައްލާއެއްގެ ފަރާތުން ވަކިމުނާ ސަބަތެއްގައި ނެރޭ ޚާއްޞަ ޢަދަދެއް މިއަދަދު ނެރޭނީ އެނޫހެއް ނުވަތަ މަޖައްލާއެއްގެ އަދަދަކާ އެކުގައެވެ (3) އަންހެނުންގެ ހެދުމުގައި ޖެހުމަށް އޮފިކޮޅެއްގެ ސިފައިގައި ހަދައިފައި ހުންނައެތި
ގޮދަޑި
ނ އިށީނދެ އޮށޯވެ ލެނގި ހަދާ ތަންތާނގައި އެޅުމަށްޓަކައި ހަދައިފައި ހުންނަ އެއްޗެއް މިޢާއްމުކޮށް ހަދައިފައި ހުންނަނީ ކަފަ ނުވަތަ ބޮނބި ނަރުލައްވައި ގެންނެވެ ރަބަރާއި ބޮނބިނަރު އެއްކޮށްގެންނާއި އިސްޕަންޖު ފަދަ ތަކެތިންވެސް ހަދައެވެ
ގޮދާ
ނ ކަޅުބިލަމަހުގެ ނުވަތަ ރޮނގުދެމިމަހުގެ އެންމެ ބޮޑެތި ފަލަމަސް
ގޮތްހަދައިލުން
މ (1) މީހަކާމެދު ނުވަތަ ކަމަކާމެދު ހިތުހުރިގޮތަކަށް ކަންކުރުން (2) ދެރަކޮށް ކަންތައްތައް ކުރުން
ގޮތްކިޔުން
މ ކަމަކާމެދު ނުވަތަ އެއްޗަކާމެދު ނުވަތަ މީހަކާމެދު ފާޑު ކިޔުން
ގޮޑިކޮއްކޮ
ނ (1) ކުޅޭ ކުޅޭ ބުދު (2) މަޖާޒު: ތިމާގެ އަމިއްލަ ބާރެއް ނެތި އެހެން މީހަކު ނުވަތަ ބަޔަކު ބޭނުން ވާހާ ގޮތަކަށް ކަންތައް ކުރާމީހާ
ގޯލަށްޖެހުން
މ ގޯލާ ދިމާޔަށް ބޯޅަފޮނުވައިލުން
ސަހަރޯހީވާވަރުކުރުން
ގބ މީހަކަށް ނުވަތަ ދިރޭ އެއްޗަކަށް މާބޮޑަށް އަނިޔާކުރުން
ސަރަޙައްދީ
ނއ ވަކި ހިސާބަކަށް ނުވަތަ ވަކި ސަރަޙައްދަކަށް ނިސްބަތްވެގެންވާ
ސަރުދާރު
ނ މަސައްކަތު މީހުންގެ ނުވަތަ ޕިޔޯނުންގެ ވެރިއަކަށް ހުންނަ މީހާ
ސަބަބު
ނ (1) ކަމެއް މެދުވެރިވާން ދިމާވި ކަންތައް (2) ބުއްދިއަށް ފެންނަހަމަ (3) ކަމަކުން ނުވަތަ މައްސަލައަކުން ސަލާމަތް ވުމަށް ދައްކާ ވާހަކަ (4) ވަސީލަތް
ސަބީލަވުން
މ (1) އެންމެނަށް ހުއްދަވުން. (2) ވަކި ފަރާތަކަށް ނުވަތަ ފަރާތްތަކަކަށް ޚާއްސަވެފައި ނުވުން
ސަކަބަޑި
ނ މާބޮޑަށް ސަކަޖަހާ ކުދިންނަށް ނުވަތަ މީހުންނަށް ކިޔާނަމެއް
ސައިތާނު
ނ (1) ނުބައިކަން ހައްދު ފަހަނަޅައިފައި ތިބޭ މީހުންނަށް ނުވަތަ ކުދިންނަށް ނިސްބަތް ކުރާ ނަމެއް (2) ޖިންނީންގެ ތެރޭގައި ހިމެނޭ ނުބައި އެއްޗެހި (3) އިބިލީސް