radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ކަފުއޮޑި
ނ ކަލާސީން ދަތުރުކުރާން އަތޮޅު އަތޮޅުން ގެންނައޮޑިއެއް. މިއީ ވާރު ނެގި ޒަމާނުގައި ވާރުގެ ތެރެއިން ހިމެނިގެންވާ އެއްޗެކެވެ
ކަފުލޯއަޑު
ނ (1) ކަފުލޯގަނޑެއްގައި ޖަހައިލީމާ ނުކުންނައަޑު. (2) ހިމަ ރީތި ތޫނު އަޑު
ކަފުޖެހުން
މ (1) ކުރީގައި އޮތް އުޅަދެއްގެ ބާރުގައި އެހެން އެއްޗެއް ގެންދިއުމަށްޓަކައި އެއުޅަނދުގެ ފަހަތުގައި އެއެއްޗެއް ގުޅައިލުން (2) މަޖާޒު: ދާއިމީ ގޮތެއްގައި މީހެއްގެ ފަހަތުން ހިނގުނު
ކަދަރާތު
ނ ދެބިތެއްގައި ހުރި ދެމިނެއްގެ ދެޢަދަދު ގުނަކޮށް ވަކި ޢަދަދަކުން ގެއްލައި ނަތީޖާ ހޯދަންކުރާ ވިޔަ
ކަދާ
ނ (1) ފެން ބޯން ގެންގުޅޭ ލޯވަށި (2) ފޫލީ ބޯތަށްޓެއްގެ ސިފައިގައި ކަފުލޯއިން ހަދައިފައި ހުންނަކަންވާރެއް
ކަދާއަޑި
ނ ކަދާބަހައްޓާން ކޯދޮންނަ ލޯގަނޑެއްގެ ސިފައިގައި ހަދައިފައި ހުންނަ އެއްޗެއް
ކަދާމާލި
ނ ކުޅުދުއްފުށީގައި "ދަމުހިނގުމޭ" ކިޔާކުޅިވަރުގައި ބައިވެރިވާނަށާ މީހުން. މިމީހުންތިބޭނީ "މާލިހެދުމޭ" ކިޔާ ހެދުންއަޅާފައެވެ. މިއިން ކޮންމެ މާއްޔެއްގެ އަތުގައި ކަދާމައްޗަކާއި ލޯ ކައްޓަކާ އޮންނާނެއެވެ. އެމީހުން ނަށާއިރު އެކަށީން މަތިގަނޑުގައި ލަވަހަމަކޮށް ޖަހާނެއެވެ. މާލިތައްތިބޭނީ ފޭލިއަނދެފައި ކަކުލައިހަމަޔަށް ހުންނަވަރުގެ އަތްދިގު ހުދުލިބާހެއްލައިފައި އުނަގަނޑުމަތީ ތެޔޮރުމާލެއް ބަނދެލާފައެވެ. އަދިއުނަގަނޑާ ހަމަޔަށް އެލިފައިއޮންނަވަރުގެ ހުދުފޮށައެއް ބޮލުގައި އަޅުވައި އޭގެމަތިން ރަތްރުމާލެއް )ކަނުންކަނަށް ފަތްޖަހާފައި( ކަނދުރާމަތިން ގެނެސް ކަރުގައި ބައްދާފައި އޮންނާނެ އެވެ
ކަދުރު
ނ އެތެރޭގައި ހަރުއޮށެއް އޮންނަ ފޮނިމޭވާއެއް އަޅަނީ ރުކެއްގައެވެ މި ރުއް ގިނައިން ހެދެނީ ހިކިހޫނު ބިންބިމުގައެވެ
ކަތިރިޔާ
ނ އެއްކަނަށް ދިގުކޮށް ތިންކަނަށް ހުންނަރިޔާ ފަރުމާނުގައި ހަރުކުރަނީ މީގެއެންމެދިގު ކައިރިއެވެ
ކަތިމެއްލަ
ނ ބިތުގައި ކައްޗަށް ވިއްދާ ވަކަރު
ކަތިލުން
މ (1) ތޫނުއެއްޗަކުން ވައިނޮޅި ބުރިކޮށްލުން (2) މަޖާޒު: އެލަންގަލަން ކުޅޭ ކުދިންކުރެ އިލޮށި ހިފައިގެން ހުންނަ ކުއްޖާ އެހެން ކުއްޖެއްގެ ގައިގައި އިލޮށި ޖެއްސުން
ކަތީބު
