radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ދުންތަރިފާނަ
ނ ބޭރުކަނޑުތަކުގެ އަޑީގައި ދިރިއުޅޭ ފަނޑު އަޅިކުލައެއްގެ މަހެއް މީގެބުރިކަށިމަތީގައްޔާއި ދެއަރިމަތީގައްޔާއި އަދި ކަރުތާފަތް މަތީގައި މުށިކުލައިގެ ކުރެހުން ބައެއް ހުންނާނެއެވެ
ދުންތެޔޮ
ނ ބޭހަށް ބޭނުންކުރާ ތެލެއް މިތެޔޮހަދަނީ މައިގަނޑު އެއްޗަކަށް ކުމުންޒާނި ބޭނުން ކޮށްގެންނެވެ
ދުންސާމަރާނި
ނ ދުންއަޅަން ބޭނުންކުރާ މީރުވަސް ދުވާއެއްޗެއް މި ހުންނާނީ ރަތްވައްތަރެއްގެ ކުލައެއްގައެވެ
ދުރުމި
ނ ދުރުގައިވާ އެއްޗެހި ބެލުމަށް ބޭނުންކުރާ އާލަތެއް މިހުންނަނީ ދެލޮލުގައި ޖައްސައިގެން ބެލޭގޮތަށް ކޮންމެ ލޮލަކަށްވެސް ބިއްލޫރި ލެންސެއްލެއްވި ބައެއްލައިފައެވެ
ދުރުދަތުރު
ނ (1) ރާއްޖެއިން ބޭރަށްކުރާ ދަތުރު (2) ތިމާގެ ރަށާދުރުގައި އޮންނަ ރަށަކަށް ކުރާދަތުރު
ދުރުދުރުންބަލައިލުން
މ (1) ބަޔަކުކުރާ ނުކުރާކަމެއް އެބަޔަކަށްނޭނގޭ ގޮތަށް ބަލައިލުން (2) ބޭރުބޭރުން ބަލައިލުން
ދުރޯ
ނ (1) ހަނގުބޭކަލުންނާ ހަމައިންފެށިގެން މަތީފެންވަރުގެ މީހެއްގެ އަބުރާ ބެހުމުންނަގައި އުޅުނުލާރި މިގޮތަށް ނަގާނީ ދުއިސައްތަ އައްޑިހަލާރިއެވެ (2) ދެދޮރާށި ދޭތެރޭ ނުވަތަ ގުޅަކުޅޭ ފަސްގަނޑުގައި ފައިދޮށް ޖައްސަވައިގެން ހަނގުބޭކަލުން އެއްޗެއް ބައްސަވަން ތިއްބަވާ އިރު ކަމާނުބެހޭ މީހަކު އެއިން ތަނަކަށް ވަދެއްޖެނަމަ ދޭންޖެހޭއާދަ މިގޮތަށް ނަގައި އުޅުނީ އަށްލާރިއެވެ
ދުޅަ
ނ (1) ލިބޭގެއްލުމަކުން ނުވަތަ ބައްޔެއްގެ ސަބަބުން ހަށިގަނޑުގެ ތަންތަން އުފުލޭ އުފުލުން. (2) ވިޔުމުގެ ތެރޭގައި ފޮތީގައި އުފުލުންލައިފައި ހުންނަތަން. (3) ވިޔުމުގައި ބޭނުންކުރާ ހައިފަށް ނުވަތަ ރޮދިފަށް ނުވަތަ ފަންވަތް ފަދައެއްޗެހި މަތިންނާއި ދަށުންގޮސްފައި ހުންނަހުރުން
ދުޅަކަން
ނއނ ބައްޔެއްގެ ސަބަބުން ނުވަތަ ލިބޭ ގެއްލުމެއްގެ ސަބަބުން ހަށިގަނޑުގެ ގުނަނެއް ނުވަތަ މުޅިހަށިގަނޑު ބޯވެފައި ހުންނަކަން
ދުއްވައިލުން
