radheef.info
ރަދީފު


ޓ
ނ ތާނައިގެ ވިހިވަނަ އަކުރު
ގަދަން
ނ އޮޑިދޯނިފަހަރު ގޮނޑުދޮށަށް ބީއްސައިފައި ހަމަޔަށް ބެހެއްޓުމަށްޓަކައި ބިމަށް އެއްޗެހި ޖަހައި މަތިކަނާ އެއްކޮށް އަޅާއޮޅު
ގަދަބައްޔަށްހިފުން
މ (1) ކާކުތޯ ގަދަވަނީ ބެލުމަށް ބަނޑުމުސާރައަށް ބެއްދުން (2) މޮޅުވާ މީހަކު ބެލުމަށް ދޫނުކޮށް ހިފެހެއްޓުން
ގަތާބާލީސް
ނ ގަތާފައިގައި އޮންނަބާލީސް މިއީ ބާދަލާއެޅުމަށްޓަކައި މަހުކަށީން ނުވަތަ ލަކުޑިފަދަ އެއްޗަކުން ބާލީހަކާ ވައްތަރު ގޮތަކަށް ހަދައިފައި އޮންނަ އެއްޗެކެވެ
ގަތާފައި
ނ ބޯވަޅުގެ ރޮދިގަނޑާއި ހިރުފަދަ ތަކެތި ގެތުމަށްޓަކައި ހަނޑޫ ކަނޑާވަނެއްގެ ސިފައިގައި އަށެއްކަ އިންޗީގެ އުސްމިނުގައި ލަކުޑިން ހަދައި ލިޔެލާ ޖަހައިފައި ހުންނަ އެއްޗެއް މިހުންނަނީ އެތެރެ ކޮނެފައެވެ މަތީގައި ފޮތީގެ ބޮލެއް އޮވެއެވެ
ގަލަށްކިޔުން
މ ކަނޑު ދަތުރު ކުރާއިރު ކުރިމަތިން އަންނަ ތިލަ ގާގަލުން ނެއްޓޭނޭ ގޮތް ދެއްކުން މިކަން ބެލުމަށްޓަކައި ދިރުނބާ ކޮޅުގައި މީހަކު ހުންނާނެއެވެ
ގަލަގަދި
ނ އޮޑި ދޯނިފަހަރުގެ ދިޔަވާ ތަންތަން ބެއްދުމަށް އަޅާ ގަދަފަދަ ފުޓުންޏެއް މިހަދަނީ ބަނބުކެޔޮ ގަހުގެ ކިރާއި އީޓުމުށީގެ ކުނޑި އެއްކޮށް ކައްކައިގެންނެވެ
ގަސްގަނޑު
ނ (1) ބޮޑު ގަހެއްގެ މައިގަނޑު (2) އިންޖީނު ދޯނިފަހަރުގެ ނުވަތަ ކުދި ބޯޓު ފަހަރުގެ ބުރަފަތި ދަގަނޑު ހަރުކުރުމަށްޓަކައި ކޮޅުފަސްކޮޅު މައްޔަލާ ގުޅައިގެން އެތެރޭ ފަށަން މަތީގައި އަޅާ ލަކުޑި ގަނޑެއް
ގަސްގަނޑުއެޅުން
މ އިންޖީނު ދޯނިފަހަރުގެ ނުވަތަ ކުދި ބޯޓުފަހަރުގެ ބުރަފަތި ދަގަނޑު ހަރުކުރުމަށްޓަކައި ކޮޅުފަސްކޮޅު މައްޔަލާ ގުޅައިގެން އެތެރޭގައި )ފަށަންމަތީގައި( އަޅާ ލަކުޑި ގަނޑެއް އެޅުން
ގަޑި
ނ ވަގުތު ބެލުމަށް ބޭނުންކުރާ އެއްޗެއް. އަތުގައި އެޅުމަށާއި ފާރުގައި ހަރުކުރުމަށާއި މޭޒުމަތީގައި ބެހެއްޓުންފަދަ އެކިއެކި ގޮތްގޮތަށް ބޭނުންކުރެވޭ ގޮތަށް ތަފާތު ބޮޑުމިނުގައި ތަފާތު ވައްތަރުވައްތަރަށް މި ހަދައިފައި ހުރެއެވެ
