radheef.info
ރަދީފު


ދަ
ނ )ބދ ( (1) ވަ (2) އަހަރެން މިސާލު: ދަބުނެފީމާ )އަހަރެން ބުނެފީމެވެ ( (3) ދަގަނޑު
ކާޑުމަސްބައި
ނ ކާޑުގެޒަމާނުގައި )ދެވަނަބޮޑު ހަނގުރާމައިގެ ދުވަސްވަރު( ރަށްރަށުގެމީހުން ކާޑުގެއަށް އަޅައި އުޅުނު މަސްބައި މިއީ އިހުގައި ކޮންމެ ދޯންޏަކުންވެސް ފަޅުވެރިޔަކާ އެއްވަރަށް ނަގައިއުޅުނު މަސްބައެކެވެ. މި މަސްބައިނަގައި އުޅުނީ ރައްޔިތުގެއިން ކުރަންޖެހޭ ޚަރަދުތައް ކުރުމަށެވެ. މިސާލަކަށް: ރަށުގެރައްޔިތުން ދަރަންޏަށްގެންނަ ކާޑުގެބާވަތްތަކުގެ އަގުހަމަޖެއްސުމާއި މަދަރުސާ މަކްތަބު ފަދަ ތަންތަނަށް ޚަރަދުކުރުމާއި ބަންޑާރަދަތުރުގެ ކޮއްތުދިނުންފަދަ ކަންތައް ކުރުމަށެވެ
ކާޑުދަތުރު
ނ ރަށްފުށުމީހުން ކާޑުބަލާ މާލެޔަށް ކުރާ ދަތުރު
ކާޖާ
ނ ގޮދަންފުށުގައި ހަދާ ހެދިކާ އެއްޗެއް. މިހުންނަނީ ގޮދަންފުށްގަނޑު މޮޑެ ރޮށްޓެއްހެން ދަމައި ތުތިމަސްގޮތަށް ކަފައި ތެލުލައިފައެވެ. މިފޮނިކޮންނާއި ލޮނުކޮށް ހަދައެވެ
ކިހައްޑިޔަ
ނ (1) ރޯ ބޮނބީގެ ދިޔަ (2) ފަތްކެޔޮގަހާއި އޭގެ ދަޅީގެ ދިޔަ
ކިހިލިފަތި
ނ އަތުބުޑުގެ ދަށް ފަރާތުގައި އޮންނަ އަޑިކޮޅު
ކިހިލިފަތްދޮށް
ނ އަތުބުޑުގެ ދަށް ފަރާތުން ކިހިލިފައްޗާއެކު އެ ހިސާބުގަނޑު
ކިނބިހިނި
ނ ހިނީގެ ބާވަތެއް މިއީ ވަރަށް ވަސްގަދަ ކަޅުރަތްކުލައިގެ ހިންޏެކެވެ މިހިނި ވަރަށް ކުދިވާނެއެވެ
ކިނބިފަންގެ
ނ އޮޑިދޯނި ފަހަރުގައި މަތި ހިޔާކުރާއިރު ވަސްދަނޑި މަތިން އަޅާފަންގެ
ކިނބޫ
ނ އެއްގަމާއި ފެނުގައި ދިރިއުޅޭ މިނިކާ އެއްޗެއް މިއީ ހަރުތޮއްޓެއް އޮންނަ ބިންމަތީގައި ބަނޑުޖަހައިގެން އުޅޭ ޖަނަވާރެކެވެ މީގެ އަނގަ ވަރަށް ބޮޑުވާނެއެވެ އަދި ނަގޫ ދިގުވެފައި ވަރުގަދަވާނެއެވެ
ކިނދުފާރު
ނ ޅަކުއްޖާގެ ކަންފަތުބުޑާއި އުކުޅުވަޅު ފަދަ ތަންތާނގައި ހެދޭ ފާރު މިފާރު ހެދެނީ ރަނގަޅަށް ކިނދުނުފިލުވުމުގެ ސަބަބުން ކަމަށްބުނެއެވެ
ކިރިކެޓު
ނ ދަނޑުގައިކުޅޭ ކުޅިވަރެއް މިކުޅިވަރުގައި ބައިވެރިވާނީ ދެޓީމެވެ ޓީމެއްގައި 11 ކުޅުންތެރީންނެވެ އެއްބަޔަކު ބޯޅަ ހޮވަން ތިބޭއިރު އަނެއްބައިގެ ދެކުޅުންތެރީން ކުޅެން އަރާތިބެއެވެ ބިމަށް ޖަހާފައި ހުންނަ ތިންދަނޑީބުރީގެ ކުރިމަތީގައި ކުޅޭމީހާ އޮވެގެން ހޮވާޓީމުގެ މީހަކު އެއްލާބޯޅައިގައި ފިލާގަނޑަކުންޖަހައި ލަނޑު ހަދައެވެ ނުވަތަ ދުވެގެން ލަނޑު ހަދައެވެ ދަނޑިބުރިތައް ޖަހައިފައި ހުންނަނީ މެދުރިއަޅައިފައި އޮންނަ ތަނެއްގައި ދެކޮޅުގައެވެ
