radheef.info
ރަދީފު


ޒ
އ ތާނައިގެ 91 ވަނަ އަކުރު
ތަރުތީބު
ނ (1) ރަނގަޅަށް އަތުރައިފައިވާ އެތުރުން (2) ރަނގަޅަށް ކުރެވިފައިވާ އިންތިޒާމު
ތަރުތީބުކަން
ނއނ (1) ރަނގަޅަށް އަތުރައިފައިވާ ކަން (2) ރަނގަޅަށް އިންތިޒާމްކުރެވިފައިވާކަން
ތަރުތީބުކުރުން
މ (1) ރަނގަޅަށް އެތުރުން (2) ރަނގަޅަށް އިންތިޒާމު ކުރުން
ތަރުތީބުވުން
މ ވަކިޤަވާޢިދަކަށް ނުވަތަ ވަކިހަމައަކަށް އިންތިޒާމުވުން
ތަރުތޯރާވުން
މ )ސ ( (1) ހަމަޖައްސައިލުން (2) އިންތިޒާމުކޮށްލުން
ތަރުޖަމާނުކަން
ނއނ ތަރުޖަމާކުރާ މީހާގެ ވަޒީފާ
ތަރޮމޯޒު
ނ )ޏ ( ތަރުމޯޒު
ތަރޮމޯޒެ
ނ )ގ ( ތަރުމޯޒު
ތަބުލާ
ނ މިޔުޒިކުކުޅޭއިރު ބެރުޖަހާގޮތަށް ޖަހަން ގެންގުޅޭ އެއްޗެއް މިޖަހާއިރު ގެންގުޅެނީ މީގެދޭއްޗެވެ މިހުންނަނީ ބޮޑު އުނބެއްގެ ސިފައިގައެވެ މަތީގައި ހަންއަޅައިފައެވެ ތަބުލާޖޯޑުގެ ދޭތީގެ ސިފަ ތަފާތެވެ
ތަޅައިބުރުއްސުން
މ (1) ކުކުޅުހާފަދަ ތަކެތިގޭދޮށަށް ނާންނަގޮތަށް ފައްސައި ދުރަށްލުން (2) މަޖާޒު: ވަކިހަމައެއްނެތި ބޭކާރުގޮތުއި ފައިސާ ނުވަތަ މުދާ ހޭދަކުރަމުން ގެންދިއުން (3) އެއްވެފައިވާ މީހުންތަކެއް ވިއްސިވިހާލިކުރުން
ތަޅާއަޅައިފައިދިއުން
މ މަޖާޒު: މާބާރަށް ދާދިއުމަށް ބުނެއުޅޭ ގޮތެއް
ތަޅާލުން
މ (1) ފުނޑުފުނޑުވާގޮތަށް މުގުރޭގޮތަށް ހުރިއެއްޗެއް ނުވަތަ ތަނެއްހަލާކުކޮށްލުން (2) މީހަކަށް ވަރަށް ބޮޑަށް ހާނީއްކަކުރުން (3) މަޖާޒު: އަންހެނަކާ ނަހަމަގޮތުން ޖިންސީގުޅުން ހިންގުން
ތަޅުވައިލުން
މ (1) ހަލުވައިލުން (2) ގުޑުވައިލުން މަޖާޒު: (3) ވާހަކައެއް ފަތުރައިލުން (4) މީހެއްގެ ކިބައިން ވަކިވާހަކައެއް ހޯދަންވެގެން އޭނާލައްވައި ވާހަކަދެއްކުވުން
ތަޅުވައިގަތުން
މ (1) ހަލުވައިގަތުން (2) މަޖާޒު: އަނގަ ގަދަކޮށްގަތުން
ތަޅުމަޅުގަނޑުނެއްޓުން
މަޖާޒު: ކަމަކަށް އެޅިފައިވާ ހުރަހެއް ނެތިގެން ދިއުން
ތަޅުމަޅުގަނޑުއެޅުން
މަޖާޒު; (1) ކުރިންހުރިގޮތަށް ހަމެޖެހުން (2) ވަންހަނާކުރަން ބޭނުންކަމެއް ރަނގަޅަށް ވަންހަނާވާގޮތްވުން
ތަކުރުހެއްދުން
މ ބޮޑެތިމީހުން އަޅާ ޒާތްޒާތުގެ ހެދުން އަޅުވައިގެން ކުޑަކުދިންގެންގުޅުން
ތަކުރުފާނު
ނ (1) ފިރިހެނުންނަށް ކިޔައިއުޅޭ ނަމެއް (2) ތަކުރު މިބަހުގެ މާތްގޮތް (3) މަނިކު ކިޔާމީހަކަށް ކޮއްޔެއްލުމުން ނުވަތަ މަޖިލީހަށް އެރުވުމުން ނުވަތަ ޒިކުރަށް އެރުވުމުން ކިޔާގޮތް
ތައުބާ
ނ (1) ކުރެވިފައިވާ ކުށްފާފަ އިޙްސާސްކޮށް ކުރާ ހިތާމަ (2) އެފަދަކަމެއް ނުކުރުމަށް ކުރާޤަޞްދާއި ކަނޑައަޅާޢަޒުމް
ތައުބާވުން
މ (1) ކުރެވިފައިވާ ކުށްފާފަ ހަނދާންކޮށް ހިތާމަކުރުން (2) އެފަދަކަމެއް ނުކުރުމަށް ގަސްތުކޮށް ޢަޒުމު ކަނޑައެޅުން