radheef.info
ރަދީފު


ޔާ
އ ނަމަވުމުގެ އަކުރު މިސާލު: )ހ( ދިނިއްޔާ )ށ( އައިއްޔާ
ލެއްގުން
މ (1) އެއްޗެއްގެ ތިރިފޭކޮށް މަތި ތަނެއްގައި ޖެއްސުން (2) އޮޔާއި ވަޔާއެކު އައިސް ގޮނޑުދޮށަށް ބީހުން (3) މަޖާޒު: ބުރައެއް އުފުލުމަކާ ނުލައި އިއްތިފާގުން ކަމެއް ނުވަތަ އެއްޗެއް ލިބުން
ލެވިލެވިހުރުން
މ )ޏ ސ ( ކަމެއްގެ ތެރޭގައި އެކަމަކާ ގަޔާނުވެ އުޅުން
ލެޓިންއަކުރު
ނ (1) ރޯމަނުންގެ ގަދީމީބަސް ލިޔެއުޅުނު އަކުރު މިހާރުވެސް ޔޫރަޕުގެ ގިނަބަސް ލިޔެއުޅެނީ މި އަކުރުންނެވެ (2) ރާއްޖޭގައި އަރަބިތާނަ ލިޔަން ތައްޔާރުކުރި އިނގިރޭސި އަކުރުތައް
ލޭ
ނ ދިރޭ ތަކެތީގެ ހަށިގަނޑުގެ ނާރުތަކުގެ ތެރޭގައި ހިތާއި ފުއްޕާމެޔާ ގުޅިގެން ހިނގާ ރަތްކުލައިގެ ދިޔައެއް
ލޭނަކޮޓަރި
ނ )ޏ ( ލިޔާކޮޓަރި
ލޭބަލު
ނ (1) އެތެރޭގައި ހުރި އެއްޗެއް ބަޔާންކޮށްދިނުމަށް ބޭރުގައި ތަތްކޮށްފައި ހުންނަ ލިޔުންކޮޅު (2) ތައްޔާރީ ހެދުމުގައި ހެދި ތަނާއި ފޭރާމުގެ ބާވަތާއި ސައިޒު އަންގައިދިނުމަށް ހަރުކޮށްފައި ހުންނަ ލިޔުންކޮޅު
ލޭކޮށައިލުން
މ ލިބުނު އަނިޔާއަކުން އިންސާނެއްގެ ނުވަތަ ފުރާނަހުރި އެހެންވެސް އެއްޗެއްގެ ހަށިގަނޑުގެ އެތަން މިތަން ކެނޑިގެން ލޭ އަންނަ ގޮތްވުން
ލޭމައްޗަށްދިއުން
މ ހޮޅިހޮޅިން ލޭހިނގާ ހިނގުން އާދަޔާ ޚިލާފަށް އަވަސްވާ ބަލިޖެހުން މިބަލި ޖެހުމުން ބައެއްފަހަރަށް ހިތްހުއްޓޭ ގޮތް ދިމާވެއެވެ
ލޭތު
ނ (1) ދިގުހަރުން އެއްޗެހި ލިޔާ މިސާލުގައި މައުދަނީ އެއްޗެއްސާއި ލަކުޑީގެ އެއްޗެހި ލިޔެދޭ މެޝިނެއް (2) ލޭތުގައި އެއްޗެއް ތިއްބައިގެން ލިޔާލިޔުން
ލޮނދިވަކަ
ނ ވަކައިގެ ދަނޑިޔާ އެންމެ ކައިރިއަށް ހުންނަ ތުނި ފަށް މިއީ ކުނާ ވިޔުމަށާއި ހިމަނަނު އެޅުމަށް ބޭނުންކުރާ އެއްޗެކެވެ
ލޮނިމައިދަނޑި
ނ (1) ލެއް ކުޅޭއިރު ބައި ވަކި ކުރަން ދަމައިފައި އޮންނަ ރޮނގު (2) ލެއް ކުޅޭއިރު ފަހަތަށް ފޭބުމަށްޓަކައި ހުރަހަށް އަޅައިފައި އޮންނަ ރޮނގަށް ކިޔާނަން
ލޮނު
ނ (1) ކަނޑުފެން. (2) ކަނޑުފެނުގައި ހުންނަ ފެނުގެ ބައި ހިނދިގެން ފުއްފުކަށްވެފައި ހުންނަ ބަޔަށް ކިޔާނަން. މިއީ ކާބޯ ތަކެތީގައި ލޮނުރަހަ ލެއްވުމަށާއި ކާއެއްޗެހި ގިނަދުވަހު ހުންނަ ގޮތަށް ރައްކާ ކުރުމަށް އަޅާ އެއްޗެކެވެ
ލޮނުހިންދުން
މ މަސްކޮށައި ރިހަކައްކާ ގޮތަށް ތައްޔާރުކޮށް ފަހުން ރިހަ ކެއްކުމަށްޓަކައި ވަގުތީގޮތުން ކުޑަފެންފޮދެއްގައި ލޮނުލައިގެން މަސް ކައްކައި ރޯފިލުވައިލައިފައި ބެހެއްޓުން
ލޮނުހުނި
ނ ލޮނާއި ފެނާއި ކާށި ހުނިއެއްކޮށްގެން ތައްޔާރުކުރާ ލައިގެންކާ އެއްޗެއް
ލޮނުހެދުން
މ (1) މޫދުލޮނުން ފުށްލޮނު ހެދުން (2) މަޖާޒު: ލައިގެން ކާއެއްޗެހި ތައްޔާރުކުރުން
ލޮނުހެޔޮވަރުކުރުން
މ (1) ފުދޭވަރަށް ލޮނުލުން (2) މަޖާޒު: ދައްކާވާހަކަ ގަޔާވާގޮތަށް ދެއްކުން
ލޮނުހެޔޮވަރުވުން
މ (1) ލޮނުރަހަ ރަނގަޅުވުން (2) މަޖާޒު: ކަމެއްގަޔާވާ ގޮތްވުން
ލޮނުކެއްކުން
މ (1) ހިކިކަނޑުމަސް ކޮންމެވެސް ސަބަބަކަށްޓަކައި ލޮނުގައި ކެއްކުން (2) )ޏ ( ހަވާދު ލައިގެން ވަރަށް ދިޔާކޮށް ކައްކާ ރިހައެއް ކެއްކުން
ލޮނުމިރުސް
ނ ހިކިމިރުހާއި ފިޔަޔާއި ލޮނުމެދާއި ހިކަނދިފަތް ކުޑަލޮނުކޮޅަކާ އެކު ފުނޑައި ހިމުންކޮށް ތައްޔާރުކުރާ މިރުސް
ލޮނުމިރުސް ހަވާދު
ނ ލޮނުމެދު ފިޔާ މިރުސް ހިކަނދިފަތް އަސޭމިރުސް ދިރި މިބާވަތްތަކުން ތައްޔާރުކުރެވޭ ހަވާދު