ކިރިއްސުން
މ (1) ތޫނުކަމަކުން އޮށީން ފަންވަތްތައް ވިދިވިދިގެން ވަކިކުރަމުން ގަޔާދުރަށް ގެންދިއުން (2) ކެޔޮފަތް ދަޅީން ވަކިކުރަމުން ގަޔާދުރަށް ގެންދިއުން (3) ތޫނު އެއްޗަކުން އެޅިގެން ހަށިގަނޑުގެ ބޭރުފުށުން ތަނެއް ދިގުކޮށް ނޮޅިގެންދިއުން
ކިރު
ނ (1) ބަނޑުއަޅާ ވިހާ ހައިވާނުގެ ދަރިންނަށްޓަކައި އުރަމައްޗަށް އެރޭހުދު ކުލައިގެ އޮލަދިޔަ (2) އުރަމަތި (3) ބައެއްގަސްގަހާއި މޭވާގެ ތެރޭން ނުކުންނަދިޔަ (4) ގޮދަނުންނެގޭ ތަތް މާއްދާއެއް (5) ކާއްޓާއި ބަދަންފަދަ ބައެއްތަކެތި ފެލީމާ ނުކުންނަ ހުދުކުލައިގެ ދިޔަ (6) ފުށާއި ހަކުރާއި ކާށިކިރާއި އަޅައިގެން ކައްކާ ފޮނިކާ އެއްޗެއް (7) ބައެއް މޭވާއާއި ތަރުކާރީގެ ތެރޭގައި ހުންނަ ތަތްލަވާ އޮލަމާއްދާއެއް
ކިރުހިއްޕި
ނ އަންހެނުންގެ އުރަމަތި ރީތިކޮށް ހިފެހެއްޓުމަށްޓަކައި ހަދައިފައި އޮންނަ އެއްޗެއް މި ކިތަންމެ ގޮތަކަށް ހަދައެވެ
ކިރުނު
ނ އަތްކަންކުރާ މީހުނާއި ދަގަނޑުތަޅާ މީހުން ތަޅާ އެތިގަނޑު ތަޅަން ބާއްވާ ދަގަނޑުގަނޑު މީގެ ތެރެއިން އަތްކަން ކުރާ މީހުން ބޭނުންކުރާ ކިރުނު ހަދައިފައި ހުންނަނީ ހަތަރު އަރިޔަށް ހަތަރު ފަސް އިންޗީގެ އުސްމިނުގައި އޮންނަ ލަކުޑި ގަނޑެއްގެ މެދަށް ދަގަނޑުބުރިޔެއް ޖަހައިގެންނެވެ
ކިރުރިހަބަތް
ނ އިހު ޒަމާނުގައި މުލަ ރޯދަ ދުވަހު ޣާޒީ ބަންޑާރައިންގެ އަހަރުމަތިފުޅަށް ކައްކައިއުޅުނު ކޭމެއް މިކޭމުގައި ހުންނަނީ ބަރަބޮލު ރިހައާ ބަތާއި ކިރެވެ
ކިރުބުއިދަތް
ނ އެންމެ ފުރަތަމަ ފަހަރަށް ފަޅާދަތް
ކިރުބޯކިބާ
ނ ހަނޑުލު ފުށުގައި ނުވަތަ ގޮދަންފުށުގައި ކިރުއަޅައިގެން އަޅާ ފޮނިބޯކިބަލެއް
ކިރުޅިފާނަ
ނ ފާނައިގެ ބާވަތެއް. މި ފާނަ އާދައިގެ ފާނައަށްވުރެ ކުޑަވާނެއެވެ. މަހުގެ ކުލައަކީ ގަދައަޅި ނުވަތަ ގަދަމުށިކުލައެވެ
ކިރުޅިޔަމަސް
ނ ފަރުމަހުގެ ބާވަތެއް މިއީ ކުދިއައިން ހަދައިގެން ފަޅުތެރޭގައާއި ވިލުވިލުގައި ދިރިއުޅޭ މަހެކެވެ މަހުގެ ކުލައަކީ ގަދައަޅިކުލައެވެ ބަނޑުދަށް ފަރާތުގައި ހުންނަނީ މަޑުއަޅިކުލައެވެ މަހުގެ ދިގަށް ހުންނަ ހުޅުނބު ބަރި ދެމެދުގައި ރަންކުލައިގެ ރޮނގެއް ހުރެއެވެ