radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ގޮށިމޫނުންބާންޏާދިއުން
މ ޚާއްޞަ މުނާސަބަތު ތަކުގައި ރަސްކަލަކަށް ނުވަތަ ރަސްކަލެއްގެ އަނބިކަނބަލަކަށް ނުވަތަ ދަރިކަނބަލަކަށް އަންހެނުންކުރާ ޚާއްޞަ ވެދުމެއް ކުރުން. މިވެދުން ކުރާނީ އެކިބައި ބަޔަށް ވަކިވަކީންނެވެ. މިވެދުންގެންދާނީ ރަންވަރަނގުހިއްޕައިފައިވާ ބޯކަރުދާހު ގޮށްޓެއްގައެވެ ރާއްޖެ ތެރޭގައިނަމަ ވިޔެފައިވާ ގޮށްޓެއްގައެވެ މިދިއުން ދާއިރު ކޮންމެ މީހެއްގެ އަތުގައި ގޮށްޓެއް އޮންނާނެއެވެ
ގޮށިދީދި
ނ ދުނބުރި ފަތުގެ ކުރީކޮޅު ބައެއް ނާރުތައް ހުންނަފުށަށް ލަނބައިލައި ކޮޅުގައި ލޯވަޅެއް ހުންނަގޮތަށް ދެފަރާތް ފައްތަރުކޮށް އިލޮށި ކޮޅެއް ޖަހައިފައި އެ ލޯވަޅުން ތަނޑިނެރެގެން ހަދާއެއްޗެއް މިހަދަނީ ކުޑަ ކުދިންގެ ކުޅޭކުޅޭ ދަރިފުޅަކަށެވެ
ގޮށްބައި
ނ ފިރިހެނުންގެ ލިބާހުގެ ގޮށްފޮތީގައިލުމަށް ހަދައިފައިހުންނަ އެއްވައްތަރުގެ 6 ގޮށް މިގޮށްތައް ހުންނާނީ އެއްގޮށް އަނެއްގޮށާ ގުޅައިފައެވެ
ގޮށްކުޅަނދުރު
ނ ފަތްވަރަށް ހިމަކޮށް ހުންނަ ބިންމަތީގައި ފެތުރޭގޮތަށް ހެދޭގަހެއް. މިގަހުގެ އަޑިޔަށް ފައިބާ އެއްޗިއްސަށްވެސް ކިޔަނީ މިނަމެވެ. މިއީ މީރު ވަސްދުއްވުމަށާއި ބޭހަށް ބޭނުންކުރާ ވަރަށް މީރުވަސް ދުވާއެއްޗެކެވެ
ގޮށްމަޅި
ނ ހަތަރު ފަރާތަށް ހަތަރު ކަންގަނޑު ހުންނާނެހެން ޖަހާގޮށެއް. މި ގޮށްޖަހައި އުޅެނީ މަލާފަތްކޮޅު ތަށިކޮޅުފަދަ އެއްޗެހި ބަންނައިރުއެވެ
ގޮނބި
ނ ބޮލާއި ނިއްކުރިއާއި ބޮނބިފަޅިފަދަ ތަންތަން ތަނެއްގައި ޖެހިގެން ނުވަތަ އެއްޗަކުން ޖެހިގެން ދުޅަވެ އުފުލިފައި ހުންނަ ތަން (2) )ހ ( މަޢުދަނީ އެއްޗެއްގައި އެއްޗަކުން ޖެހިގެން ބޭރަށް ފުއްޕައިފައި ހުންނަ ތަން
ގޮނބިނެގުން
މ (1) ބޮލާއި ނިތްކުރިއާއި ބޮނބިފަޅިފަދަ ތަންތަން ތަނެއްގައި ޖެހިގެން ނުވަތަ އެއްޗަކުން ޖެހިގެން ދުޅަވެ އުފުލުން (2) )ހ ( މަޢުދަނީ އެއްޗެއްގައި އެއްޗަކުން ޖެހިގެން ތަންކޮޅެއް ބޭރަށް ފުއްޕުން
ގޮނޑިގާ
ނ މަހާނަގާ އިންދަން ހަދައިފައި ހުންނަބައި މަހާނައިގައި ގާޖަހާއިރު މިބައި ހުންނަނީ ފަސްގަނޑުގެ ތެރޭގައި ވަޅުލައިފައެވެ
ގޮނޑުދޮށުމޫނުންބާނި
