radheef.info
ރަދީފު


ވުން
މ (1) ހުރުން (2) އުފެދުން (3) ފަހިވުން (4) ނިމުން
ތިންފަޓެވުން
މ )ގ ( ތިންފަށްވުން
ތިރިއޮބުން
މ މައްޗަށް އަރަމުންގޮސް ތިރިނުފެންނަ ވަރުވުން
ތިރިވުން
މ (1) ހުރިއުސް މިނަކަށްވުރެ ބިމާ ގާތްވުން (2) އުސްމިނުންކުޑަވުން މަޖާޒު: (3) ހުރިމަޤާމުން ދަށަށް ދިއުން (4) ހިފިނުހުރެގެން އުޅޭމީހާ މަތަވުން
ތިއްތިވުން
މ ކުޑަކުދީންގެ ބަހުރުވައިގައި ރީތިވުން
ތިމަރަލުން
މ (1) ތެލިތެލީގައްޔާއި ލޯގަނޑުފަދަ ތަކެތީގެ އެތެރޭގައި ތިމަރަ ދިޔާކޮށްގެން ހޭކުން (2) މަސްބާނާ ބުޅީގެ ބޭރުގައި ތިމަރަ ދުއްވުން
ތިމާގެކަންބެހެއްޓުން
މ (1) ތިމާގެ ކަމުގެ ގުޅުން ބޭއްވުން (2) އާއިލީ ގުޅުން ބެހެއްޓުން
ތިމާގެވުން
ނ (1) ތިމާގެ ޢާއިލާގެ މީހަކަށްވުން (2) ލޭގެގުޅުން ހުރި މީހަކަށްވުން
ތިލަވުން
މ (1) ފުންކަންކުޑަވުން (2) ވިސްނަންފަސޭހަވުން
ތިޔާގިވުން
މ (1) އަތްމަތި ތަނަވަސްވުން (2) ކާބޯތަކެތި ގިނަވުން (3) ގިނަވުން
ތުހުމަތުއެޅުވުން
މ ކުށެއް ކުރިކަމުގެ ނުވަތަ ކުރާކަމުގެ ބަދުނާމު އެޅުވުން
ތުހުމަތުވުން
މ ކުށެއް ކުރިކަމަށް ނުވަތަ ކުރާކަމަށް ހީވުން
ތުނބުންފުމުން
މ ތުނބުން އަޑުގޮއްވުން
ތުނބުކޮށުން
މ )ޏ ( ދެބައޮޑުވުން
ތުނޑުލަށްވަނުން
މ (1) އުނދަގޫ ވާވަރަށް ގައިގޯޅިވުން (2) ތޮއްވަރިއަށް ވަނުން
ތުނިވުން
މ (1) ބޯކަންކުޑަވުން (2) ބޯކޮށް ވެހެމުންދާ ވާރޭ ގަނޑެއްވެހޭލެއް ތަންކޮޅެއް ކުޑަވުން
ތުންހެލުވުން
މ ތުންތެޅުވުން
ތުންބެއްދުން
މ (1) އެކިއެކި އެއްޗެހީގެ ތުނބުން ވައިނުހިނގާ ގޮތްހެދުން (2) މަޖާޒު: ވާހަކަ ނުދައްކައި އިނުން (3) ބައެއްކަހަލަ ހެދިކާ ހަދާއިރު ފުށްގަނޑުގެ ތެރެއަށް އަޅަންވާ އެއްޗެއް އަޅައިފައި ފުށްގަނޑުގެ ދެކައިރި ޖައްސައި ބާރުކުރުން (4) މައުދަނުން ހަދާ ބޮޅުފަދަ ތަކެތީގެ ދެކޮޅު ޖައްސައި ގުޅުވުން
ތުންބޮވުން
ނ )ސ ( މާ ފޮޅެން ތައްޔާރުވެފައިވުން
ތުންމަޅިއެޅުން
މ (1) ޖަނަވާރުގެ ތުން ނުހުޅުވޭގޮތަށް ތުނބުގައި މަޅިއެއް އެޅުވުން (2) މަޖާޒު: މީހަކަށް އަނެކަކާ ދެކޮޅަށް އެއްޗެއް ނުބުނެވޭނެގޮތް ހެދުން
ތުރަވުން
މ ދަރިފުޅު ނުވަތަ މަސް ބަނޑުން ބޭރުވުން