radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ބާސަލަ
ނ (1) އެތެރެ ގިރިގެން ހެދިފައި އޮންނަ ބޮޑު ބާގަނޑު (2) )ސ( ތަނަވަސް ކަނޑުއޮޅި
ބާސާ
ނ (1) ކިޔެވެލި ކިޔަވާއިރު ތިމާގެ މަޤުޞަދު ފާޅުކުރުމާއެކު މާތް ރަސްކަލާނގެ ކިބަޔަށް ދަންނަވާ ޘަނާ (2) ބައިސާ (3) ތާސްބައިގައި ރަސްގެފާނުގެ ތަސްވީރު ހުންނަގަނޑު
ބާސާބުނުން
މ (1) "ބާސާ" ކިޔުން (2) ކިޔެވެލި ކިޔަވާއިރު ތިމާގެ މަޤުޞަދު ފާޅުކުރުމާއެކު މާތް ރަސްކަލާނގެ ކިބަޔަށް ޘަނާ ދެންނެވުން
ބާސް
ނ ތިންތިން މަޑުލަށް ފަށަނާ އެއްކޮށް އަރުވާ އިލި
ބާސް އެޅުން
މ ފަށަނާ އެއްކޮށް ތިންތިން މަޑުލަށް އިލި ޖެހުން
ބާސްކިހިލި
ނ ކުޅިޖެހުމުގެ އުކުޅެއް މިއީ ދަނޑިކޮށީ މީހުން ކުޅިޖަހާއިރު ދެމީހުން ދެމީހުންނަށް ޖަހާ އެތި ފަހަރެކެވެ
ބާސްކީލި
ނ އެއްފަރާތުގެ ކޮނޑުވަޅުން އަނެއްފަރާތުގެ ކިހިލިފަތީގެ ދަށާ ދެމެދު
ބާސްކީލި ފައްޓަރު
ނ ބާސްކީލިން އަޅާ ފައްޓަރު މިއީ އިހުގައި ކުޑަކުދިންގެ ކަރުގައި އަޅައި އުޅުނު ގަހަނާއެކެވެ މިފަށް އަޅަނީ ބާސްކީއްޔަށްވާ ގޮތަށެވެ
ބާސްމަތީހަނޑޫ
މ ހަނޑުލުގެ އެންމެ މޮޅު ވައްތަރު
ބާސްމާ
ނއ )ޏ( (1) ވިޔާނުދާ (2) ބަސްނާހާ )މިބަސް އާއްމުކޮށް ބޭނުން ކުރަނީ ކުޑަކުދިންނާ މެދުގައެވެ ( (3) )ބދ ( ހަތުރު
ބާޑިފަށް
ނ (1) ބަޑީގެ އުންޑައިން ރަށް ދިފާޢު ކުރުމަށް އަތިރިމަތީގައި ޖަހައިފައި ހުންނަ އުސްފަސްގަނޑާ ގުޅޭ ހިސާބު (2) ހޭޅިފަށް (3) އަތިރިޔާ އެންމެ ކައިރީގައި ގެތައް ހުންނަ ހިސާބުގަނޑު
ބާޑީ ދުނބުރި
ނ ބާޑީ ޖެހުމަށް ބޭނުންކުރާ ދުނބުރި. މިކަމަށް ބޭނުންކުރަނީ ފަލަ ބޮޑެތި ދުނބުރިއެވެ. މިއީ އިހުގައި ދުޝްމިނުންގެ ނުރައްކަލުން ސަލާމަތްކުރުމަށް ބުރުޒުތަކުގެ ފާރުނިވައި ކުރުމަށް ކޮށްއުޅުނު ކަމެކެވެ އަދި ރާޅު އަރާ ދުވަސްވަރުވަރަށް މާލޭގަޔާއި ރާއްޖެތެރޭގައިވެސް ބާޑީ ޖެހުމަށް މިގޮތަށް ދުނބުރި ބޭނުންކޮށް އުޅުނެވެ
ބާޒާރުކުރުން
މ ބާޒާރަށްގޮސް އެއްޗެހިގަތުން
ބާޒު
ނ ދޫނީގެ ބާވަތެއް މިއީ ފައިން ވަކިހިއްޕައި ނޮޅައި ކައިއުޅޭ ދޫންޏެކެވެ މިދޫނި ބޮޑުވަނީ ގާތްގަނޑަކަށް މީޓަރެކަށެވެ މީގެ ސިފައަކީ މިދަރިކޮޅުގައި ހިމެނޭ "އެހެނޑަ" އާއި "ސުރުމުތި" ވެސް ތިބޭ ސިފައެވެ މިވައްތަރުގެ ހުރިހާ ދޫނިވެސް އުދުހޭނީ ހޯރައަޅައިގެނެވެ
ބާޒޫބަންދު
ނ (1) މުލައްދަނޑީގައި އަޅާ ތަވީދެއް މިއޮންނާނީ ފޮތި ކޮޅަކަށް ލައިފައި ބަންދެއްގެސިފައިގައެވެ (2) މުލައްދަނޑީގައި އަޅާއުޅާ
ބާޖީ
ނ ކަމެއްގައި ދެރަވިމީހަކު މޮޅުމީހަކަށް އެއްޗެއް ދޭން ނުވަތަ ކަމެއް ކޮށްދޭން ބުނާ ބުނުން
ބާޖުމެރުން
މ (1) ކަމެއްގައި ދެރަވިމީހަކު މޮޅުވިމީހަކަށް އެއްޗެއްދޭން ނުވަތަ ކަމެއް ކޮށްދޭން ބުނުން (2) ބާޖީމެރުން
ބިހަލަ
ނ (1) އަލައާއި ހިތްތަލަފަދަ ގޮނޑިފައިބާ އެއްޗެތީގެ ކާންކަމުނުދާހައި ކުދި އެއްޗެތި (2) ބިސުލަ
ބިހި
ނ (1) ގައިގެހަމުން އުފުލޭ ކުދިކުދި ތަންތަންކޮޅު މީގެ އެތައްވައްތަރެއް ހުރެއެވެ. މިސާލު: ދާބިހި ފެންބިހި ހަރުބިހި އުން. (2) ރޯގާގެ ގޮތުގައި ފެތުރޭ )ގައިގެހަމުންނަގާ( ބަލިބަލި. މިސާލު: ހިމަބިހި ފާނަބަސަންދު ކަށިވިދުރި (3) މޫނުގައި ޖަހާ އޮށާޅަ (4) ގަސްގަހުގެ ފަތުގެ ދަށުގައި ހުންނަ އެތިއެތިކޮޅު (5) ބައެއްތަކެތި ފެނުކެއްކީމާ ނުވަތަ ހޫނުކުރީމާ އުފުލޭ ކުދިކުދި ތަންކޮޅުކޮޅު (6) ޒިންކާއި އެލްމެނިޔަމް ފަދަ ތަކެއްޗަށް ލޮނުގެ އަސަރުކުރުމުން އުފުލިފައި ހުންނަ ހަރު ތަންކޮޅުކޮޅު
ބިހިއެޅުން
މ (1) ކަށިވިދުރިއެޅުން (2) (ލ) ބިސްއެޅުން