radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
ޓެކްނިކަލް
ނއ (1) ވަކި ޚާއްޞަ ފަންނެއްގެ ނުވަތަ މަސައްކަތެއްގެ ޢިލްމާ ގުޅޭ (2) މަސައްކަތެއްގެ ފާޑުވެރިކަމާގުޅޭ
ޓެލިޑްރާމާ
ނ ޓެލެވިޒަން މެދުވެރިކޮށްގެން ދައްކާގޮތަށް ކުޅެފައިވާ ބައެއް ކަހަލަ ތަމްސީލު ނުވަތަ ޑްރާމާ
ޓެލެކުސް
ނ (1) މުވާޞަލާތުގައި ބޭނުންކުރާ ޓައިޕްރައިޓަރެއް ކަހަލަ މެޝިނެއް. މިހުންނަނީ އޮޓޮލެޓިކް އެކްސްޗޭންޖާ ނަރުގެޒަރީއާއިން ގުޅިފައެވެ. އެތަން މެދުވެރިކޮށް ތަންތަނަށް މެސެޖާއި ޚަބަރު ފޮނުވައި ޚަބަރާއި މެސެޖް ލިބޭގޮތަކަށް މީގެ ބޭނުން ކުރެވެއެވެ (2) ޓެލެކްސް މެޝިން މެދުވެރިކޮށް ފޮނުވާ ނުވަތަ ލިބޭ ލިޔުން
ޓެލެވިޒަން
ނ (1) ޙަރަކާތްކުރާ ނުވަތަ ޙަރަކާތް ނުކުރާ ފޮޓޯއާއި މަންޒަރު އަޑާއެކު އަތުލައިގަނެވޭ އިލެކްޓްރޯނިކް ނިޒާމެއް (2) ޖައްވުގެ ތެރެއިން އަޑާއެކު ފޮޓޯއާއި މަންޒަރު އަތުލައި މީހުންގެ ލޮލަށްފެނި އަޑުއިވޭގޮތް ހަދައިދޭ ފޮށްޓެއް
ޓެސްޓުމެޗު
ނ ދެޤައުމެއްގެ ތަމްސީލުކުރާ ދެޓީމެއްގެ ދެމެދުގައިކުޅެވޭ ކިރިކެޓް ނުވަތަހޮކީ ނުވަތަ ރަނގަބީމެޗު
ޓޭންކު
ނ (1) އެއްގަމު ސިފައިން ބޭނުންކުރާ ހަނގުރާމަމަތީ އުޅަނދެއް. މިހުންނަނީ މެޝިން ބަޑިޔާއި ލުއިބޮޑުބަޑި ހަރުކޮށްފައެވެ. މިއީ ވަޒަން ނުވަންނަ ގޮތަށް ހަދައިފައި ހުންނަ އެއްޗެކެވެ. މީގެ ފުރޮޅުތައް ހުންނަނީ ފުޅާކޮށް ފަތިކޮށް ހުންނަ ދިއުޅިއެއްކަހަލަ ބަންދެއްގެ ތެރޭގައެވެ (2) ފެން ނުވަތަ އެފަދަ ދިޔާތަކެތި އެޅުމަށް ހަދައިފައި ހުންނަ އެކި ވަރުގެ ތާނގީ
ޓޭޓަރު
ނ ބައިސްކޯފު ނުވަތަ ތަމްސީލުދެއްކުމަށް ތައްޔާރު ކޮށްފައި ހުންނަ އިމާރާތް
ޓޮސްކުރުން
މ (1) ކަމެއް ފަށަންވީ މީހަކު ނުވަތަ ބަޔަކު ބެލުމަށްޓަކައި ފައިސާ ފޮއްޗެއް މައްޗަށް އެއްލައިގެން ބެލުން (2) ގުރުއަތުލުން
ޔާރި
