radheef.info
ރަދީފު


ދަޢުވަތު
ނ (1) ކެއުމަކަށް ގޮވައިލާ ގޮވައިލުން (2) ތަނަކަށް ހާޒިރުވާން ކިޔާ ކިޔުން
ދަޢުވަތުކާޑު
ނ އެކިކަންކަމަށް ދަޢުވަތު ދިނުމަށްޓަކައި ފޮނުވާވަކިގޮތަކަށް އޮންނަ ލިއުމެއް
ދަޢުވަތުދިނުން
ނ ކެއުމަށް ގޮވައިލުން (2) ތަނަކަށް ހާޒިރުވާން ގޮވައިލުން
ދާންމަތީވަޅުކޮޅު
ނ ހަދިޙަސަން ރަސްގެފާނުގެ ގައިކޮޅުން ދިލަކޮޅުނަގަން ފެށީމާފެން އަޅަން ބެހެއްޓިކަމަށް ބުނެވޭވަޅު މިވަޅުހުންނަނީ ގަނޑުވަރުތެރޭގައި ހުންނަ ފާރަވެރިންގެ ދޮރޯށީން އެތެރެއަށް ވަންނަ އިރު ވާތްފަރާތުގައި ކިޔެވެނި ބޭކަލުންގެ އަށީގެ ކުރިމަތީގައެވެ
ދާވަނި
ނ (1) ހެދުމުގެ ފުރަގަހުގެ ފަސްބައި (2) ހެދުމުގެ ފުރަގަހުން ހަރުކޮށްފައި އޮންނަ ދިގު ފޮތިގަނޑު (3) ބޮޑެތިމަސްމަސް އޮޑިޔަށް ނަގަން އަޅުވާ ބުޅިގަނޑު
ދާވަނިކޮޅުހިފުން
މ ރަސްރަސްކަލުން ރަސްމީ ޢިއްޒަތުގައި ތަންތަނަށް ވަޑައިގަންނަވާއިރު ތުރުކުރައްވާ ހެދުންކޮޅުގެ ދާވަނިކޮޅުގައި ހިފައިގެން އަރިހުގައި ދިއުން
ދިހަވަނަ
ނއ ދިހައަކަށްވާ
ދިހަވަޅު
ނ ދަސްވަޅު
ދިރިހުއްޓައި ކަށްވަޅަށް ދިއުން
މ މަޖާޒު: ނުއުފުލޭވަރުގެ ބޮޑު ދަރަންޏެއް ބޮލުގައި އެޅުން ނުވަތަ އެނޫންވެސް މާބޮޑަށް ލަދުގަންނަންޖެހޭ ފަދަކަމެއް ދިމާވުމުން ބުނެއުޅޭ ބަހެއް
ދިރުވައިލުން
މ (1) އެއްޗެއް އަރުން އެތެރެ ކޮށްލުން (2) ކަންތައްތައް އާލާކޮށްލުން (3) މަޖާޒު: މީހަކާ ނުވަތަ ބަޔަކު ޙަވާލުކޮށްފައިހުރި އެއްޗެއްގައި ނުވަތަ އެއްޗެހިތަކެއްގައި ޖެހުން
ދިއަވަރު
ނ ދިޔަވަރު (1) ބަތްކައްކާ އިރުއަލާ ފެނުގެ މިންވަރު (2) ރިހަކައްކާއިރު އަޅާ ފެނުގެ މިންވަރު (3) މަޖާޒު: ލައިގެންކާ އެއްޗެހި މާފެންކޮށް ހުރީމާ ކިޔާގޮތެއް
ދިއަވަރުހިކުން
މ ދިޔަވަރު ހިކުން
ދިވަނި
ނ )ސ ( ދުވަނި
ދިވަނިޖެހުން
މ )ސ ( ދުވަނިވުން
ދިވަރަ
ނ )ސ ( ދިވަރު
ދިވަރު
ނ (1) ފަންރިޔަލުގެ ބޭރުން ހުންނަ ވަލެއް. (2) ލޮރީއާއި ކާރާއި މޮޓޯސައިކަލް ފަދަ ތަކެތީގެ ފުރޮޅުގެ ބޭރުރަބަރާއި ވޮއްޓާދޭތިވަކިކުރަން މަތާޖަހަން ގެންގުޅޭ އެއްޗެއް މިހަދައިފައި ހުންނަނީ ދަގަނޑުންނެވެ މީގެ އެއްކޮޅު ހުންނަނީ ފަތިކޮށްފައެވެ
ދިވަރުޖެހުން
މ ފަންރިޔަލުގެ ބޭރުން ހުންނަ ވާޖެހުން
ދިވެހިވަންތަ
ނއ ދިވެހިގޮތްހުރި
ދިވެހިލަވަ
ނ ދިވެހިބަހުން ހަދައިފައި ހުންނަ ލަވަ
ދިދަދުވަސް
ނ އެކިކަންކަމަށް ފައިސާ ހޯދުމަށްޓަކައި ދިދަޗާޕްކޮށްގެން ވިއްކާ ދުވަސް މިކަން ކުރަނީ ސްކޫލްތަކާއި ޖަމްއިއްޔާތައްފަދަ ތަންތަނުންނެވެ