radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ކައްޓި
ނ ނަގިލިވައްޓާލީމާ ނަގިލީގެ ދަތް އަޑީގައި ހަރުލެއްވުމަށްޓަކައި ނަގިލީގެ ތަނޑުގެ ފަހަތުކޮޅުގައި ހުރަހަށް ހަރުކޮށްފައި އޮންނަދަގަނޑު
ކައްޓެޅި
ނ ފަރުމަހުގެ ބާވަތެއް މިއީ ދިގުކޮށް ފަތިކޮށް ހުންނަ މަހެކެވެ އަނގައާއި ލޯބޮޑެވެ މަހުގެ ދަތްތައް ކޮޅަށް އޫވެފައި ވަރުގަދައެވެ މަހުގެ ކުލައަކީ ގަދަމުށިކުލައެވެ މުޅި މަހުގައި ވައިލެޓު ކުލައިގެ އޮފެއް ހުރެއެވެ
ކައްޕިތާނު
ނ ވައިގެތެރޭގައި ނުވަތަ ކަނޑުގައި ދަތުރުކުރާ އުޅަނދުފަހަރުގައި ދަތުރާބެހޭގޮތުން ހުންނަ އެންމެ އިސްމީހާ
ކައްޗާދަވާދު
ނ ދަވާދުލާ ތަންތާނގައި ފުރަތަމަ ބަތާނަޔަށްލާ ދަވާދު
ކައްޗޭ
ނ (1) އިހުޒަމާނުގައި ހަނގުބޭކަލުން ބޮލުގައި އަޅާން ހަނިދިގުކޮށް ރާއްޖޭގައި ވިޔުނު ފޭރާމެއް. (2) މޫދުގައި އުޅޭ ހިމަދިގު ދެކޮޅުއެއްވަރު ދިރޭ އެއްޗެއް (3) މޫދުކައްޗޭ
ކައްޗޭބޯ
ނ ކައްޗޭއޮޅަން ލަކުޑިން ލިޔެފައި ހުންނަ އެއްޗެއް މީގެ މަތީކޮޅު ހުންނާނީ ވަށްކޮށެވެ މިހުންނާނީ ތަންތާނގައި ބެހެއްޓޭ ގޮތަށެވެ
ކަވަރު
ނ (1) މަޑައިގެ ވައްތަރެއް. މީގެ ކަނިފަށުގެ މެދުގައި ހުންނާނީ ހުޅުލާފައެވެ. ޖަހައިފައި ދަމައިގަތީމާ ކަނިފަށް ހުރަސްވާނެއެވެ. (2) އޮޑިދޯނިފަހަރު ބަންނައިރު މައްޔަލާއި ފަށަނާއި ވަވަތާއި އެއްކޮށްޖަހާ ފުރަތަމަ ތުނޑ ު (3) ފޮތުގެ ބޭރުން ލާ ގަނޑު
ކަވަރުނާ
ނ ފުރާދުއްވާ ބޮޑެތި އެއްޗެހި ބަނުމުގައި ފަށަނުން ފަށައިގެން އެތެރެއިން ބަނޑުފިލައިގައި މަތިކަނާ ހަމައަށް އަޅާވައް
ކަވާފުޅި
ނ ކަވާ ޖަހާތާނގައި ހިއްޕާން ހަދައިފައި އޮންނަ އެއްޗެއް މިކަމަށް ގެންގުޅެނީ ޖަނަވާރުގެ ދަޅެއް ބުރިކޮށްލައިގެން އޭގެ ބައެކެވެ
ކަވާޖެހުން
މ ކުރަފަތަކުން ޖަހައި ލޭކޮށައިލުމަށްފަހު އެތާނގެ ހަންގަނޑުގައި ކަވާފުޅި ހިއްޕައި ފުޅީގައި ހުންނަ ލޯވަޅުގައި އަނގަޖަހައި ނުބައިވެފައި ހުންނަ ލެޔާއި ނުބައި މާއްދާތައް ދަމައިގަތުން
ކަވި
ނ (1) ޅައުކުނު (2) ޖަނަވާރުގައި އަޅާ ކުދިކުދި ދިރޭ އެއްޗެއް (3) ހިކިމަހުގައި އަޅާ ކުދި ދިރޭ އެއްޗެއް (4) އެންމެ ކުދި ތަންމަކުނު (5) ކިރިޔާ އެނގޭވަރުގެ ކުދި ދިރޭ އެއްޗެއް (6) ނއ ކުދި (7) ކަމުގެ ކުދިކަމާއި ހިމުންކަމުން ކުރާ އުނދަގޫ
ކަވިއެޅުން
މ އެއްޗެއްގައި ނުވަތަ ތަނެއްގައި ކަވި އުފެދުން
ކަމަށްހެދުން
މ (1) ނެތް ސިފައެއް ހުރިކަމުގައި ދެއްކުން (2) ދޮގުން ކަންދެއްކުން މިސާލު: ނުދަންނަމީހަކު މާ ދަންނަ މީހެއްގެ ވައްތަރު ދެއްކުން
ކަމަންދު
ނ ޙަމަލާގައި ތިބޭ މީހުން އެކަކު އަނެކަކުގެ ކަރުގައި އަޅުވައިފައި ދަމައިގަންނާން ގެންގުޅުނު މަޅިއެއް މިއީ ކަނޑި ހަނގުރާމައިގެ ތެރޭގައި ކޮށް އުޅުނު ކަމެކެވެ
ކަމަރާ
ނ (1) ފުރާދުއްވާ އެއްޗެހީގެ ކޮޅުފަސްކޮޅުގައި ފުރާޅު ހަމަޔަށް ހަދައިފައި ހުންނަގެ (2) އޮޑިދޯނި ފަހަރުގައި މީހުން ނިދުމަށާއި ހިޔާވުމަށް ހަތަރެސްކަން ފޮށިގަނޑެއްހެން ހަދައިފައި ހުންނަހިޔާ (3) )ބދ ( އުޅުނބު
ކަމަރު
ނ (1) އުނަގަނޑުގައި އަޅާން ގެންގުޅޭ ބަކަލުގައި އެކި ވަރުވަރަށް ހަމަޖެއްސޭގޮތަށް ހަދައިފައި ހުންނަ ބަންދު (2) އެކިއެކި ބޭނުމަށްޓަކައި މޫނުމަތި އަޅުވައި ނެއްޓޭނޭހެން ހަދައިފައި ހުންނަ ބަންދު މިސާލު: )ހ( އަތުކުރީގަޑީކަމަރު )ށ( ތަންމަތިބަންނަކަމަރު
ކަމަރުބަންދު
ނ (1) އުނަގަނޑުގައި އަޅާ ކަމަރު ނުވަތަ އޭގެ ބަދަލުގައި ބަންނަ އެއްޗެއް (2) ނައުފަހަރުގެ ބާރީ
ކަމަކަށްވުން
މ މަޖާޒު: (1) ކަމެއް އެކަމެއްގެ ޒާތުގައި ވާނެއޭ ހީވާ ވަރަށް ވުރެ ބޮޑުވުން (2) މާކުޑަކަމެއް މާބޮޑުކަމެއްގެ ގޮތުގައި ނިމިގެން ދިއުން
ކަމާކެމި
ނ ކަމެއްގައި އެކުލެވިގެންވާ ހުރިހާ ކަމެއް
ކަމާލުކުރުން
މ (1) ތަނެއްގައި އެއްޗެހިތަކެއް ހަމަޖައްސައި ބެހެއްޓުން (2) މަޖާޒު: މުދާތަކެއް އަމިއްލަކުރުން