radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
ސުން
ނ (1) ހިސާބު ޢިލްމުގައި ބޭނުންކުރާ ތިއްކެއް ނުވަތަ ބޮޅެއް މިތިކި ނުވަތަ ބޮޅު އަދަދެއްގެ ކަނާތްފަރާތުގައި ޖަހައިފިނަމަ އޭގެ އަގު ދިހަގުނައަށް އިތުރުކޮށްދެއެވެ ވާތްފަރާތުގައި ޖެއްސަސް އަގު އިތުރެއް ނުވެއެވެ (2) އަގެއްނެތް
ސުންކަންނެގުން
މ (1) ޖަމާޢަތެއްގެ ބަޔަކު ނުވަތަ ރަށެއްގެ ރައްޔިތުން ފަދަ ބައެއްގެ ތެރެއިން ގަސްދުކުރާ ކަމަކަށް ކަނޑައެޅޭ އެއްޗެއް ނެގުން (2) އިހުގައި ހަވަރުގެ ބަޔަކު ނިކުމެގެން ފިހާރަފިހާރައިން ނަގައި އުޅުނު ލާރިއެއް ނެގުން (3) އިހުގައި އަންނަ ބަނގަލާ ބޯޓްފަހަރުން ނަގާ ތަކެތި ނެގުން
ސުންކަންޖެހުން
މ (1) ބަޔަކު ކާއެއްޗެއް ތައްޔާރު ކުރަނިކޮށް ފެނުމުން ނުވަތަ ތަނެއްގައި ކާ އެއްޗެއް ހުއްޓައި ފެނުމުން އޭގެ ތެރެއިން އެތިއެތި ކޮޅު ނަގައިގެން ކެއުން (2) ދަހިކުދިން ނުވަތަ މީހުން އެތިއެތި ކޮޅުން ކެއުން
ސުރުވާ
ނ މަސް ނުވަތަ ތަރުކާރީ ފަދަ ތަކެތިން ވަކިގޮތަކަށް ތައްޔާރު ކުރާ ބުއިމެއް
ސުރެ
އ ފެށިގެން މިބަސް ބޭނުންކުރަނީ ވަގުތާ ނުވަތަ ޒަމާނާ ގުޅުވައި ގެންނެވެ މިސާލު: )ހ( ދުނިޔެ ފެށުނީއްސުރެ )ށ( ދޭއް ޖެހީއްސުރެ
ސުވަދަރުމަ
ނ އެންމެ މަތީ ވެރިޔާގެ އަރިހުން ލިބޭ ހެޔޮބަސް ނުވަތަ އުޖޫރަ
ސުވާލުމާކު
ނ ސުވާލަކަށް ހިމެނޭ ލަފުޒެއް ނުވަތަ ޖުމްލައެއް ނިމޭތާނގައި ޖަހާ ނިޝާނެއް މި ނިޝާން އޮންނަނީ؟ މިސިފަޔަށެވެ
ސުޓޫޑިއޯ
ނ (1) ކުރެހުންތެރިއަކު ނުވަތަ ފޮޓޯ ނަގާމީހަކު ނުވަތަ ލަވަ ކިޔާ މީހަކު ނުވަތަ ނަށާމީހަކު އޭނާގެ އެ މަސައްކަތް ކުރާތަން (2) ފިލްމް ނެގުމަށް ޚާއްސަކޮށް ހަދައިފައި ހުންނަ އިމާރާތް (3) އަޑު ރެކޯޑުކުރާ ކޮޓަރި (4) ޓެލެވިޜަނުން ދުރަށް ދައްކާ ނުވަތަ ރޭޑިޔޯއިން ދުރަށް އަޑު ފޮނުވާތަން
ސޫޖީ
ނ ރަވައިގައި ނުވަތަ ފާރޮށީކުނޑިގައި ކައްކާ ފޮނި އޮލަބުއިމެއް
ސެހެރީ
ނ (1) އެއްޗެއް ތައާރަފު ކުރުމުގެ ގޮތުން ދައްކާ ވާހަކަ ނުވަތަ ލިޔާލިޔުން (2) ތަރުވާޒު
ސެހެރުން
