radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
މުސަޅު
ނ (1) ހަރުކޮނެގެން ދިރިއުޅޭ ބުޅަލާވައްތަރު ކަންފަތް ދިގު ފުމެމުން ބާރަށްދުވާ މަސްކާ ޖަނަވާރެއް (2) ޅަނދޮޅު (3) )ބދ ( ކުޅު
މުސިންބި
ނ ވެލާގެ ޢާއިލާގައި ހިމެނޭ ވިހައެއްޗެއް
މުޑަން
ނ (1) މަސްދޯނި ފަހަރުގައި މަސްބާނަން ގެންގުޅޭ އެންމެ ކުރުދޮށި (2) ތަނުގައި ހިނގާ ހުރިހާ ދެރަކަމެއް މަތިކުރާ މީހާއަށް ނިސްބަތްކޮށް ބުނެއުޅޭ ބަހެއް މިސާލު: މަތިވާނީމުޑަނާއެވެ (3) ގޭގެ ވެރިޔަކަށް އިންނަ އަންހެންމީހާ
މުޑި
ނ (1) ދަނޑިފަނުން ގެދޮރުފަދަ ތަންތަނާއި ފުޅައްއަޅާއިރު އެތަން ހިފެހެއްޓުމަށް އެކި ހިސާބުން ބިމަށްޖަހާފަލަ ދަނޑި ނުވަތަ ހޮޅު (2) އޮޑި ދޯނިފަހަރު އެހެލައިފައި ހުންނައިރު އޭގެ ދެފަރާތުން ވިއްދައިފައި ހުންނަ ފަލަ ލަކުޑި ބުރިތައް (3) ފާލަން ހިފެހެއްޓުމަށްޓަކައި ބިމަށްޖަހާ ރުއްގުޅި ފަދަތަކެތި ނުވަތަ ކޮންކްރީޓް ތަނބު (4) ކާށީގެ އެތެރޭގައިހެދޭ މަޑުކަމެއް ހުންނަ ބޭރު މަޑުރީދޫކޮށް އޮންނަ އެތެރެ ހުދު މީރު ފޮނި އެއްޗެއް
މުޑިނެގުން
މ (1) ހަތަރެސްފައި ޖެހި ޖަނަވާރު ފަހަތު ދެފައިގެ މައްޗަށް ތެދުވެ ކުރީދެމޮއްގަނޑު އުފުލައިލުން (2) މަޖާޒު: ކަމެއްވޭތޯ އުޅޭ އުޅުމަށް މަލާމާތުގެ ގޮތުން ބުނެއުޅޭ ބަހެއް
މުޑިކަރަނެގުން
މ )ސ.( މަޖާޒު: ކަމެއް ނުކުރުމަށް ނުވަތަ ތާކަށް ނުދިއުމަށް ގަދަފައި ވިދެފައި ހުރުން
މުޑުވައްކުރުން
މ (1) މުޑުވައް އިންދައިގެން އެއިން ގަސްފަޅައި އެގަހުގެ އެންމެ ޅަދައުރު ދަންދެން ރަނގަޅަށް ބެލެހެއްޓުން (2) ކުކުޅުހާލާއި ގެރި ބަކަރި ފަދަ ބައެއް ސޫފާސޫފި ޖޯޑުކޮށްގެން ދަރިކޮޅެއް އުފެއްދުން
މުޑުވައްކުދީން
ނ (1) ޓެސްޓްޓިއުބްގައި އަށަގަންނުވާކުދީން (2) ފިރިހެނެއްގެ މަންޏާއި އަންހެނެއްގެ ދަރިއަށަގަންނަ ބިސްނަގައި ހަށިގަނޑުން ބޭރުގައި ގަނރުބަ ގަންނަގޮތް ހެދުމަށްފަހު ކޮންމެވެސް އަންހެނެއްގެ ރަޙިމުގެ ތެރޭގައި އެބިސް އިންދުމުން އާދައިގެ ގޮތުގައި ބަނޑުބޮޑުވެ ވިހާ ކުދިން
(2) މުޑުގެ އެއްވަނަ މާނަބަލާ! މުޑުގާ
ނ (1) ގަލުގެ ތެރޭގައި ހިމެނޭ ތަޅަން އެންމެ އުނދަގޫ ހަރުވައްތަރުގެ ގާ މިގާވަރަށް ބަރުވެސް ވާނެއެވެ
މުޒާހަރާކުރުން
މ ކަމަކާމެދު ބަޔަކުމީހުން ތިބިގޮތް ފާޅުކުރުމުގެ ގޮތުން އެއްވެގެންކުރާ ޙަރަކާތާއި އުޅޭ އުޅުން
މުޒްދަލިފާ
ނ މިނާއާއި އަރަފާތާ ދެމެދު އޮންނަ ޚާއްޞަ ތަނެއް މިއީ ޙައްޖުވެރިން ރޭކުރަންޖެހޭ ތަނެކެވެ
މުޓިޔާކުރުން
މ (1) ކޮންމެ އަގެއްލިބުނަސް ހެޔޮކަމަށް ޖެހުނު ކޮންމެ މަސައްކަތެއް ކުރުން (2) އުފުލާ މަސައްކަތް ކުރުން
މުޙައްރިރު
ނ (1) ނޫސް މަޖައްލާފަދަ ތަކެތީގައި ޝާއިޢުކުރާ އެއްޗެހި ކަނޑައަޅައި އެއެއްޗެހި ޗެކްކޮށް ބަލަހައްޓާ އެންމެ އިސްވެރިޔާ (2) އެޑިޓަރ
މުޙާވަރާ
ނ ލަފްޒީމާނަނޫން މާނައެއް ދޭހަވާބަހެއް. މީގެ ތެރޭގައި ހަރުބަހާ މިސާލުބަސް ފަދަ ބަސްތައް ހިމެނެއެވެ
މުޢާހަދާ
ނ (1) އެގްރީމެންޓް (2) އެއްބަސްވުން
މުޢާހަދާކުރުން
މ (1) އެގްރީމެންޓްކުރުން (2) އެއްބަސްވުމެއްގައި ސޮއިކުރުން
މުޢާމަލާތު
ނ (1) ދުނިޔަވީ ކަންތައްތަކުގައި ދެފަރާތެއްގެ ދެމެދުގައި ހިންގާ ގުޅުން މިސާލު: ގަނެވިއްކުން (2) އެކަކު އަނެކަކަށް ކަންތައް ކުރާގޮތް
މުޝްތަރީ
ނ ސޯލާ ސިސްޓަމްގައި ހިމެނޭ ތަރިއެއް
މޫ
ނ (1) ގަސްގަހާ ގެއްސާއި ވެޔޮވެލާވެލީގެ ބުޑުން ފަޅައިގެން ބިމުގެ ތެރެއަށް ދެމިފައިން ހުންނަ ބައި. (2) ގަހަށް ކާނާ ހޯދައިދިނުމާއި ގަސް ބިމުގައި ހިފިހުރުމުގެ ބާރެއްކަމުގައި ހިމެނޭ ބައި (3) ހަށިގަނޑުގައި އުފެދޭ ބަލިބަލީގައި މަސްގަނޑުގެ ތެރެއަށް ފެތުރެމުން ހެދެމުންދާ ރޮދިފަށްތަކެއްހެން ހުންނަބައި
މޫނަށްބެލުން
މ މަޖާޒު: ތިމާގެ ގާތް މީހަކަށް ނުވަތަ ހެޔޮއެދޭ މީހަކަށް ވީތީ އެމީހަކާމެދު ވަކިގޮތަކަށް ކަންތައްކުރުން