radheef.info
ރަދީފު


ބަ
އ އައްބަ
ޅަކާޅުވަސް
ނ މަޖާޒު: ބައެއްކުޑަކުދިން ފެންނުވަރާ ތިބޭއިރު ދުވާވަހެއް
ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ޅައިރުވާކެޔޮ
ނ ބަނބުކެޔޮގަހުން އިރުވާކެޔޮހުސްވުމާއި ހުޅަނގު ކެޔޮނިކުތުމާއި ދެމެދުގައި ނުކުންނަކެޔޮ
ޅައިކުރުން
މ ބޭހެއްގެ ސަބަބުން ހަށިގަނޑު ޅައި ވާނެގޮތް ހެދުން
ޅަފީ
ނ ބަތްއެތީގެ ގިނިމަޑުވުމުގެ ސަބަބުން ކެކިނުކެކި ހުރެގެން ހިނދޭ ހިނދުން
ޅަފީވުން
މ (1) ކައްކާ ބައެއްކާތަކެތި ގިނިމަޑުވެގެން ރަނގަޅަށް ނުކެކިހުރެ ހިނދުން (2) މަޖާޒު: ހަށިގަނޑަށް ލިބޭ ދެރަކަމަކުން ލޮޑުވެ ކަންތައްކުރާހިތް ނުވުން
ޅަދަރިބަފާ
ނ (1) ޅަދަރިންތިބި ފިރިހެނެއް (2) ކުދިންލިބި އެކުދިން ރަނގަޅަށް ބެލޭނޭގޮތް ނެތިފައިވާ ފިރިހެނެއް (3) މަޔަކާ ނުލާ ކުދިން ބަލަންޖެހިފައިވާ ފިރިހެނެއް
ޅަދަރިބަފާކަން
ނއނ (1) ޅަދަރިންތިބި ބަފައެއްކަން (2) ކުދިންލިބި އެކުދިން ރަނގަޅަށް ބެލޭނެގޮތް ނެތިފައިޥާ ފިރިހެނެއްކަން (3) މަޔަކާ ނުލާ ކުދިން ބަލަންޖެހިފައިވާ ފިރިހެނެއްކަން
ޅަދަރިބަފާވުން
މ (1) ޅަދަރިންތިބި ބަފައަކަށްވުން (2) ކުދިން ލިބި އެކުދިން ރަނގަޅަށް ބެލޭނެގޮތް ނެތިފައިވާ ފިރިހެނަކަށްވުން (3) މަޔަކާނުލާ ކުދިން ބަލަން ޖެހިފައިވާ ފިރިހެނަކަށްވުން
ޅަދަރިމައި
ނ (1) ޅަދަރިންތިބި އަންހެނެއް (2) ކުދިންލިބި އެކުދިން ރަނގަޅަށް ބެލޭނޭގޮތް ނެތިފައިވާ އަންހެނެއް (3) ބަފައަކާ ނުލާ ކުދިންބަލަން ޖެހިފައިވާ އަންހެނެއް
ޅަދަރިމައިކަން
ނއނ (1) ޅަދަރިންތިބި މައެއްކަން (2) ކުދިންލިބި އެކުދިން ރަނގަޅަށް ބެލޭނޭގޮތް ނެތިފައިވާ އަންހެނެއްކަން (3) ބަފަޔަކާ ނުލާ ކުދިންބަލަން ޖެހިފައިވާ އަންހެނެއްކަން
ޅަދަރިމައިވުން
މ (1) ޅަދަރިންިތިބި މަޔަކަށްވުން (2) ކުދިންލިބި އެކުދިން ރަނގަޅަށް ބެލޭނޭގޮތް ނެތިފައިޥާ އަންހެނަކަށްވުން (3) ބަފައަކާ ނުލާ ކުދިން ބަލަން ޖެހިފައިވާ އަންހެނަކަށްވުން
ޅަދުވަސް އައިސްގެން އުޅުން
މަޖާޒު: (1) ތިމާގެ އުމުރަށްވުރެ ޅަކޮށް އުޅެންފެށީމާ ބުނެއުޅޭ ބަހެއް (2) މުސްކުޅި އުމުރުގައި ޅަކުދީންނާ ހިތާވެ މީހުންނާ އިނދެ އުޅުމުން ބުނާބަހެއް
ޅަޖެހުން
މ (1) އޮޑިދޯނި ފަހަރުގެ އެތެރެވަތުގައި ދެބަނޑު ފިޔަލަށް ފޯރާވަރަށް ހުރަހަށް ޅައަޅައިފައި އޭގެމަތީގައި ފަންޖެހުން (2) އޮޑިދޯނިފަހަރުގެ ވަތުގައި ހުރަހަށް އަޅާން ދަރުދަނޑީން ތައްޔާރު ކޮށްފާ އޮންނަ އަށިގަނޑު އެތެރެވަތުގައި އަޅާ ފަންގިދަމާ ހެދުން
ޅިސްޖެހުން
މ މަޖާޒު: ކަމުން ކަމުން ގޮސް ބަނޑުފުރި ސިކާރަވުން
ޅިސްޖެހެންދެންކެއުން
މ ކަމުން ކަމުން ގޮސް )ބަނޑު ބޮޑުވުމުންވެސް ހުއްޓާނުލާ( ބަނޑަށް އުނދަގުވާ ވަރަށް ކާތަކެތީން މުޅިބަނޑުފުރާލުން
ޅިޔަ
ނ (1) ލަކުޑިގަނޑުގައި އުއިނާރާ އޮންނަތަން (2) ގަސްގަނޑުގެތެރެއަށް ތޮށި ވަދެފައި އޮންނަތަން (3) މަސްގަނޑުތެރޭ ހުންނަ ފަށްފަށް (4) ވަކިބާވަތެއްގެ ކުރެހުމަކައި ލިޔުމެއްގެސިފަ (5) މަސްގަނޑުބުރިވެ ވަކިނުވާވަރަށް ވަޅިން އަޅާތަން (6) މަސްގަނޑުގައި ހުރަހަށްއަޅާ ދެޅިޔަދޭތެރޭގެ ފޮތިވަރު (7) ބައެއްތަކެތި ވަކިނުކޮށް ކަފައިފައި ހުންނަ ކެފުން
ޅިޔަނެގުން
މ އަކުރުތަކެއްގެ ބައްޓަމަށް ޅިޔަކަނޑައި ނަގާކުރެހުން މިކަން އާއްމުކޮށް ކޮށްއުޅެނީ ލަކުޑީގައެވެ
ޅިޔައަކުރު
ނ ފައިކޮޅުތައް ދިގުކޮށް ހުންނާނޭހެން ލާމަހަމުން ލިޔެފައިހުންނަ ޢަރަބި ލިޔުމެއް މިބަލަލާއިރު ފުރަތަމަ ފެންނާނީ ކުރެހުމެއް ހެންނެވެ އިހުގެ ބައެއް މިސްކިތް މިސްކިތުގެ ބެރީގައްޔާއި ބައެއް މަހާނަގަލުގައި މިލިޔުން ލިޔެފައި ހުރެއެވެ
ޅެން
ނ ހިތުގައި އުފެދޭ ޝުއޫރެއް ނުވަތަ ހިތަށްވައްދާ ޝުއޫރެއް މާނައެއް ދޭހަވާގޮތަށް ވަޒަނަކަށް ފެތޭނޭހެން ބައިތުތަކެއްގެ މައްޗަށް އެކުލަވައިލައިގެން ފާޅުކުރާ ބަސްތައް