radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ކުރެހުންގަނޑު
ނ މަންޒަރަކަށް ނުވާގޮތަށް އެއްޑިޒައިނެއް ނުވަތަ އެތައްޑިޒައިނެއް ތަކުރާރުވާ ގޮތަށް ލާމެހޭނެހެން ކުރެހިފައި ހުންނަ ކުރެހުންތައް
ކުރެވި
ނ (1) ރިޔަލާއި ސަތަރިފަދަ އެއްޗެހީގެ އެމުނީގައި ހަރުކޮށްފައި އޮންނަ ވާ (2) ލޮލުގެ އެސްފިޔަ ފަޅައިފައި ހުންނަތަން (3) )ހ ( އަންނައުނުގެ ކަށިފަތީގެ އެންމެ ކައިރިފަށް
ކުރެވިޖެހުން
މ (1) ކުރެވި ހަރުކުރުން (2) ކުރެއްވާ އެމުންޏާއި އެކީ އަސްޖެހުން
ކުރެދި
ނ (1) ކީލިހިމުން ގަދަފަދަ ތަތްލަކުޑިއެއް. މި ގިނައިން ބޭނުންކުރަނީ ބިމަށްޖަހާށާއި އޮޑިދޯނި ފަހަރުގެ އިލި ޖަހާށެވެ މިގަސް ހެދެނީ ރަށްރަށުގެ ގޮނޑުދޮށުގައެވެ (2) ހަނޑަސްބުރީގައި ވަޅުޖަހަން ކުރެދިން ހަދާފައި ހުންނަ އެތިގަނޑު
ކުރޭއު
މ )ބދ ( ފެހުން
ކުރޮޅި
ނ (1) ހިކިގެން ނާށިގަނޑުގެ ތެރެއިން އަމިއްލައަށް ނެއްޓިފައި އޮންނަ ކާށި މި ކާށި ބޮނބިގަނޑާ ނާއްޓާ އެކީއޮތަސް ކިޔަނީ މިހެންނެވެ (2) ހަރުލައިފައި އޮންނަ ތޮށީން ހިކިގެން މަދުނެއްޓިފައި އޮންނަ އޮށް ނުވަތަ ބަދަން (3) ލަނބުރާނު ކޮޅުގައި ހަރުކޮށްފައި ހުންނަ ތިންލޯވަޅު ހުންނަ ގޮއްލަ (4) ތިން ފުރޮޅުލީ ދުއްވާ އެއްޗެއް މީގައި ދަތުރު ކުރެވޭނީ ދުއްވާމީހާގެ އިތުރަށް ދެމީހުންނަށެވެ މީގައި ހުންނާނީ ސައިކަލް އިންޖީނެކެވެ
ކުރޮޅިވުން
މ (1) ހިކިގެން ނާށީން ކާށިގަނޑު ނެއްޓުން (2) ހިކިގެން ހަރުލައިފައި އޮންނަ ތޮށީން މަދު ނެއްޓުން (3) އޭގެ ޒާތުގައި ހުންނަ ތެތްކަން ކެނޑިގެން ގޮސް މާބޮޑަށް ހިކުން
ކުޅަނދިލި
ނ އަންހެނުންގެ ފަރުޖުގެ ރެނދުގެ މަތީކައިރީގައި ހުންނަ މަސްކޮޅު
ކުޅަނދިލިމާ
ނ (1) އެތެރޭގައި ވައްތަރަކު ކަރުގަނޑެއް ހުރެފައި ކުކުޅުބިސްބުރަށް އެއްކޮޅަށް ދިގުކޮށް ހުންނަ ރީތިމަލެއް މިއީ ކުރަފަތްތޮޅި ވެލުގެ މަލެވެ މީގެ ދެކުލައެއް ހުރެއެވެ (2) ނަންރީތިމާ (3) ނޫމާ
ކުޅަނދުރު
ނ އުދުހިއުޅޭ ކަށިޖަހާސޫތްޕެއް. މިހުންނަނީ ރީނދޫ ކުލައިގައެވެ. މިއުޅެނީ އަމިއްލައަށް ހަތާހަދައިގެންނެވެ. މީގެތެރެއިން މާމުއިކުޅަނދުރަކީ މާމަލުންފޮނި ބޮއިގެން މާމުއި އުފައްދާ ސޫތްޕެކެވެ
ކުޅަނދުރުފާނަ
ނ ފާނައިގެ ބާވަތެއް. މިއީރާއްޖޭގެ ފަރުފަޅުތަކުގެ ބޭރުގައި ދިރިއުޅޭ ފައްތައިގެން ކުރާ މަސްވެރިކަމުގައި ބާނާމަހެކެވެ ކުޅަނދުރުފާނަ ކިޔައިފައިވަނީ މަހުގައި ހުންނަ ކުދިކުދި ފިތްތަކަށް ބަލާފައެވެ