މ މަޖާޒު: )ޏ ( (1) ކަމަކަށް ނުވަތަ އެއްޗަކަށް އެދިމީހެއްގެ ގާތުގައި މާބޮޑަށް އާދޭސް ކުރުން (2) ކެނދުން
ސެންޓަރު
ނ (1) މަރުކަޒު (2) ކަމެއް ކުރުމަށް ނުވަތަ ހިންގުމަށް އުފައްދައިފައިވާ އޮފީސް
ސެންޓު
ނ (1) މީރުވަސް ދުއްވުމަށް ފޭރާމުގައި ނުވަތަ ހަށިގަނޑުގައި އުނގުޅާ ވަރަށް ހަލުއި ދިޔާ އެއްޗެއް (2) ބައެއް ޤައުމުތަކުގެ ފައިސާގެ ލާރިޔަށް ކިޔާނަން
ސެމީފައިނަލު
ނ މުބާރާތެއްގައި އެންމެފަހު މެޗްގެ ކުރިން ނުވަތަ އެންމެ ފަހު ބުރުގެ ކުރިން އޮންނަމެޗު ނުވަތަ ބުރު
ސޮހުން
މ (1) ބަނދެފައި ނުވަތަ އައްސައިފައިވާ އެއްޗެއް ދޫވެގެން ތިރިޔަށް ޖެހުން (2) ތިރިޔަށް އެލުން މިސާލު: އެ ގަމީސް އޮތީ މާބޮޑަށް ސޮހިފައެވެ (3) ތިރިޔަށްވެއްޓުން މިސާލު: )ހ( ފަޓްލޫނު ސޮހުން )ށ( މުންޑު ސޮހުން (4) އެއްލައިފައި ހުންނަ ތެލަނގަ ފަދަ ތަކެތި ވައިމަޑުވެގެން ތިރިވުން
ޑައިގުރާމު
ނ ހިސާބުގެ ބޭނުންތަކަށް ނުވަތަ ސައިންސްގެ ބޭނުންތަކަށް އެއްޗެއްގެ ބައިތައް ވަކިވާގޮތަށް ރޮނގުކުރެހުމުން ކުރަހައިފައިވާ ކުރެހުން
ޑަޑަން
ނ ބަޑިތަކެއް ތަޅައިގަތުން ފަދަ ނުވަތަ އަޑުގަދަވާ ކަހަލަ އެއްޗެހި ތަކެއް ވެއްޓުން ފަދަ ކަމަކުން އިވޭ އަޑު
ޑިވިޒަން
ނ (1) ތަނެއް ބަހައިލެވިފައިވާ ބައިތަކުގެ ތެރެއިން ބައެއް (2) ސިފައިންގެ ތިންބުރިގޭޑް ނުވަތަ ހަތަރު ބުރިގޭޑުގެ މައްޗަށް އެކުލެވޭ ބައެއް މިބައިގެ ކޮމާންޑަރަކަށް ޢާންމު ގޮތެއްގައި ހުންނާނީ މޭޖަރު ޖަނަރަލެކެވެ
ޑިވިޝަން
ނ (1) ވުޒާރާއެއް ނުވަތަ މަޙްކަމާއެއް ބަހައިފައިވާ ބައިތަކުން ބައެއް (2) ސިފައިން ބަހައިފައިވާ ބައިތަކުން ބައެއް (3) ޑިވިޒަން
ޑިގުރީ
(1) ކޮލެޖަކުން ނުވަތަ ޔުނިވަރސިޓީއަކުން ލިބޭ ފާސް (2) ކޮލެޖަކުން ނުވަތަ ޔުނިވަރސިޓީއަކުން މީހަކަށް ދޭ ޝަރަފުވެރިކަމުގެ ފާސް (3) ފިނިހޫނުމިން ބަލާ މިންގަނޑު ބައިކޮށްފައިވާ ބައިތަކުން ބައެއް (4) ވައް ރޮނގެއް 360 ބަޔަށް ބައިކޮށްފައިވާއިރު އެއިން ބައެއް (5) ދަރަޖަ މިބަހުގެ 5 ވަނަ މާނަބަލާ!