ނ (1) މާލެފިޔަވައި ރާޖޭގެމީހުންއުޅޭ ރަށްރަށުގެ ވެރިކަމާ ހަވާލުކުރައްވައިފައި ހުންނަމީހާ. (2) އިހުގައި ހުކުރުނަމާދާއި އީދުނަމާދު އިމާމުވެކޮށް މަރުވާމީހުން ވަޅުލައިހެދުމަށް އިސްކޮށްފައިހުންނަ މީހާ
ކަތީބުބައި
ނ އިހުގައި ރަށްރަށުގެ ކަތީބުންނަށް އެރަށެއްގެ ރައްޔިތުންކުރާ މަސައްކަތަކުން ލިބޭއެއްޗަކުން އޮންނަބައި މިއީ ސައުވީސްބައިކުޅަ އެއްބައެވެ
ކަތީބުކަން
ނ (1) މާލެފިޔަވައި ރާއްޖޭގެމީހުންއުޅޭ ރަށްރަށުގެ ވެރިކަމުގެ ވަޒީފާ. (2) އިހުގައި ހުކުރުނަމާދާއި ޢީދުނަމާދު އިމާމުވެކޮށް މަރުވާމީހުން ވަޅުލައިހެދުމަށް އިސްކޮށްފައިހުންނަ ވެރިޔާގެ މަޤާމު
ކަތުރާން
ނ ވަކިބާވަތެއްގެ ގަސްގަހުންނަގާ ކަޅުކުލައިގެ އޮލަތެލެއް. ކަތުރާންހަދަނީ މިތެޔޮ މަޑުގިނީގައި ކައްކައިގެންނެވެ. މިއި މީރުވަހެއްދުވާ ކަޅުކުލަ ގަދަ ހަރު އެއްޗެކެވެ ދިވެހީން ޢާއްމުކޮށް މިބޭނުންކުރަނީ ރޯގާ މޮޅުއިރު ދުންއަޅާށާއި ދެލަކުޑިގަނޑު ތަތްކުރާށެވެ
ކަތުރުމަސް
ނ ކަނޑުގައިއުޅޭ ބިޔަމަހެއް މިމަހުގެ ތުންގަޑުދިގުވެފައި ފަތިވާނެއެވެ ތުންގަޑުވައްތަރުވާނީ ހިބަރުގެ ތުނބާއެވެ މިމަހުގެ ތުންގަޑުގައިޖެހުނު ކޮންމެއެއްޗެއް ބުރިކޮށްލާނެއެވެ
ކަތުރުމަޑަ
ނ މަޑައިގެބާވަތެއް. މިއީ ކަނިފަށުގައި ހުޅުލައިފައި ލައްޕައި ހުޅުވާން ހަދައިފައިހުންނަ މަޑައެކެވެ
ކަތުރުފަނި
ނ (1) ތުންރަތްކޮށް ހުންނަ ހުދުކުލައިގެ ފަންޏެއް މިއީލަކުޑިއާއި ކަރުދާސް ފަދަތަކެތީގައި އަޅާފަންޏެކެވެ އަދި ފިޔަލައިގެން އުދުހޭ އެއްޗެކެވެ (2) މަޖާޒު: ދެމީހެއްގެ ދެމެދުގައި ފިތުނަ އުފައްދާ މީހާ
ކަލަރު
ނ (1) އަންހެނުންގެ ބޮނބިފަޅިމައްޗާއި ކަރުވަޅު ނިވައި ކުރާންލައި ގިރުވާނު އަޅައިފައި ހުންނަ ކޮނޑުކެނޑިއެއް މިކޮނޑުކެނޑި އަންހެނުން ލައި އުޅެނީ ބޯވަޅުއެޅި ލިބާހާ އެކުގައެވެ (2) އަންހެނުންގެ ބޯވަޅު އެޅިލިބާހުގައި އަޅަން ވަކިން ހަދައިފައި ހުންނަ ގިރުވާނު
ކަލަރުބިބީ
ނ ބިބީމަހުގެ ބާވަތެއް މިމަހުގެކުލައަކީ މަޑުމުށިކުލައެވެ މަހުގެ ތުންކޮޅުގައި ހުދުކުލައިގެ ކުދިކުދި ރޮނގުތަކެއް ހުރެއެވެ ނިގޫފަތް ހުންނަނީ ފަނޑު ރަތްކުލައެއްގައެވެ ބޮލުގެ ނިމޭ ހިސާބުން ކަރުތާފަތްގަނޑު މަތީން މަހުގެ ހުރަހަށް ފުޅާ ހުދު ރޮނގެއް ހުރެއެވެ މިމަހަށް ކަލަރުބިބީ ކިއުނީ މިހުދު ރޮނގަށް ނިސްބަތްކޮށެވެ