radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ގިޓާ
ނ މިޔުޒިކު ކުޅެން ގެންގުޅޭ ނަރުފުރައިފައި ހުންނަ އާލަތެއް މީގައި ނަރުފުރައިފައި ހުންނަނީ މައިގަނޑުން ބޭރަށް ހުންނަ ދަނޑިއެއްގައެވެ ކަރަންޓުން ބޭނުންކުރާ ގިޓާއާއި އާދައިގެ ގިޓާހުރެއެވެ
ގިޔަރު
ނ އެކިބާވަތުގެ އިންޖީނުގައި ހުންނަ އިންޖީނުގެ ހިނގުމާއި ފުރޮޅު ނުވަތަ ބުރަފައްޗާ ގުޅުވައިދޭ އެއްޗެހި މިބޭނުންކޮށްއުޅެނީ އިންޖީނުގެ ހިނގުމާއި އެއިންޖީނާއި ގުޅިފައި ހުންނަ ފުރޮޅު ނުވަތަ ބުރަފަތި ފަދަ އެއްޗެހީގެ ހިނގުމުގެ އަވަސް ލަސްކަމަށް ބަދަލު ގެނައުމަށެވެ
ގުނބުރަހަ
ނއ ބައެއްފާޑުގެ ފަރުމަހާއި އެއްގަމުމަހުގައިދޭ ނުބައި ރަހައެއް މިރަހަ އެންމެ ގަދަޔަށް ދޭނީ މަޑިމަހާއި މިޔަރު މަހުގައެވެ
ގުނަކުރާފާހަގަ
ނ ހިސާބު ޢިލްމުގައި ބޭނުންކުރާ ނިޝާނެއް މިނިޝާނުގައި ހުންނާނީ ކައްތިރިވާގޮތަށް ހުންނަ ދެރޮނގެވެ
ގުރާ
ނ ދޫނީގެ ބާވަތެއް. މީގެ އެންމެ ޚާއްޞަ ސިފައަކީ ތުންގަނޑު ގުދުކޮށް ހުންނަކަމެވެ. މީގެ ބޮޑެތި އެއްޗެއްސާއި ކުދި އެއްޗެހި އުޅެއެވެ. މިއީ ވަރަށް ރީތި ދޫންޏެކެވެ
ގުރުވަދޫނި
ނ ފެންފޯއްދޫންޏާ ވަރަށް އެއްވައްތަރުގެ ކުޑަކުޑަ ދޫންޏެއް އާއްމުކޮށް މިދޫނި އުޅޭނީ ދަނޑުދަނޑާއި ވިނަފަޅައިފައި ހުންނަ ތަންތާނގައެވެ
ގުރުޒު
ނ (1) އިހުގައި ހަނގުރާމަވެރިން ބޭނުންކުރި ހަތިޔާރެއްގެ ނަން މިހަތިޔާރު ހުންނަނީ އެއްކޮޅު ވައްކޮށް ފަލަކޮށެވެ ހިފަން މުށްގަނޑެއް ލައިފައެވެ (2) ތާރަޖަހާއިރު ނަށާމީހުން ވަކިހަމަޔަކަށް ޖަހަންގެންގުޅޭ ކުރުދަނޑިކޮޅެއް ލައިފައި އޮންނަ ލޯބޮޅު ފައްޗެއް
ގުޅަކުޅޭފަސްގަނޑު
ނ އިހުގައި ބޮޑުގަނޑުވަރުގެ ކުރިމަތީގައި މިހާރުގެ ސަލްޓަންޕާކުގެ ކުރިމަތީގައި އެކިއެކި ރަސްމީ ބޭނުންތަކަށް ބާއްވައިފައި އޮންނަ ހުސްބިމެއް ހަވަރު އެއްވާނީ އެތަނަށެވެ
ގުޅިތު
ނ ބޯ ކަނޑައިގެން ވައްދާ އިސްކުރުފަދަ ތަކެތިޖަހާއިރު އިސްކުރުގެބޯ ފޮރުވަން އިސްކުރުގެ މައްޗަށް ޖަހާއެތިކޮޅެއް މިހުންނަނީ ކީލި ހުރަހަށެވެ )އެޖަހާ އެއްޗަކާ އެއްކޮޅަށެވެ
ގުއިބުރަނދަ
ނ ތިލަފަޅުފަޅުގައި ގިނައިން އުޅޭމަހެއް މިމަސް ގިނައިން އުޅެނީ ރަށްރަށުގެ ގޮޑުދޮށްތަކާއި ކައިރީ ތޮށިގަނޑު ކައިރީގައެވެ