ގަޓަރި
ނ އެއްކޮށް ބަންޑެލިކޮށްފައި ހުންނަ އެއްވައްތަރުގެ މުދާ މިސާލު: )ހ( އުއި ގަޓަރި )ށ( ދުންފަތް ގަޓަރި )ނ( ކަރުދާސް ގަޓަރި
ގަޓު
ނ ޓެނިސްރެކެޓާއި ބެޑްމިންޓަން ރެކެޓުފަދަ އެއްޗެހީގައި ފުރައިފައި ހުންނަ ނަރު
ގަޓެޔާ
ނ )ގ ( ގަޓާ
ގާ
ނ (1) ކެލްސިޔަމް ކާބަނޭޓުން ކަނޑުގެ މާހައުލުގައި އުފެދިގެން ބޮޑުވާ ހަރުއެއްޗެއް. މިއީ އޭގެ އަމިއްލަ ޒާތުގައި އުފެދި ގިނަވާ އެއްޗެކެވެ (2) ރާތަލެއްގެ ހަތަރުބައިކުޅަ އެއްބައި (3) ބައެއްކަހަލަ ތަކެތި ހިކިގެންވާހަރު މިސާލު: އުވަތައް ހުރީ ގާވެފައެވެ (4) ގަސްގަހާ ގެހި ކުރިލަމުން ހެދޭގޮތް ހުއްޓޭ ހުއްޓުން މިސާލު: އެމިރުސްގަސް މިހާރު ގާވެއްޖެއެވެ (5) މަޖާޒު: ކުދިން އުމުރާ އެއްވަރަށް ބޮޑުނުވެ ވާހަރު މިސާލު: އެކުއްޖާއެހެރީ ގާވެފައެވެ (6) ހިތްކޮށި މިސާލު: އެއީ ވަރަށް ހިތްގާ ކުއްޖެކެވެ
ގާއެޅުން
މ ރޭނުމަށްޓަކައި ސިމެންތި ގާހެދުން ގާއަޅަނީ ސިމެންތިއާއި ވެއްޔާއެއްކޮށް ހިކިކޮށް ގަށައި ތައްގަނޑަކަށް އަޅައިގެންނެވެ
ގާވަޅު
ނ މަންޑިކުޅޭއިރު ފޯލި ބަހައްޓާގާ ގިނަފަހަރަށް މިކަމަށް ގެންގުޅޭނީ މަހާނަގަލުގެ ގޮނޑިގަލެވެ
ގާވެފައިއިނުން
މ މަޖާޒު: ބަސްމަދުވެ ހުއްޓުން އަރައިފައި އިނުން
ގާފޮޅު
ނ (1) ގޭގެ އަޅާއިރު މެއްލަ ޖެހުމަށްޓަކައި ވަކިމިނަކަށް ކޮށައި ގެއަޅަންވާ ބޮޑުމިނުގައި ދެބައިކުޅައެއްބަޔަށް ވަޅުލައިފައި ހުންނަ ގާތައް (2) ތިރި ތިރިކޮށް ރާނާފައި ހުންނަފާރު
ގާފޮޅުމަތީވަކަރު
ނ (1) ގާފޮޅު ބަނދެނިމިގެން މެއްލަ ޖެހުމަށްޓަކައި ބާއްވާ ފަތިވަކަރު (2) ހިކަނދިވަކަރު (3) ބިންވަކަރު
ގާދިއްފުށީމީހުންގެ ފެންކުޅި
)މިސާލުބަހެއް( މަޖަލަކަށް ނުވަތަ ކުޅިވަރަކަށް ކުރަން ފެށިކަމެއް ނުހުއްޓި ދިގުލާގޮތްވީމާ ބުނާބަހެއް
)ހަރުބަހެއް( އަމިއްލައަތުން އެއްޗެއް ބީވިކަމުގައި ވިޔަސް ޝަރިޔަތާ ހަމަޔަށް ނުގޮސް ވޭތޯބެލުމަށް ނަސޭޙަތްތެރިވުމުގެ ގޮތުން ބުނެއުޅޭބަހެއް ގާތުންބޮލިކޮއްޓެއެއްދީގެން ނަމަވެސް ފަނޑިޔާރުގެއަށް ނުގޮސްވޭތޯ ބަލާށެވެ