ނ (1) ދެރޯޒު )ދެރޯޒު ކައްޕި( (2) ބުރަތަކެތި އުފުލުމަށާއި ދެމުމަށް ހަދައިފައިވާ އެއްޗެއް. މިހަދައިފައިވަނީ އެނބުރޭ ފުރޮޅެއްގެ ތެރެއިންޗޭނު ނުވަތަ ވާ ދެމޭގޮތަށެވެ
ޔާރިއެޅުން
މ (1) ދެރޯޒުއެޅުން. (2) ބުރަތަކެތި ނެގުމަށާއި ދެމުމުގެ ފުރޮޅުގެ ތެރެއިން ޗޭނު ނުވަތަ ވާދެމިގެން ހިނގާގޮތަށް ހަދައިފައިވާ އެއްޗެއްގެ ބޭނުން ކުރުން
ޔާޒޫމު
ކއ ދުވުމުގައި ނުވަތަ ބާރަށް ހިނގުމުގައި މާބޮޑަށް އަވަސް
ޔުނިވަރުސިޓީ
ނ ތަފާތު ޢިލްމުތަކުގެ އެންމެމަތީ ތަޢުލީމުދޭ ނުވަތަ މަތީތަޢުލީމުދީ މަތީ ތަޢުލީމުގެ އިމްތިޙާންތައް ބާއްވާ އިދާރާ
ޔުނިފޯރމް
ނ (1) ސިފައިންނާއި ފުލުހުންނާއި ސްކައުޓުން ފަދަ މީހުން ނުވަތަ ވަކިކަހަލަ ވަޒީފާތައް އަދާކުރާމީހުން އަޅާ ޚާއްޞަ ހެދުން (2) ސްކޫލްކުދިން އަޅާ ޚާއްޞަ ހެދުން
ޔޯތް
ނ ރަށްރަށުގެ ރައްޔިތުން އެއްކުރުމަށް ނުވަތަ ކަމެއް އަންގައިލުމަށް ގޭގޭދޮށުން ދަމުން އެވާހަކަ ގޮވާލާއިރު ފަށަން ގޮވާލާއެއްޗެއް މިސާލު: )ހ( ޔޯތް ރަށްމެދަށް އެއްވާށޯތް )ށ( ޔޯތް މިވެނި މީހަކު އެވެނިތާކު އެބަހުއްޓޯތް
ޕަމްޕު
ނ (1) ފެނާއި ތެޔޮފަދަ ތަކެތި ނަގާ ނުވަތަ ނަގައި ދުރަށް ފޮނުވައިދޭ އާލަތެއް (2) ވައިޖަހާ އާލަތެއް
ޕާރުސަލްކުރުން
މ އެއްޗެއް ނުވަތަ އެއްޗެހި ތަކެއް އެއްބޮނޑިޔަކަށް ކަރުދާހުގައި ބަންދުކުރުން
ޕާކު
ނ (1) ކުޑަކުދިންނާއި ބޮޑެތިމީހުން މުނިފޫހިފުލުވުމަށްޓަކައި ގޮސް ތިބުމަށް ހަދައިފައިވާ ޚާއްޞަ ތަންތަން (2) ވިނަ ނުވަތަ ގަސް ނުވަތަ މިދެބައި ވަކިއުޞޫލަކުން ހައްދައިފައިވާ ބިން
ޕިޗު
ނ (1) މިއުޒިކު ކުޅުމުގައި ނުވަތަ ލަވަކިޔުމުގައި ގެންގުޅޭ އަޑުގެ ބަރުކަމުގެ މިންގަނޑު (2) ބައެއްކަހަލަ ކުޅިވަރުތައް ކުޅެން ހަދައިފައި އޮންނަތަން މިސާލު: ކިރިކެޓް ޕިޗު
ޕީރިއަޑު
ނ ކަނޑައެޅިފައިވާ ވަގުތު ނުވަތަ މުއްދަތު
ޕުރޫފުބެލުން
މ ޗާޕަށް ލިޔެފައިވާ ލިޔުމެއް ނުވަތަ ފޮތެއް ނުވަތަ ކުރެހުމެއްގެ އަޞްލުގައި ކުށެއް ލިޔެވިފައިވޭތޯ ބެލުން