މ (1) ދުއްވުން މިބަސް ލުއިކޮށްބުނާގޮތް މަޖާޒު: (2) ގެއްލުމެއް ދިނުން މިސާލު: އޭނާގެ ދުވަސް ދުއްވައިލައިފި (3) ބޭނުންކޮށްލުން މިސާލު: އެތާގައި އޮތް ފިހުނުމަސް ދުއްވައިލައިފި (4) ފިލުވައިލުން
ދުއްވުން
މ (1) ހަލުއިކޮށް ހިންގުން މިސާލު: )ހ( އަސްދުއްވުން )ށ( ކާރުދުއްވުން )ނ( މީހުން ދުއްވުން (2) ފުރާ ދުއްވާތަކެތި ދަތުރު ކުރުން މިސާލު: ބޯޓްދުއްވުން (3) ސަފުސާންލުން (4) ވިރިކެކޭ އެއްޗެއްގެ ފަށަލައެއްލުން މިސާލު: ތެލީތެރޭގައި ތިމަރަފަށެއް ދުއްވުން (5) ވަސްހިއްޕުން މިސާލު: މީރުވަސްދުއްވުން (6) އެތެރެހަށީގައި ހުރިއެއްޗެއް ކޮންމެވެސް ދޮރަކުން ބޭރަށް ނެރުން މިސާލު: )ހ( ހޮޑު ދުއްވުން )ށ( ހީސްދުއްވުން (7) އެއްޗެއް ވަކިގޮތަކަށް ފޮނުވައިލުން މިސާލު: ބަޑީގެ ވަޒަން ދުއްވައިލުން (8) ފެންހިންގުން މިސާލު:ފެން ދުއްވުން (9) ވަށްއެއްޗެއް އެނބުރެމުން ނުވަތަ ފުރޮޅެމުން ކުރިއަށް ދާނެގޮތް ހެދުން
ދުއްގަނޑޮ
ނ )ގ.( ކުނާވިޔާއިރު ފަހަތު ދަނޑިޔަށް ދަމައި ވާން ކުރުމަށް ބޭނުންކުރާ ބައިން
ދުވަސްދުއްވާލުން
މ މަޖާޒު: (1) މީހަކަށް އާދަޔާ ޚިލާފަށް ހާނީއްކަ ކުރުން (2) މީހެއްގެ ދިރިއުޅުން ގެއްލޭ ފަދަ ކެއްސެއް ދިނުން (3) ބޭނުންނުކުރެވޭ ވަރަށް ހަލާކުކޮށްލުން
ދުވޭދާރު
ނ ބޭހަށް ބޭނުންކުރާ ދޮންކުލައެއްގެ ލަކުޑިއެއް މިއީ ކީލި ހިމަ ތަތް ލަކުޑިއެކެވެ
ދުފާއެއްޗެހި
ނ ދުފުމަށް ބޭނުންކުރާ އެއްޗެހި މިސާލު: ފޯއް ބިލެތް ކަރަންފޫ ހުނި ދުންފަތް ފަދަތަކެތި
ދުލިބޭލުން
މ (1) ހަރުފައާއި ނަންނުގަތިފަދަ ތަކެތީގެ ހަމުގެ އެންމެ ބޭރަށް ހުންނަފަށް ބަދަލުކޮށްލުން (2) މަޖާޒު: ހެދުން ބޭލުން
ދުލިފޭބުން
މ (1) ތަލީވައި އުފެދުން (2) ރަހިމު ބޭރަށް ނުކުތުން
ދުލުކުރިންޝަހާދަތްކިއުން
ގބ މަޖާޒު: ބޭރުފުށުން އިސްލާންވުން
ދުލުގައިހިފައިދެމުން
މ މަޖާޒު: މީހަކު އެއްޗެއް ނުބުނެހުންނަން ބޭނުންވިޔަސް ނުބުނެ ނުހުރެވޭގޮތަށް އަނެކަކު ވާހަކަ ދެއްކުން
ދުޢާވެރިން
ނ އިހުގައި މާލޭގައި ޒިޔާރަތް ޒިޔާރަތްދޮށުގައި ޞަލަވާތް ފާތިޙާ ކިޔެވުމަށް ސަރުކާރުން ލައްވާފައިތިބޭ މީހުން