ގުއިތަފާލީގައި ދަނޑިންތެޅުން
ނ )ސ ( ކުރާކަމަކުން އެއްވެސް ފައިދާއެއް ނުލިބުނީމާ ބުނެއުޅޭބަހެއް
ގުދަންމަސް
ނ އުނގުރުމަތީގައި ގުދެއް އޮންނަ ފަރުމަހެއް މިމަސް ގިނައިން އުޅޭނީ ކަނޑުގެރި ކިޔާމަހާ އެކުގައި ފަރުފަރުގެ އަޑީގައެވެ
ގުލްކަނދު
ނ ހަކުރާއި މަލުފިޔަ އެއްކޮށް އަވީގައި ނުވަތަ ހަނދުވަރުގައި ބަހައްޓައިގެން ތައްޔާރުކުރާ އެއްޗެއް މި ބޭނުންކުރަނީ ބޭސްވެރިކަމަށާއި ފޮނި ކާތަކެތީގައި ރަހަލެއްވުމަށެވެ އާއްމުކޮށް ގުލްކަނދު އަޅަނީ ފިނިފެން މަލުގައި ނުވަތަ ޗާނދަނީ މަލުގައެވެ
ގުލްއަލާ
ނ ދިގު ތަނޑެއްގައި ހުންނަ ބޮނޑި މަލެއްއަޅާ ގަހެއް މިގަސް ހެދެނީ އަސުރުމާ ގަހާ ދާދި އެއް އުސްމިނަކަށެވެ މިމަލުގެ ތަފާތު ކުލަކުލަ ހުރެއެވެ
ގުލްސަންޕާ
ނ ކިރު ގިނަގަހެއް މިގަހުގެ ފަތް ހުންނާނީ ކޮޅު ތޫރިކޮށެވެ މިގަހުގެ ތޮށި ވަރަށް ބޮލެވެ އާއްމުކޮށް ރާއްޖޭގައި ހުންނަނީ މީގެ ދެވައްތަރެކެވެ އެއީ ހުދު ގުލްސަންޕާ އާއި ރަތް ގުލްސަންޕާއެވެ
ގުގުރި ތަސްބީހަ
ނ ގުގުރީގެ އަޑު އިވުނީމާ ކިޔާ ތަސްބީހަ
ގުގުރިފިލާ
ނ ބިންމަތީގައި އުފެދޭ ވައްތަރެއްގެ ފެއްސެއް މި ވައްތަރުވާނީ ހިކި ފަތްކޮޅަކާއެވެ ނަމަވެސް ވިއްސާރައިރު ހުންނާނީ ފެންވަދެ ފޯވެފައި ކަޅުފެހިކުލައިގައެވެ މިއީ ލޮނދި ގޮތެއް ހުންނަ އެއްޗެކެވެ
ގުޑި
ނ (1) އޮނު ނުވަތަ އިލޮށިން މައިގަނޑެއް ހަދައި އޭގައި ކަރުދާސް ތަތްކޮށް ވަޔަށް އެއްލުމަށް ހަދާ އެއްޗެއް. (2) ދިވެހި ރުކުގެ ރާ ބޭލުމަށް ހަދައިފައި ހުންނަ އެއްޗެއް. މި ހަދައިފައި ހުންނާނީ އުނބު ރީތިކޮށް މަށައި އެކަތި އަނެކައްޗާ ގުޅުވައިގެންނެވެ (3) މާމުޔާއި ހަކުރުފަދަ ތަކެތި ވާ ކަނި
ގޫހައު
ނ )ސ ( ފަރުމަތީ ގައްޔާއި ވިލުގައި އުޅޭ ހަނދިވައްތަރު ކަޅުކުލައިގެ މަހެއް މިމަސް ވައްތަރުވާނީ އޮރިއާއެވެ މީގެ ނިގޫފަތުގެ ކޮޅު ހުންނާނީ ވަރަށް ހިމަކޮށް ދިގުކޮށެވެ
ގޫކަޅިޔާ
ނ )ގ ( ބޯވަދިލަމަހާއި ބޯވާފަދަ އެއްޗެހީގެ ހަށިގަނޑުގައިވާ ކުޑަކުޑަ ގުނަވަނެއް މީގައި ހުންނަނީ ގަދަކުލަޔެއްގެ ދިޔައެކެވެ މީގެ ބޭނުން ކުރަނީ ބިރުގަތުމުންނާއި ދުޝްމިނުންގެ ފުށުން ސަލާމަތްވުމަށެވެ