ނ ވާރުވެރިޔާ ވާރުފަތްކޮޅު ކިޔުއްވަން ދުރުވާ ދަތުރު ރަށްރަށުން ކުރާ ވެދުމެއް މިކަންކުރާ ގޮތަކީ ވާރުވެރިޔާ ރަށަށް ފައިބަންނަވާ ވަގުތު ދަނޑިއެއްގައި ބޮލިކޮއްޓޭ އެއްލައި ދެމީހަކު ކޮނޑުއަޅައިގެން ވާރުވެރިޔާއާއެކު ފަތްކޮޅު ކިޔުއްވާ ތަނަށް ގެންގޮސް ބޮލިކޮއްޓޭ އެތާގައި ބާއްވަނީއެވެ
ގޮނޑެއްގައި އޮތަސް މުތެއް ވާނީ މުތަކަށެވެ
(މުސްކުޅިބަހެއް) ގޮނޑެއްގައި އޮތަސް ޖަވާހިރެއް ވާނީ ޖަވާހިރަކަށެވެ
ގޮނޑެއްގައިއޮތަސް ޖަވާހިރެއްވާނީ ޖަވާހިރަކަށެވެ
(މުސްކުޅިބަހެއް) ކިތަންމެ ނިކަމެތި ހާލެއްގައި ހުއްޓަސް ކަންކަމަށް މޮޅު ކުޅަދާނަ މީހުންވާނީ މޮޅު ކުޅަދާނަ މީހުނަށްކަން ހާމަކޮށް ދިނުމަށް ބުނެއުޅޭ ބަހެއް
ގޮނީފުލަށްއެރުން
މ ގޮނީފުލަށް ފޭބުން
ގޮނީފުލަށްފޭބުން
މ (1) މަސްބައްދާއިރު މަސްބައްދާ ގޮނީގެ ފުލަށް އެރުން (2) މަޖާޒު: މަސައްކަތް ކުރާހާ ވަރުނެތް މީހުންނާމެދު ބުނެއުޅޭބަހެއް މިސާލު: މޫސަބޭދެން މިހާރު އެހެރީ ގޮނީ ފުލަށް ފައިބައިފައެވެ
ގޮނެއްދިނިއްޔާވައްޓެއް
ގބ )މުސްކުޅިބަހެއް( (1) މީހަކު ހަދިޔާއެއް ދީފިނަމަ އޭގެ ބަދަލުގައި ދޭންވާނީ އެއަށްވުރެ ރަނގަޅު އެއްޗެއްކަން އަންގައި ދިނުމުގެ ގޮތުން ބުނެއުޅޭބަހެއް. (2) މީހަކު ހެޔޮކަމެއް ކޮށްދީފިނަމަ އެއަށްވުރެ ބޮޑު ހެޔޮކަމެއް ކޮށްދޭންވާނެކަން އަންގައިދިނުމުގެ ގޮތުން ބުނެއުޅޭބަހެއް
ގޮން
ނ. (ގ) (1) ހަތަރު އަރިގޮތަކަށް ބޭރުގެ ބުރުހުންނަ ފަރުމަހެއް. (2) ނަނު އަޅާއިރު އުޅި ހިފެހެއްޓުމަށް ލަކުޑިން ނުވަތަ މަޢުދަނުން ހަދައިފައިވާ އެއްޗެއް. މިހުންނަނީ ފިތް ކަނޑައިފައެވެ. (3) ޖަހާގޮން (ގޮންޖެހުން ބަލާ!)
ގޮންޑަންތޯޅި
ނ )ގ ( މޫދުގައި އުޅޭ ތޮޅީގެ ވައްތަރެއް މިބާވަތުގެ ތޮޅީގެ އަނގަ ހުންނާނީ ބުރަކަށި ފަރާތުގައެވެ
ގޮބޮޅިއަލަ
ނ އޮޅުއަލައިގެ ބާވަތެއް. މިބާވަތުގެ އަލަހެދޭނީ ތަންކޮޅެއް ތިރިކޮށެވެ ނިރުފަޅާލެއް ގިނަވާނެއެވެ
ގޮބޮޅިޖެހުން
މ ފަންޑިތަވެރިކަމުގެ ގޮތުން ކުރާ ކަމެއް. މިކަންކުރާގޮތަކީ ދިވެހިރުކުގެ ގޮބޮޅިއެއްގައި ލިޔެ ވެސްނޫފަދަ އެއްޗަކުން ކަޅިކޮށް ދުންބުރުވައި އޮޑިއެއްނަމަވެސް އަދި ރަށެއް ނަމަވެސް ކިޔަވައި ނިއުޅުންކޮށް ވަކި ތަނެއްގައި ޖަހައި ގޮބޮޅި ފަޅައިލަނީއެވެ
ގޮބޮލެހެރެ
ނ )ގ ( އެއްގަމުގައި އުޅޭ ބޮޑެތި ކަކުނީގެހަރު
ގޮޅިއަކަށްފެއްތުން
މ މަޖާޒު: ޤާނޫނީ ކުށެއްގައި ބެއްދުން