ކުޅި
ނ (1) އެއްގަމުގައި ހެދިފައި ހުންނަ ފެންގަނޑު. (2) ހެވިކަން ފަރިތަ ކުރުމަށް ކުރާކަންތައް މީގެ ކިތަންމެ ބާވަތެއް ހުރެއެވެ. (3) ބައެއްކުޅިވަރު ތަކުގައި ވަކި ހަމަތަކެއްގެ މަތިން ބަދަލުކުރަމުން ގެންދާ ފިޔަވަޅުތަކުގެ ތެރެއިން ފިޔަވަޅެއް މިސާލު: ލަނގިރި ޖެހުމުގައި މާފަތިން ކުޅިހަދައި ނިމިގެން ކުރުދަނޑިއަށް ބަދަލުކުރުން. (4) ރާޒުވާއާއި ފަޗިސްފަދަ ކުޅިވަރުކުޅޭން ހަދައިފައި ހުންނަ އެއްޗެހީގެ ތެރެއިން އެކަތި (5) އެކި ބާވަތުގެ ބަޑިކުޅި ހަދާން ތައްޔާރުކޮށްފައި ހުންނަ ބޭސްގަނޑު (6) ނއ މިރުހުގައި ހުންނަ ރަހަ
ކުޅިބަލާގެ
ނ (1) އިހުގައި އަންހެނުން މަގުމަތި ބަލާން އަރައި ތިބުމަށް މަގުމަތީ ފާރުކައިރީގައި ތަންކޮޅެއް އުސްކޮށް ހަދައި ހިޔާކޮށްފައި ހުންނަތަން (2) ކުޅިބެލުމަށްޓަކައި އިށީނދެ ތިބުމަށް ހަދައި ހިޔާކޮށްފައި ހުންނަތަން
ކުޅިވަރުދެއްކުން
މަޖާޒު: ލިބިހުރި ބާރު ދައްކައިލާނަމޭ ބުނުމަށް ނުރުހިގެން ބުނާ ބަހެއް މިސާލު: ނިކަން ދެކެން ހުންނާށެވެ ރަށަށް ދެވުނީމައި ކުޅިވަރު ދައްކައިލާނަމެވެ
ކުޅިމީރު
ނ އަހުވަ )މިސާލު: (1) މިހާރު ހުންނާނީ އޭނާއަށް ކުޅިމީރު ފެނިފައެވެ (2) މިހާރު ތިޔަކަމުގެ ކުޅިމީރު އަހަންނަށްވެސް ފެނިއްޖެއެވެ (3) ބަލަން ހުންނާށެވެ! ނިކަންރަގަޅަށް އޭނާއަށް ކުޅިމީރު ދައްކާލާނަމެވެ
ކުޅިފާރޮށި
ނ ހަރުފާރޮށި މުގުރައިގެން މިރުހާއި ފިޔައާއި ލުނބޯހުތާއި ރިހާކުރާ އެއްކޮށް މޮޑެފައި ހުންނަ ފާރޮށި
ކުޅިތޮށި
ނ ފޮނިތޮށީގެ ކުޅިގަދަ ބާވަތް މިހުންނަނީ ތަންކޮޅެއް ތުނިކޮށެވެ
ކުޅިގަނދު
ނ ބޭރު ރަތްކުލައެއްގައި ހިމަކޮށް ހުންނަ މުލެއް މިއީ ބޭހަށް ބޭނުންކުރާ އެއްޗެކެވެ
ކުޅިޖެހުން
މ ކޮށިކޮށީމީހުން ކަނޑި އައްޑަނަ ނުވަތަ ދަނޑި ހިފައިގެން ހެވިކަމުގެ މަސައްކަތުގައި ވަކި ޤަވާއިދެއްގެ މަތީން ހެލިފެލިވުން
ކުޅީކުކުޅު
ނ އެއްގަމު ދޫނީގެ ބާވަތެއް. މިއީ ވަލުގައި އުޅޭ ދޫންޏެކެވެ. މިދޫނީގެ ސިފަ އެންމެ ވައްތަރީ ދިވެހި ކަނބިއްޔާއެވެ. ދޫނީގެ ކުލައަކީ ދޮން ރީނދޫކުލައެވެ. ދޫނީގެ ފަތް ހުންނަ ކުލައާއި ކުރެހުން ސިފަކޮށްދައްކަނީ "ދޮންމިރުސް ކުކުޅާ" އެއްކަހަލަ ގޮތަކަށެވެ. ތުނބާއި ފައި ހުންނަނީ ދޮންކުލައިގައެވެ. ބައެއް ކުކުޅު ހާލުގައި ހުންނަ "ގޮށްކެޔޮފޮތި" ކަހަލަ ތަންކޮޅެއް ތުނބުގެ މަތީކޮޅުގައި ހުރެއެވެ